Rajkot News: ધીરેન્દ્ર શાસ્ત્રીના દરબાર પહેલા પુરૂષોત્તમ પીપળીયાની અટકાયત
રાજકોટમાં આજે આયોજિત બાગેશ્વરધામના પીઠાધીશ ધીરેન્દ્ર કૃષ્ણ શાસ્ત્રીના 'દિવ્ય દરબાર'ને લઈને એક મોટા સમાચાર સામે આવી રહ્યા છે. દિવ્ય દરબારનો ઉગ્ર વિરોધ કરી રહેલા રાજકોટના જાણીતા સામાજિક અગ્રણી પુરૂષોત્તમ પીપળીયાની પોલીસે અટકાયત કરી લીધી છે. બાબા ધીરેન્દ્ર શાસ્ત્રીના કાર્યક્રમ સ્થળે પહોંચીને વિરોધ પ્રદર્શન કરે તે પૂર્વે જ પોલીસે આ આકરી કાર્યવાહી કરી છે.દિવ્ય દરબારમાં જવા રવાના થાય તે પહેલા જ દબોચી લેવાયાઘટનાની મળતી માહિતી અનુસાર, સામાજિક અગ્રણી પુરૂષોત્તમ પીપળીયા બાગેશ્વરધામના દિવ્ય દરબારમાં જવા માટે અને ત્યાં રૂબરૂ વિરોધ નોંધાવવા માટે મક્કમ હતા. તેઓ પોતાના ઘરેથી કાર્યક્રમ સ્થળ તરફ રવાના થાય તે પહેલા જ ત્યાં પહેરેહાલ તૈનાત રહેલી પોલીસની ટીમે તેમની અટકાયત કરી લીધી હતી. અત્રે ઉલ્લેખનીય છે કે, કાયદો અને વ્યવસ્થાની સ્થિતિ ન બગડે તે માટે અગાઉથી જ પોલીસ દ્વારા તેમના ઘરની બહાર ચુસ્ત બંદોબસ્ત ગોઠવી દેવામાં આવ્યો હતો.બાબા ધીરેન્દ્ર શાસ્ત્રીને આપી હતી ખુલ્લી ચેલેન્જપુરૂષોત્તમ પીપળીયાએ બાગેશ્વરધામના આ આયોજનને 'દિવ્ય દરબાર' નહીં પણ 'પ્રેત દરબાર' ગણાવ્યો હતો. તેમણે બાબા ધીરેન્દ્ર શાસ્ત્રીને ખુલ્લો પડકાર ફેંકતા કહ્યું હતું કે, જો બાબા ચમત્કારી હોય તો તેમના પ્રશ્નોના સાચા જવાબ આપી બતાવે. જો બાબા સાચા જવાબ આપશે, તો તેઓ પોતે વિરોધ કરવાનું છોડીને બાબાના પરમ ભક્ત બની જશે અને તેમનો પ્રચાર કરશે. આ પડકાર બાદ રાજકોટમાં માહોલ ગરમ થયો હતો.કાયદો અને વ્યવસ્થા જાળવવા કાર્યવાહી: પોલીસનું રટણપુરૂષોત્તમ પીપળીયાની અટકાયત અંગે સ્થાનિક પોલીસ અધિકારીઓનું કહેવું છે કે, બાગેશ્વરધામના દરબારમાં હજારોની સંખ્યામાં ભક્તો ઉમટવાના છે. આવા સમયે જો કોઈ વિરોધ પ્રદર્શન થાય તો કાયદો અને વ્યવસ્થાની સ્થિતિ કથળી શકે છે, તેમજ ઘર્ષણ થવાની પણ સંભાવના રહેલી છે. આથી, શહેરમાં શાંતિ જાળવી રાખવા અને કોઈ અનિચ્છનીય ઘટના ન ઘટે તે માટે સાવચેતીના ભાગરૂપે કાયદાકીય જોગવાઈ હેઠળ પુરુષોત્તમ પીપળીયાની અટકાયત કરવામાં આવી છે. હાલ આ એક્શન બાદ રાજકોટમાં ચર્ચાનો દોર તેજ બન્યો છે.આ પણ વાંચો - Rajkot News: સામાજિક અગ્રણી પુરૂષોત્તમ પીપળીયાએ બાગેશ્વર ધામના ધીરેન્દ્ર શાસ્ત્રીને પડકાર ફેંકી કહી આ મોટી વાત
Read Full Story arrow_forward