Arvalli : બાયડમાં લાકડા-ઘાસચારાની આડમાં છુપાવેલો 8.26 લાખનો દારૂ પકડાતા 2 પોલીસ જવાનો સસ્પેન્ડ
ગુજરાતમાં દારૂબંધીના કડક અમલ વચ્ચે અરવલ્લી જિલ્લા પોલીસ વડા દ્વારા ફરજમાં બેદરકારી દાખવનારા પોલીસ કર્મચારીઓ સામે એક મોટી અને કડક કાર્યવાહી કરવામાં આવી છે. જિલ્લાના બાયડ પોલીસ સ્ટેશન વિસ્તારમાં લાખો રૂપિયાનો વિદેશી દારૂ ઝડપાવાના ચકચારી મામલામાં એસપીએ તાત્કાલિક અસરથી બે પોલીસ જવાનોને સસ્પેન્ડ કરી દીધા છે. પોલીસ બેડામાં જ દારૂના કટીંગની ગંધ ન આવતા થયેલી આ કડક કાર્યવાહીથી સ્થાનિક સ્તરે ફફડાટ મચી ગયો છે. નારાજીના મુવાડા ગામે દરોડો મળતી વિગતો અનુસાર, આ સમગ્ર ઓપરેશન અરવલ્લી જિલ્લા લોકલ ક્રાઈમ બ્રાન્ચ દ્વારા પાર પાડવામાં આવ્યું હતું. એલસીબી પોલીસે ચોક્કસ બાતમીના આધારે બાયડ વિસ્તારના નારાજીના મુવાડા ગામે એક મકાન પર અચાનક દરોડો પાડ્યો હતો. 8.26 લાખનો દારુ ઝડપાયો આ દરોડા દરમિયાન બૂટલેગરોની ચાલાકી જોઈને પોલીસ પણ ચોંકી ઉઠી હતી. આરોપીઓએ લાકડા અને પશુઓના ઘાસચારાની આડમાં વિદેશી દારૂનો મોટો જથ્થો છુપાવી રાખ્યો હતો. એલસીબીએ આ રેઈડ દરમિયાન કુલ રૂપિયા 8.26 લાખની કિંમતનો ગેરકાયદેસર વિદેશી દારૂ જપ્ત કરીને કાયદેસરની કાર્યવાહી હાથ ધરી હતી. 2 પોલીસ કર્મચારી સસ્પેન્ડ સ્થાનિક પોલીસની નાક નીચે આટલો મોટો દારૂનો જથ્થો સંગ્રહાયેલો હોવા છતાં બાયડ પોલીસ અજાણ રહી હતી, જેને જિલ્લા પોલીસ વડાએ ગંભીર ફરજ વિમુખતા ગણાવી છે. આ મામલે ક્ષેત્રીય તપાસ અને બાતમી મેળવવામાં નિષ્ફળ રહેલા નારાજીના મુવાડા બીટના જમાદાર વિષ્ણુભાઈ ચૌધરી તેમજ ડી-સ્ટાફ ના પોલીસ જવાન કનુસિંહ સોલંકીને ફરજમાં ઘોર બેદરકારી બદલ એસપીએ તાત્કાલિક પ્રભાવથી સસ્પેન્ડ કરવાનો હુકમ કર્યો છે. જિલ્લા પોલીસ વડાની આ આકરી કાર્યવાહીએ સ્પષ્ટ સંકેત આપ્યો છે કે દારૂબંધી મામલે કોઈપણ પ્રકારની શિથિલતા કે બેદરકારી ચલાવી લેવામાં નહીં આવે. આ પણ વાંચો----- Gujarat : ખુરશી મંગલમ્, ગુજરાતના શહેરોમાં નવા પદાધિકારીઓનો 'પહેલો દિવસ, પહેલો શો', વાંચો ખાસ અહેવાલ
Read Full Story arrow_forward