android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Navsari: આલીપોર હાઈવે પર ઓઈલ ચોરી કરતી ગેંગ ઝડપાઈ, 86 લાખથી વધુનો મુદ્દામાલ જપ્ત
calendar_today May 30, 2026

Navsari: આલીપોર હાઈવે પર ઓઈલ ચોરી કરતી ગેંગ ઝડપાઈ, 86 લાખથી વધુનો મુદ્દામાલ જપ્ત

દક્ષિણ ગુજરાતમાંથી પસાર થતા નેશનલ હાઈવે 48 પરથી કિંમતી પ્રવાહી અને ઓઈલની ચોરી કરતી એક અત્યંત સક્રિય ગેંગને પકડી પાડવામાં નવસારી પોલીસને મોટી સફળતા મળી છે. નવસારી લોકલ ક્રાઈમ બ્રાન્ચ (LCB) અને ચીખલી પોલીસ સ્ટેશનની સંયુક્ત ટીમે એક ગુપ્ત બાતમીના આધારે આલીપોર ગામની સીમમાં હાઈવે પર વોચ ગોઠવીને રેડ પાડી હતી. આ રેડ દરમિયાન મુંબઈની પ્રતિષ્ઠિત 'હિન્દુસ્તાન ઓઈલ એક્સપ્લોરેશન કંપની'માંથી ક્રૂડ ઓઈલ ભરીને ભાવનગર જઈ રહેલા ટેન્કરોમાંથી ગેરકાયદેસર રીતે ચોરી કરવાનું આખું કૌભાંડ રંગેહાથ પકડાઈ ગયું હતું.ચોરીનું ચોંકાવનારું મોડસ ઓપરેન્ડીપોલીસ તપાસમાં સામે આવ્યું છે કે, આ ઓઈલ માફિયાઓ ટેન્કરના ડ્રાઈવરો સાથે પહેલેથી જ ગોઠવણ કરી રાખતા હતા. લાંબી મુસાફરી દરમિયાન હાઈવે પર નક્કી કરેલા પોઈન્ટ પર ટેન્કર ઊભું રાખવામાં આવતું અને તેમાંથી સીલ તોડ્યા વિના ખાસ ટેકનિકથી ક્રૂડ ઓઈલ અને ડામર કાઢી લેવાતો હતો. રેડ દરમિયાન પોલીસે બે ટેન્કરોમાંથી અંદાજે 200 લીટર જેટલો ચોરીનો જથ્થો કાઢતા જ ગેંગને દબોચી લીધી હતી. કિંમતી ડામર માત્ર 60 રૂપિયા પ્રતિ લીટર અને ક્રૂડ ઓઈલ માત્ર ૩0 રૂપિયા પ્રતિ લીટરના નજીવા ભાવે ડ્રાઈવરો પાસેથી ખરીદી લેવામાં આવતું હતું.રૂપિયા 86 લાખથી વધુનો મુદ્દામાલ જપ્તપોલીસે આ હાઈવે ઓપરેશનમાં ઓઈલ ચોરીના મુખ્ય માસ્ટરમાઈન્ડ પ્રકાશ ખટીક અને જસવીર ભવરીયાની ધરપકડ કરી લીધી છે, તેની સાથે ચોરીમાં સાથ આપનારા ૩ ટેન્કર ચાલકોને પણ લોકઅપ ભેગા કરી દેવાયા છે. પોલીસે ઘટનાસ્થળેથી ટેન્કરો અને ઓઈલના જથ્થા સહિત કુલ રૂ. 86.30 લાખનો મુદ્દામાલ જપ્ત કર્યો છે. પ્રાથમિક પૂછપરછમાં બહાર આવ્યું છે કે, આ ચોરીનો માલ સુરતના અંકિત પટેલ અને વાંસદાના વિનોદ ડાગલિયા નામના વેપારીઓ ખરીદતા હતા, જેમને પોલીસે ચોપડે વોન્ટેડ જાહેર કરીને આગળની તપાસ આદરી છે.આ પણ વાંચો: Ahmedabad: ગુજરાત યુનિ.ની B.Com પરીક્ષામાં લોચો, વિદ્યાર્થીઓને વહેંચી દીધા ખોટા પ્રશ્નપત્રો

