android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Godhra: ગોધરા રેલવે યાર્ડ ખાતે મહત્વપૂર્ણ સુધારણા અને ઇન્ફ્રાસ્ટ્રક્ચર કાર્ય પૂર્ણ
calendar_today May 30, 2026

Godhra: ગોધરા રેલવે યાર્ડ ખાતે મહત્વપૂર્ણ સુધારણા અને ઇન્ફ્રાસ્ટ્રક્ચર કાર્ય પૂર્ણ

રેલવે ઈન્ફ્રાસ્ટ્રક્ચરને વધુ મજબૂત બનાવવાના ઉદ્દેશ્યથી વડોદરા ડિવિઝનના એન્જિનિયરિંગ વિભાગ દ્વારા ગોધરા યાર્ડ ખાતે તા.25 મે ના રોજ સર્વગ્રાહી યાર્ડ સુધારણા અને ડ્રેનેજ કાર્ય કરવામાં આવ્યા હતાં. આ કાર્યોથી પરિચાલનમાં સલામતી, ટ્રેક સ્થિરતા અને રેલવે પરિચાલનની વિશ્વસનીયતામાં વૃદ્ધિની સાથે ગોધરા યાર્ડ ખાતે ડ્રેનેજ સિસ્ટમમાં નોંધપાત્ર સુધારો કરશે. પશ્ચિમ રેલવેના વડોદરા ડિવિઝનના જનસંપર્ક અધિકારી અનુભવ સક્સેના દ્વારા આપવામાં આવેલી માહિતી મુજબ ગોધરા યાર્ડમાં ડાઉન મેઈન લાઈન પર બ્લોક લઈને આ કાર્ય હેઠળ પોઈન્ટ નંબર 121, 115, 109 અને 106 પર સર્વગ્રાહી જાળવણી અને નવીનીકરણના કામો કરવામાં આવ્યા, જેમાં કુલ 350 પી એન્ડ સી સ્લીપર્સનું નવીનીકરણ કરવામાં આવ્યું હતું. આ સાથે, એમકે-V ERC, લાઇનર અને રબર પેડ સાથે સંપૂર્ણ ફિટિંગ નવીનીકરણનું કામ કરવામાં આવ્યું હતું તથા દરેક પોઈન્ટ્સ પર સ્લીપર સ્પેસિંગ અને સ્લીપર સ્ક્વેરિંગનું કામ પણ સફ્ળતાપૂર્વક પૂર્ણ કરવામાં આવ્યું હતું. ઇન્ફ્રાના આ મહત્વપૂર્ણ કાર્યમાં જુના સામાન્ય સ્લીપરો ને બદલે 391 વાઇડ-બેઝ સ્લીપર્સ નું નવીનીકરણ કરવામાં આવ્યું, 78 સ્લીપર્સને ડીપ સ્ક્રીનીંગ કાર્યની સાથે નવીનીકરણ કરવામાં આવ્યું, જેમાં 350mm બેલાસ્ટ કુશન સુનિશ્ચિત કરવામાં આવ્યું હતું. વાઇડ-બેઝ સ્લીપર વિભાગોમાં TSR કાય્ર સાથે સંપૂર્ણ ફિટિંગ નવીનીકરણ પણ કરવામાં આવ્યું હતું. ગોધરા યાર્ડ વિસ્તારમાં આ સુધારા કાર્યો ટ્રેક સલામતી, ટ્રેન સંચાલનની વિશ્વસનીયતા, રાઇડિંગની ગુણવત્તા અને ડ્રેનેજ વ્યવસ્થામાં નોંધપાત્ર સુધારો કરશે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Kheda: મહુધા તાલુકા પંચાયતના હોદ્દેદારોએ ચાર્જ સંભાળ્યો
calendar_today May 30, 2026

Kheda: મહુધા તાલુકા પંચાયતના હોદ્દેદારોએ ચાર્જ સંભાળ્યો

ખેડા જિલ્લાની મહુધા તાલુકા પંચાયતના નવનિયુક્ત પ્રમુખ, ઉપપ્રમુખ સહિતના હોદ્દેદારોએ વિધિવત રીતે ચાર્જ સંભાળ્યો. આ પ્રસંગે રાજ્ય કક્ષાના મંત્રી સંજયસિંહ મહિડા સહિત આગેવાનો, કાર્યકર્તાઓ અને સમર્થકો ઉપસ્થિત રહ્યા હતા. ભાજપે મહુધા તાલુકા પંચાયતની 18 માંથી 14 બેઠકો જીતી બહુમતી સાથે સત્તા રચી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Anand: કરમસદ આણંદ મનપાના હોદ્દેદારોને સરકારી ગાડી, એસી ચેમ્બર ફાળવાઇ
calendar_today May 30, 2026

