android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Chhotaudepur: છોટાઉદેપુરમાં પ્રી-મોન્સૂન ડિઝાસ્ટર પ્લાનિંગ અંગે સમીક્ષા બેઠક યોજાઇ
calendar_today June 3, 2026

Chhotaudepur: છોટાઉદેપુરમાં પ્રી-મોન્સૂન ડિઝાસ્ટર પ્લાનિંગ અંગે સમીક્ષા બેઠક યોજાઇ

છોટાઉદેપુર જિલ્લાના પ્રભારી મંત્રી ડૉ. મનીષાબેન વકીલના અધ્યક્ષસ્થાને આગામી ચોમાસાની ઋતુને અનુલક્ષીને પ્રી-મોન્સૂન કામગીરી, આરોગ્ય વિભાગની સજ્જતા અને પાણી પુરવઠાની વ્યવસ્થા અંગે વીડિયો કોન્ફ્રન્સના માધ્યમથી જિલ્લા કલેકટર કચેરીના વીસી ખંડ ખાતે ઉચ્ચ સ્તરીય સમીક્ષા બેઠક યોજાઈ હતી.જેમાં પ્રભારીમંત્રીએ જણાવ્યું હતું કે, આપત્તિ વ્યવસ્થાપન સાથે સંકળાયેલા તમામ અધિકારીએ પ્રત્યક્ષ ફ્લ્ડિમાં જઈ સ્થળ નિરીક્ષણ કરવું. મંત્રીએ કોઈપણ આકસ્મિક સ્થિતિને પહોંચી વળવા માટે ચકાસણી કામગીરીને વધુ સઘન બનાવવા અને તંત્રને હાઈ-એલર્ટ મોડ પર રહેવા સૂચના આપી હતી. આ બેઠકમાં જિલ્લા કલેક્ટર ગાર્ગી જૈન દ્વારા જિલ્લાના સર્વગ્રાહી ડિઝાસ્ટર મેનેજમેન્ટ પ્લાન અંગે વિગતવાર પ્રેઝન્ટેશન રજૂ કરાયું હતું. કલેક્ટરે પ્રભારીમંત્રીને ખાતરી આપી હતી કે, સંભવિત આફ્તોને પહોંચી વળવા માટેનો એક્શન પ્લાન સંપૂર્ણપણે તૈયાર છે. જિલ્લાના તમામ સંબંધિત કર્મચારીઓને આકસ્મિક ફ્રજ સોંપાઇ છે. આપત્તિ સમયે ઉપયોગમાં લેવાતા તમામ ટેકનિકલ સંસાધનોનું ટેસ્ટિંગ પણ સફ્ળતાપૂર્વક પૂર્ણ થયું છે. પૂર કે, અન્ય કુદરતી આપત્તિના સમયે નાગરિકો અને પશુધનના સુરક્ષિત સ્થળાંતર માટે આશ્રાય સ્થાનો નિર્ધારિત કરી દેવાયા છે. જિલ્લામાં 10 બોટ તૈનાત છે. સ્થાનિક સ્તરે તંત્રની મદદ માટે 'લોકલ કોમ્યુનિટી ગ્રૂપક્રને પણ સક્રિય કરી દેવાયા છે. આરોગ્ય ક્ષેત્રની પૂર્વ તૈયારીની સમીક્ષા કરતા જિલ્લા વિકાસ અધિકારી સચિન કુમારે જણાવ્યું હતું કે, ચોમાસામાં સંભવિત પાણીજન્ય અને વાહકજન્ય રોગોના નિયંત્રણ માટે આરોગ્ય વિભાગ દ્વારા આગોતરી વ્યૂહરચના ઘડાઇ છે. ગ્રામીણ વિસ્તારમાં દવાનો પૂરતો જથ્થો ઉપલબ્ધ કરાયો છે. પીવાના પાણીના સોર્સ પર ક્લોરિનેશનની પ્રક્રિયા અનુસરવા સૂચના અપાઈ છે. ખાસ કરીને ક્કકુપ્પા યોજનાક્ર હેઠળ જિલ્લાના 33 ગામને શુદ્ધ અને ગુણવત્તાયુક્ત પીવાનું પાણી મળે તે માટે તંત્ર દ્વારા ઝડપી કામગીરી કરાઇ છે. બેઠકમાં નિવાસી અધિક કલેકટર સહિત જિલ્લાના ઉચ્ચ અધિકારી, તાલુકા કક્ષાએથી તાલુકા વિકાસ અધિકારીઓ અને મામલતદારો જોડાયા હતા. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Surendranagar: જોરાવરનગર આર્મ્સ એકટના ગુનામાં ફરાર રાજકોટ ગ્રામ્યના આરોપીને પોલીસે ઝડપ્યો
calendar_today June 3, 2026

Surendranagar: જોરાવરનગર આર્મ્સ એકટના ગુનામાં ફરાર રાજકોટ ગ્રામ્યના આરોપીને પોલીસે ઝડપ્યો

