Karnataka : આજે CLPની હાઈ-વોલ્ટેજ બેઠક, ડી.કે. શિવકુમાર નવા સીએમ બને તેવી પ્રબળ સંભાવના, 4 ડેપ્યુટી સીએમની ફોર્મ્યુલા
કર્ણાટકમાં ભારે રાજકીય ગરમાવો જોવા મળી રહ્યો છે. મુખ્યમંત્રી પદેથી સિદ્ધારમૈયાના રાજીનામા બાદ આજે શનિવારે સત્તાધારી પક્ષ કોંગ્રેસે બેંગલુરુમાં પોતાના ધારાસભ્ય દળની મહત્વની બેઠક બોલાવી છે. આ બેઠકમાં રાજ્યના આગામી મુખ્યમંત્રી અને ધારાસભ્ય દળના નવા નેતાના નામ પર સત્તાવાર મહોર મારવામાં આવશે. ડી.કે. શિવકુમારને રાજ્યની કમાન સોંપવામાં આવે રાજકીય વર્તુળોમાં ચાલી રહેલી ચર્ચાઓ મુજબ, હાલના ડેપ્યુટી સીએમ અને વરિષ્ઠ નેતા ડી.કે. શિવકુમારને રાજ્યની કમાન સોંપવામાં આવે તેવી પ્રબળ સંભાવના છે. નવી દિલ્હીમાં કોંગ્રેસ હાઈકમાન્ડ, સિદ્ધારમૈયા અને ડી.કે. શિવકુમાર વચ્ચે ચાલેલી લાંબી મેરેથોન બેઠકો બાદ જ નેતૃત્વ પરિવર્તનની આ પ્રક્રિયાને અંતિમ ઓપ આપવામાં આવ્યો છે. ડી.કે. આગામી 3 જૂને શપથ લે તેવી શક્યતા છે. સિદ્ધારમૈયાનું રાજીનામું શુક્રવારે કર્ણાટકના રાજ્યપાલ થાવરચંદ ગેહલોતે સિદ્ધારમૈયાનું રાજીનામું સ્વીકારીને મંત્રીમંડળને ભંગ કરી દીધું હતું અને નવી વ્યવસ્થા ન થાય ત્યાં સુધી તેમને કેરટેકર સીએમ તરીકે ચાલુ રહેવા જણાવ્યું છે. પુત્ર યતીન્દ્ર સિદ્ધારમૈયાને ગોઠવવા મથામણ બીજી તરફ, દિલ્હીમાં સિદ્ધારમૈયાએ રાહુલ ગાંધી સાથે મુલાકાત કરીને હાઈકમાન્ડનો આભાર માન્યો હતો. જોકે, સૂત્રોના જણાવ્યા મુજબ, સિદ્ધારમૈયા નવી સરકારમાં પોતાના પુત્ર યતીન્દ્ર સિદ્ધારમૈયા અને પોતાના વફાદાર ધારાસભ્યોને મંત્રીમંડળમાં ગોઠવવા માટે લોબિંગ કરી રહ્યા છે. જ્ઞાતિ અને પ્રાદેશિક સમીકરણોને સાધવા માટે નવી સરકારમાં 4 ડેપ્યુટી સીએમ બનાવવાની ફોર્મ્યુલા પર પણ ગંભીર વિચારણા ચાલી રહી છે. અગાઉની સરકારમાં માત્ર ડી.કે. શિવકુમાર જ એકમાત્ર ડેપ્યુટી સીએમ હતા, પરંતુ હવે સત્તાનું સંતુલન જાળવવા કોંગ્રેસ મોટો દાવ ખેલી શકે છે.આ પણ વાંચો---- Trumpની ‘રેડ લાઇન’ સામે ઈરાન ઝૂકશે? 2 કલાક ચાલેલી હાઈ-વોલ્ટેજ બેઠક પણ અનિર્ણાયક
Read Full Story arrow_forward