Anand: કરમસદ આણંદ મનપાના હોદ્દેદારોને સરકારી ગાડી, એસી ચેમ્બર ફાળવાઇ

કરમસદ આણંદ મહાનગરપાલિકાના પ્રથમ મેયર દિપિકાબેન પટેલ, ડેપ્યુટીમેયર કમલેશ ડાભી અને સ્ટેન્ડીંગ કમિટીના ચેરમેન મયુર સુથારને એસી ચેમ્બર, મેયરને પર્સનલ સેક્રેટરી અને ત્રણેય હોદ્દેદારોને મહાનગરપાલિકાની સરકારી ગાડી તત્કાલિન ફાળવવામાં આવી છે. ગતરોજ સામાન્ય સભામાં હોદ્દેદારોની નિયુક્તિથી મહાનગરપાલિકામાં ચૂંટાયેલા તમામ 52 કોર્પોરેટરોને પ્રતિમાસે 12 હજાર રૂપિયાનું ભથ્થુ તેમજ 5 થી 7 હજાર રૂપિયા ટ્રાવેલીંગ એલાઉન્સનું સહેલીયાણું પણ મળશે. જો કે મહાનગરપાલિકાની અન્ય શિક્ષણ, પબ્લિક અને વોટરવર્કસ, ડ્રેનેજ અને સુવેઝ, આરોગ્ય, ટાઉનપ્લાનિંગ, એસ્ટેટ મેનેજમેન્ટ સહિતની કમિટીનું અગામી સમયમાં ગઠન કરવામાં આવશે. પરંતુ તેઓને અલદાય ગાડીની સુવિદ્યા ઉપલબ્ધ બનશે નહી. જો કે વર્તમાન કમિટીઓ અને તમામ હોદ્દેદારોનો કાર્યકાળ અઢી વર્ષનો નિર્ધારિત હોય ત્યાં સુધી મનપાના ખર્ચે સવલતો મળશે. છેલ્લા દોઢ વર્ષથી કમિશ્નર અને વહીવટદાર હસ્તક રહેલા મહાનગરપાલિકાના વહીવટમાં ચૂંટાયેલી પાંખ દ્વારા આમુલ પરિવર્તન જોવા મળશે. શહેરીજનોની સમસ્યાનો ત્વરીત ઉકેલ અને ઝડપી નિર્ણયો સાથે કામો થવાની આશા સેવાઇ છે. 1 જાન્યુઆરી 2025 થી અસ્તિત્વમાં આવેલી નવરચિત મહાનગરપાલિકામાં ચૂંટાયેલી પાંખની પ્રથમ ટર્મ હોય લોકોને અનેક આશા-અપેક્ષાઓ રહેલી છે. તદ્ઉપરાંત અગામી વર્ષે યોજાનાર વિધાનસભાની ચૂંટણીમાં પણ વર્તમાન શાસકોના કાર્યકાળની ગ્રાઉન્ડ લેવલે અસર જોવા મળશે. ચૂંટાયેલા કોર્પોરેટરોને મનપા દ્વારા પ્રતિમાસે મળનાર ભથ્થા ઉપરાંત સ્વતંત્ર નિર્ણયશક્તિના કારણે વહીવટી માળખામાં આર્થિકબોજ લદાશે. તે વાત નિશ્ચિત છે. જો કે મનપામાં પાવરફુલ ગણાતી સ્ટેન્ડીંગ કમિટીમાં ડેરી ટેકનોલોજીનો ઉચ્ચ અભ્યાસ કરેલ મયુર સુથારે કમાન સંભાળતા કમિટી ઉપર હાવી થવા અધિરા બનેલા અને અંતીમ ઘડી સુધીનું લોમ્બીંગ કરી પાર્ટી લાઇન નહી પરંતુ જુથબંધીના સહારે પદ મેળવવા થનગનતા દાવેદારોને પણ પ્રદેશ મોવડીએ પ્રત્યક્ષ કે પરોક્ષ રીતે પાર્ટીના શિસ્તમાં રહેવાનો સંદેશો આપી દીધો હોવાનું સ્પષ્ટ થયું છે. જો કે નવનિયુક્ત હોફુદારોની પસંદગીમાં સંગઠન જ સર્વોપરી સાબિત થયું છે. જેમાં કેટલાક નેતાઓની કારીગરી ચાલી ન હોવાની ચર્ચાઓ જાગી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward