android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Vadodara : ગુજસીટોક સહિતના અનેક ગુનાઓમાં મોસ્ટ વોન્ટેડ ચૂઈ ગેંગના બે સાગરીતો હથિયારો સાથે ઝડપાયા
calendar_today May 28, 2026

Vadodara : ગુજસીટોક સહિતના અનેક ગુનાઓમાં મોસ્ટ વોન્ટેડ ચૂઈ ગેંગના બે સાગરીતો હથિયારો સાથે ઝડપાયા

વડોદરા જિલ્લાના શિનોર તાલુકાના માલસર ગામે બનેલા એક ગંભીર ગુનામાં જિલ્લા પોલીસને મોટી સફળતા મળી છે. પંથકમાં લાંબા સમયથી આતંક મચાવતી કુખ્યાત ‘ચૂઈ ગેંગ’ના બે રીઢા ગુનેગારોને પોલીસે બાતમીના આધારે દબોચી લીધા છે.અનેક ગંભીર ગુનાઓ પકડાયેલા આરોપીઓની ઓળખ અરૂણ જયેશભાઈ માછી અને રવિ ઉર્ફે કાળીયો સુભાષભાઈ માછી તરીકે થઈ છે. આ બંને આરોપીઓ સામે અગાઉથી જ ઓર્ગેનાઈઝ્ડ ક્રાઈમ ગુજસીટોક, હત્યાનો પ્રયાસ, દારૂની હેરાફેરી અને અપહરણ જેવા અનેક ગંભીર ગુનાઓ નોંધાયેલા છે.  ફરિયાદી પર હિંસક હુમલો કર્યો હતો મળતી વિગતો અનુસાર, તાજેતરમાં જ આ આરોપીઓએ માલસર ગામમાં પોતાની આખી ટોળકી બનાવીને એક ફરિયાદી પર હિંસક હુમલો કર્યો હતો અને તેમની સાથે બેરહેમીથી મારામારી કરી હતી. એટલું જ નહીં, હુમલો કર્યા બાદ ફરિયાદીને જાનથી મારી નાખવાની ખુલ્લી ધમકી આપીને આ આરોપીઓ ત્યાંથી ફરાર થઈ ગયા હતા. ઘટનાની ગંભીરતાને જોતા વડોદરા ગ્રામ્ય પોલીસ એક્શનમાં આવી હતી અને આરોપીઓને પકડવા માટે અલગ-અલગ ટીમો બનાવીને ચક્રો ગતિમાન કર્યા હતા. પોલીસે વોચ ગોઠવીને બંનેને દબોચી લીધા દરમિયાન પોલીસને ચોક્કસ બાતમી મળી હતી કે ગેંગના આ બંને સાગરીતો ચોક્કસ લોકેશન પર છુપાયેલા છે. બાતમીના આધારે પોલીસે વોચ ગોઠવીને બંનેને દબોચી લીધા હતા. પોલીસના ઉચ્ચ અધિકારીઓએ જણાવ્યું છે કે જિલ્લામાં કોઈપણ પ્રકારની ગેંગબાજી કે અસામાજિક તત્વો ચલાવી લેવામાં નહીં આવે અને આગામી દિવસોમાં આવી ટોળકીઓ સામે કાર્યવાહી વધુ કડક બનાવવામાં આવશે. હાલમાં શિનોર પોલીસ દ્વારા આ મામલે કાયદેસરની કાર્યવાહી હાથ ધરીને વધુ તપાસ શરૂ કરવામાં આવી છે.આ પણ વાંચો----     Iscon Bridge Accident : તથ્યને 90 વર્ષની સજા થવી જોઈએ, છલકાયું પીડિતનું દર્દ, વાંચો સંદેશ ડીજીટલ Exclusive

Read Full Story arrow_forward
Ahmedabad : નેહરુનગર પાસે ફાયરિંગનો કેસ, રિટાયર્ડ DYSP અશોકસિંહની પિસ્તોલનું લાઇસન્સ રદ કરવાની પ્રક્રિયા કરાશે
calendar_today May 28, 2026

Ahmedabad : નેહરુનગર પાસે ફાયરિંગનો કેસ, રિટાયર્ડ DYSP અશોકસિંહની પિસ્તોલનું લાઇસન્સ રદ કરવાની પ્રક્રિયા કરાશે

અમદાવાદના પોશ ગણાતા સેટેલાઇટ પોલીસ સ્ટેશન વિસ્તાર હેઠળના નેહરુનગર બસ સ્ટેન્ડ પાસે જાહેરમાં ફાયરિંગ થવાની સનસનાટીભરી ઘટનામાં પોલીસે નિવૃત્ત DYSP અશોકસિંહ સહિત ત્રણ સામે ગુનો નોંધી તેમની અટકાયત કરી છે. આ સમગ્ર હાઈપ્રોફાઈલ મામલે એસીપી એસ. એમ. પટેલે સત્તાવાર નિવેદન જાહેર કરીને ઘટના પાછળના કારણોનો ખુલાસો કર્યો છે.જગ્યા માટે સમજૂતી કરાર થયો હતો એસીપી એસ. એમ. પટેલના જણાવ્યા અનુસાર, વિવાદનું મુળ જમીન છે. નેહરુનગર પાસે આવેલી આ જગ્યાનો કબજો રિટાયર્ડ DySP અશોકસિંહ પાસે છે. તેમણે આ જગ્યા ભાડે આપવા માટે એક સમજૂતી કરાર કર્યો હતો. ડિપોઝિટની રકમ પરત કરવા માટે બોલાચાલી થઇ આ જગ્યા પર કેટલાક સ્ટોલ બનાવવામાં આવ્યા હતા, પરંતુ અમદાવાદ મ્યુનિસિપલ કોર્પોરેશન દ્વારા આ સ્ટોલ દૂર કરવા માટે નોટિસ આપવામાં આવી હતી. આ નોટિસ બાદ સમજૂતી કરાર કરનાર પક્ષકારો વચ્ચે ડિપોઝિટની રકમ પરત કરવા તેમજ સ્ટોલ બનાવવામાં થયેલો ખર્ચો પાછો આપવા બાબતે ઉગ્ર વાતચીત અને બોલાચાલી થઈ હતી. પિસ્તોલ કાઢીને ધડાધડ 5 રાઉન્ડ ફાયરિંગ કરી દીધું આ વિવાદ એટલો વધી ગયો કે ગુસ્સામાં આવીને રિટાયર્ડ DySP અશોકસિંહે પોતાની લાઈસન્સવાળી પિસ્તોલ કાઢીને ધડાધડ 5 રાઉન્ડ ફાયરિંગ કરી દીધું હતું. જાહેરમાં ગોળીબાર થતાં જ આસપાસના વિસ્તારમાં નાસભાગ મચી ગઈ હતી. ઘટનાની જાણ થતાં જ સેટેલાઇટ પોલીસનો કાફલો ઘટનાસ્થળે દોડી ગયો હતો અશોકસિંહ, ખ્યાતિ અને સિદ્ધરાજની અટકાયત પોલીસે ત્વરિત કાર્યવાહી કરીને નિવૃત્ત DySP અશોકસિંહ, ખ્યાતિ અને સિદ્ધરાજ નામના ત્રણ વ્યક્તિઓની અટકાયત કરી લીધી છે. સેટેલાઇટ પોલીસે આ મામલે આર્મ્સ એક્ટ સહિતની વિવિધ ગંભીર કલમો હેઠળ ગુનો દાખલ કર્યો છે. પોલીસે જણાવ્યું છે કે અશોકસિંહે ગુનામાં જે હથિયારનો ઉપયોગ કર્યો છે, તે પિસ્તોલનું લાઈસન્સ રદ કરવાની કાયદેસરની પ્રક્રિયા પણ હાથ ધરવામાં આવી છે.આ પણ વાંચો----      Iscon Bridge Accident : તથ્યને 90 વર્ષની સજા થવી જોઈએ, છલકાયું પીડિતનું દર્દ, વાંચો સંદેશ ડીજીટલ Exclusive

Read Full Story arrow_forward
Ahmedabad: સુભાષ બ્રિજના સ્પાન તોડવાની કામગીરીને પગલે નીચેનો માર્ગ અને રિવરફ્રન્ટ રોડ બંધ કરાયો, વૈકલ્પિક રૂટ જાહેર
calendar_today May 28, 2026

Ahmedabad: સુભાષ બ્રિજના સ્પાન તોડવાની કામગીરીને પગલે નીચેનો માર્ગ અને રિવરફ્રન્ટ રોડ બંધ કરાયો, વૈકલ્પિક રૂટ જાહેર

અમદાવાદમાં ઇન્ફ્રાસ્ટ્રક્ચર મેન્ટેનન્સ અને મજબૂતીકરણના ભાગરૂપે એક મહત્વનો નિર્ણય લેવામાં આવ્યો છે. શહેરના વ્યસ્ત ગણાતા સુભાષ બ્રિજના સ્પાન તોડવાની અત્યંત મહત્વની કામગીરી મ્યુનિસિપલ કોર્પોરેશનના એન્જિનિયરિંગ વિભાગ દ્વારા હાથ ધરવામાં આવી છે. આ કામગીરી સખત જોખમી હોવાના કારણે અને બ્રિજ તોડતી વખતે તેનો કાટમાળ કે પથ્થરો નીચેથી પસાર થતા વાહનો પર ન પડે તે માટે સુભાષ બ્રિજ નીચેનો આખો રોડ તેમજ તેની સમાંતર ચાલતો રિવરફ્રન્ટનો રસ્તો વાહનચાલકો માટે તાત્કાલિક અસરથી બંધ કરી દેવાયો છે.સલામતીના ભાગરૂપે લેવાયો કડક નિર્ણયકોર્પોરેશનના અધિકારીઓના જણાવ્યા અનુસાર, જ્યારે બ્રિજના સ્પાન તોડવામાં આવતા હોય ત્યારે આસપાસના વિસ્તારમાં ભારે વાઇબ્રેશન અને કાટમાળ પડવાનું જોખમ રહેલું હોય છે. હજારો વાહનોની દૈનિક અવરજવર ધરાવતા આ માર્ગ પર સહેજ પણ બેદરકારી મોટી હોનારત સર્જી શકે છે. આથી જ, નાગરિકોની જાનમાલની સલામતીને પ્રાથમિકતા આપીને આ માર્ગને બ્લોક કરવાનો નિર્ણય લેવામાં આવ્યો છે. બ્રિજના સ્પાન તોડવા માટે ઘટનાસ્થળે મોટી હાઇડ્રોલિક ક્રેન્સ અને આધુનિક મશીનરી ગોઠવી દેવામાં આવી છે.વાહનચાલકો માટે વૈકલ્પિક માર્ગોની વ્યવસ્થાઆ અચાનક લેવાયેલા નિર્ણયને કારણે રિવરફ્રન્ટ અને સુભાષ બ્રિજ સર્કલ આસપાસ ટ્રાફિક જામની સમસ્યા ન સર્જાય તે માટે ટ્રાફિક પોલીસ અને એએમસી દ્વારા સંયુક્ત રીતે વૈકલ્પિક માર્ગોની સૂચના જારી કરવામાં આવી છે. જે વાહનચાલકો નિયમિત આ રસ્તાનો ઉપયોગ કરે છે તેઓને આશ્રમ રોડ, દધીચી બ્રિજ અથવા સાબરમતી પાવર હાઉસ તરફના વૈકલ્પિક રસ્તાઓનો ઉપયોગ કરવા જણાવાયું છે. પીક અવર્સ (સવાર અને સાંજ) દરમિયાન ઓફિસે કે ધંધાર્થે જતા લોકોને સમય પહેલા નીકળવા અથવા ડાયવર્ઝન રૂટ ફોલો કરવા અપીલ કરાઈ છે, જેથી ટ્રાફિકના ભારણને હળવું કરી શકાય.આ પણ વાંચો: Gandhinagar: વડસરને મળી કરોડોની ભેટ, ગૃહ મંત્રી અમિત શાહ અને CMના હસ્તે 18 કરોડના ખર્ચે વિકસિત તળાવ-બગીચાનું લોકાર્પણ

Read Full Story arrow_forward