Panchmahal: શહેરા ખાતે ભાજપની નગર અને તાલુકા કક્ષાની કાર્યશાળા યોજાઈ
શહેરા : શહેરા નગર પાલિકાના હોલ ખાતે પ્રધાનમંત્રી નરેન્દ્ર મોદીના કેન્દ્ર સરકારમાં 12 વર્ષ પૂર્ણ થવાના અવસરે ભાજપ દ્વારા આગામી દિવસોમાં અનેકવિધ લોકાભિમુખ કાર્યક્રમોનું આયોજન કરવામાં આવનાર છે. જે કાર્યક્રમોની પૂર્વતૈયારી અને સુચારુ આયોજનના ભાગરૂપે નગર અને તાલુકાની એક મહત્વની સંયુક્ત કાર્યશાળા યોજાઈ હતી. શહેરા નગરપાલિકા હોલ ખાતે આયોજિત આ કાર્યશાળામાં કેન્દ્ર સરકારની વિવિધ યોજનાઓ, વિકાસલક્ષી કાર્યો અને જનકલ્યાણની સિદ્ધિઓને છેવાડાના માનવી સુધી પહોંચાડવા માટેના આગામી રોડમેપ અંગે વિસ્તૃત ચર્ચા-વિચારણા કરાઈ હતી. ઉપસ્થિત અગ્રણીઓ દ્વારા કાર્યકર્તાઓને માર્ગદર્શન પૂરું પાડયું હતું. આગેવાનો અને પદાધિકારીઓની ઉપસ્થિતિમાં પંચમહાલ જિલ્લા ભાજપના મહામંત્રી જીગ્નેશ પાઠક, જિલ્લા પંચાયત કારોબારી સમિતિ અધ્યક્ષ મગનભાઈ પટેલીયા, તાલુકા પંચાયત પ્રમુખ વિક્રમસિંહ પગી, ઉપપ્રમુખ હાજાભાઈ ચારણ, ભાજપ અગ્રણી ડો. કિરણસિંહ બારીયા સહિત અગ્રણીઓ તેમજ જિલ્લા, તાલુકા અને નગર સંગઠનના હોદ્દેદારો, ચૂંટાયેલા વિવિધ પાંખના પદાધિકારીઓ સહિત કાર્યકર્તાઓ હાજર રહ્યા હતા.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward