android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabad News: રખિયાલમાંથી રૂ.2.83 લાખનું મેફેડ્રોન ડ્રગ્સ ઝડપાયું, એક પેડલરની ધરપકડ, બે ફરાર
calendar_today June 7, 2026

Ahmedabad News: રખિયાલમાંથી રૂ.2.83 લાખનું મેફેડ્રોન ડ્રગ્સ ઝડપાયું, એક પેડલરની ધરપકડ, બે ફરાર

અમદાવાદ શહેરમાં નશાના કારોબાર સામે લાલઆંખ કરતાં ક્રાઈમ બ્રાન્ચે પૂર્વ વિસ્તારમાં આવેલા રખિયાલમાંથી મેફેડ્રોન ડ્રગ્સ (MD) નો જથ્થો ઝડપી પાડવામાં મોટી સફળતા મેળવી છે. ક્રાઈમ બ્રાન્ચની ટીમે ચોક્કસ બાતમીના આધારે રખિયાલના મોરારજી ચોક વિસ્તારમાં દરોડો પાડ્યો હતો. આ કાર્યવાહી દરમિયાન પોલીસે આશરે 2.83 લાખ રૂપિયાની બજાર કિંમત ધરાવતું 87.94 ગ્રામ મેફેડ્રોન ડ્રગ્સ કબ્જે કર્યું છે.પેડલર સમીર પઠાણ ગિરફ્તાર પોલીસે પ્રતિબંધિત ડ્રગ્સના આ જથ્થા સાથે સ્થળ પરથી ડ્રગ પેડલર સમીર પઠાણ નામના શખ્સની ધરપકડ કરી લીધી છે. જોકે, પોલીસની આ રેડ દરમિયાન ડ્રગ્સના નેટવર્ક સાથે જોડાયેલા અન્ય બે આરોપીઓ સલમાન અને આફતાબ નામના શખ્સો પોલીસને થાપ આપીને ઘટનાસ્થળેથી ફરાર થઈ જવામાં સફળ રહ્યા હતા. પોલીસે પકડાયેલા આરોપી પાસેથી ડ્રગ્સના સોર્સ અંગે પૂછપરછ શરૂ કરી છે. ક્રાઈમ બ્રાન્ચે તપાસ તેજ કરી આ મામલે અમદાવાદ ક્રાઈમ બ્રાન્ચે ગુનો દાખલ કરીને કાયદેસરની તપાસ હાથ ધરી છે. પોલીસ હવે એ દિશામાં તપાસ ચલાવી રહી છે કે આ ડ્રગ્સનો જથ્થો ક્યાંથી લાવવામાં આવ્યો હતો અને શહેરમાં અન્ય કોને સપ્લાય કરવાનો હતો. આ સાથે જ ફરાર થઈ ગયેલા બંને આરોપીઓ સલમાન અને આફતાબને ઝડપી પાડવા માટે પોલીસે જુદી-જુદી ટીમો બનાવીને ચક્રો ગતિમાન કર્યા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Banaskanthaના દિયોદરમાં રહેણાંક વિસ્તારમાં ગેરકાયદેસર માંસ-મટનની દુકાનો સામે ભારે વિરોધ
calendar_today June 7, 2026

Banaskanthaના દિયોદરમાં રહેણાંક વિસ્તારમાં ગેરકાયદેસર માંસ-મટનની દુકાનો સામે ભારે વિરોધ

બનાસકાંઠા જિલ્લાના દિયોદર શહેરમાં રહેણાંક વિસ્તારોમાં ચાલી રહેલી ગેરકાયદેસર માંસ-મટનની હાટડીઓ સામે સ્થાનિક વસાહતીઓ અને મહિલાઓમાં ભારે આક્રોશ ફાટી નીકળ્યો છે. લાંબા સમયથી ચાલી રહેલી આ પ્રવૃત્તિ અને મૂંગા પશુઓની કથિત હત્યાના મુદ્દે સ્થાનિક મહિલાઓ અને ગૌપ્રેમીઓનો વટ વણસેલી સ્થિતિમાં જોવા મળ્યો હતો. વારંવાર તંત્રને લેખિત અને મૌખિક રજૂઆતો કરવા છતાં પણ કોઈ નક્કર કાયદેસરની કાર્યવાહી ન થતાં આખરે સ્થાનિકોએ રસ્તા પર ઉતરવાની ફરજ પડી હતી.મહાદેવ મંદિરથી પોલીસ સ્ટેશન સુધી ભવ્ય રેલી આ ગેરકાયદેસર પ્રવૃત્તિના કાયમી નિકાલ માટે દિયોદરના સ્થાનિકો, ગૌરક્ષકો અને મોટી સંખ્યામાં મહિલાઓ એકત્રિત થયા હતા. વિરોધના ભાગરૂપે સ્થાનિક મહાદેવ મંદિરથી લઈને દિયોદર પોલીસ સ્ટેશન સુધી એક વિશાળ વિરોધ રેલીનું આયોજન કરવામાં આવ્યું હતું. પશુઓની ગેરકાયદેસર હત્યા અને માંસના ખુલ્લેઆમ વેચાણ સામે સૂત્રોચ્ચાર કરીને મહિલાઓ અને ગૌપ્રેમીઓએ પોતાનો ઉગ્ર વિરોધ પ્રદર્શિત કર્યો હતો અને સમગ્ર પંથકમાં ચકચાર મચાવી દીધી હતી. પોલીસને આવેદનપત્ર આપી કડક પગલાંની માંગ રેલી સ્વરૂપે પોલીસ મથકે પહોંચેલા સ્થાનિકોના ટોળાએ પશુઓની ગેરકાયદેસર કતલ અને ગેરકાયદેસર હાટડીઓ ચલાવતા તત્વો સામે કડક કાનૂની પગલાં ભરવાની માંગ સાથે પોલીસ અધિકારીને આવેદનપત્ર સુપરત કર્યું હતું. મહિલાઓએ આક્રોશપૂર્વક જણાવ્યું હતું કે રહેણાંક વિસ્તારમાં આવી દુકાનોના કારણે ધાર્મિક લાગણીઓ દુભાઈ રહી છે. પોલીસે આવેદનપત્ર સ્વીકારીને આ મામલે કાયદેસરની તપાસ હાથ ધરી યોગ્ય કાર્યવાહી કરવાની ખાતરી આપી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Gujarat Latest News Updated: ગીરગઢડા પાસે ત્રિપલ અકસ્માત: રાજકોટના કાર ચાલકનું મોત
calendar_today June 7, 2026

Gujarat Latest News Updated: ગીરગઢડા પાસે ત્રિપલ અકસ્માત: રાજકોટના કાર ચાલકનું મોત

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 07JUNE ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward