android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabad News: IPL દરમિયાન મેટ્રોની આવકમાં ધરખમ વધારો, એક જ દિવસમાં 30 લાખની આવક થઈ
calendar_today June 1, 2026

Ahmedabad News: IPL દરમિયાન મેટ્રોની આવકમાં ધરખમ વધારો, એક જ દિવસમાં 30 લાખની આવક થઈ

અમદાવાદ શહેરમાં રમાયેલી ઈન્ડિયન પ્રીમિયર લીગ (IPL)ની મેચોના કારણે માત્ર ક્રિકેટ પ્રેમીઓમાં જ નહીં પરંતુ મેટ્રો રેલવેના વહીવટીતંત્રમાં પણ ભારે ઉત્સાહ જોવા મળી રહ્યો છે. મેચના દિવસે સ્ટેડિયમ તરફ જતા અને ત્યાંથી પરત ફરતા ક્રિકેટ રસિકો માટે મેટ્રો ટ્રેન આશીર્વાદરૂપ સાબિત થઈ રહી છે. જેના કારણે મેટ્રોની મુસાફરોની સંખ્યા અને આવકમાં રેકોર્ડબ્રેક વધારો નોંધાયો છે. મેટ્રો ટ્રેનમાં 1.95 લાખ મુસાફરોએ મુસાફરી કરી છે. જ્યારે ટ્રેનને એક જ દિવસમાં 30 લાખની આવક થઈ છે. એક જ દિવસમાં 30 લાખની ઐતિહાસિક આવક તાજેતરમાં રમાયેલી મેચ દરમિયાન મેટ્રોમાં મુસાફરી કરનારા લોકોની સંખ્યામાં અભૂતપૂર્વ ઉછાળો આવ્યો હતો.સત્તાવાર આંકડાઓ મુજબ,નરેન્દ્ર મોદી સ્ટેડિયમ ખાતે રમાયેલી મેચના એક જ દિવસમાં અંદાજે 1.95 લાખ મુસાફરોએ મેટ્રો સેવાનો લાભ લીધો હતો.આટલી મોટી સંખ્યામાં મુસાફરો નોંધાતા મેટ્રો રેલવેને માત્ર એક જ દિવસમાં રૂપિયા 30 લાખની ઐતિહાસિક આવક થઈ છે. શહેરમાં પબ્લિક ટ્રાન્સપોર્ટનો ક્રેઝ ઝડપથી વધી રહ્યો છે મેચ નિહાળવા આવેલા હજારો દર્શકોને ઘર સુધી પહોંચવામાં કોઈ તકલીફ ન પડે તે માટે મેટ્રો પ્રશાસન દ્વારા ખાસ વ્યવસ્થા કરવામાં આવી હતી.સામાન્ય દિવસો કરતાં આ દિવસે મેટ્રો ટ્રેનોને મોડી રાત સુધી દોડાવવામાં આવી હતી.ટ્રાફિક જામ અને પાર્કિંગની ઝંઝટથી બચવા માટે મોટાભાગના લોકોએ ખાનગી વાહનોના બદલે મેટ્રોને પ્રાથમિકતા આપી હતી.મેટ્રો સ્ટેશનો પર ભીડને નિયંત્રિત કરવા માટે વધારાનો સ્ટાફ અને ચુસ્ત સુરક્ષા બંદોબસ્ત પણ ગોઠવવામાં આવ્યો હતો. આ સફળ સંચાલન દર્શાવે છે કે શહેરમાં પબ્લિક ટ્રાન્સપોર્ટનો ક્રેઝ ઝડપથી વધી રહ્યો છે. આ પણ વાંચોઃ Rajkot : ધીરેન્દ્ર શાસ્ત્રીના દિવ્ય દરબાર પહેલાં ભારે ગરમાવો: બાબાને પડકાર ફેંકનાર એડવોકેટને મળી ધમકી

Read Full Story arrow_forward
Vadodara News: ચોમાસા પહેલા તંત્ર એક્શનમાં, મેયર સહિતના કાફલાએ સમા કેનાલ પર કર્યું નિરીક્ષણ
calendar_today June 1, 2026

Vadodara News: ચોમાસા પહેલા તંત્ર એક્શનમાં, મેયર સહિતના કાફલાએ સમા કેનાલ પર કર્યું નિરીક્ષણ

ચોમાસાની ઋતુ નજીક આવી રહી છે, ત્યારે વડોદરા મહાનગરપાલિકા એક્શન મોડમાં જોવા મળી રહી છે. વડોદરા શહેરમાં ચોમાસા દરમિયાન વરસાદી પાણી ભરાવાની સમસ્યા ન સર્જાય તે માટે તંત્ર દ્વારા પ્રી-મોન્સૂન કામગીરી તેજ કરી દેવામાં આવી છે. જેના ભાગરૂપે આજે વડોદરાના મેયર, સ્ટેન્ડિંગ કમિટિના ચેરમેન, સ્થાનિક કોર્પોરેટરો અને ઉચ્ચ અધિકારીઓનો કાફલો સમા કેનાલ રોડ પર આવેલી 'ભૂખી કાંસ'ની કામગીરીની સમીક્ષા કરવા માટે ગ્રાઉન્ડ ઝિરો પર પહોંચ્યો હતો.સફાઈ અને ગાદ દૂર કરવાની કામગીરી ચકાસાઈ વડોદરા શહેરના વિવિધ વિસ્તારોમાંથી વરસાદી પાણીના નિકાલ માટે ભૂખી કાંસ અત્યંત મહત્વની ભૂમિકા ભજવે છે. વડોદરાના મેયર સહિતના પદાધિકારીઓએ સ્થળ પર પહોંચીને કાંસની સફાઈ અને તેમાંથી કાદવ-કચરો દૂર કરવાની ચાલી રહેલી કામગીરીનું ઝીણવટભર્યું નિરીક્ષણ કર્યું હતું. ચોમાસા દરમિયાન વરસાદી પાણીના નિકાલમાં કોઈ પણ પ્રકારનો અવરોધ ન આવે તે માટે તંત્ર દ્વારા પૂરતી તકેદારી રાખવામાં આવી રહી છે. સમયસર કામગીરી પૂર્ણ કરવા કડક તાકીદ નિરીક્ષણ દરમિયાન મેયર અને પદાધિકારીઓએ હાજર અધિકારીઓને જરૂરી સૂચનો આપ્યા હતા. તેમણે જણાવ્યું હતું કે, વરસાદના સમયે નાગરિકોને પાણી ભરાવાની સમસ્યાનો સામનો ન કરવો પડે તે રીતે નિકાલની વ્યવસ્થા સુદ્રઢ કરવામાં આવે. આ સાથે જ ચોમાસું બેસે તે પહેલાં તમામ પ્રી-મોન્સૂન કામગીરી સમયસર અને ગુણવત્તાયુક્ત રીતે પૂર્ણ કરવા માટે અધિકારીઓને કડક તાકીદ કરવામાં આવી છે. હાલમાં વડોદરાના જુદા જુદા વિસ્તારોમાં વરસાદી લાઈનો અને કાંસની સફાઈ ઝુંબેશ જોરશોરથી ચાલી રહી છે. આ પણ વાંચો - Vadodara News: આઇસરે સાયકલ સવારને મારી ટક્કર, જુઓ Video

Read Full Story arrow_forward
Gandhinagar : સરકારી કર્મચારીઓ સાવધાન!, ખાતાકીય તપાસમાં વિલંબ કરનાર અધિકારીઓની જવાબદારી થશે ફિક્સ
calendar_today June 1, 2026

Gandhinagar : સરકારી કર્મચારીઓ સાવધાન!, ખાતાકીય તપાસમાં વિલંબ કરનાર અધિકારીઓની જવાબદારી થશે ફિક્સ

ગુજરાત સરકારના વહીવટી તંત્રને વધુ પારદર્શક, ઝડપી અને જવાબદારીપૂર્વક બનાવવા માટે રાજ્ય સરકારે એક બહુ મોટો અને ક્રાંતિકારી નિર્ણય લીધો છે. સરકારી કર્મચારીઓ સામે થતી ખાતાકીય તપાસની વર્ષો સુધી લટકતી પ્રક્રિયાનો અંત લાવવા માટે સામાન્ય વહીવટ વિભાગ દ્વારા એક મહત્વપૂર્ણ પરિપત્ર જાહેર કરવામાં આવ્યો છે. આ નવી માર્ગદર્શિકા અંતર્ગત હવે જો ખાતાકીય તપાસમાં કોઈ અધિકારી જાણીબૂઝીને વિલંબ કરશે, તો તે વિલંબ કરનાર જવાબદાર અધિકારી સામે પણ કડક શિક્ષાત્મક કાર્યવાહી કરવામાં આવશે.પ્રાથમિક તપાસ કરનાર જ ખાતાકીય તપાસ નહીં કરે રાજ્ય સરકારના આ નવા નિયમો મુજબ તપાસ પ્રક્રિયામાં મોટો ફેરફાર કરવામાં આવ્યો છે. હવેથી જે અધિકારીએ કર્મચારી સામે 'પ્રાથમિક તપાસ' કરી હશે, તે જ અધિકારી આગળની 'ખાતાકીય તપાસ' કરી શકશે નહીં. આ નિર્ણયથી તપાસમાં નિષ્પક્ષતા જળવાઈ રહેશે. આ ઉપરાંત, સમગ્ર પ્રક્રિયાને સમયબદ્ધ બનાવવા માટે સરકારે આદેશ કર્યો છે કે કોઈપણ કેસમાં હવે એક મહિનાની અંદર કારણદર્શક નોટિસ આપવી ફરજિયાત રહેશે. નિવૃત્ત કર્મચારીઓના કેસોમાં ખૂબ જ ઝડપથી નિર્ણય લેવાનો કડક આદેશ ખાસ કરીને નિવૃત્ત કર્મચારીઓના કેસમાં વર્ષો સુધી પેન્શન અને ગ્રેચ્યુઈટી અટકી પડવાની ફરિયાદો ઉઠતી હોય છે, તેને ધ્યાને રાખીને નિવૃત્ત કર્મચારીઓના કેસોમાં ખૂબ જ ઝડપથી નિર્ણય લેવાનો કડક આદેશ આપવામાં આવ્યો છે. સરકારનો ઉદ્દેશ્ય કર્મચારીઓને બિનજરૂરી હેરાનગતિમાંથી બચાવવાનો અને દોષિતોને વહેલી તકે સજા આપવાનો છે. સામાન્ય વહીવટ વિભાગે રાજ્યના તમામ સરકારી વિભાગો, સચિવાલયના ખાતાઓ અને કલેક્ટર કચેરીઓને આ નવી ગાઇડલાઇન મોકલીને તાત્કાલિક અસરથી તેનો અમલ શરૂ કરવાના કડક નિર્દેશ આપ્યા છે.આ પણ વાંચો-----    Surat : વસતી ગણતરીના પહેલા જ દિવસે ફિયાસ્કો, કીટ ન મળતા શિક્ષકો રોષે ભરાયા, સેન્ટર અલગ-અલગ જગ્યાએ ફાળવાતા વિરોધ

Read Full Story arrow_forward