android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Vadodara News: ઓપરેશન ડેલ્ટા હેઠળ બાંગ્લાદેશીઓની શોધખોળ, 7 શંકાસ્પદો ઝડપાયા
calendar_today June 3, 2026

Vadodara News: ઓપરેશન ડેલ્ટા હેઠળ બાંગ્લાદેશીઓની શોધખોળ, 7 શંકાસ્પદો ઝડપાયા

ગુજરાતમાં ગેરકાયદેસર રીતે ઘૂસી આવેલા અને વસવાટ કરતા બાંગ્લાદેશી નાગરિકોને શોધી કાઢવા માટે રાજ્યભરમાં 'ઓપરેશન ડેલ્ટા' ચલાવવામાં આવી રહ્યું છે. આ અંતર્ગત વડોદરા શહેરમાં પણ પોલીસે સઘન ચેકિંગ હાથ ધર્યું છે. આ મેગા ઓપરેશનને લઈને વડોદરાના પોલીસ કમિશનર નરસિમ્હા કોમારે એક મહત્વનું નિવેદન આપ્યું છે, જેમાં તેમણે અત્યાર સુધી થયેલી કાર્યવાહીની વિગતો આપી છે.200 જેટલા લોકોના દસ્તાવેજો તપાસાયા પોલીસ કમિશનર નરસિમ્હા કોમારે જણાવ્યું હતું કે, 'ઓપરેશન ડેલ્ટા' અંતર્ગત વડોદરાના અલગ-અલગ વિસ્તારોમાં શંકાસ્પદ હિજરતીઓ પર વોચ રાખવામાં આવી રહી છે. પોલીસની અલગ-અલગ ટીમો દ્વારા અત્યાર સુધીમાં આશરે 200 જેટલા શંકાસ્પદ લોકોના ઓળખપત્રો અને રહેઠાણના દસ્તાવેજોની બારીકાઈથી તપાસ કરવામાં આવી છે. 7 લોકોના દસ્તાવેજ શંકાસ્પદ મળ્યા આ સઘન ચેકિંગ દરમિયાન પોલીસને મોટી કડી મળી છે. તપાસવામાં આવેલા દસ્તાવેજોમાંથી 7 જેટલા લોકોના આઈડી પ્રૂફ અને અન્ય કાગળો શંકાસ્પદ હોવાનું સામે આવ્યું છે. પ્રાથમિક દ્રષ્ટિએ આ દસ્તાવેજોમાં ગરબડ હોવાનું જણાતા પોલીસે તે દિશામાં તપાસ તેજ કરી છે. ખરાઈ બાદ થશે કડક કાર્યવાહી પોલીસ કમિશનરે વધુમાં સ્પષ્ટતા કરી છે કે, જે 7 લોકોના દસ્તાવેજો શંકાસ્પદ લાગી રહ્યા છે, તેમની અત્યારે ઊંડાણપૂર્વક તપાસ કરવામાં આવી રહી છે. આ દસ્તાવેજો અસલી છે કે, નકલી તેની સંપૂર્ણ ખરાઈ (વેરિફિકેશન) કરવામાં આવશે. દસ્તાવેજોની ચકાસણી પૂર્ણ થયા બાદ જો તેઓ ગેરકાયદેસર રીતે રહેતા હોવાનું સાબિત થશે, તો તેમની સામે કાયદાના કડક પ્રાવધાનો હેઠળ કાયદેસરની કાર્યવાહી કરવામાં આવશે. રાજ્યભરમાં ચાલી રહેલા આ ઓપરેશનને પગલે શંકાસ્પદ રીતે વસવાટ કરતા તત્વોમાં ભારે ફફડાટ વ્યાપી ગયો છે. આ પણ વાંચો - Vadodara : વૃદ્ધ મહિલા કારચાલકે એક્ટિવા સવાર પરિવારને કચડ્યો, ભાઈ-બહેનને 50 ફૂટ સુધી ઢસડ્યા

Read Full Story arrow_forward
Bihar:પટનામાં ખાન સરના કોચિંગ સેન્ટર પર હુમલાના કેસમાં 3 લોકોની ધરપકડ
calendar_today June 3, 2026

Bihar:પટનામાં ખાન સરના કોચિંગ સેન્ટર પર હુમલાના કેસમાં 3 લોકોની ધરપકડ

બિહારની રાજધાની પટનામાં જાણીતા શિક્ષક ખાન સર (Khan Sir) ના કોચિંગ સેન્ટર 'ખાન ગ્લોબલ સ્ટડીઝ' પર થયેલા હુમલાના મામલામાં પોલીસે મોટી અને ઝડપી કાર્યવાહી કરી છે. પોલીસે આ કેસમાં કડક વલણ અપનાવીને હરીફ ગણાતી 'જ્ઞાનબિંદુ કોચિંગ' ના ડાયરેક્ટર રોશન આનંદ (Roshan Anand Sir) સહિત ત્રણ લોકોની ધરપકડ કરી લીધી છે. હાલમાં રોશન આનંદને પટનાના દીઘા પોલીસ સ્ટેશનમાં રાખવામાં આવ્યા છે, જ્યાં પોલીસની એક વિશેષ ટીમ આ સમગ્ર ઘટના અંગે તેમની પૂછપરછ કરી રહી છે.હોર્ડિંગ્સ તોડ્યા અને ગાર્ડ પર હુમલો કર્યોસિટી ડેપ્યુટી સુપરિન્ટેન્ડેન્ટ ઓફ પોલીસ (DSP) રાજેશ રંજને આ ઘટના અંગે માહિતી આપતા જણાવ્યું હતું કે, મંગળવારે રાત્રે આશરે 10 વાગ્યે મુસલ્લાહપુર વિસ્તારમાં આવેલી ખાન કોચિંગ સેન્ટરની ગલીના નાકા પર લગાવેલા હોર્ડિંગ બોર્ડને કેટલાક અસામાજિક તત્વોએ ઈંટો અને પથ્થરો મારીને તોડી નાખ્યા હતા. આટલું જ નહીં, હુમલાખોરોએ ત્યાં તૈનાત કોચિંગના સિક્યુરિટી ગાર્ડ ચુનચુન સાથે પણ નિર્દયતાથી મારપીટ કરી હતી, જેમાં તેનું માથું ફાટી ગયું હતું. ગંભીર રીતે ઘવાયેલા ગાર્ડને તાત્કાલિક સારવાર માટે પટના મેડિકલ કોલેજ એન્ડ હોસ્પિટલ (PMCH) માં દાખલ કરવામાં આવ્યો છે.ફાયરિંગની અફવા અને ખાન સરનું નિવેદનશરૂઆતમાં આ ઘટનામાં ફાયરિંગ થયું હોવાની વાતો વહેતી થઈ હતી અને ખુદ ખાન સરે પણ મીડિયા સમક્ષ આવીને કોચિંગ બહાર ફાયરિંગના આક્ષેપો કર્યા હતા. જોકે, પોલીસે કોચિંગ સેન્ટર અને આસપાસના વિસ્તારના તમામ સીસીટીવી (CCTV) ફૂટેજ તપાસ્યા બાદ સ્પષ્ટ કર્યું છે કે ફાયરિંગની કોઈ પુષ્ટિ થઈ નથી. ફૂટેજમાં માત્ર પથ્થરમારો અને હોર્ડિંગ્સ તોડવાના જ દ્રશ્યો સામે આવ્યા છે. સીસીટીવી સામે આવ્યા બાદ ખાન સરે પણ પોતાનું નિવેદન બદલતા કહ્યું હતું કે, તે સમયે તેઓ કંઈ સમજી શક્યા નહોતા અને ગાર્ડે જે જણાવ્યું તે તેમણે મીડિયાને કહી દીધું હતું.4 નામજોગ અને 15-20 અજ્ઞાત લોકો સામે ગુનો નોંધાયોઆ મામલે ખાન કોચિંગ વતી કન્હૈયા સિંહે ફરિયાદ નોંધાવી છે, જેમાં ૪ નામજોગ અને 15 થી 20 અજ્ઞાત હુમલાખોરોને આરોપી બનાવવામાં આવ્યા છે. આ ફરિયાદના આધારે પોલીસે ત્વરિત એક્શન લઈને જ્ઞાનબિંદુ કોચિંગના ડાયરેક્ટર રોશન આનંદ, અભિષેક અને ગૌરવની ધરપકડ કરી છે. પોલીસ આ કેસના અન્ય ફરાર આરોપીઓને પકડવા માટે સતત દરોડા પાડી રહી છે. વ્યાવસાયિક અદાવતમાં આ હુમલો કરવામાં આવ્યો હોવાની આશંકા સાથે પોલીસ આગળની કાનૂની તપાસ ચલાવી રહી છે.આ પણ વાંચો:Iran US Conflict: સીઝફાયર છતાં અમેરિકાએ ઈરાનના 'કેશમ દ્વીપ' પર કેમ વરસાવ્યા બોમ્બ?

Read Full Story arrow_forward
Delhi Fire: આ 5 લાપરવાહી પડી ભારે..21એ ગુમાવ્યો જીવ, Fire NOC પણ ન હતી
calendar_today June 3, 2026

Delhi Fire: આ 5 લાપરવાહી પડી ભારે..21એ ગુમાવ્યો જીવ, Fire NOC પણ ન હતી

દેશની રાજધાની દિલ્હીના માલવીય નગર વિસ્તારમાં આવેલી હોટલમાં બુધવારની વહેલી સવારે એક અત્યંત દર્દનાક અને ભીષણ અગ્નિકાંડ સર્જાયો છે. આ ભયાનક દુર્ઘટનામાં અત્યાર સુધીમાં 21 લોકોના કરુણ મોત નીપજ્યા છે, જ્યારે અનેક લોકો ગંભીર રીતે દાઝી જતાં હોસ્પિટલમાં જિંદગી અને મરણ વચ્ચે ઝોલા ખાઇ રહ્યા છે. આગની લપેટ એટલી ભયાનક હતી કે પોતાનો જીવ બચાવવા માટે કેટલાક લોકોએ હોટેલના ઉપરના માળેથી નીચે છલાંગ લગાવી દીધી હતી.40થી વધારે લોકો સુરક્ષિત બહાર કઢાયા દુર્ઘટનાની જાણ થતાં જ ફાયર બ્રિગેડની 8 ગાડીઓ તાબડતોબ ઘટનાસ્થળે પહોંચી હતી અને કલાકોની ભારે જહેમત બાદ આગ પર કાબૂ મેળવ્યો હતો. ફાયર અને પોલીસ વિભાગના સંયુક્ત ઓપરેશન દરમિયાન હોટેલની ઇમારતમાંથી 40 થી વધુ લોકોને સુરક્ષિત બહાર કાઢીને નજીકની હોસ્પિટલોમાં ખસેડવામાં આવ્યા હતા. મૃતકો અને ઈજાગ્રસ્તોમાં કેટલાક વિદેશી નાગરિકો પણ સામેલ હોવાનું જાણવા મળ્યું છે.આગ લાગવાનું કારણ અકબંધસત્તાવાર ન્યૂઝ એજન્સી પીટીઆઈ (PTI) ના જણાવ્યા અનુસાર, દિલ્હી ફાયર સર્વિસ (DFS) ના અધિકારીઓએ બચાવ કામગીરી માટે વોટર ટેન્ડર, વોટર બાઉઝર અને ક્વિક રિસ્પોન્સ વ્હીકલ સહિતની અત્યાધુનિક સિસ્ટમ તૈનાત કરી હતી, જેના કારણે હોટેલમાં ફસાયેલા ૩૫થી વધુ લોકોના જીવ બચાવી શકાયા છે. જોકે, આગ લાગવાનું ચોક્કસ કારણ હજુ સુધી સ્પષ્ટ થઈ શક્યું નથી.હોટલની આ લાપરવાહીથી 21ના મોત પ્રાથમિક તપાસ અને વહીવટી અહેવાલો મુજબ, આ મોટી હોનારત પાછળ હોટેલ સંચાલકોની પાંચ મોટી લપરવાહીઓ સામે આવી છે, જે સામાન્ય નાગરિકોની સુરક્ષા વ્યવસ્થા સામે ગંભીર પ્રશ્નાર્થ ચિહ્ન ઉભું કરે છે:6 રૂમની પરવાનગી સામે 25 રૂમનું ગેરકાયદે સામ્રાજ્યતપાસમાં સૌથી ચોંકાવનારો ખુલાસો એ થયો છે કે આ હોટેલને દિલ્હી સરકાર તરફથી 'બેડ એન્ડ બ્રેકફાસ્ટ' સ્કીમ હેઠળ માત્ર ૬ રૂમ ચલાવવાનું જ લાયસન્સ મળ્યું હતું. પરંતુ, લોભિયા સંચાલકોએ નિયમોને નેવે મૂકીને હોટેલની અંદર ૨૫ રૂમ બનાવી દીધા હતા. એટલું જ નહીં, સુરક્ષાના માપદંડોને અવગણીને કેટલાક રૂમ તો બેઝમેન્ટ (ભોંયરા) માં પણ તૈયાર કરવામાં આવ્યા હતા. ફાયર વિભાગનું કોઈ NOC નહોતુંમાલવીય નગરની આ હોટેલ અને તેની અંદર ચાલતા રેસ્ટોરન્ટ પાસે ફાયર સેફ્ટીનું કોઈ કાયદેસર એનઓસી (NoC) નહોતું. દિલ્હી સરકારના ગૃહમંત્રી જ્યારે ફાયર વિભાગના ઉચ્ચ અધિકારીઓ સાથે સમીક્ષા બેઠક કરી રહ્યા હતા ત્યારે અધિકારીઓએ સ્પષ્ટ કર્યું હતું કે બિલ્ડિંગમાં આગથી બચવાના કાયદેસરના કોઈ જ નિયમો પાળવામાં આવ્યા નહોતા. ઈમરજન્સી ગેટ અને ચેનલ પર તાળું મારેલું હતુંઆગ લાગી ત્યારે હોટેલના બેઝમેન્ટમાં ચાલતા રેસ્ટોરન્ટમાં ઘણા ગ્રાહકો અને સ્ટાફ હાજર હતા. આગની અફરાતફરી વચ્ચે જ્યારે લોકો બહાર ભાગવા ગયા, ત્યારે બહાર નીકળવાના મુખ્ય ચેનલ ગેટ પર તાળું મારેલું હતું. આ એક ગંભીર ભૂલના કારણે લોકો અંદર જ ફસાઈ ગયા અને ધુમાડા તેમજ આગની લપેટમાં આવી ગયા. એમ્બ્યુલન્સ પહોંચવામાં ભારે વિલંબસ્થાનિક લોકોના જણાવ્યા મુજબ, આગની માહિતી મળ્યાના ૧૦ મિનિટમાં ફાયર ફાયટર્સ તો ઘટનાસ્થળે પહોંચી ગયા હતા, પરંતુ ઇજાગ્રસ્તોને હોસ્પિટલ લઈ જવા માટે એમ્બ્યુલન્સ ઘણી મોડી આવી હતી. ગંભીર રીતે દાઝેલા લોકોને તાત્કાલિક મેડિકલ સારવાર ન મળવાને કારણે પણ હોસ્પિટલ પહોંચતા પહેલાં જ કેટલાક લોકોએ દમ તોડી દીધો હતો. અંતે સ્થાનિક લોકોએ જ પોતાની રીતે ઘાયલોને હોસ્પિટલ પહોંચાડ્યા હતા. બાંધકામ કે વ્યવસાયની કોઈ યોગ્ય પરમિશન નહોતીઆ હોટેલ અને રેસ્ટોરન્ટના બાંધકામ માટે સ્થાનિક વહીવટીતંત્ર કે સંબંધિત સરકારી વિભાગો પાસેથી કોઈ કાયદેસર મંજૂરી લેવામાં આવી નહોતી. ઇમારતમાં આગ ઓલવવા માટેના પ્રાથમિક સાધનો (Fire Safety Equipment) પણ ગેરહાજર હતા, જેના કારણે શરૂઆતના તબક્કે આગ પર કાબૂ મેળવવો અશક્ય બની ગયો હતો અને આટલી મોટી જાનહાનિ થઈ.આ પણ વાંચો- આ એક જિલ્લો, ગણાય છે Litchi Capital of India, જાણો કયો ?

Read Full Story arrow_forward