android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabad News: શહેરમાં સબ સલામતના દાવા વચ્ચે અસામાજિક તત્વો બેફામ, વાહનોમાં તોડફોડની ઘટનાઓ વધી
calendar_today May 29, 2026

Ahmedabad News: શહેરમાં સબ સલામતના દાવા વચ્ચે અસામાજિક તત્વો બેફામ, વાહનોમાં તોડફોડની ઘટનાઓ વધી

અમદાવાદમાં ગુનાખોરી કાબુમાં હોવાનો દાવો કરવામાં આવે છે. પરંતુ સબ સલામતની ફૂંકાઈ રહેલી ગુલબાંગો વચ્ચે અસામાજિક તત્વો બેફામ બન્યાં છે. શહેરમાં છેલ્લા બે દિવસમાં વાહનોમાં તોડફોડ કરવી અને મારામારીના બનાવો સામે આવ્યા છે. શહેરમાં શહેર કોટડા, વટવા, નિકોલ અને સૈજપુર જેવા વિસ્તારોમાં અસામાજિક તત્વોનો ત્રાસ સામે આવ્યો છે. રાત્રે વાહનોમાં તોડફોડની ઘટનાને કારણે લોકોમાં ભય ફેલાયો છે. પોલીસની કામગીરી સામે સવાલો ઉભા થયાં છે. શહેર કોટડા વિસ્તારમાં વાહનોમાં તોડફોડ શહેરમાં છેલ્લા બે દિવસમાં વાહનોમાં તોડફોડ થયાના બનાવો જોઈએ તો શહેર કોટડા વિસ્તારમાં રચના સ્કૂલ પાસે 20થી વધુ વ્યક્તિઓના ટોળાએ 6થી વધુ વાહનોમાં તોડફોડ કરી ભારે નુકસાન પહોંચાડ્યું હતું. આ કેસમાં પોલીસે 6 વ્યક્તિઓને ઝડપી પાડ્યા હતાં. શહેરના સૈજપુર વિસ્તારમાં ગિરીવૃન્દ સોસાયટીમાં અસામાજિક તત્વોએ આતંક મચાવ્યો હતો. સોસાયટીમાં પાર્ક કરેલા વાહનોમાં તોડફોડ કરી હતી. બેઝબોલથી વાહનોના કાચ તોડ્યા હતાં. જેના કારણે લોકોમાં ભયનો માહોલ ફેલાયો છે. શહેરના નિકોલ વિસ્તારમાં જૂની અદાવતમાં હુમલો કરવાની ઘટના સામે આવી હતી. એક યુવકને સમાધાન માટે બોલાવી ટોળાએ તીક્ષ્ણ હથિયારથી હુમલો કર્યો હતો. આ ઘટનાના સીસીટીવી પણ સામે આવ્યા છે. પોલીસે ગુનો નોંધીને વધુ તપાસ હાથ ધરી છે. ડી માર્ટ પાસે રિક્ષામાં તોડફોડ રાણીપમાં પણ ડી માર્ટ પાસે રિક્ષામાં તોડફોડ કરવામાં આવી હતી. બે શખ્સોએ લોકોને માર માર્યો હોવાનો પણ આરોપ મુકવામાં આવ્યો છે. આ ઘટનામાં બે લોકો ઈજાગ્રસ્ત થયાં છે. શહેરના બહેરામપુરા વિસ્તારમાં જાહેર રોડ પર તોડફોડ અને હંગામો થયો હોવાની ઘટના સામે આવી હતી. અસામાજિક તત્વોએ અપશબ્દો અને ધમકી આપતાં લોકોમાં ભય ફેલાયો હતો. સમગ્ર ઘટનાનો વીડિયો પણ સોશિયલ મીડિયામાં વાયરલ થયો હતો. પોલીસે સીસીટીવીની મદદથી આરોપીઓની શોધખોળ શરૂ કરી છે. સગીરને તેના જ મિત્રોએ તાલીબાની સજા આપી શહેરના વટવા વિસ્તારમાં સગીરને તેના જ મિત્રોએ તાલીબાની સજા આપતો વીડિયો વાયરલ થયો છે. યુવકને ઝાડ સાથે બાંધીને તેને માર મારતો વીડિયો વાયરલ થતાં અનેક સવાલો ઉભા થયાં છે. સગીર મારથી બચવા માટે બુમો પાડતો હોવાનું વીડિયોમાં જોવા મળી રહ્યું છે. વાયરલ વીડિયોને લઈને વટવા પોલીસે તપાસ હાથ ધરી છે. સગીરને માર મારવા મુદ્દે પોલીસે જુવેનાઈલ એક્ટ હેઠળ કાર્યવાહી કરી છે. આવી અનેક ઘટનાઓ રોજ બરોજ સામે આવી રહી છે. પરંતુ પોલીસ શહેરમાં સબ સલામત હોવાના દાવા કરી રહી છે. પોલીસના પેટ્રોલિંગ સામે પણ સવાલો ઉભા થયાં છે. આ પણ વાંચોઃ Ahmedabad: સૈજપુરમાં લૂંટની કોશિશમાં યુવક પર છરી વડે હુમલો, કૃષ્ણનગર પોલીસ સ્ટેશનમાં ફરિયાદ

Read Full Story arrow_forward
Daman: 97 કરોડના ખર્ચે બનેલું અત્યાધુનિક એરપોર્ટ સજ્જ, જૂનમાં પીએમ મોદીના હસ્તે લોકાર્પણની શક્યતા
calendar_today May 29, 2026

Daman: 97 કરોડના ખર્ચે બનેલું અત્યાધુનિક એરપોર્ટ સજ્જ, જૂનમાં પીએમ મોદીના હસ્તે લોકાર્પણની શક્યતા

દમણ અને દીવના પ્રશાસન દ્વારા પ્રદેશના આર્થિક અને પ્રવાસન વિકાસને નવી ઊંચાઈએ લઈ જવા માટે આદરેલો મહત્વનો એરપોર્ટ પ્રોજેક્ટ હવે સાકાર થઈ ગયો છે. દમણ ખાતે રૂપિયા 97 કરોડના બજેટ સાથે તૈયાર થયેલું નવું ડોમેસ્ટિક એરપોર્ટ હવે કોમર્શિયલ એરલાઇન્સ માટે ગ્રીન સિગ્નલની રાહ જોઈ રહ્યું છે. જૂન મહિનાની શરૂઆતમાં જ ભારતના પ્રધાનમંત્રી નરેન્દ્ર મોદી દમણની મુલાકાતે આવે તેવી પુરેપુરી સંભાવના છે, જ્યાં તેઓ આ ભવ્ય એરપોર્ટ તેમજ હેલ્થ સેક્ટર માટે મહત્વની એવી મરવડ હોસ્પિટલનું ઓપનિંગ કરશે. વહીવટી તંત્ર દ્વારા આ હાઇપ્રોફાઇલ લોકાર્પણ કાર્યક્રમને આખરી ઓપ આપવામાં આવી રહ્યો છે.1.01 લાખ ચોરસ મીટરમાં આધુનિક સુવિધાઓનો સમન્વયદમણનું આ નવું એરપોર્ટ 1.01 લાખ ચોરસ મીટરના વિશાળ પ્લોટ એરિયામાં ફેલાયેલું છે. જેમાં મુસાફરોની અવરજવર માટે 5460 ચોરસ મીટરનું એરકન્ડિશન્ડ પેસેન્જર ટર્મિનલ બિલ્ડિંગ બનાવવામાં આવ્યું છે. એરપોર્ટની અંદર એકસાથે 180 પ્રવાસીઓ બેસી શકે તેવો હાઇટેક વેઇટિંગ એરિયા અને ઉચ્ચ અધિકારીઓ-રાજનેતાઓ માટે 16 બેઠકોની સુવિધાવાળો VVIP લાઉન્જ તૈયાર કરાયો છે. ટર્મિનલ પર ભીડ ન થાય તે માટે શરૂઆતમાં 12 ફ્લાઇટ ચેક-ઇન કાઉન્ટર્સ કાર્યરત કરાશે, જેને આગામી સમયના ટ્રાફિકને ધ્યાને રાખીને 16 સુધી વિસ્તારી શકાય તેવી આયોજનબદ્ધ વ્યવસ્થા રાખવામાં આવી છે.અમદાવાદ-મુંબઈના મુસાફરોને મોટો ફાયદોઆ એરપોર્ટ શરૂ થતાં જ સૌથી પહેલા દમણ અને દેશની રાજધાની દિલ્હી વચ્ચે સીધી કોમર્શિયલ ફ્લાઇટ સેવાનો પ્રારંભ કરવામાં આવશે. ત્યારબાદ ખૂબ જ ટૂંકા ગાળામાં બિઝનેસ હબ ગણાતા મુંબઈ અને ગુજરાતના મેટ્રો સિટી અમદાવાદને પણ સીધા હવાઈ માર્ગે સાંકળી લેવામાં આવશે. એરપોર્ટ પર A-320 સાઇઝના બે મોટા કોમર્શિયલ વિમાનો એકસાથે પાર્ક થઈ શકે તેવો મજબૂત એપ્રોન બનાવાયો છે, જ્યારે મુસાફરોના વાહનો માટે 57 ગાડીઓનું સુરક્ષિત પાર્કિંગ યાર્ડ પણ ઉપલબ્ધ છે. તાજેતરમાં દમણ ભાજપના પ્રમુખ અને સિનિયર પદાધિકારીઓની ટીમે આ એરપોર્ટની રૂબરૂ મુલાકાત લીધી હતી અને સુરક્ષા તેમજ પ્રવાસી સુવિધાઓનું બારીકાઈથી નિરીક્ષણ કરી સંતોષ વ્યક્ત કર્યો હતો.આ પણ વાંચો: Vadodara: કેટરિંગ વેપારી બાબુસિંઘની હત્યાનો ફરાર આરોપી હિરેન ઠક્કરને રાવપુરા પોલીસે ઝડપ્યો

Read Full Story arrow_forward
Ahmedabad News : ઔડાના મકાનોમાં સુવિધા નહીં મળતા લોકો વિફર્યા, પાણી, લિફ્ટ અને લાઈટની સમસ્યાને લઈ વિરોધ
calendar_today May 29, 2026

Ahmedabad News : ઔડાના મકાનોમાં સુવિધા નહીં મળતા લોકો વિફર્યા, પાણી, લિફ્ટ અને લાઈટની સમસ્યાને લઈ વિરોધ

અમદાવાદ મ્યુનિસિપલ કોર્પોરેશન (AMC)ની કચેરી ખાતે આજે સ્થાનિક રહીશો દ્વારા ઉગ્ર વિરોધ પ્રદર્શન કરવામાં આવ્યું હતું. ઔડા (AUDA) આવાસ યોજનાના મકાનોમાં પ્રાથમિક સુવિધાઓનો તદ્દન અભાવ હોવાના આક્ષેપ સાથે મોટી સંખ્યામાં લોકો રસ્તા પર ઉતરી આવ્યા હતા અને તંત્ર સામે પોતાનો રોષ વ્યક્ત કર્યો હતો. ઔડાના મકાનોમાં રહેતા નાગરિકો લાંબા સમયથી પાણી, લિફ્ટ અને લાઈટ જેવી પાયાની સમસ્યાઓથી પીડાઈ રહ્યા છે. AMC કચેરીએ લોકોનો વિરોધ અમદાવાદ મનપામાં વિરોધ કરી રહેલા લોકો મુખ્ય ગેટ પર જ ધરણા પર બેસી ગયા હતા, જેના કારણે થોડીવાર માટે અફરાતફરીનો માહોલ સર્જાયો હતો. વિરોધ કરી રહેલા લોકોનું કહેવું હતું કે, અમને ઘર તો મળ્યા છે પણ જીવવા માટે જરૂરી પાણી અને લાઈટ પણ નિયમિત મળતા નથી. વૃદ્ધો અને બાળકોને ભારે હાલાકી ભોગવવી પડે છે. આ વિરોધ પ્રદર્શન દરમિયાન લોકોએ હાથમાં પ્લેકાર્ડ્સ સાથે AMC કચેરીની બહાર જોરદાર નારેબાજી કરી હતી. ઉનાળાની સિઝનમાં પાણીની તીવ્ર અછત ખાસ કરીને ઉનાળાની સિઝનમાં પાણીની તીવ્ર અછતને કારણે મહિલાઓએ "પાણી આપો, પાણી આપો ના નારા લગાવી આખી કચેરી ગજવી મૂકી હતી. સ્થાનિકોની માંગ છે કે જ્યાં સુધી પાણી અને લાઈટની સમસ્યાનું કાયમી નિવારણ નહીં આવે ત્યાં સુધી તેઓ આ આંદોલન ચાલુ રાખશે. તંત્ર દ્વારા આ મામલે યોગ્ય આશ્વાસન આપવામાં આવે તેવી હાલ લોકમાંગ ઉઠી છે.વારંવાર રજૂઆતો કરવા છતાં પણ તંત્ર દ્વારા કોઈ નક્કર પગલાં ન લેવાતા આખરે કંટાળેલા રહીશોએ આજે AMC કચેરીનો ઘેરાવો કર્યો હતો. આ પણ વાંચોઃ IMD Weather: ખેડૂતો માટે ચિંતાના સમાચાર,આ વર્ષે દેશમાં સામાન્ય કરતાં ઓછો વરસાદ પડશે, IMDની મોટી આગાહી!

Read Full Story arrow_forward