Read Full Story arrow_forward
Gandhinagar: સેક્ટર 24માં 4 વર્ષની બાળકી સાથે દુષ્કર્મ કરનાર આરોપીને પોક્સો કોર્ટે સંભળાવી આજીવન કારાવાસની સજા
calendar_today May 30, 2026

Gandhinagar: સેક્ટર 24માં 4 વર્ષની બાળકી સાથે દુષ્કર્મ કરનાર આરોપીને પોક્સો કોર્ટે સંભળાવી આજીવન કારાવાસની સજા

ગાંધીનગરના સેક્ટર 24 વિસ્તારમાં ગત વર્ષે ડિસેમ્બર મહિનામાં માનવતાને શર્મસાર કરતી એક ઘટના સામે આવી હતી. એક પાપી નરાધમે માત્ર 4 વર્ષની નિર્દોષ બાળકીને પોતાની હવસનો શિકાર બનાવી હતી. આ સંવેદનશીલ અને ચકચારી કેસમાં આજે ગાંધીનગરની સ્પેશિયલ પોક્સો કોર્ટે આરોપી રામ યાદવને તકસીરવાન ઠેરવીને આજીવન કેદ (અંતિમ શ્વાસ સુધી જેલવાસ) ની કડક સજા ફટકારી છે. કોર્ટે પોતાના ચુકાદામાં નોંધ્યું છે કે આવા ગંભીર અને વિકૃત માનસિકતા ધરાવતા ગુનેગારો પ્રત્યે કોઈ પણ પ્રકારની નરમ નીતિ અપનાવી શકાય નહીં.પોલીસે ફાયરિંગ કરીને આરોપીને દબોચ્યો હતોઉલ્લેખનીય છે કે, 8 ડિસેમ્બર 2025ના રોજ બનેલી આ ઘટના બાદ સમગ્ર પાટનગરમાં ભારે રોષ ફાટી નીકળ્યો હતો. ઘટનાની ગંભીરતાને જોઈને પોલીસ પ્રશાસન તાત્કાલિક એક્શન મોડમાં આવ્યું હતું. તપાસ દરમિયાન જ્યારે પોલીસ ટીમ આરોપી રામ યાદવને પકડવા ગઈ ત્યારે તેણે પોલીસ કસ્ટડીમાંથી અથવા સ્થળ પરથી ભાગવાનો પ્રયાસ કર્યો હતો. આરોપીને રોકવા માટે અને કાયદાનો પાઠ ભણાવવા માટે પોલીસે તે સમયે હવામાં અને આરોપી તરફ ફાયરિંગ પણ કરવું પડ્યું હતું, જે બાદ તેને ઘાયલ અવસ્થામાં ઝડપી લેવાયો હતો.ટૂંકા ગાળામાં મળ્યો સચોટ ન્યાયગાંધીનગર પોલીસે આ કેસમાં મજબૂત પુરાવાઓ, મેડિકલ રિપોર્ટ અને સાક્ષીઓના નિવેદનો સાથે કોર્ટમાં ચાર્જશીટ રજૂ કરી હતી. પોક્સો કોર્ટે સરકારી વકીલની ધારદાર દલીલો અને પુરાવાઓને ગ્રાહ્ય રાખતા આરોપી રામ યાદવને આજીવન કારાવાસની સજા સંભળાવી છે. આ ચુકાદા બાદ કાનૂની નિષ્ણાતોનું કહેવું છે કે, આટલી ઝડપથી ચુકાદો આવવાના કારણે ગુનેગારોમાં કાયદાનો ડર પેદા થશે અને પીડિત પરિવારને સાચો ન્યાય મળ્યો છે.આ પણ વાંચો: Navsari: આલીપોર હાઈવે પર ઓઈલ ચોરી કરતી ગેંગ ઝડપાઈ, 86 લાખથી વધુનો મુદ્દામાલ જપ્ત

Read Full Story arrow_forward
Ahmedabad: ડી કેબિન વિસ્તારમાં રોડ કપાત હેઠળ સ્કૂલના બાંધકામ પર ફરી વળ્યું જેસીબી
calendar_today May 30, 2026

Ahmedabad: ડી કેબિન વિસ્તારમાં રોડ કપાત હેઠળ સ્કૂલના બાંધકામ પર ફરી વળ્યું જેસીબી

અમદાવાદ શહેરમાં વધી રહેલા વાહનોના ભારણને પહોંચી વળવા અને ટાઉન પ્લાનિંગ સ્કીમ (TP)ના સુચારુ અમલીકરણ માટે અમદાવાદ મ્યુનિસિપલ કોર્પોરેશન (AMC) દ્વારા સતત ડિમોલિશન ડ્રાઈવ ચલાવવામાં આવી રહી છે. જે અંતર્ગત આજે પશ્ચિમ ઝોનના એસ્ટેટ વિભાગની ટીમ દ્વારા ડી કેબિન વિસ્તારમાં એક મોટી કપાત કામગીરી હાથ ધરવામાં આવી હતી. આ વિસ્તારમાં ભવિષ્યના ટ્રાફિક પ્લાનિંગને ધ્યાનમાં રાખીને ૨૪ મીટરનો વાઈડ રોડ બનાવવાનો પ્રોજેક્ટ મંજૂર થયેલો છે, જેમાં નડતરરૂપ બનતી મિલ્કતોને હટાવવાની પ્રક્રિયા શરૂ કરાઈ છે.સ્કૂલના બિલ્ડિંગ પર ચાલ્યું જેસીબીઆ મેગા ઓપરેશન દરમિયાન ડી કેબિન રોડ પર આવેલી જાણીતી 'IP ઇંગ્લિશ સ્કૂલ'ના બિલ્ડિંગનો જે ભાગ રોડ કપાત રેખાની અંદર આવતો હતો, તેને એસ્ટેટ વિભાગની ટીમે ભારે મશીનરીની મદદથી તોડી પાડ્યો હતો. સ્કૂલ પ્રશાસનને આ અંગે અગાઉથી જ કાયદેસરની નોટિસ આપીને જાણ કરવામાં આવી હોવાના અહેવાલ છે. સ્કૂલ ઉપરાંત રોડ લાઈનમાં આવતી અન્ય નાની-મોટી કોમર્શિયલ અને રહેણાંક મિલ્કતોના ભાગો પણ દૂર કરવામાં આવ્યા છે.વાળીનાથ ચોક સુધીનો રોડ બ્લોક કરાયોડિમોલિશનની આ કામગીરી દરમિયાન રસ્તા પર મોટો કાટમાળ જમા થતો હોવાથી અને જેસીબી મશીનોની સતત અવરજવરને કારણે કોઈ અકસ્માત ન સર્જાય તે માટે વહીવટી તંત્ર દ્વારા આગોતરા પગલાં લેવાયા હતા. ડી કેબિનથી લઈને વાળીનાથ ચોક સુધીનો આખો રોડ સામાન્ય વાહનચાલકો માટે સંપૂર્ણપણે બંધ કરી દેવામાં આવ્યો હતો અને ટ્રાફિકને અન્ય વૈકલ્પિક માર્ગો પર ડાયવર્ટ કરાયો હતો. એસ્ટેટ વિભાગના અધિકારીઓનો દાવો છે કે રોડ ૨૪ મીટરનો થઈ ગયા બાદ આ પંથકમાં પીક અજર્સ (Peak Hours) દરમિયાન થતા ટ્રાફિક જામમાંથી હજારો વાહનચાલકોને કાયમી મુક્તિ મળશે.આ પણ વાંચો: Gandhinagar: ગુજરાતમાં 15 જૂનથી વિધિવત ચોમાસું બેસશે અને 20 જૂનથી સાર્વત્રિક વરસાદ શરૂ થશે

Read Full Story arrow_forward