android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabad : જ્યોર્જિયામાં ગુમ થયેલા મેડિકલના વિદ્યાર્થી ધ્વનિત રાજદીપ મૃત હાલતમાં મળતા ખળભળાટ
calendar_today May 30, 2026

Ahmedabad : જ્યોર્જિયામાં ગુમ થયેલા મેડિકલના વિદ્યાર્થી ધ્વનિત રાજદીપ મૃત હાલતમાં મળતા ખળભળાટ

વિદેશમાં મેડિકલના ઉચ્ચ અભ્યાસ અર્થે ગયેલા વધુ એક ગુજરાતી વિદ્યાર્થીના મોતના દુઃખદ સમાચાર સામે આવ્યા છે. યુરોપના જ્યોર્જિયા દેશમાં છેલ્લા 16 દિવસથી રહસ્યમય સંજોગોમાં ગુમ થયેલા અમદાવાદના તેજસ્વી વિદ્યાર્થી ધ્વનિત રાજદીપનો મૃતદેહ ત્યાંની એક નદીમાંથી મળી આવતા પરિવાર પર આભ તૂટી પડ્યું છે. ગત 14 મેથી ગુમ થયેલા ધ્વનિતની લાશ મળતા જ સ્થાનિક પોલીસે આ મામલે કાયદેસરની તપાસ હાથ ધરી છે. 14 મેના રોજ તે ગુમ થયો હતો. અમદાવાદના નિકોલ વિસ્તારનો રહેવાસી 22 વર્ષીય ધ્વનિત રાજદીપ જ્યોર્જિયામાં તબીબી અભ્યાસ અર્થે ગયો હતો. 14 મેના રોજ તે અચાનક હોસ્ટેલ/રૂમ પરથી ગુમ થઈ ગયો હતો, જેની જાણ થતાં જ અમદાવાદમાં રહેતા તેના ચિંતાતુર પરિવારે સોશિયલ મીડિયા અને કેન્દ્રીય વિદેશ મંત્રાલય સમક્ષ મદદની ગુહાર લગાવી હતી. મકાન માલિક સાથે થયેલો કોઈ મોટો વિવાદ પરિવારનો આરોપ હતો કે ધ્વનિતના ગુમ થવા પાછળ તેના સ્થાનિક મકાન માલિક સાથે થયેલો કોઈ મોટો વિવાદ જવાબદાર હોઈ શકે છે. મકાન માલિક સાથે અવારનવાર થતી બોલાચાલી અને માનસિક ત્રાસના કારણે જ ધ્વનિત સાથે કોઈ અનહોની થઈ હોવાની આશંકા સેવાઈ રહી હતી. નદીના પટમાંથી ધ્વનિતનો મૃતદેહ મળી આવ્યો જ્યોર્જિયા પોલીસને તપાસ દરમિયાન એક સ્થાનિક નદીના પટમાંથી ધ્વનિતનો મૃતદેહ મળી આવ્યો હતો. પોલીસે લાશને પોસ્ટમોર્ટમ અર્થે મોકલી આપી છે અને આ આત્મહત્યા છે, અકસ્માત છે કે પછી મકાન માલિક સાથેના વિવાદમાં થયેલી કોઈ સાઝિશ હેઠળની હત્યા, તે તમામ પાસાઓ પર સઘન તપાસ શરૂ કરી છે. પરિવારમાં શોકનો માહોલ બીજી તરફ, યુવાન પુત્રના મોતના સમાચાર મળતા જ અમદાવાદમાં પરિવાર હિબકે ચડ્યો છે. પરિવારે ભારત સરકારને વિનંતી કરી છે કે ધ્વનિતના મૃતદેહને વહેલી તકે ભારત લાવવાની વ્યવસ્થા કરવામાં આવે અને તેને ન્યાય અપાવવા માટે જ્યોર્જિયા પ્રશાસન પર દબાણ લાવવામાં આવે. આ પણ વાંચો----     Vadodara : નકલી IB ઓફિસર બની આપના જ કાર્યકરને ધમકાવવામાં વડોદરા ‘આપ’ પ્રમુખ અશોક ઓઝા સહિત 2ની ધરપકડ

Read Full Story arrow_forward
Gujarat Latest News Live : જ્યોર્જિયામાં ગુમ થયેલા ગુજરાતી વિદ્યાર્થી ધ્વનિત રાજદીપનો નદીમાંથી મળ્યો મૃતદેહ
calendar_today May 30, 2026

Gujarat Latest News Live : જ્યોર્જિયામાં ગુમ થયેલા ગુજરાતી વિદ્યાર્થી ધ્વનિત રાજદીપનો નદીમાંથી મળ્યો મૃતદેહ

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 30 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Ahmedabad: કચ્છમાંથી ઝડપાયેલા 119 કિલો કોકેઇન કેસમાં NIAની એન્ટ્રી,  આંતરરાષ્ટ્રીય ડ્રગ્સ માફિયાઓના લોકેશન ટ્રેક કરાયા
calendar_today May 30, 2026

Ahmedabad: કચ્છમાંથી ઝડપાયેલા 119 કિલો કોકેઇન કેસમાં NIAની એન્ટ્રી, આંતરરાષ્ટ્રીય ડ્રગ્સ માફિયાઓના લોકેશન ટ્રેક કરાયા

ગુજરાતનો દરિયાકાંઠો ફરી એકવાર આંતરરાષ્ટ્રીય ડ્રગ માફિયાઓના નિશાને આવ્યો છે, પરંતુ ગુજરાત ATSની સજાગતાના કારણે રૂપિયા 1190 કરોડનું કોકેઇન નેટવર્ક દેશમાં પ્રવેશે તે પહેલા જ ધ્વસ્ત કરી દેવાયું છે. કચ્છના દરિયાકાંઠેથી બિનવારસી અથવા છુપાવીને રાખવામાં આવેલો 119 કિલો શુદ્ધ કોકેઇનનો જથ્થો ઝડપાયા બાદ હવે આ કેસમાં નેશનલ ઇન્વેસ્ટિગેશન એજન્સી (NIA) ની એન્ટ્રી થઈ છે. આ ડ્રગ્સ આંતરરાષ્ટ્રીય સરહદો અને દરિયાઈ માર્ગો વટાવીને ભારત લાવવામાં આવ્યું હોવાથી કેન્દ્રીય એજન્સીઓએ તેને દેશની સુરક્ષા સાથે જોડીને તપાસ શરૂ કરી છે.એપ્લિકેશન કોલથી મળતું હતું સિક્રેટ લોકેશનATS અને NIAની સંયુક્ત પૂછપરછ અને ડિજિટલ ફોરેન્સિક તપાસમાં સામે આવ્યું છે કે, આ આખું નેટવર્ક અત્યંત આધુનિક ટેકનોલોજીથી ઓપરેટ થતું હતું. ડ્રગ્સનો જથ્થો ભારતીય જળસીમામાં કે કચ્છના કિનારે પહોંચ્યા બાદ, તેના ચોક્કસ લોકેશનની જાણકારી કોઈ સામાન્ય ફોન કોલ પર નહીં, પરંતુ ટ્રેક ન થઈ શકે તેવી એન્ક્રિપ્ટેડ એપ્લિકેશન કોલ દ્વારા શેર થવાની હતી. સ્થાનિક રિસીવરોને માત્ર ઇન્ટરનેટ કોલિંગ દ્વારા જ કઈ જગ્યાએથી માલ ઉપાડવો તેની માહિતી મળતી હતી, જેથી મુખ્ય સપ્લાયરો ક્યારેય પકડાય નહીં.બે આફ્રિકન ડ્રગ લોર્ડ્સ રડારમાંઆ ગુનાના મૂળ છેક આફ્રિકા સુધી વિસ્તરેલા છે. તપાસ એજન્સીઓને બે આફ્રિકન ડ્રગ સપ્લાયરોના ચોક્કસ ક્લૂ મળ્યા છે, જેઓ આ કરોડોના ડ્રગ્સની હેરાફેરી પાછળ મુખ્ય માસ્ટરમાઇન્ડ હોવાની આશંકા છે. આ આફ્રિકન સપ્લાયરો ભારતમાં કયા-કયા લોકલ એજન્ટો, પેડલરો અને આંતરરાજ્ય બુટલેગરોના સંપર્કમાં હતા તેની કોલ ડિટેઇલ અને આઇપી એડ્રેસ (IP Address) ટ્રેક કરવામાં આવી રહ્યા છે. ૧૧૯ કિલો કોકેઇનનો આ મસમોટો જથ્થો ગુજરાતથી કયા રાજ્યોમાં (ખાસ કરીને મુંબઈ, દિલ્હી કે ગોવા જેવા મેટ્રો શહેરોમાં) સપ્લાય થવાનો હતો, તે દિશામાં પણ તપાસ તેજ કરી દેવામાં આવી છે.આ પણ વાંચો:Mehsana: "નીતિન પટેલને પતાવી દીધા" હોવાનો દાવો કરતી કથિત ઓડિયો ક્લિપ બાદ ચંદ્રકાંત પટેલ પક્ષના નિશાના પર

Read Full Story arrow_forward