Viramgam News: ઘર કંકાસમાં પત્ની અને પુત્રએ જ કરી વેપારીની હત્યા, ખુલ્લું પડ્યું અકસ્માતનું નાટક!
અમદાવાદ જિલ્લાના વિરમગામ શહેરમાંથી એક હૃદયકંપાવનારો કિસ્સો સામે આવ્યો છે. અહીંની વ્રજ વિહાર સોસાયટીમાં રહેતા અને 'અક્ષર જ્વેલર્સ' નામની દુકાન ધરાવતા 48 વર્ષીય સોની વેપારી દીપકકુમાર રાધનપુરાના શંકાસ્પદ મોતનો ભેદ ઉકેલાયો છે. શરૂઆતમાં સીડી પરથી પડી જવાથી અકસ્માતે મોત થયું હોવાનું નાટક રચવામાં આવ્યું હતું, પરંતુ ફોરેન્સિક પીએમ રિપોર્ટમાં સગા દીકરા અને પત્નીએ જ તેમની હત્યા કરી હોવાનો ખુલાસો થયો છે.ધંધા બાબતે થયો હતો ઝઘડો દીપકકુમાર સોનીની જ્વેલર્સની દુકાન પર તેમનો પુત્ર ઉદય સોની વેપારમાં મદદ કરતો ન હોવાથી પિતાએ તેને ઠપકો આપ્યો હતો. આ બાબતે પિતા અને પુત્ર વચ્ચે ઉગ્ર બોલાચાલી થઈ હતી. ઘરમાં છેલ્લા ઘણા સમયથી પારિવારિક કંકાસ ચાલતો જ હતો, તેવામાં આ બોલાચાલી ઉગ્ર બનતાં પુત્રનો પક્ષ લઈને માતા દિવ્યાનીબેન પણ ઝઘડામાં કૂદી પડી હતી અને મામલો લોહીયાળ ખેલમાં પરિણમ્યો હતો. લાકડાના ઘોકાથી હિંસક હુમલો ઝઘડો વધતાં જ માતા દિવ્યાનીબેન અને પુત્ર ઉદય સોનીએ એકસંપ થઈને દીપકકુમાર પર લાકડાના ઘોકા વડે નિર્દયતાથી હુમલો કર્યો હતો. તેમણે દીપકકુમારના માથાના ભાગે ફટકા મારી ગંભીર ઈજાઓ પહોંચાડી હતી અને ગૂંગળામણ કરીને તેમને મોતને ઘાટ ઉતારી દીધા હતા. વિરમગામ ટાઉન પોલીસે ગુનાનો ભેદ ઉકેલી હત્યારા પત્ની અને પુત્ર સામે હત્યાનો ગુનો દાખલ કરી બંને આરોપીઓની ધરપકડ કરી લીધી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward