android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Vadodara News: આઇસરે સાયકલ સવારને મારી ટક્કર, જુઓ Video
calendar_today June 1, 2026

Vadodara News: આઇસરે સાયકલ સવારને મારી ટક્કર, જુઓ Video

વડોદરા શહેરમાંથી પસાર થતા નેશનલ હાઈવે-48 પર એક હૃદયકંપાવનારો અકસ્માત સામે આવ્યો છે. હાઈવે પર જાંબુઆ બ્રિજ પાસે એક બેફામ સ્પીડે આવી રહેલા આઇસર ટેમ્પોના ચાલકે સાયકલ સવાર વૃદ્ધને જોરદાર ટક્કર મારી હતી. આ ગમખ્વાર અકસ્માત બાદ આઇસર ચાલક વાહન લઈને ઘટના સ્થળેથી ફરાર થઈ ગયો હતો. આ સમગ્ર ઘટનાના લાઈવ સીસીટીવી ફૂટેજ પણ સામે આવ્યા છે, જે ધ્રુજારી ઉપાડી દે તેવા છે.વૃદ્ધને માથાના ભાગે ગંભીર ઈજાઓ ઘટનાની મળતી માહિતી મુજબ, એક વૃદ્ધ વ્યક્તિ પોતાની સાયકલ લઈને નેશનલ હાઈવે-48 પર જાંબુઆ બ્રિજ પાસેથી પસાર થઈ રહ્યા હતા. આ દરમિયાન પાછળથી પૂરપાટ ઝડપે આવી રહેલા એક આઇસરના ચાલકે ગફલતભરી રીતે ડ્રાઇવિંગ કરીને સાયકલ સવાર વૃદ્ધને અડફેટે લીધા હતા. ટક્કર એટલી જોરદાર હતી કે, વૃદ્ધ રોડ પર ફંગોળાયા હતા અને તેમને માથાના ભાગે અત્યંત ગંભીર ઈજાઓ પહોંચી હતી. અકસ્માત સર્જાતા જ આસપાસના લોકો તાત્કાલિક મદદ માટે દોડી આવ્યા હતા અને લોહીલુહાણ હાલતમાં વૃદ્ધને સારવાર માટે હોસ્પિટલ ખસેડ્યા હતા. CCTV ફૂટેજના આધારે પોલીસ તપાસ શરૂ આ હિટ એન્ડ રનની ઘટના નજીકમાં લાગેલા સીસીટીવી કેમેરામાં કેદ થઈ ગઈ છે. ફૂટેજમાં જોઈ શકાય છે કે, કઈ રીતે બેદરકાર આઇસર ચાલકે સાયકલ સવારને ટક્કર મારી અને ઊભા રહેવાના બદલે વાહન ભગાડી મૂક્યું હતું. ઘટનાની જાણ થતા જ સ્થાનિક પોલીસનો કાફલો હોસ્પિટલ અને ઘટના સ્થળે પહોંચ્યો હતો. પોલીસે સીસીટીવી ફૂટેજ કબ્જે કરીને તેના આધારે ફરાર આઇસર ચાલકની શોધખોળ અને આગળની કાયદેસરની કાર્યવાહી હાથ ધરી છે. આ પણ વાંચો - Vadodara : આજવા રોડ પર હિટ એન્ડ રનમાં વૃદ્ધાનું કાળજું કંપાવનારું મોત, કારમાં વિદેશી વિદ્યાર્થીઓ હોવાની ચર્ચા

Read Full Story arrow_forward
Rajkot News: વિજ્ઞાન જાથાના ચેરમેન જયંત પંડ્યાએ કહ્યું, અમે અંધશ્રદ્ધા અને ભ્રામક દાવાઓનો વિરોધ કરીએ છીએ
calendar_today June 1, 2026

Rajkot News: વિજ્ઞાન જાથાના ચેરમેન જયંત પંડ્યાએ કહ્યું, અમે અંધશ્રદ્ધા અને ભ્રામક દાવાઓનો વિરોધ કરીએ છીએ

રાજકોટમાં આગામી 5 થી 7 જૂનના રોજ બાગેશ્વર ધામના પીઠાધીશ્વર ધીરેન્દ્ર કૃષ્ણ શાસ્ત્રીના ત્રિ-દિવસીય 'દિવ્ય દરબાર'નું આયોજન કરવામાં આવ્યું છે. પરંતુ આ કાર્યક્રમની શરૂઆત થાય તે પહેલાં જ રાજકોટનું રાજકારણ અને સામાજિક વાતાવરણ ગરમાયું છે.બાબાના આગમન પહેલાં જ એક મોટો વિવાદ સામે આવ્યો છે, જેમાં ધીરેન્દ્ર શાસ્ત્રીની શક્તિઓ સામે સવાલ ઉઠાવનાર એડવોકેટ પુરુષોત્તમ પીપળિયાને સોશિયલ મીડિયાના માધ્યમથી જાનથી મારી નાખવાની કે અન્ય ધમકીઓ મળી હોવાનો દાવો કરવામાં આવ્યો છે. અમે અંધશ્રદ્ધાના વિરોધી છીએ : જયંત પંડ્યા રાજકોટમાં યોજાનારા બાગેશ્વર ધામ કાર્યક્રમ મુદ્દે વિરોધનો વંટોળ વધી રહ્યો છે. વિજ્ઞાન જાથા દ્વારા આ કાર્યક્રમને લઈને વિરોધ નોંધાવાયો છે. વિજ્ઞાન જાથાના ચેરમેન જયંત પંડ્યાએ કહ્યું હતું કે, અમે અંધશ્રદ્ધાના વિરોધી છીએ. શ્રદ્ધા અને આસ્થા પ્રત્યે અમારૂ સમર્થન છે. અમે માત્ર અંધશ્રદ્ધા અને ભ્રામક દાવાઓનો વિરોધ કરીએ છીએ. લોકોને ખોટા દાવા કરીને અંધશ્રદ્ધામાં ડૂબાડી દેનારા લોકોનો અમે વિરોધ કરીએ છીએ. હું સનાતન ધર્મનો વિરોધી નથીઃ પુરુષોત્તમ પીપળિયા એડવોકેટ પુરુષોત્તમ પીપળિયાએ સંદેશ ન્યૂઝ સાથેની ખાસ વાતચીતમાં જણાવ્યું હતું કે, "મને સોશિયલ મીડિયા અને અન્ય માધ્યમો દ્વારા ધમકીઓ આપવામાં આવી રહી છે. જે લોકો ધમકી આપી રહ્યા છે, તેઓ ચોક્કસ વિચારધારાથી પ્રેરિત ધર્માંધ લોકો છે. હું સનાતન ધર્મનો વિરોધી નથી, હું પોતે ચુસ્ત ધર્મ સમર્થક છું. પરંતુ હું માત્ર ધર્મના નામે થતા ડિંડક, દોરાધાગા અને પ્રપંચનો વિરોધી છું." વધુમાં તેમણે સ્પષ્ટ કર્યું હતું કે, તેઓ આ ધમકી આપનારાઓ સામે કોઈ પોલીસ ફરિયાદ કરવાના નથી. આ પણ વાંચોઃ Rajkot : ધીરેન્દ્ર શાસ્ત્રીના દિવ્ય દરબાર પહેલાં ભારે ગરમાવો: બાબાને પડકાર ફેંકનાર એડવોકેટને મળી ધમકી

Read Full Story arrow_forward
Surat : વસતી ગણતરીના પહેલા જ દિવસે ફિયાસ્કો, કીટ ન મળતા શિક્ષકો રોષે ભરાયા, સેન્ટર અલગ-અલગ જગ્યાએ ફાળવાતા વિરોધ
calendar_today June 1, 2026

Surat : વસતી ગણતરીના પહેલા જ દિવસે ફિયાસ્કો, કીટ ન મળતા શિક્ષકો રોષે ભરાયા, સેન્ટર અલગ-અલગ જગ્યાએ ફાળવાતા વિરોધ

ગુજરાતભરમાં આજથી વસતી ગણતરી કાર્યક્રમના પ્રથમ તબક્કાનો પ્રારંભ થવા જઈ રહ્યો હતો, પરંતુ સુરતમાં શરૂઆત થાય તે પહેલાં જ મોટો વિવાદ સામે આવ્યો છે. સુરતના મોટાભાગના વિસ્તારોમાં વસ્તી ગણતરીની કામગીરી પ્રથમ દિવસે જ ખોરવાઈ ગઈ છે. આ મહત્વપૂર્ણ કામગીરી માટે નિયુક્ત કરાયેલા કર્મચારીઓ અને શિક્ષકોને જરૂરી વસ્તી ગણતરીની 'કીટ' જ ન મળતા તેમણે કામ શરૂ કરવાનો સ્પષ્ટ ઇનકાર કરી દીધો છે, જેના કારણે કરોડોના આ પ્રોજેક્ટના પ્રારંભે જ ધબડકો થયો છે.33 પ્રશ્નો પૂછીને ફોર્મ ભરવાના છે સુરત શહેરમાં વસ્તી ગણતરીની પ્રક્રિયા માટે 10800 ગણતરીદાર અને 1800 સુપરવાઈઝર સહિતનો વિશાળ સ્ટાફ નક્કી કરવામાં આવ્યો છે. આ કર્મચારીઓએ આગામી 30 જૂન સુધીમાં નાગરિકોના આવાસની સ્થિતિ, કુટુંબની વિગત, પીવાના પાણીનો સ્ત્રોત અને શૌચાલયની સુવિધા સહિતના 33 પ્રશ્નો પૂછીને ફોર્મ ભરવાના છે.  કીટ ન પહોંચતા શિક્ષકોમાં ભારે નારાજગી જો કે વહીવટી તંત્રની ગંભીર બેદરકારીને કારણે સમયસર કીટ ન પહોંચતા શિક્ષકોમાં ભારે નારાજગી વ્યાપી છે. શિક્ષકોનું કહેવું છે કે સમયસર કામ શરૂ ન થવાને કારણે છેલ્લા દિવસોમાં તેમના પર વર્ક લોડ અસહ્ય વધી જશે. વેકેશન પણ ખુલવાની તૈયારીમાં બીજી તરફ, શાળાઓનું વેકેશન પણ ખુલવાની તૈયારીમાં છે, ત્યારે શિક્ષકોએ પોતાની જૂની પડતર માંગણીઓને લઈને પણ મોરચો માંડ્યો છે. શિક્ષકોએ માગ કરી છે કે 'એક શિક્ષક એક બ્લોક'ની નીતિ અપનાવવામાં આવે. આ ઉપરાંત સગર્ભા મહિલાઓ, પ્રસૂતિ કરાવી ચૂકેલી અને મેડિકલ ઈમરજન્સી ધરાવતી મહિલા કર્મચારીઓને આ વસ્તી ગણતરીની અતિ ભારે કામગીરીમાંથી બાકાત રાખવામાં આવે. રહેણાંક વિસ્તારની નજીકના સેન્ટરો ફાળવવાની માગ તેમજ કર્મચારીઓને તેમની શાળા અથવા રહેણાંક વિસ્તારની નજીકના સેન્ટરો ફાળવવાની માગ પણ તંત્ર દ્વારા પૂરી ન કરાતા વિરોધ વધુ ઉગ્ર બન્યો છે. જુદી જુદી જગ્યાએ સેન્ટરો ફાળવાતા અને કીટ વગર કામગીરી અટકી પડતા સુરતમાં વસ્તી ગણતરીના પ્રથમ દિવસે જ વહીવટી તંત્રના આયોજનના ધજાગરા ઉડ્યા છે.આ પણ વાંચો----     Junagadh : ગીરમાં સિંહોના મોતના મામલે PMO એક્શનમાં, ખુદ વડાપ્રધાન મોદી રાખી રહ્યા છે નજર

Read Full Story arrow_forward