android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gandhinagar: વેજલપુર ઉર્દૂ શાળાથી રોહિતવાસ સુધીના નાળાનું ખાતમુહૂર્ત
calendar_today May 30, 2026

Gandhinagar: વેજલપુર ઉર્દૂ શાળાથી રોહિતવાસ સુધીના નાળાનું ખાતમુહૂર્ત

કાલોલ : પંચમહાલ જિલ્લા પંચાયતના નવનિયુક્ત પ્રમુખ તરીકે કાલોલ તાલુકાના વેજલપુરના નિરજ પટેલની વરણી થતાં નવનિયુક્ત પ્રમુખે વિકાસના કાર્યોને વેગ આપતા વેજલપુર ગામમાં આવેલ ઉર્દૂ શાળાથી રોહિતવાસ તરફ્ જતા રસ્તા પર સ્થાનિકોની લાંબા સમયની માંગણીને ધ્યાને રાખીને અંદાજે રૂા.5 લાખના ખર્ચે નવનિર્માણ પામનારા નાળાનું ખાતમુહૂર્ત આજે સંપન્ન થયું છે. ઉર્દૂ શાળાના બાળકોને નાળાની સુવિધા ન હોવાના કારણે ચોમાસામાં રસ્તા ઉપર પાણી ભરાઈ જતા વિદ્યાર્થીઓ તેમજ વાલીઓને ભારે પરેશાનીનો સામનો કરવો પડતો હતો. આ નાળાનું કામ પૂર્ણ થયા બાદ ભોઈવાળા, રોહિતવાસ અને જોડીયાકુવા સહિતના વિસ્તારોના લોકોને અવરજવરમાં મોટી રાહત મળશે. આ પ્રસંગે ગ્રામ પંચાયતના તલાટી, પંચાયત સભ્યો અને સ્થાનિક આગેવાનો તેમજ ગ્રામજનો ઉપસ્થિત રહ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Kheda: રિક્ષા ચોરીના ગુનામાં ફરાર આરોપી કપડવંજથી પકડાયો
calendar_today May 30, 2026

Kheda: રિક્ષા ચોરીના ગુનામાં ફરાર આરોપી કપડવંજથી પકડાયો

કપડવંજ : કપડવંજ પોલીસે મહેમદાવાદ પોલીસ સ્ટેશનમાં નોંધાયેલા CNG રીક્ષા ચોરીના ગુનામાં આઠ મહિનાથી ફરાર આરોપીને ઝડપી પાડયો છે. મહેમદાવાદ પોલીસ સ્ટેશન ખાતે CNG રીક્ષા નંબર GJ-07-TV-6083 ચોરી થયાનો ગુનો નોંધાયો હતો. આરોપી દ્વારા મહેમદાવાદના રીંછોલ-સોનપુરા વિસ્તારમાંથી આ રીક્ષાની ચોરી કરવામાં આવી હતી. જોકે, રીક્ષામાં ગેસ ખૂટી જતાં આરોપીએ તેને રાસ્કા ગામ પાસે રસ્તા પર બિનવારસી હાલતમાં મૂકી દીધી હતી અને પોતે ફરાર થઈ ગયો હતો. ઇદના તહેવાર નિમિત્તે પેટ્રોલિંગમાં રહેલી કપડવંજ ટાઉન પોલીસની સર્વેલન્સ ટીમને બાતમી મળી હતી. જેના આધારે કપડવંજ નદી દરવાજા ચિલિંગ સેન્ટર પાસે વોચ ગોઠવી આરોપીને ઝડપી પાડવામાં આવ્યો હતો. પકડાયેલ આરોપીની ઓળખ રવિ રમેશભાઈ દેવીપૂજક (ઉંમર 23), રહે. હિલોલ, તા. દહેગામ, જી. ગાંધીનગર તરીકે થઈ છે. તે છેલ્લા આશરે આઠ મહિનાથી ફરાર હતો. આ સમગ્ર કામગીરી DYSP વી.એન. સોલંકીના માર્ગદર્શન હેઠળ PI આર.આઈ. સોલંકી તથા તેમની પોલીસ ટીમે સફ્ળતાપૂર્વક પાર પાડી હતી. આરોપી વિરુદ્ધ કાયદેસરની કાર્યવાહી હાથ ધરવામાં આવી છે અને તેને મહેમદાવાદ પોલીસને સોંપવાની તજવીજ ચાલી રહી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Dahod: નાન સલાઈ ગામે પાટીદાર સમાજ દ્વારા શ્રીમદ્ ભાગવત કથાનું આયોજન
calendar_today May 30, 2026

Dahod: નાન સલાઈ ગામે પાટીદાર સમાજ દ્વારા શ્રીમદ્ ભાગવત કથાનું આયોજન

લીમખેડા તાલુકાના નાન સલાઈ ગામે પાટીદાર સમાજ દ્વારા પવિત્ર અધિક માસ નિમિતે તા.25થી 31 મે દરમિયાન શ્રીમદ્દ ભાગવત કથા યોજાઈ છે. જેના પ્રારંભે પોથી તથા કળશ યાત્રા યોજાઈ હતી. વ્યાસ પીઠ પર પૂ.સ્વામી અનંત રામજી મહારાજ સંગીતમય શ્રીમદ ભાગવતનું રસપાન કરાવી રહ્યા છે. કથા સાથે રોજ શ્રીમદ્દ ભાગવત કથાના પાત્રોની વેશભૂષા સાથે વિવિધ ધાર્મિક કાર્યક્રમો, સુંદર કાંડ, ભજન સંધ્યા, ડાયરો, આનંદનો ગરબો વગેરે પણ યોજાય છે. કથા શ્રાવણ માટે આવતા ભક્તો માટે મહાપ્રસાદનું પણ આયોજન કરાયું છે. શ્રીમદ્દ ભાગવત કથામાં દુધિયા, મુવાડા, વરોડ, લીલવા, રણીયાર સહીતના ગામોના પાટીદાર સમાજના ભક્તો કથા શ્રાવણ કરવા આવી રહ્યા છે. કથાની પુર્ણાહુતી તા.31ના રોજ કરવામાં આવશે, ત્યારબાદ શ્રીફ્ળ હોમ - હવન તથા મહાપ્રસાદી યોજાશે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward