Halol: વિશ્વ હાઇપરટેન્શન દિવસ નિમિત્તે ઢીંકવા ગામે બ્લડ પ્રેશર ચેકઅપ કૅમ્પ યોજાયો
હાલોલ : વિશ્વ હાઇપરટેન્શન દિવસ નિમિત્તે સન ફર્માસ્યુટિકલ ઇન્ડસ્ટ્રીઝ લિમિટેડ હેલ્થ કેર સોસાયટી મોબાઇલ હેલ્થ યુનિટ દ્વારા હાલોલ તાલુકાના ઢીંકવા ગામે હાઇપરટેન્શન એટલે કે ઉચ્ચ રક્તચાપ અંગે જનજાગૃતિ ફેલાવવા તથા લોકોના આરોગ્યની તપાસ માટે વિશેષ બ્લડ પ્રેશર ચેકઅપ કેમ્પ યોજાયો હતો. જેમાં ઢીંકવા સહીત આજુબાજુના ગામના મોટીસંખ્યામાં લોકોએ બ્લડ પ્રેશરની તપાસ કરાવી હતી. તેમજ આરોગ્ય સંબંધિત માર્ગદર્શન મેળવ્યું હતું. કેમ્પમાં લોકોને હાઇપરટેન્શનના લક્ષણો, તેના કારણે થતી આરોગ્ય સમસ્યાઓ તેમજ સમયસર તપાસ અને યોગ્ય સારવારના મહત્વ વિશે માહિતી આપવામાં આવી હતી. ઉપરાંત નિયમિત વ્યાયામ, સંતુલિત આહાર અને તણાવમુક્ત જીવનશૈલી અપનાવવા અંગે પણ માર્ગદર્શન આપવામાં આવ્યું હતું. જેથી લોકો સ્વસ્થ જીવન જીવી શકે. કેમ્પને સફ્ળ બનાવવા માટે એસપીસીએચએસ મોબાઇલ હેલ્થ યુનિટની ટીમના ડૉ. શિવપ્રિયા, નર્સ ધર્મિષ્ઠા રાઠવા અને શિલ્પાબેન વણકરે સેવાઓ આપી હતી.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward