android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gujarat News: અમદાવાદ અને સુરત બાદ હવે ટૂંક સમયમાં વડોદરામાં શરૂ થશે ભારત ટેક્સી
calendar_today May 28, 2026

Gujarat News: અમદાવાદ અને સુરત બાદ હવે ટૂંક સમયમાં વડોદરામાં શરૂ થશે ભારત ટેક્સી

આજે ગુજરાતની સડકો પર એક નવી ડિજિટલ ક્રાંતિ દોડી રહી છે જેનું નામ છે ભારત ટેક્સી.આ માત્ર એક ઍપ નથી પરંતુ વડાપ્રધાન મોદીના સહકારથી સમૃદ્ધિના સપનાને સાકાર કરતી એ હજારો ડ્રાઈવરોની ગાથા છે.જે હવે કોઈ કંપનીના કર્મચારી નહીં પણ આ મોબિલિટી પ્લેટફૉર્મના સ્વયં માલિક છે. ભારત ટેક્સીના ચૅરમૅન અને અમૂલના એમડી જયેન મહેતાના મતે ભારત ટેક્સીએ ડ્રાઇવર-ઓન્ડ મૉડલને વાસ્તવિકતા બનાવીને એ સુનિશ્ચિત કર્યું છે કે,રાઇડની 100% કમાણી કોઈપણ કપાત વિના સીધી ડ્રાઇવરો સુધી પહોંચે.આજે તે દુનિયાની સૌથી મોટી મોબિલિટી કોઓપરેટિવ તરીકે ઊભરીને ડ્રાઇવરોના સ્વાભિમાનને વધારી રહી છે. કમીશનનો ખેલ ખતમ હવે ડ્રાઇવર્સ જ માલિક મોબિલિટી ક્ષેત્રમાં અત્યાર સુધી ડ્રાઇવરો માટે સૌથી મોટી મુશ્કેલી ભારે કમિશન અને અનિશ્ચિત આવક રહી છે.પરંતુ ‘ભારત ટેક્સી’એ આ જૂની પેટર્નને બદલી નાખી છે.અહીં કોઈ વચેટિયા કે કોર્પોરેટ નથી,પરંતુ ડ્રાઇવર્સ જ આ કોઓપરેટિવના સ્ટેકહોલ્ડર્સ છે.તેનો સીધો પ્રભાવ પાયાના સ્તરે જોવા મળી રહ્યો છે.આ પ્લેટફોર્મમાં જોડાયા પછી એક સરેરાશ ડ્રાઇવરની માસિક આવક 25%થી 30% વધી છે.ડ્રાઇવરોના જીવનમાં આવેલા આ બદલાવને પ્રવીણ ઠાકોરના અનુભવથી સારી રીતે સમજી શકાય છે.અન્ય કંપનીઓ સાથે કામ કરવું હવે ફાયદાકારક રહ્યું ન હતું. પરંતુ,ભારત ટેક્સી સાથે જોડાયા પછી અમને વધુ સારો રેટ અને પ્રતિસાદ મળી રહ્યા છે.આ મૉડલ સાથે જોડાઈને કોઈપણ ડ્રાઇવર સારી કમાણી કરીને પોતાના પરિવારનું ભવિષ્ય સુરક્ષિત બનાવી શકે છે. 35 લાખથી વધુ યુઝર્સનું મોટું નેટવર્ક ગુજરાતમાં 1 લાખ સહિત દેશભરમાં 6 લાખથી વધુ ડ્રાઇવરો અને 35 લાખથી વધુ ઍપ ડાઉનલોડ્સની સાથે ભારત ટેક્સી ઝડપથી એક મજબૂત રાષ્ટ્રીય પ્લેટફોર્મ બની રહી છે.અમદાવાદ અને સુરતમાં જબરદસ્ત સફળતા મેળવ્યા પછી,હવે વડોદરા આ કંપનીના વિસ્તારનું આગામી મુખ્ય કેન્દ્ર છે.પોતાની જમીની સ્તરની હાજરીને વધુ મજબૂત કરવા માટે IT પાર્ક, હાઉસિંગ સોસાયટીઓ અને એરપોર્ટ જેવા ઉચ્ચ આવાગમનવાળા વિસ્તારોમાં વપરાશકર્તાઓ સાથે સીધા જોડાવા માટે કંપની ‘બિલો ધ લાઇન’ (BTL)ની વ્યૂહરચના અપનાવી રહી છે, જે તેને એક જનકેન્દ્રિત બ્રાન્ડ બનાવે છે. ઇન્ટિગ્રેટેડ ટ્રાન્ઝિટ સિસ્ટમની સુવિધા સલામતી અને ટેક્નોલૉજીના અજોડ મિશ્રણનો પુરાવો છે. ગુજરાત પોલીસ સાથે તેનું સીધું SOS સંકલન જે મુસાફરો અને ડ્રાઇવરો માટે સુરક્ષા કવચ તરીકે કાર્ય કરે છે.સોમનાથ અને દ્વારકા જેવા પવિત્ર યાત્રાધામો માટે એક સમર્પિત રૂટ કનેક્ટિવિટીના કારણે ભારત ટેક્સી માત્ર શહેરી પરિવહન સુધી સીમિત ન રહેતા, શ્રદ્ધાળુઓની આસ્થા અને વિશ્વાસની સારથિ પણ બની ગઈ છે.10,000થી વધુ ડ્રાઇવરોને ડિજિટલ સાક્ષરતા અને સોફ્ટ સ્કિલ્સમાં વ્યાપક તાલીમ આપવામાં આવી છે. આ પણ વાંચોઃ Vadodara : ગુજસીટોક સહિતના અનેક ગુનાઓમાં મોસ્ટ વોન્ટેડ ચૂઈ ગેંગના બે સાગરીતો હથિયારો સાથે ઝડપાયા

Read Full Story arrow_forward
Ahmedabad : ફાયરિંગ કેસમાં મોટો ડ્રામા, પોલીસ સ્ટેશનમાં રિટાયર્ડ DySP અશોકસિંહનો હોબાળો, પોલીસ સામે લગાવ્યા આક્ષેપ
calendar_today May 28, 2026

Ahmedabad : ફાયરિંગ કેસમાં મોટો ડ્રામા, પોલીસ સ્ટેશનમાં રિટાયર્ડ DySP અશોકસિંહનો હોબાળો, પોલીસ સામે લગાવ્યા આક્ષેપ

અમદાવાદના નેહરુનગર પાસે લાઈસન્સવાળી પિસ્તોલમાંથી 5 રાઉન્ડ ધડાધડ ફાયરિંગ કરવાના ગુનામાં પકડાયેલા નિવૃત્ત DySP અશોકસિંહ અને તેમની દીકરીએ હવે સેટેલાઇટ પોલીસ સામે ગંભીર આક્ષેપો કરીને પોલીસ સ્ટેશન ગજવ્યું છે. ધરપકડ બાદ પોલીસ સ્ટેશન લાવવામાં આવેલા રિટાયર્ડ પોલીસ અધિકારી અને તેમની પુત્રીએ હાઈવોલ્ટેજ ડ્રામા કરીને આક્ષેપ કર્યો છે કે સેટેલાઇટ પોલીસ આ સમગ્ર મામલે તદ્દન ‘એકતરફી કાર્યવાહી’ કરી રહી છે.અમારી ફરિયાદ કેમ લેવામાં આવતી નથી? મળતી વિગતો અનુસાર, કસ્ટડીમાં લેવામાં આવેલા અશોકસિંહ અને તેમની દીકરીએ પોલીસ સ્ટેશનની અંદરબૂમાબૂમ કરીને હોબાળો મચાવ્યો હતો. તેમનો મુખ્ય આક્ષેપ એ છે કે આ જમીન અને ડિપોઝિટના વિવાદમાં સામેવાળા પક્ષે પણ તેમની સાથે ગેરવર્તણૂક કરી હતી, છતાં પોલીસ તેમની ફરિયાદ નોંધી રહી નથી. અશોકસિંહે આક્રોશ વ્યક્ત કરતા જણાવ્યું હતું કે, "અમારી ફરિયાદ કેમ લેવામાં આવતી નથી? પોલીસ માત્ર એક જ પક્ષને સાંભળીને અન્યાય કરી રહી છે." નિવૃત્ત અધિકારીને કાયદાનું ભાન કરાવી લોકઅપ માં પૂરી દીધા આ હોબાળા દરમિયાન સ્થિતિ વધુ તંગ બની ગઈ હતી જ્યારે કસ્ટડીમાં પુરાયેલા રિટાયર્ડ DySP અશોકસિંહે કા હાજર પોલીસ કર્મચારીઓ સાથે ઝપાઝપી કરવાનો પ્રયાસ પણ કર્યો હતો. જોકે, સેટેલાઇટ પોલીસે કડક વલણ અપનાવીને પરિસ્થિતિ પર કાબૂ મેળવ્યો હતો અને કાયદાના રક્ષક રહી ચૂકેલા નિવૃત્ત અધિકારીને કાયદાનું ભાન કરાવી લોકઅપ માં પૂરી દીધા છે. પોલીસના ઉચ્ચ અધિકારીઓનું કહેવું છે કે કાયદો બધા માટે સમાન છે અને ગુનાની ગંભીરતાને જોતા જ કાયદેસરના પગલાં લેવાઈ રહ્યા છે. પોલીસ સ્ટેશનમાં થયેલા આ ડ્રામાને પગલે સમગ્ર પોલીસ બેડામાં ભારે ચર્ચા જાગી છે.આ પણ વાંચો----    Iscon Bridge Accident : તથ્યને 90 વર્ષની સજા થવી જોઈએ, છલકાયું પીડિતનું દર્દ, વાંચો સંદેશ ડીજીટલ Exclusive

Read Full Story arrow_forward
Chandrayaan 2 Discovery: અવકાશમાં ભારતની મોટી સિદ્ધિ, ચંદ્રયાન-2 ઓર્બિટરે ચંદ્રના દક્ષિણ ધ્રુવ પર શોધ્યો બરફનો મોટો સ્ત્રોત
calendar_today May 28, 2026

Chandrayaan 2 Discovery: અવકાશમાં ભારતની મોટી સિદ્ધિ, ચંદ્રયાન-2 ઓર્બિટરે ચંદ્રના દક્ષિણ ધ્રુવ પર શોધ્યો બરફનો મોટો સ્ત્રોત

ભારતે અવકાશમાં વધુ એક સિદ્ધિ પ્રાપ્ત કરી. ભારતના ચંદ્રયાન-2 મિશનને લઈને એક ખુશીના સમાચાર સામે આવ્યા છે. ચંદ્રયાન-2 ઓર્બિટરે ચંદ્રના રહસ્યમય દક્ષિણ ધ્રુવ પર પાણીના બરફનો મોટો સ્ત્રોત શોધી કાઢ્યો છે. વૈજ્ઞાનિકોને ચંદ્રના કાયમી અંધકાર ધરાવતા ખાડાઓની સપાટી નીચે મોટા પ્રમાણમાં બરફ છુપાયેલો હોવાના મજબૂત પુરાવા મળ્યા છે. સૌરમંડળના આ સૌથી ઠંડા ભાગમાં થયેલી આ શોધે ભવિષ્યના માનવ મિશન અને સ્પેસ રિસર્ચ માટે નવી આશાઓ જન્માવી છે. ચંદ્રયાન-2ની અવકાશમાં મોટી શોધચંદ્રયાન-૨ ઓર્બિટરમાં લાગેલા 'ડ્યુઅલ ફ્રીક્વન્સી સિન્થેટિક એપર્ચર રડાર' (DFSAR) ની મદદથી આ મહત્વપૂર્ણ શોધ થઈ છે. માઇક્રોવેવ ઇમેજિંગ ટેકનોલોજીનો ઉપયોગ કરતું આ ડિવાઇસ ચંદ્ર પર તૈનાત કરાયેલું પ્રથમ સંપૂર્ણ પોલેરિમેટ્રિક સિન્થેટિક એપર્ચર રડાર છે, જે L-બેન્ડ અને S-બેન્ડ બંને ફ્રીક્વન્સી પર કામ કરે છે.'ડાર્ક ક્રેટર'માં છુપાયેલો છે બરફઅમદાવાદની ભૌતિક સંશોધન પ્રયોગશાળા (PRL) ના વૈજ્ઞાનિકો દ્વારા કરવામાં આવેલા આ નવા અભ્યાસમાં ચંદ્રના દક્ષિણ ધ્રુવ પર આવેલા "ડબલ શેડોડેડ ક્રેટર્સ" એટલે કે કાયમી અંધકાર ધરાવતા ખાડાઓની તપાસ કરવામાં આવી હતી. આ એવા પ્રદેશો છે જ્યાં ક્યારેય સૂર્યપ્રકાશ પહોંચતો નથી. પરિણામે, અહીંનું તાપમાન આશરે ૨૫ કેલ્વિન એટલે કે માઈનસ ૨૪૮ ડિગ્રી સેલ્સિયસ સુધી ઘટી જાય છે. આ અત્યંત ઠંડુ તાપમાન અબજો વર્ષો સુધી પાણીના બરફને સુરક્ષિત રાખવા માટે એક આદર્શ વાતાવરણ પૂરું પાડે છે.નવી ટેકનોલોજીએ મિશનમાં આ નવી શોધમાં સફળતાવૈજ્ઞાનિકોએ બરફ અને ખડકાળ સપાટી વચ્ચેનો ભેદ પારખવા માટે એક ખાસ રડાર ટેકનિક વિકસાવી છે. રડાર પોલારિમેટ્રિક વિશ્લેષણના આધારે વૈજ્ઞાનિકોને આવા ચાર ખાડાઓની નીચે બરફ હોવાના સંકેતો મળ્યા છે. સંશોધકોના જણાવ્યા અનુસાર, રડારના ચોક્કસ પરિમાણો જેવા કે ૧ કરતા વધારે સીપીઆર (CPR) મૂલ્ય અને ૦.૧૩ કરતા ઓછું ડીઓપી (DOP) મૂલ્ય ધરાવતા વિસ્તારો સપાટીના ખડકોને બદલે જમીનની અંદર દફનાવવામાં આવેલા બરફના કણો સૂચવે છે. આ અભ્યાસમાં 'ફોસ્ટિની ખાડા'ની અંદર આવેલા આશરે ૧.૧ કિલોમીટર પહોળા એક નાના ખાડામાં સૌથી મજબૂત સંકેત મળ્યા છે. વૈજ્ઞાનિકો માને છે કે ભૂતકાળમાં જ્યારે કોઈ ઉલ્કા અહીં પડી હશે, ત્યારે સપાટી પરના ખડકો હટી જવાથી બરફથી ભરપૂર આ નીચલું સ્તર ખુલ્લું થયું હશે.ભવિષ્યના સ્પેસ મિશન માટે 'ગેમ-ચેન્જર' સાબિત થશે આ શોધવૈજ્ઞાનિકોના મતે, ચંદ્ર પર પાણીની હાજરી ભવિષ્યના અવકાશ મિશન માટે પાયાનો પથ્થર સાબિત થશે. આ પાણીનો ઉપયોગ પીવા માટે, ઓક્સિજન બનાવવા માટે અને સૌથી મહત્વનું એટલે કે રોકેટ ઇંધણ (રોકેટ ફ્યુઅલ) તરીકે કરી શકાશે. ભવિષ્યમાં ચંદ્ર પર લાંબા ગાળાના માનવ મિશન માટે ત્યાંના સ્થાનિક સંસાધનોનો ઉપયોગ કરવો ખૂબ જરૂરી છે, જેથી પૃથ્વી પરથી સપ્લાય મોકલવાની નિર્ભરતા ઓછી કરી શકાય. વર્ષ ૨૦૧૯ માં ચંદ્રયાન-૨ નું લેન્ડર ચંદ્રની સપાટી પર ઉતરાણ કરતી વખતે ક્રેશ થયું હતું, પરંતુ તેનું ઓર્બિટર હજુ પણ અવકાશમાં સક્રિય છે અને ઉત્તમ ડેટા મોકલી રહ્યું છે. આ જ શ્રેણીમાં ભારતે ૨૦૨૩ માં ચંદ્રયાન-૩ નું દક્ષિણ ધ્રુવ પર સફળ લેન્ડિંગ કરાવીને ઇતિહાસ રચ્યો હતો.આ પણ વાંચો : 

Read Full Story arrow_forward