android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gandhidham News: ભારતનગરમાં મહિલા સહિત 4 શખ્સોની ટોળકીએ દુકાનનું તાળું તોડ્યું
calendar_today June 2, 2026

Gandhidham News: ભારતનગરમાં મહિલા સહિત 4 શખ્સોની ટોળકીએ દુકાનનું તાળું તોડ્યું

કચ્છના આર્થિક પાટનગર ગણાતા ગાંધીધામ શહેરમાં તસ્કરોનો આતંક દિનપ્રતિદિન વધી રહ્યો છે. ગાંધીધામના ભારતનગર વિસ્તારમાં મોડી રાત્રે એક દુકાનને નિશાન બનાવીને ચોરી કરવાનો પ્રયાસ કરવામાં આવ્યો હોવાની ઘટના સામે આવી છે. આ ચોરીના પ્રયાસમાં એક મહિલા સહિત કુલ 4 લોકોની આખી ટોળકી સામેલ હોવાનું બહાર આવ્યું છે. આ સમગ્ર ઘટના દુકાન બહાર લાગેલા સીસીટીવી (CCTV) કેમેરામાં કેદ થઈ ગઈ છે.તાળું તોડી દૂકાનની અંદર ઘૂસવાનો કર્યો પ્રયાસ ભારતનગર ખાતે આવેલી એક બંધ દુકાન પર મોડી રાત્રે તસ્કરો ત્રાટક્યા હતા. શાતિર ચોરોએ આસપાસ નજર રાખીને દુકાનનું મુખ્ય તાળું તોડી નાખ્યું હતું. ચોંકાવનારી બાબત એ છે કે સામાન્ય રીતે પુરુષો જ ચોરીની ઘટનાઓમાં સંડોવાયેલા હોય છે, પરંતુ આ ટોળકીમાં એક મહિલા પણ સક્રિય રીતે સાથ આપતી જોવા મળી હતી. ચારેય શખ્સોએ ભેગા મળીને દુકાનની અંદર ઘૂસી કિંમતી સામાન અને રોકડ ચોરવાની કોશિશ કરી હતી. પોલીસે તપાસના ચક્રો કર્યા ગતિમાન જોકે આસપાસના કોઈ કારણોસર કે કોઈની અવરજવર થતાં જ આ ટોળકી ચોરીના ઇરાદામાં સફળ થાય તે પહેલાં જ ત્યાંથી ભાગી છૂટી હતી. સવારે જ્યારે દુકાન માલિક આવ્યા ત્યારે તાળા તૂટેલા જોઈને તેમણે સીસીટીવી ફૂટેજ ચેક કર્યા હતા, જેમાં મહિલા સહિત ચાર લોકોની હિલચાલ અને ચોરીનો પ્રયાસ સ્પષ્ટ દેખાઈ રહ્યો હતો. આ અંગે તાત્કાલિક સ્થાનિક પોલીસને જાણ કરવામાં આવી હતી. પોલીસે સીસીટીવી ફૂટેજ પોતાના કબ્જામાં લઈને આ 'લેડીઝ સ્પેશિયલ' ચોર ટોળકીને ઝડપી પાડવા માટે જુદી-જુદી દિશામાં તપાસ શરૂ કરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Gujarat News: રાજ્યસભા ચૂંટણીને લઈને રાજકીય ગરમાવો
calendar_today June 2, 2026

Gujarat News: રાજ્યસભા ચૂંટણીને લઈને રાજકીય ગરમાવો

ગુજરાતમાં રાજ્યસભાની આગામી ચૂંટણીને લઈને રાજકીય ગરમાવો ચરમસીમાએ પહોંચી ગયો છે. ગાંધીનગરથી લઈને દિલ્હી હાઈકમાન્ડ સુધી ઉમેદવારોના નામોને લઈને ભારે મંથન ચાલી રહ્યું છે. સૂત્રો તરફથી મળતી વિગતો અનુસાર, આ સપ્તાહના અંતમાં એટલે કે આગામી 7 જૂનની મોડી રાત સુધીમાં ભારતીય જનતા પાર્ટી પોતાના 4 ઉમેદવારોના નામોની સત્તાવાર જાહેરાત કરી શકે છે. ચૂંટણી પંચના શિડ્યુલ મુજબ, આગામી 8 જૂન સુધી ઉમેદવારી પત્ર ભરવાની અંતિમ તારીખ હોવાથી ભાજપ વહેલી તકે નામો પર આખરી મહોર મારશે. જ્ઞાતિગત સમીકરણો પર વિશેષ ધ્યાન ઉલ્લેખનીય છે કે, આગામી 21 જૂનના રોજ ગુજરાતના 4 રાજ્યસભા સાંસદોની મુદત પૂર્ણ થઈ રહી છે, જેના કારણે આ બેઠકો ખાલી પડશે. આ ચૂંટણીમાં ભાજપ સોશિયલ એન્જિનિયરિંગ એટલે કે જ્ઞાતિગત સમીકરણો પર વિશેષ ધ્યાન કેન્દ્રિત કરી રહ્યું છે. ભાજપ આ વખતે ગુજરાતમાંથી અનુસૂચિત જાતિ અને અનુસૂચિત જનજાતિ સમાજને મોટું પ્રતિનિધિત્વ આપવા માટે ૧-૧ બેઠક પર ગંભીરતાથી વિચારણા કરી રહ્યું છે. હાલમાં મુદત પૂર્ણ કરી રહેલા સાંસદોમાં રમીલાબેન બારા અનુસૂચિત જનજાતિ નું પ્રતિનિધિત્વ કરતા હતા, જેથી આ વર્ગને સાચવી રાખવો પક્ષ માટે અનિવાર્ય છે.

Read Full Story arrow_forward
Ahmedabad News: શહેરમાં વધતા વાહનોની સંખ્યા સામે રોડ ઈન્ફ્રાસ્ટ્રક્ચરનો વિકાસ અપૂરતો, ટ્રાફિક મેનેજમેન્ટ સામે પડકાર
calendar_today June 2, 2026

Ahmedabad News: શહેરમાં વધતા વાહનોની સંખ્યા સામે રોડ ઈન્ફ્રાસ્ટ્રક્ચરનો વિકાસ અપૂરતો, ટ્રાફિક મેનેજમેન્ટ સામે પડકાર

અમદાવાદ શહેરમાં વાહનોની સંખ્યામાં સતત વધી રહી છે પરંતુ તેની સરખામણીએ રોડ ઈન્ફ્રાસ્ટ્રક્ચરનો વિકાસ પૂરતી ગતિએ થઈ રહ્યો નથી.પરિણામે શહેરના મુખ્ય માર્ગો પર રોજબરોજ ટ્રાફિક જામની સમસ્યા સર્જાઈ રહી છે.વર્ષ 2025માં અમદાવાદમાં 1 લાખ 82 હજારથી વધુ નવા વાહનો નોંધાયા હતા.જ્યારે ચાલુ વર્ષ 2026માં માત્ર પાંચ મહિનામાં જ 77 હજારથી વધુ વાહનો નોંધાઈ ચૂક્યા છે.વધતા વાહનો અને અપૂરતી રોડ કનેક્ટિવિટીના કારણે શહેરના ટ્રાફિક મેનેજમેન્ટ સામે પણ પડકાર ઊભો થયો છે. વાહનોની સંખ્યા દર વર્ષે નવા રેકોર્ડ બનાવી રહી છે અમદાવાદમાં વાહનોની સંખ્યા દર વર્ષે નવા રેકોર્ડ બનાવી રહી છે. આરટીઓના આંકડા મુજબ વર્ષ 2025 દરમિયાન શહેરમાં 1 લાખ 82 હજારથી વધુ નવા વાહનો નોંધાયા હતા.જેમાં 1 લાખ 19 હજારથી વધુ ટુ-વ્હીલર અને 45 હજારથી વધુ ફોર-વ્હીલરનો સમાવેશ થાય છે.ચાલુ વર્ષ 2026માં પણ વાહનોની સંખ્યામાં સતત વધારો જોવા મળી રહ્યો છે. અત્યાર સુધીમાં 77 હજારથી વધુ વાહનોની નોંધણી થઈ ચૂકી છે. જેમાં લગભગ 49 હજાર 500 ટુ-વ્હીલર અને 33 હજાર 300 જેટલા ફોર-વ્હીલરનો સમાવેશ થાય છે. એટલે કે દરરોજ સરેરાશ સેંકડો નવા વાહનો શહેરના માર્ગો પર ઉમેરાઈ રહ્યા છે. શહેરની રોડ કનેક્ટિવિટી અને ટ્રાફિક ઈન્ફ્રાસ્ટ્રક્ચર તે મુજબ વિકસ્યું નથી.અનેક વિસ્તારોમાં સાંકડા રસ્તા,અધૂરા રોડ વિસ્તરણ અને વધતા દબાણના કારણે ટ્રાફિક જામ સામાન્ય બાબત બની ગઈ છે. ટ્રાફિકનું દબાણ અન્ય માર્ગો પર વધી જાય છે વાહનચાલકોનું કહેવું છે કે ટ્રાફિક પોલીસ દ્વારા ઘણી વખત અચાનક ડિવાઈડર બંધ કરી દેવામાં આવે છે અથવા ડાયવર્ઝન આપવામાં આવે છે.જેના કારણે વાહનચાલકોને લાંબા ચક્કર લગાવવા પડે છે અને ટ્રાફિકનું દબાણ અન્ય માર્ગો પર વધી જાય છે.તો બીજી તરફ શહેરમાં બ્લેક સ્પોટ પણ વધી રહ્યા છે શહેરમાં 21 થી વધારે બ્લેક સ્પોટ નોંધાયા છે જેને હલ કરવા માટે RTO, R&B ટ્રાફિક, કોર્પોરેશન સહિતની એજન્સીઓ સતત એ વિસ્તારમાં અસલામત અને ટ્રાફિક ઘટાડવા કામ કરતું હોય છે.વધતા વાહનો સામે રોડ ઈન્ફ્રાસ્ટ્રક્ચર અને ટ્રાફિક મેનેજમેન્ટને વધુ મજબૂત બનાવવાની જરૂરિયાત હવે સ્પષ્ટ દેખાઈ રહી છે. નહીં તો અમદાવાદમાં ટ્રાફિક જામની સમસ્યા આગામી સમયમાં વધુ વિકટ બનવાની શક્યતા છે.આ પણ વાંચોઃ Ahmedabad News: બુલેટ ટ્રેનની કામગીરી માટે કાંકરિયા બ્રિજ રાત્રે 12થી સવારે 6 વાગ્યા સુધી બંધ રહેશે

Read Full Story arrow_forward