android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Hamirpur Bridge Collapse: UPના હમીરપુરમાં નિર્માણાધીન પુલ ધરાશાયી, 6 લોકોનાં મોત
calendar_today May 29, 2026

Hamirpur Bridge Collapse: UPના હમીરપુરમાં નિર્માણાધીન પુલ ધરાશાયી, 6 લોકોનાં મોત

બ્રિજ તૂટતા કાટમાળ નીચે દબાઈને છ મજૂરોના કરુણ મોત થયા છે. જ્યારે હજુ પણ અનેક મજૂરો ફસાયેલા હોવાની આશંકા વ્યક્ત કરવામાં આવી રહી છે. આ પુલ લાલપુર થાનાના મોરાકંદર અને કુરારાની મવઈજારને જોડવા માટે બનાવાઈ રહ્યો હતો. અકસ્માત બાદ કાટમાળ નીચે દબાયેલા લોકોને બચાવવા માટે ઘટનાસ્થળે અનેક પોલીસ સ્ટેશનોની પોલીસ અને સ્થાનિક લોકો દ્વારા રેસ્ક્યૂ ઓપરેશન ચલાવવામાં આવી રહ્યું છે.પુલ નીચે સૂઈ રહ્યા હતા મજૂરો આ અકસ્માત ગુરુવાર-શુક્રવારની મધરાતે લગભગ 3 વાગ્યે થયો હતો. બેતવા નદી પર બની રહેલા પુલનો એક મોટો ભાગ અચાનક ધરાશાયી થઈ ગયો. અકસ્માત સમયે પુલની નીચે ઘણા મજૂરો સૂઈ રહ્યા હતા. આ મજૂરો સવારે ઉઠીને ફરી પુલના નિર્માણ કાર્યમાં લાગી જતા હતા. જણાવવામાં આવી રહ્યું છે કે ભારે વરસાદ, આંધી અને તૂફાનને કારણે આ અકસ્માત થયો છે. મૃત્યુઆંક વધવાની આશંકા સાથે જ આક્ષેપો પણ થઈ રહ્યા છે કે નિર્માણ સ્થળે સુરક્ષાના પૂરતા બંદોબસ્ત નહોતા. મજૂરોની સુરક્ષાને લઈને પ્રશ્નો ઊભા થઈ રહ્યા છે. હાલ રાહત અને બચાવ કામગીરી ચાલુ છે. કાટમાળમાં હજુ લોકો ફસાયેલા હોવાની શક્યતા જોતા મૃત્યુઆંક 10 સુધી પહોંચી શકે તેવી આશંકા વ્યક્ત કરવામાં આવી રહી છે. માહિતી માટે જણાવી દઈએ કે આ પુલ રાજ્યસભા સાંસદ બાબૂરામ નિષાદના પ્રયાસોથી મંજૂરી મળ્યા બાદ બનાવવાનું શરૂ થયું હતું. સાંસદના પિતૃગામ મોરકંદર પરસાની નજીક આ પુલનું નિર્માણ ચાલી રહ્યું હતું.

Read Full Story arrow_forward
Gujarat Latest News Live : દેશના 15 રાજ્યોમાં આજથી વરસાદનું એલર્ટ, ગુજરાતમાં 2 જૂન સુધી ભારે પવન સાથે માવઠાની આગાહી
calendar_today May 29, 2026

Gujarat Latest News Live : દેશના 15 રાજ્યોમાં આજથી વરસાદનું એલર્ટ, ગુજરાતમાં 2 જૂન સુધી ભારે પવન સાથે માવઠાની આગાહી

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 29 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Junagadh News: ગીરમાં વધુ 1 સિંહનું મોત, CDV વાયરસની આશંકાથી ખળભળાટ
calendar_today May 29, 2026

Junagadh News: ગીરમાં વધુ 1 સિંહનું મોત, CDV વાયરસની આશંકાથી ખળભળાટ

ગીર પૂર્વના જસાધાર એનિમલ કેર સેન્ટર ખાતે સારવાર હેઠળ રહેલા વધુ એક સિંહનું મોત થતા ગીરમાં સિંહોના મોતનો મામલો વધુ ગંભીર બન્યો છે. અગાઉ વન વિભાગ દ્વારા બેબસિયા રોગની અસર હોવાનું જણાવાયું હતું. પરંતુ હવે ચેપી CDV વાયરસની આશંકાને પગલે સિંહોના સેમ્પલ લેવામાં આવ્યા હોવાનું જાણવા મળે છે. ગીર પૂર્વ અને ગીર પશ્ચિમ બોર્ડર વિસ્તારમાં સિંહોના ટપોટપ મોત થતા વન વિભાગ દોડતું થયું છે. ગાંધીનગરથી પીસીસીએફ અધિકારીઓની ટીમ સાથે જસાધાર દોડી આવ્યા છે. વિશેષ સ્ક્રીનીંગ અને મોનીટરીંગ હાથ ધરાયું મુખ્યમંત્રી સ્તરે ઉચ્ચસ્તરીય બેઠક બાદ ગાંધીનગરથી પીસીસીએફ જયપાલસિંહ સહિત ઉચ્ચ અધિકારીઓ અને સિનિયર વેટરનરી ડોક્ટરોની ટીમ જસાધાર પહોંચી હતી. ટીમ દ્વારા જસાધાર એનિમલ કેર સેન્ટરમાં સારવાર હેઠળ રહેલા સિંહોની સ્થિતિ અંગે સમીક્ષા કરવામાં આવી હતી. સૂત્રોના જણાવ્યા મુજબ અસરગ્રસ્ત વિસ્તારમાંથી 17 સિંહને કોરેન્ટાઈન કરીને ઓબ્ઝર્વેશન હેઠળ રાખવામાં આવ્યા છે, જ્યારે અંદાજે 8 સિંહોમાં ચેપ જેવા લક્ષણો જોવા મળતા તંત્ર વધુ સાવચેત બન્યું છે. જસાધાર, બાબરીયા અને જામવાળા રેન્જ વિસ્તારમાં વિશેષ સ્ક્રીનીંગ અને મોનીટરીંગ હાથ ધરવામાં આવી રહ્યું છે. સિંહોના ગૃપને ક્વોરેન્ટેન કરી દેવામાં આવી રહ્યા છે સિંહોના સતત વધી રહેલા મોત વચ્ચે અધિકારીઓએ મિડિયા સાથે વિગતવાર વાતચીત ટાળતા અનેક સવાલો ઊભા થયા છે. હાલ ગીર વિસ્તારમાં વન વિભાગ દ્વારા સઘન તપાસ અને દેખરેખ ચાલુ રાખવામાં આવી રહી છે. આ સમગ્ર ઘટનામાં અગાઉ વન વિભાગ દ્વારા બેબસિયા રોગથી સિંહના મૃત્યુ થયું હોવાનું જાહેર કરી દેવામાં આવ્યું હતું. આ રોગ નથી જે સિંહને તેને અસર થઈ હોય તેમાંથી બીજા કોઈને અસર થતી નથી. પરંતુ બાદમાં સિંહણની અંદર ખતરનાક સીડીવી વાયરસના લક્ષણો જણાવ્યા હતા અને આ રોગ ચેપી હોવાથી આખા સિંહોના ગૃપને ક્વોરેન્ટેન કરી દેવામાં આવી રહ્યા છે. અધિકારીઓની ટીમ જસાધાર પહોંચી છે ગીર પૂર્વ અને ગીર પશ્ચિમ વિસ્તારમાં સી.ડી.વી. જેવા ભેદી રોગની આશંકા વચ્ચે વન વિભાગ દોડતું થયું છે. ગાંધીનગરથી પી.સી.સી.એફ. જયપાલસિંહ સહિત ઉચ્ચ અધિકારીઓની ટીમ જસાધાર એનિમલ કેર સેન્ટર ખાતે પહોંચી હતી. રાજન જાદવ સહિત એક એ.સી. એફ.. પાંચ આર.એફ.ઓ. તેમજ અગિયાર ફોરેસ્ટરને તાત્કાલિક ફરજ પર મૂક્યા છે. આ ટીમ દ્વારા અસરગ્રસ્ત વિસ્તારોમાં સિંહોની હિલચાલ, સ્વાસ્થ્ય અને સંક્રમણની સ્થિતિ પર સતત નજર રાખશે. આ પણ વાંચોઃ Ahmedabad News: 343 પોલીસ ડ્રાઈવરોની બદલી, કમિશનરે કર્યો આદેશ

Read Full Story arrow_forward