android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabad સિવિલ હોસ્પિટલમાં યુપીના માસૂમને મળ્યું નવું જીવન, ક્ષતિગ્રસ્ત જનનાંગની જટિલ સર્જરી સફળ
calendar_today June 6, 2026

Ahmedabad સિવિલ હોસ્પિટલમાં યુપીના માસૂમને મળ્યું નવું જીવન, ક્ષતિગ્રસ્ત જનનાંગની જટિલ સર્જરી સફળ

મુખ્યમંત્રી ભૂપેન્દ્ર પટેલના માર્ગદર્શન અને આરોગ્ય રાજ્યમંત્રી પ્રફુલ પાનશેરીયાના નેતૃત્વમાં ગુજરાત સરકારની પ્રજાલક્ષી આરોગ્ય નીતિ અને સરકારી હોસ્પિટલોની ઉચ્ચ ગુણવત્તાયુક્ત તબીબી સેવાઓનું ઉત્તમ ઉદાહરણ ફરી એકવાર અમદાવાદ સિવિલ હોસ્પિટલમાં જોવા મળ્યું છે. અમદાવાદ સિવિલ હોસ્પિટલના બાળરોગ સર્જરી (પીડિયાટ્રિક સર્જરી) વિભાગના નિષ્ણાત તબીબોએ અત્યંત જટિલ અને દુર્લભ ગણાતી સર્જરી કરીને ઉત્તર પ્રદેશના એક સામાન્ય ખેડૂત પરિવારના 12 વર્ષના બાળકને નવી જિંદગી આપી છે.25 દિવસની ઉંમરે કૂતરાએ કર્યો હતો ક્રૂર હુમલોઉત્તર પ્રદેશના આગ્રાના વતની સુરેશ યાદવનો પુત્ર જ્યારે માત્ર 25 દિવસનો હતો, ત્યારે એક કૂતરાએ તેના પર હુમલો કરીને તેના બાહ્ય જનનાંગને ગંભીર રીતે ક્ષતિગ્રસ્ત કરી દીધું હતું. જેમ જેમ બાળકની ઉંમર વધી તેમ તેમ તેની મુશ્કેલીઓ અસહ્ય બની ગઈ. બાળકને પેશાબ કરવામાં અત્યંત તકલીફ પડતી હતી અને જનનાંગનો વિકાસ સંપૂર્ણ અટકી ગયો હતો. દેશભરમાં અનેક જગ્યાએ સારવાર માટે ફર્યા છતાં કોઈ કાયમી ઉકેલ ન મળતા આખરે આ ગરીબ પરિવાર મોટી આશા સાથે અમદાવાદ સિવિલ હોસ્પિટલ પહોંચ્યો હતો.સિવિલના તબીબોની ટીમ બની દેવદૂતબાળકને 1 મે, 2026ના રોજ અમદાવાદ સિવિલ હોસ્પિટલમાં દાખલ કરાયા બાદ, તબીબી અધિક્ષક અને બાળરોગ સર્જરી વિભાગના વડા ડૉ. રાકેશ જોશીએ તપાસ કરતા માલૂમ પડ્યું કે, બાળકના બંને વૃષણો ગેરહાજર હતા, શિશ્ન અંદરની તરફ દબાઈ ગયું હતું અને મૂત્રમાર્ગનું છિદ્ર અત્યંત સાંકડું હતું. 'જેનિટલ રિકન્સ્ટ્રક્ટિવ સર્જરી' તમામ પડકારો વચ્ચે 6 મે 2026 ના રોજ ડૉ. રાકેશ જોશી તથા પ્રોફેસર ડૉ. જયશ્રી રામજીના નેતૃત્વ હેઠળ અને એનેસ્થેસિયા વિભાગના ડૉ. મૃણાલિની અને તેમની ટીમની દેખરેખ હેઠળ જટિલ 'જેનિટલ રિકન્સ્ટ્રક્ટિવ સર્જરી' સાથે ડાયગ્નોસ્ટિક લેપ્રોસ્કોપી કરવામાં આવી હતી.12 વર્ષના લાંબા સંઘર્ષનો આવ્યો સુખદ અંતસર્જરી બાદ 14 દિવસની સઘન દેખરેખ રાખવામાં આવી હતી. જ્યારે કેથેટર (પેશાબની નળી) દૂર કરાઈ, ત્યારે બાળકે કોઈપણ પીડા વગર સામાન્ય રીતે પેશાબ કર્યો હતો. વર્ષો પછી દીકરાને સામાન્ય અવસ્થામાં જોઈ પિતાની આંખોમાં ખુશીના આસુ આવી ગયા હતા. રાજ્યના આરોગ્ય મંત્રી પ્રફુલ પાનશેરીયાએ પણ આ અનોખી સિદ્ધિ બદલ અમદાવાદ સિવિલ હોસ્પિટલની સમગ્ર મેડિકલ ટીમને અભિનંદન પાઠવીને જણાવ્યું હતું કે, ગુજરાત સરકારના આધુનિક ઇન્ફ્રાસ્ટ્રક્ચરના કારણે જ આજે દેશભરના ગરીબ દર્દીઓને આવી જટિલ સારવાર તદ્દન વિનામૂલ્યે મળી રહી છે.આ પણ વાંચો - Ahmedabad News: ફતેવાડીમાં યુવતીનો મૃતદેહ મળ્યો, સરખેજ પોલીસ દોડી

Read Full Story arrow_forward
Banaskantha News: ડીસામાં યુનિવર્સિટીનો ગોલ્ડ મેડાલિસ્ટ યુવક MD ડ્રગ્સ વેચતા ઝડપાયો!
calendar_today June 6, 2026

Banaskantha News: ડીસામાં યુનિવર્સિટીનો ગોલ્ડ મેડાલિસ્ટ યુવક MD ડ્રગ્સ વેચતા ઝડપાયો!

બનાસકાંઠા જિલ્લાના ડીસા શહેરમાંથી શૈક્ષણિક જગતને લાલબત્તી સમાન અને ચોંકાવનારો કિસ્સો પ્રકાશમાં આવ્યો છે. ડીસામાં નશાના કાળા કારોબારનો પર્દાફાશ કરતા એસઓજી પોલીસે લાખો રૂપિયાની કિંમતના મેફેડ્રોન ડ્રગ્સના જથ્થા સાથે બે શખ્સોની ધરપકડ કરી છે. નવાઈની વાત એ છે કે, ઝડપાયેલા આરોપીઓ પૈકીનો એક મુખ્ય આરોપી ઉચ્ચ ડિગ્રીધારી અને યુનિવર્સિટીનો ગોલ્ડ મેડાલિસ્ટ છે, જે ચિંતાનો વિષય છે.કંસારી ટોલનાકા નજીક વોચ ગોઠવીને ઝડપ્યાઘટનાની મળતી વિગતો અનુસાર, બનાસકાંઠા સ્પેશિયલ ઓપરેશન ગ્રુપની ટીમને ડીસા હાઈવે પર ડ્રગ્સની હેરાફેરી થવાની ચોક્કસ બાતમી મળી હતી. આ બાતમીના આધારે પોલીસે ડીસાના કંસારી ટોલનાકા નજીક નાકાબંધી કરીને વોચ ગોઠવી હતી. આ દરમિયાન શંકાસ્પદ હાલતમાં પસાર થઈ રહેલા બે શખ્સોને અટકાવી તેમની તલાશી લેતા તેમની પાસેથી 16 ગ્રામ પ્રતિબંધિત મેફેડ્રોન ડ્રગ્સ મળી આવ્યું હતું.LLB, M.Phil અને યુનિવર્સિટીનો ગોલ્ડ મેડાલિસ્ટ નીકળ્યો પેડલર!પોલીસે જ્યારે પકડાયેલા શખ્સોની આકરી પૂછપરછ કરી ત્યારે તેમના શૈક્ષણિક બેકગ્રાઉન્ડ વિશે જાણીને પોલીસ પણ દંગ રહી ગઈ હતી. ડ્રગ્સની હેરાફેરી કરતો મુખ્ય સૂત્રધાર ડીસાનો જોગેશ મહેશકુમાર ઠાકોર છે, જે LLB અને M.Phil જેવી ઉચ્ચ ડિગ્રી ધરાવે છે, તેમજ યુનિવર્સિટીમાં ગોલ્ડ મેડાલિસ્ટ પણ રહી ચૂક્યો છે. જોગેશ પોતાની સાથે સાગરીત તરીકે ડીસાના આસેડા ગામના સાહિલ પ્રવીણભાઈ સોલંકીને રાખીને આ ડ્રગ્સનું નેટવર્ક ચલાવતો હતો.5.78 લાખનો મુદ્દામાલ જપ્ત, આગળની તપાસ શરૂએસઓજી પોલીસે બંને આરોપીઓ પાસેથી 16 ગ્રામ એમડી ડ્રગ્સ, મોબાઈલ ફોન અને અન્ય સામગ્રી મળી કુલ રૂપિયા 5.78 લાખનો મુદ્દામાલ કબ્જે કર્યો છે. આ ભણેલા-ગણેલા યુવાનો આ ડ્રગ્સનો જથ્થો ક્યાંથી લાવ્યા હતા અને ડીસા કે બનાસકાંઠાના કયા સ્થાનિક વિદ્યાર્થીઓ કે યુવાનોને સપ્લાય કરવાના હતા, તે દિશામાં પોલીસે નાર્કોટિક્સ એક્ટ (NDPS) હેઠળ ગુનો નોંધીને ઊંડાણપૂર્વકની તપાસ હાથ ધરી છે.આ પણ વાંચો - Banaskantha News: અંબાજીના રિછડી તળાવમાં 3 બાળકોના ડૂબી જવાથી મોત

Read Full Story arrow_forward
Junagadh News: કેશોદના કિંગડમ વોટરપાર્કમાં 8 વર્ષના માસૂમનું ડૂબી જતાં મોત
calendar_today June 6, 2026

Junagadh News: કેશોદના કિંગડમ વોટરપાર્કમાં 8 વર્ષના માસૂમનું ડૂબી જતાં મોત

ઉનાળાની સિઝન અને વેકેશનના માહોલમાં વોટરપાર્કમાં આનંદ માણવા જતાં પરિવારો માટે લાલબત્તી સમાન એક અત્યંત કરૂણ અને હૃદયદ્રાવક ઘટના જૂનાગઢ જિલ્લામાંથી સામે આવી છે. કેશોદમાં આવેલા પ્રખ્યાત 'કિંગડમ વોટરપાર્ક'માં ન્હાવા પડેલા એક આઠ વર્ષના માસૂમ બાળકનું પાણીમાં ડૂબી જતાં કરૂણ મોત નિપજ્યું છે. આ અકસ્માતને પગલે હસતા-રમતા પ્રવાસી પરિવારમાં માતમ છવાઈ ગયો છે.ભાવનગરથી ફરવા આવેલા પરિવાર પર તૂટ્યો આભઘટનાની મળતી વિગતો અનુસાર, મૂળ ભાવનગરનો એક પરિવાર વેકેશનની રજાઓ માણવા માટે જૂનાગઢ પ્રવાસે આવ્યો હતો. આ પરિવાર કેશોદના કિંગડમ વોટરપાર્કમાં વોટર રાઇડ્સની મજા માણી રહ્યો હતો, ત્યારે જ તેમનો આઠ વર્ષનો માસૂમ દીકરો અચાનક પાણીના ઊંડા ભાગમાં ગરકાવ થઈ ગયો હતો. બાળક ડૂબી રહ્યો હોવાની જાણ થતાં જ ભારે દોડધામ મચી ગઈ હતી.તબીબોએ મૃત જાહેર કર્યો, મેનેજમેન્ટ સામે ભારે રોષબાળકને પાણીમાંથી બહાર કાઢીને તાત્કાલિક ધોરણે નજીકની હોસ્પિટલમાં સારવાર અર્થે ખસેડવામાં આવ્યો હતો. જોકે, હોસ્પિટલ પહોંચતા જ ત્યાંના હાજર તબીબોએ બાળકને તપાસીને મૃત જાહેર કર્યો હતો. આ ઘટનાને પગલે મૃતક બાળકના માતા-પિતા અને પરિવારજનોના આક્રંદથી હોસ્પિટલ પરિસર ગમગીન બની ગયું હતું. આ દુર્ઘટના બાદ વોટરપાર્ક મેનેજમેન્ટની ઘોર બેદરકારી સામે સ્થાનિકો અને પ્રવાસીઓમાં ભારે રોષ વ્યાપી ગયો છે. સુરક્ષાના પૂરતા સાધનો અને લાઈફગાર્ડની હાજરી કેમ ન હતી તેવા ગંભીર સવાલો ઉઠી રહ્યા છે.પોલીસે ગુનો નોંધી તપાસના ચક્રો ગતિમાન કર્યાઘટનાની જાણ થતાં જ કેશોદ પોલીસની ટીમ હોસ્પિટલ અને વોટરપાર્ક ખાતે દોડી ગઈ હતી. પોલીસે માસૂમ બાળકના મૃતદેહને પોસ્ટ મોર્ટમ માટે મોકલી આપી સમગ્ર મામલે કાયદેસરનો ગુનો દાખલ કર્યો છે. વોટરપાર્ક પ્રશાસન દ્વારા સુરક્ષાના નિયમોનું પાલન કરવામાં આવ્યું હતું કે કેમ અને કોની બેદરકારીથી બાળકે જીવ ગુમાવવો પડ્યો, તે દિશામાં પોલીસે ઊંડાણપૂર્વકની તપાસ શરૂ કરી છે.આ પણ વાંચો - Junagadh : ગીરના જંગલમાંથી આવ્યા આનંદના સમાચાર, આઇસોલેશનમાં સારવાર લઈ રહેલા 7 વનરાજ થયા મુક્ત

Read Full Story arrow_forward