android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gujarat Latest News LIVE :   રાજ્યમાં બે સિસ્ટમ સક્રિય રહેતા વરસાદની આગાહી
calendar_today June 3, 2026

Gujarat Latest News LIVE : રાજ્યમાં બે સિસ્ટમ સક્રિય રહેતા વરસાદની આગાહી

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 03JUNE ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Anand News: ભાલેજ રોડ પર ડમ્પરે સર્જ્યો અકસ્માત, યુવકની હાલત ગંભીર
calendar_today June 3, 2026

Anand News: ભાલેજ રોડ પર ડમ્પરે સર્જ્યો અકસ્માત, યુવકની હાલત ગંભીર

આણંદ શહેરમાં બેફામ દોડતા ભારે વાહનો અને ડમ્પર ચાલકો જાણે નિર્દોષ નાગરિકો માટે કાળ સાબિત થઈ રહ્યા છે. આણંદ શહેરમાં ફરી એકવાર ડમ્પરનો કહેર જોવા મળ્યો છે, જેમાં એક વ્યક્તિ ગંભીર રીતે ઘાયલ થયો છે. એક જ મહિનાની અંદર ડમ્પરના કારણે સર્જાયેલો આ બીજો મોટો અકસ્માત છે, જેને પગલે સ્થાનિક લોકોમાં ભારે રોષ જોવા મળી રહ્યો છે.ડમ્પરના તોતિંગ વ્હીલ ફરી વળ્યા ઘટનાની મળતી માહિતી અનુસાર, આણંદના વ્યસ્ત એવા ભાલેજ રોડ પરથી પસાર થઈ રહેલા એક વ્યક્તિને બેફામ ગતિએ આવી રહેલા ડમ્પરે અડફેટે લીધો હતો. અકસ્માત એટલો ભયાનક હતો કે, ડમ્પરના તોતિંગ વ્હીલ તે વ્યક્તિ પર ફરી વળ્યા હતા. વ્હીલ નીચે કચડાવાને કારણે ભોગ બનનાર વ્યક્તિને શરીરે અત્યંત ગંભીર ઈજાઓ પહોંચી હતી અને તે લોહીલુહાણ હાલતમાં રોડ પર જ ફસડાઈ પડ્યો હતો. 108 મારફતે હોસ્પિટલ ખસેડાયો અકસ્માત સર્જાતા જ આસપાસના સ્થાનિક લોકો અને રાહદારીઓ તાત્કાલિક મદદ માટે દોડી આવ્યા હતા. ઘટના અંગે તાકીદે 108 ઇમરજન્સી એમ્બ્યુલન્સ સેવાને જાણ કરવામાં આવી હતી. ઇજાગ્રસ્ત વ્યક્તિની હાલત અત્યંત નાજુક હોવાથી તેને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યો છે, જ્યાં તેની સ્થિતિ ચિંતાજનક હોવાનું જાણવા મળ્યું છે. એક જ મહિનામાં ડમ્પરનો આ બીજો બનાવ આણંદ શહેરમાં બેફામ ચાલતા ડમ્પરો હવે નિર્દોષ લોકોનો ભોગ લઈ રહ્યા છે. ભાલેજ રોડ પર બનેલી આ ઘટના એક મહિનામાં બીજી છે. આ અગાઉ આણંદના 100 ફૂટ રોડ પર પણ એક ડમ્પર ચાલકે એક મહિલાને અડફેટે લઈને કચડી નાખી હતી, જેમાં તે મહિલાનું ઘટના સ્થળે જ કમકમાટીભર્યું મોત નીપજ્યું હતું. ડમ્પરોની ગતિ પર નિયંત્રણ લાવવાની માગ આણંદ શહેરમાં વારંવાર બનતી આવી ઘટનાઓને કારણે તંત્રની કામગીરી સામે પણ સવાલો ઉઠી રહ્યા છે. સ્થાનિક રહીશોની માગ છે કે, રહેણાંક અને વ્યસ્ત વિસ્તારોમાં ડમ્પરોની ગતિ પર નિયંત્રણ લાવવામાં આવે અને બેદરકાર ચાલકો સામે કડક કાયદાકીય પગલાં લેવામાં આવે. આ પણ વાંચો - Anand: વિદ્યાનગરમાં મધરાત્રે મીની વાવાઝોડાનું તાંડવ, ધૂળની ડમરીઓ સાથે તૂટી પડ્યો વરસાદ

Read Full Story arrow_forward
Amreli : 60 લાખનો પુલ ‘સાંઢિયા’ જેવો ઊંચો બનાવી દીધો! નઘરોળ તંત્ર સામે ભાજપના કાર્યકર્તાએ ખોલ્યો મોરચો
calendar_today June 3, 2026

Amreli : 60 લાખનો પુલ ‘સાંઢિયા’ જેવો ઊંચો બનાવી દીધો! નઘરોળ તંત્ર સામે ભાજપના કાર્યકર્તાએ ખોલ્યો મોરચો

અમરેલી જિલ્લાના વડિયા પંથકમાં આવેલા ઢૂંઢિયા પીપળીયા ગામનો એક મહત્વનો બ્રિજ અત્યારે ભારે વિવાદોના વમળમાં ફસાયો છે. ઢૂંઢિયા પીપળીયા ગામને જોડતા મુખ્ય માર્ગ પર આશરે રૂપિયા 50 થી 60 લાખના તોતિંગ ખર્ચે બની રહેલા આ પુલની કામગીરીમાં મોટા પાયે ભ્રષ્ટાચાર અને લોલમલોલ ચાલી રહી હોવાના ગંભીર આક્ષેપો ઉઠ્યા છે. આશ્ચર્યની વાત એ છે કે, આ નબળી કામગીરી સામે કોઈ વિપક્ષે નહીં પરંતુ શાસક પક્ષ ભાજપના જ એક સક્રિય કાર્યકર્તાએ અવાજ ઉઠાવીને પોતાની જ સરકારના વહીવટી તંત્ર અને કોન્ટ્રાક્ટરને કઠેડામાં ઊભા કરી દીધા છે. તમામ નીતિ-નિયમો નેવે મુકાયા સ્થાનિકોના જણાવ્યા અનુસાર, વડિયા અને ઢૂંઢિયા પીપળીયા વચ્ચેનો આ માર્ગ આસપાસના વિસ્તારના ખેડૂતો માટે જીવાદોરી સમાન છે. રાત-દિવસ ખેડૂતો પોતાનો માલ-સામાન લઈને માર્કેટિંગ યાર્ડ સુધી પહોંચવા માટે આ જ મુખ્ય રસ્તાનો ઉપયોગ કરે છે. આ પુલનું કામ છેલ્લા એક વર્ષથી એકદમ ગોકળગતિએ ચાલી રહ્યું છે, જેને કારણે વાહનચાલકો ઓલરેડી પરેશાન હતા. હવે જ્યારે ચોમાસું માથા પર છે, ત્યારે પુલના કામમાં તમામ નીતિ-નિયમો નેવે મૂકી દેવાયા હોવાનું સપાટી પર આવ્યું છે. પાયો ખોદ્યા વિના જ પુલ ચણી દીધો ભાજપના કાર્યકર્તાએ પુલની ગુણવત્તા સામે આકરા સવાલો ઉઠાવતા જણાવ્યું છે કે, પુલનો પાયો જેટલો ઊંડો ખોદવો જોઈતો હતો એટલો ખોદવામાં જ આવ્યો નથી. પાયો ઊંડો ન હોવાના કારણે પુલ ‘સાંઢિયા’ જેવો અત્યંત ઊંચો બની ગયો છે, જેના કારણે ચોમાસામાં પાણીના પ્રવાહ સામે આ પુલ ટકી શકશે કે કેમ તે મોટો સવાલ છે. બ્રિજ પર ફિનિશિંગના નામે તદ્દન મીંડું છે. જો આ નબળો પુલ આમ જ ખુલ્લો મુકાશે તો આગામી ચોમાસામાં ખેડૂતો અને વાહનચાલકો અકસ્માતનો ભોગ બનશે. ભ્રષ્ટાચારથી ખદબદતા આ પુલને તાત્કાલિક અસરથી તોડી પાડીને નવેસરથી મજબૂત બનાવવામાં આવે તેવી ઉગ્ર માંગણી ઉઠી છે.આ પણ વાંચો----     Gujarat Latest News LIVE : રાજ્યમાં બે સિસ્ટમ સક્રિય રહેતા વરસાદની આગાહી

Read Full Story arrow_forward