જોરાવરનગર પોલીસે બાતમીને આધારે રતનપરમાં રહેતા યુવાનને ગેરકાયદેસર પીસ્ટલ સાથે ઝડપી લીધો હતો. પોલીસની પ્રાથમીક તપાસમાં ફીરદોસ સોસાયટીમાં રહેતા શખ્સે આ પીસ્ટલ આપી હોવાનું ખુલતા બન્ને સામે જોરાવરનગર પોલીસ મથકે આર્મ્સ એકટ મુજબ ફરિયાદ નોંધી ફીરદોસ સોસાયટીમાં રહેતા વોન્ટેડ આરોપીને પણ ગેરકાયદેસર હથિયાર સાથે પકડી પાડયો હતો. આ શખ્સને હથિયાર આપનાર રાજકોટ ગ્રામ્યના વધુ એક વોન્ટેડ આરોપીને પણ પોલીસે દબોચી લીધો છે. જોરાવરનગર પોલીસ મથકની સર્વેલન્સ ટીમના રવીભાઈ, હરદેવસિંહ, યુવરાજસિંહ સહિતનાઓએ થોડા દિવસો અગાઉ પેટ્રાલિંગ દરમીયાન રતનપર ગાંડાવાડી વિસ્તારમાં રહેતા અનીશ રફીકભાઈ માલાણીને રૂ.40 હજારની કિંમતની ગેરકાયદે પીસ્ટલ સાથે ઝડપી લીધો હતો. આ પીસ્ટલ અંગે પુછતા અનીશે માલાણીએ ફીરદોસ સોસાયટીમાં રહેતા ઈમરાન ઉર્ફે ઈરફાન રહીમભાઈ જેડા પાસેથી લીધુ હોવાનું જણાવતા બન્ને સામે જોરાવરનગર પોલીસ મથકે આર્મ્સ એકટ મુજબ ફરિયાદ નોંધવામાં આવી હતી. જયારે બાદમાં ફીરદોસ સોસાયટીમાં ઈમરાનના ઘરે રેડ કરતા તે રૂ. 40 હજારની કિંમતની પીસ્ટલ સાથે પકડાયો હતો. આ શખ્સની પુછપરછમાં તેણે રાજકોટના પડધરી તાલુકાના હડમતીયા જંકશન ગામે રહેતા બ્રીજરાજસિંહ જાડેજાને પીસ્ટલ આપી હોવાનું સામે આવ્યુ હતુ. ત્યારે પોલીસે બ્રીજરાજસિંહ લખધીરસિંહ જાડેજાને પણ રૂ. 40 હજારની ગેરકાયદેસર પીસ્ટલ સાથે ઝડપી પાડયો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Chhotaudepur: નસવાડીમાં કપાસ નિદર્શન કિટ માટે ઓનલાઇન અરજી શરૂ
calendar_today June 3, 2026

Chhotaudepur: નસવાડીમાં કપાસ નિદર્શન કિટ માટે ઓનલાઇન અરજી શરૂ

નસવાડી તાલુકાના 212 ગામમાં કપાસનું વાવેતર કરતા ખેડૂતો માટે કૃષિ વિભાગ દ્વારા કપાસના પાકમાં આધુનિક અને વૈજ્ઞાનિક ખેતી પદ્ધતિનો પ્રચાર-પ્રસાર થાય,ખેડૂતોને નવી ટેકનોલોજીની જાણકારી મળે તેમજ ઉત્પાદન અને ગુણવત્તામાં વધારો થાય તે હેતુથી કપાસ નિંદર્શન કિટ મેળવવા માટે ઈ-ખેડૂત પોર્ટલ પર ઓનલાઈન અરજી શરૂ કરાઇ છે. જેનો લાભ મેળવવા ઇચ્છુક ખેડૂતોને સમયમર્યાદામાં ઈ-ખેડૂત પોર્ટલ પર ઓનલાઈન અરજીમાં જરૂરી દસ્તાવેજ તરીકે આધાર કાર્ડ, બેન્ક પાસબુકની નકલ, મોબાઇલ નંબર તેમજ લાગુ પડતું હોય તો જાતિનો દાખલો અપલોડ કરવાનો રહેશે. ખેડૂતોને અરજી કરતા પહેલા તમામ દસ્તાવેજ તૈયાર રાખવાની સલાહ અપાઇ છે જેથી નોંધણી પ્રક્રિયામાં કોઈ મુશ્કેલી ન પડે. વધુ માહિતી, માર્ગદર્શન અથવા અરજી સંબંધિત સહાય માટે ખેડૂતોએ તાલુકા પંચાયત કચેરીની ખેતીવાડી શાખા, ગ્રામ સેવક અથવા વિસ્તરણ અધિકારી (ખેતી)નો સંપર્ક કરવો. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward