android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Patan: પાટણમાં HNGUમાં રૂ. 3.22 કરોડના વિકાસ કાર્યોનું લોકાર્પણ કરવામાં આવ્યું
calendar_today June 5, 2026

Patan: પાટણમાં HNGUમાં રૂ. 3.22 કરોડના વિકાસ કાર્યોનું લોકાર્પણ કરવામાં આવ્યું

હેમચંદ્રાચાર્ય ઉત્તર ગુજરાત યુનિવર્સિટીના કેમ્પસમાં પાણીની સમસ્યા દુર કરવા માટે સરકારની બાંધકામ ગ્રાન્ટમાંથી રૂ. 3.16 કરોડના ખર્ચે 15 લાખ લીટરની ક્ષમતા વાળી ઉંચી પાણીની ટાંકી તથા 25 લાખ લીટરના અંડર ગ્રાઉન્ડ સંપનું લોકાર્પણ કરવામાં આવ્યું હતું. આ અંગે કુલપતિએ જણાવ્યું હતું કે આ નવી સુવિધાઓને કારણે કેમ્પસમાં અને ખાસ કરીને સામે આવેલા સ્ટાફ્ ક્વાર્ટર્સમાં પાણીની અછત દુર થશે. યુવાનો અને સેનાની ભરતી માટે મિલિટરી માપદંડ વાળી ફાયરિંગ રેન્જ વોલ યુનિવર્સિટીના સ્વભંડોળમાંથી રૂ. 6.40 લાખના ખર્ચે તૈયાર થયેલી ફાયરિંગ રેન્જ વોલનું પણ લોકાર્પણ કરાયું હતું. જેનાથી મિલિટરી દ્વારા નક્કી કરાયેલા ચોક્કસ માપદંડો અને પેરામીટર્સ મુજબ તૈયાર કરવામાં આવી છે. ભવિષ્યમાં યુનિવર્સિટી યુવાનો માટે દોડવાનો ટ્રેક પણ અદ્યતન બનાવશે અને જમ્પિંગ વોલ જેવી સવલતો ઊભી કરાશે તેમજણાવ્યું હતું. તેમજ કેમ્પસમાં વૃક્ષારોપણ પણ કરવામાં આવ્યું હતું. જેને લઈ જણાવ્યું હતું કે ગુજરાત સરકાર સંચાલિત સંસ્થા દ્વારા યુનિવર્સિટી કેમ્પસનું ગ્રીન ઓડિટ કરાવવામાં આવ્યું છે. જેનો ટુંક સમયમાં અહેવાલ આવશે અને આ સિદ્ધી હાંસલ કરનાર કદાચ પાટણની પ્રથમ યુનિવર્સિટી બનશે તેમ જણાવ્યું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Gandhinagar: જોખમી બનેલું જર્જરિત મકાન ચોમાસા પહેલાં ઉતારી લેવા માગ
calendar_today June 5, 2026

Gandhinagar: જોખમી બનેલું જર્જરિત મકાન ચોમાસા પહેલાં ઉતારી લેવા માગ

કાલોલ નગરના પોરવાડ ફ્ળિયામાં આવેલું જર્જરિત મકાન ચોમાસા પહેલા ઉતારી લેવા સ્થાનિક રહીશો દ્વારા પાલિકામાં રજૂઆત કરાઈ છે.કાલોલ નગરના પોરવાડ ફ્ળિયામાં આવેલું વર્ષો જૂનું મકાન હાલ અત્યંત જર્જરિત હાલતમાં હોવાથી ચોમાસામાં ગમે ત્યારે ધરાશાયી થાય તેવી ભીતિ સેવાઈ રહી છે. આ જોખમી મકાનની આસપાસ સતત બાળકો રમત-ગમત કરતા હોય છે તેમજ ફ્ળિયાના લોકો પણ તેમના વાહનો પાર્ક કરતા જોવા મળે છે. મકાન એટલું ખખડધજ થઈ ગયું છે કે, ઇંટો અને છતના પતરા અવાર નવાર નીચે પડતા હોવાથી માર્ગ રાહદારીઓને પણ ગમે ત્યારે વાગવાનો ભારે ભય સતાવી રહ્યો છે. પોરવાડ ફ્ળિયાના સ્થાનિક રહીશોએ આ અંગે એક વર્ષ પહેલા નગરપાલિકામાં લેખિત અરજી આપીને રજૂઆત કરી હતી. જે બાદ પાલિકાએ મકાનમાલિકને નોટિસ આપી હતી, પરંતુ કોઈ કાર્યવાહી કરાઈ નહતી, જેને પગલે એક વર્ષથી મકાન યથાવત જોવા મળે છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Patan: પાટણ LCBની ટીમે 26 વર્ષ જૂના હત્યા કેસમાં ફરાર આરોપીને મધ્યપ્રદેશથી ઝડપ્યો
calendar_today June 5, 2026

Patan: પાટણ LCBની ટીમે 26 વર્ષ જૂના હત્યા કેસમાં ફરાર આરોપીને મધ્યપ્રદેશથી ઝડપ્યો

પાટણ જીલ્લા લોકલ ક્રાઇમ બ્રાન્ચની ટીમે શામળાજી પોલીસ મથકે વર્ષ 2000 ની સાલમાં નોંધાયેલા હત્યા કેસના ફરાર આરોપીને મધ્યપ્રદેશના મંદસૌર ખાતેથી નાકાબંધી કરીને ઝડપી લેવામાં સફ્ળતા મેળવી છે. મળતી માહિતી મુજબ અરવલ્લી જિલ્લાના શામળાજી પોલીસ મથકે વર્ષ 2000ની સાલમાં નોંધાયેલી ફરિયાદ મુજબ એક હરિયાણાના ટ્રક ચાલક લિયાકતઅલી અબ્દુલકરીમ મેવે સાથે નોકરી કરતા ટ્રકના કંડક્ટર રાજસ્થાનના અનિલ ભવરલાલ ઠાકુરને તિક્ષ્ણ હથિયાર વડે ગુપ્તાંગ કાપી ગંભીર ઈજાઓ પહોંચાડતાં તેનું મોત નિપજ્યું હતું. જે બાદ તે છેલ્લા 26 વર્ષથી પોલીસને ચકમો આપી નાસતો ફરતો હતો. પાટણ લોકલ ક્રાઈમ બ્રાન્ચના પીઆઈ રાકેશ ઉનાગરની ટીમના માણસોને બાતમી મળી હતી કે ગુનામાં સંડોવાયેલો આરોપી હાલમાં મહારાષ્ટ્રના મનમાડ પાસે મેવાતી ઢાબા નામની હોટલ ચલાવે છે અને તે હાલમાં હરિયાણા ખાતે પોતાના વતન તરફ્ ટ્રકમાં જઈ રહ્યો છે. જેના આધારે પોલીસે દિલ્હી મુંબઈ હાઇવે ઉપર મધ્યપ્રદેશના મંદસૌર પાસે નાકાબંધી કરીને આરોપીને ઝડપી લીધો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward