android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Khan Sir Arrest News: KGS કોચિંગ કેમ્પસ બહાર ખાન સરના સમર્થનમાં વિદ્યાર્થીઓનો હોબાળો, પોલીસ ધરપકડ કર્યા વગર પાછી ફરી
calendar_today June 6, 2026

Khan Sir Arrest News: KGS કોચિંગ કેમ્પસ બહાર ખાન સરના સમર્થનમાં વિદ્યાર્થીઓનો હોબાળો, પોલીસ ધરપકડ કર્યા વગર પાછી ફરી

બિહારના શૈક્ષણિક હબ પટનામાં ગઈકાલે આખી રાત ભારે અફડાતફડી અને તણાવનો માહોલ રહ્યો. પટનાના પ્રખ્યાત શિક્ષક ખાન સર (ફૈઝલ ખાન)ની ધરપકડ કરવા માટે પોલીસ ટીમ જ્યારે KGS (ખાન ગ્લોબલ સ્ટડીઝ) કોચિંગ કેમ્પસ પહોંચી, ત્યારે મોટી સંખ્યામાં વિદ્યાર્થીઓ તેમના સમર્થનમાં એકઠા થઈ ગયા હતા. વહીવટીતંત્રે આખી રાત કેમ્પસ પર પકડ જાળવી રાખી હતી, પરંતુ વિદ્યાર્થીઓના ભારે વિરોધ અને હઠને કારણે પોલીસ ખાન સરની ધરપકડ કરી શકી નહોતી. હાલમાં આ સમગ્ર મામલે પોલીસ દ્વારા કોઈ સત્તાવાર નિવેદન બહાર પાડવામાં આવ્યું નથી. બે દિગ્ગજ કોચિંગ સંસ્થાઓ વચ્ચેની લડાઈ બની પોલીસ કેસ આ વિવાદ કોઈ એક રાતનો નથી, પરંતુ પટનાની બે મોટી કોચિંગ સંસ્થાઓ વચ્ચે વર્ચસ્વ મેળવવાની લડાઈનું પરિણામ છે. 'ખાન ગ્લોબલ સ્ટડીઝ'ના ડિરેક્ટર ફૈઝલ ખાન (ખાન સર) અને 'જ્ઞાન બિંદુ કોચિંગ'ના ડિરેક્ટર રોશન આનંદ વચ્ચેનો આંતરિક વિવાદ હવે પોલીસ સ્ટેશન સુધી પહોંચી ગયો છે. સોશિયલ મીડિયા પર ફાયરિંગનો એક વીડિયો વાયરલ થયા બાદ પટના પોલીસે ખાન સર વિરૂદ્ધ આર્મ્સ એક્ટ હેઠળ ગુનો (FIR) દાખલ કર્યો છે. વાયરલ વીડિયોએ બદલ્યો કેસનો મોડ સોશિયલ મીડિયા પર વાયરલ થયેલા એક વીડિયોમાં ખાન સરના સુરક્ષા ગાર્ડ હવામાં ફાયરિંગ કરતા જોવા મળ્યા હતા. આ ફૂટેજના આધારે પોલીસે તાત્કાલિક કાર્યવાહી કરીને KGS કેમ્પસમાંથી બે સુરક્ષા ગાર્ડની અટકાયત કરી છે અને તેમના હથિયારોને ફોરેન્સિક તપાસ (FSL) માટે મોકલી આપ્યા છે. શરૂઆતમાં આ કેસમાં જ્ઞાન બિંદુ કોચિંગના ડિરેક્ટર રોશન આનંદની ધરપકડ કરવામાં આવી હતી, પરંતુ નવા વીડિયો પુરાવા સામે આવ્યા બાદ હવે પોલીસની રાડારમાં સીધા ખાન સર આવ્યા છે. પરિણામો બાદ શરૂ થયો હતો વિવાદ આ વિવાદની શરૂઆત 27 મેના રોજ બિહાર પોલીસ ભરતી પરીક્ષાના પરિણામો જાહેર થયા બાદ થઈ હતી. બંને કોચિંગ સંસ્થાઓએ એવો દાવો કર્યો કે તેમના ત્યાંથી સૌથી વધુ વિદ્યાર્થીઓ પાસ થયા છે. બંને પક્ષોએ શહેરમાં મોટા પાયે પોસ્ટરો અને બેનરો લગાવ્યા હતા. આરોપ છે કે ખાન સરના સ્ટાફે જ્ઞાન બિંદુ કોચિંગના બોર્ડ ઉપર પોતાનું બેનર લગાવી દીધું હતું. આ કેસમાં હવે હિંસક વળાંક આવ્યો છે. આ બેનર વિવાદ એટલો વધી ગયો કે 2-3 જૂનની રાત્રે બંને જૂથો વચ્ચે સામસામે પથ્થરમારો, તોડફોડ અને ફાયરિંગ જેવી હિંસક ઘટનાઓ બની હતી.ખાન સાર અને વિવાદવિદ્યાર્થીઓના આક્રોશ અને ભારે વિરોધ વચ્ચે પટના પોલીસ હવે ખાન સરની ધરપકડ કરવા માટે કેવા પગલાં લેશે અને પટનાના આ શૈક્ષણિક ક્ષેત્રમાં ચાલી રહેલી વર્ચસ્વની લડાઈનો અંત ક્યારે આવશે, તેના પર સૌની નજર ટકેલી છે. અગાઉ પણ 2022 માં, જ્યારે બિહાર અને ઉત્તર પ્રદેશમાં વિદ્યાર્થીઓએ રેલ્વે ભરતી બોર્ડ (RRB NTPC) પરીક્ષાના પરિણામો સામે હિંસક વિરોધ કર્યો હતો, ત્યારે પોલીસે ખાન સર અને પટનાના અન્ય ઘણા શિક્ષકો સામે વિદ્યાર્થીઓને ઉશ્કેરવા બદલ FIR દાખલ કરી હતી. હવે જોવાનું એ રહેશે કે વિદ્યાર્થીઓના માનીતા ખાન સરની પોલીસ અટકાયત કરી શકશે?આ પણ વાંચો : Z+ security : Z પ્લસ સુરક્ષા હટાવાતા લાલુ-રાબડી નારાજ, સરકારી સુરક્ષા પરત કરી

Read Full Story arrow_forward
Fuel Prices: પેટ્રોલથી 20 રૂપિયા સસ્તુ માર્કેટમાં આવ્યુ નવુ ઇંધણ, રાજધાનીમાં 48 જગ્યાએ મળશે
calendar_today June 6, 2026

Fuel Prices: પેટ્રોલથી 20 રૂપિયા સસ્તુ માર્કેટમાં આવ્યુ નવુ ઇંધણ, રાજધાનીમાં 48 જગ્યાએ મળશે

E85માં 15 ટકા પેટ્રોલ અને 85 ટકા ઇથેનોલનું મિશ્રણ હોય છે. એટલે કે 1 લિટર E85 ફ્લેક્સ ફ્યુઅલમાં 150 મિલી પેટ્રોલ અને 850 મિલી ઇથેનોલ હશે. હાલમાં દેશભરના પેટ્રોલ પંપ પર મળતા સામાન્ય પેટ્રોલ (E20)માં 20 ટકા સુધી ઇથેનોલ ભેળવવામાં આવે છે. E85ની કિંમત સામાન્ય પેટ્રોલ કરતાં પ્રતિ લિટર 20 રૂપિયા ઓછી રાખવામાં આવી છે. દિલ્હીમાં તેની કિંમત 82.12 રૂપિયા પ્રતિ લિટર જાહેર કરવામાં આવી છે, જ્યારે પેટ્રોલની વર્તમાન કિંમત 102.12 રૂપિયા પ્રતિ લિટર છે.હરદીપ સિંહ પુરીએ ઇન્ડિયન ઓઇલના એક રિટેલ આઉટલેટ પર E85 ફ્યુઅલનું લોન્ચિંગ કર્યું આ ઇંધણ સામાન્ય વાહનો માટે નથી, પરંતુ માત્ર ફ્લેક્સ ફ્યુઅલ વાહનો માટે જ બનાવવામાં આવ્યું છે. શુક્રવારે સાંજે કેન્દ્રીય પેટ્રોલિયમ અને પ્રાકૃતિક ગેસ મંત્રી હરદીપ સિંહ પુરીએ ઇન્ડિયન ઓઇલના એક રિટેલ આઉટલેટ પર E85 ફ્યુઅલનું લોન્ચિંગ કર્યું હતું. દિલ્હીના આ પેટ્રોલ પંપ સહિત 48 સ્થળોએ મળશે E85 કેન્દ્રીય મંત્રીએ દિલ્હીના પૂસા રોડ સ્થિત ઇન્ડિયન ઓઇલના રિટેલ આઉટલેટ પર E85 લોન્ચ કર્યું. આ ઉપરાંત અન્ય 47 પેટ્રોલ પંપ પર પણ E85 ઉપલબ્ધ કરાવવામાં આવ્યું છે. સરકારી તેલ કંપનીઓએ પોતાની 48 રિટેલ આઉટલેટ્સ પર E85નું રોલઆઉટ શરૂ કર્યું છે. કિફાયતી, ટકાઉ અને આત્મનિર્ભર ઇંધણ 85% ઇથેનોલ મિશ્રિત પેટ્રોલ ગ્રીનહાઉસ ગેસ ઉત્સર્જનમાં 61% સુધી ઘટાડો સામાન્ય પેટ્રોલ કરતાં વધુ કિફાયતી 100% આત્મનિર્ભર ઇંધણ તરફનું પગલું ખેડૂતોની આવક વધારવામાં મદદરૂપ ફ્લેક્સ ફ્યુઅલ વાહનો માટે ખાસ તૈયાર કરાયેલ ઇંધણ 6 મહિનામાં 500 અને દોઢ વર્ષમાં 5000 પેટ્રોલ પંપ સુધી વિસ્તરણ પેટ્રોલિયમ મંત્રાલયે આ પહેલને તબક્કાવાર રીતે સમગ્ર દેશમાં વિસ્તૃત કરવાનો નિર્ણય લીધો છે. ડિસેમ્બર 2026 સુધીમાં તેને 500 રિટેલ આઉટલેટ્સ સુધી પહોંચાડવાનું લક્ષ્ય રાખવામાં આવ્યું છે. એટલે કે વર્ષના અંત સુધીમાં દેશના મોટા શહેરોના 500 પેટ્રોલ પંપ પર E85 ઉપલબ્ધ થશે. આ ઉપરાંત ડિસેમ્બર 2027 સુધીમાં દેશભરના 5,000 રિટેલ આઉટલેટ્સ સુધી E85 પહોંચાડવાનો લક્ષ્યાંક નક્કી કરવામાં આવ્યો છે. એટલે કે આગામી દોઢ વર્ષમાં દેશના 5,000 પેટ્રોલ પંપ પર E85 ફ્યુઅલ ઉપલબ્ધ થવાની સંભાવના છે. 12 વર્ષમાં ઇથેનોલ બ્લેન્ડિંગ 1.5%થી વધીને 20% થયું વર્ષ 2014માં પેટ્રોલમાં માત્ર 1.5 ટકા જેટલું ઇથેનોલ ભેળવવામાં આવતું હતું, જે હવે વધીને 20 ટકા સુધી પહોંચી ગયું છે. લોન્ચિંગ પ્રસંગે હરદીપ સિંહ પુરીએ જણાવ્યું કે, "2014માં પેટ્રોલમાં ઇથેનોલનું મિશ્રણ માત્ર 1.53 ટકા હતું, જે આજે વધીને 20 ટકા થયું છે. સરકારે આ લક્ષ્ય નિર્ધારિત સમય કરતાં 5 વર્ષ પહેલાં જ હાંસલ કરી લીધું છે." તેમણે વધુમાં કહ્યું કે આ બદલાવથી દેશને 1.84 લાખ કરોડ રૂપિયાથી વધુની વિદેશી મુદ્રાની બચત કરવામાં મદદ મળી છે અને આશરે 302 લાખ મેટ્રિક ટન ક્રૂડ ઓઇલની આયાતને બદલી શકાયું છે. આ પહેલ દેશના ખેડૂતોના યોગદાનથી શક્ય બની છે, જેઓ હવે માત્ર ‘અન્નદાતા’ જ નહીં પરંતુ ‘ઊર્જાદાતા’ તરીકે પણ ઉભરી રહ્યા છે. સરકારને આશા છે કે આ પહેલથી વર્ષ 2030-31 સુધીમાં ભારતમાં કુલ ઇથેનોલ બ્લેન્ડિંગનું સ્તર આશરે 26 ટકા સુધી પહોંચાડી શકાશે.

Read Full Story arrow_forward
Gujarat Latest News live : અમદાવાદના મોટેરાના ગામતળની જમીનનું ડિમોલિશન,  ડિમોલિશન પહેલા સ્થાનિકોનો વિરોધ
calendar_today June 6, 2026

Gujarat Latest News live : અમદાવાદના મોટેરાના ગામતળની જમીનનું ડિમોલિશન, ડિમોલિશન પહેલા સ્થાનિકોનો વિરોધ

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 06JUNE ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward