android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Karnataka: કર્ણાટકમાં સૌથી વધારે હિંદુ કે મુસ્લિમ ?
calendar_today May 28, 2026

Karnataka: કર્ણાટકમાં સૌથી વધારે હિંદુ કે મુસ્લિમ ?

કર્ણાટકના રાજકારણમાં હાલમાં જબરદસ્ત ગરમાવો જોવા મળી રહ્યો છે. મુખ્યમંત્રી સિદ્ધારમૈયાએ પોતાના પદ પરથી રાજીનામું આપવાની જાહેરાત કરી દીધી છે. જોકે, ખુરશી છોડતા પહેલાં તેમણે એક એવો રાજકીય દાવ ખેલ્યો છે, જેણે આગામી સમયના રાજકારણની દિશા નક્કી કરી દીધી છે.કર્ણાટકમાં કઇ જ્ઞાતિના લોકો વધારે?  મુખ્યમંત્રી પદ પરથી હટવાના કયાસો વચ્ચે, સિદ્ધારમૈયાએ પછાત વર્ગ આયોગના બહુપ્રતીક્ષિત 'જાતિ આધારિત સર્વેક્ષણ અહેવાલ' (Caste Census Report) નો સ્વીકાર કરીને તમામને ચોંકાવી દીધા છે.  આ અહેવાલને મંજૂરી મળતાં જ દેશભરના રાજકીય પંડિતો વચ્ચે એક નવી ચર્ચા છેડાઈ ગઈ છે. આ આંકડાઓના આધારે આવો સમજીએ કર્ણાટકનું નવું સામાજિક ગણિત. 9 વર્ષ બાદ બહાર આવ્યો 300 પાનાનો ગુપ્ત દસ્તાવેજકર્ણાટકનો આ જાતિગત સર્વેક્ષણ અહેવાલ લાંબા સમયથી વિવાદો અને ચર્ચાઓના કેન્દ્રમાં હતો. સરકારને સોંપવામાં આવેલો આ અહેવાલ કુલ 300 પાનાનો છે, જેમાં રાજ્યના દરેક વર્ગની સામાજિક, શૈક્ષણિક અને આર્થિક સ્થિતિની વિગતવાર વિગતો નોંધવામાં આવી છે. રાજીનામાની બરાબર પહેલાં આ સંવેદનશીલ દસ્તાવેજનો સ્વીકાર કરવો એ માત્ર સરકારી પ્રક્રિયા નથી, પરંતુ એક સુનિયોજિત વ્યુહરચના માનવામાં આવી રહી છે.નવો વસ્તી ગણતરી અહેવાલ: કયા સમુદાયની કેટલી વસ્તી?આ નવા સર્વેક્ષણના આંકડાઓએ રાજ્યના જૂના સામાજિક અંદાજોને સંપૂર્ણપણે બદલી નાખ્યા છે. અહેવાલ મુજબ, કર્ણાટકમાં હવે વિવિધ સમુદાયોનું નવું ચિત્ર આ પ્રમાણે ઉભરી આવ્યું છે:1. મુસ્લિમ સમુદાય (સૌથી મોટો સામાજિક જૂથ)નવા આંકડાઓ અનુસાર, મુસ્લિમ સમાજ રાજ્યમાં સૌથી મોટા ધાર્મિક અને સામાજિક જૂથ તરીકે ઉભરી આવ્યો છે.ટકાવારી: રાજ્યની કુલ વસ્તીમાં મુસ્લિમ સમુદાયની હિસ્સેદારી 14% નોંધાઈ છે.વસ્તી: સંખ્યાની દૃષ્ટિએ આ વસ્તી આશરે 75,25,000 થી 80,00,000 ની વચ્ચે થાય છે.2. વીરશૈવ લિંગાયત (બીજું સ્થાન)પરંપરાગત રીતે કર્ણાટકની સત્તા પર મજબૂત પકડ ધરાવતો વીરશૈવ લિંગાયત સમુદાય હવે વસ્તીની દૃષ્ટિએ બીજા સ્થાને સરકી ગયો છે.ટકાવારી: લિંગાયત સમાજની વસ્તી કુલ વસ્તીના 11% છે.વસ્તી: સંખ્યાના હિસાબે તેમની વસ્તી આશરે 60,00,000 થી 65,00,000 ની આસપાસ અંકાયેલી છે.3. વોક્કાલિગા સમુદાય (ત્રીજું સ્થાન)રાજ્યનો બીજો રાજકીય અને સામાજિક રીતે વગદાર ગણાતો વોક્કાલિગા સમુદાય હવે ત્રીજા નંબરે આવે છે.ટકાવારી: કુલ વસ્તીમાં વોક્કાલિગા સમાજની હિસ્સેદારી 10% છે.વસ્તી: આ સમુદાયના લોકોની સંખ્યા આશરે 55,00,000 થી 60,00,000 ની વચ્ચે માપવામાં આવી છે.4. કુરુબા સમાજ (ચોથું સ્થાન)આ વિસ્તૃત સામાજિક-આર્થિક સર્વેમાં ચોથા મોટા સમુદાય તરીકે કુરુબા સમાજને ચિહ્નિત કરવામાં આવ્યો છે.ટકાવારી: રાજ્યમાં કુરુબા સમુદાયનો કુલ હિસ્સો આશરે 8% જેટલો છે.વસ્તી: આંકડાકીય રીતે જોઈએ તો રાજ્યમાં કુરુબા સમાજના લોકોની સંખ્યા 40,00,000 થી લઈને 45,00,000 ની વચ્ચે નોંધાઈ છે. આ પણ વાંચોઃ વિશ્વમાં કયા મુસ્લિમ દેશો સાથે ભારતની ગાઢ દોસ્તી

Read Full Story arrow_forward
Ahmedabad News : જમીન મામલે નિવૃત્ત DySPનું ફાયરિંગ, હત્યાનો પ્રયાસ સહિતની કલમો હેઠળ કેસ દાખલ
calendar_today May 28, 2026

Ahmedabad News : જમીન મામલે નિવૃત્ત DySPનું ફાયરિંગ, હત્યાનો પ્રયાસ સહિતની કલમો હેઠળ કેસ દાખલ

નહેરૂનગર બસ સ્ટેશન પાછળ વિવાદાસ્પદ જમીનમાં સ્ટોલના ભાડા અને જમીનના ઓરિજિનલ દસ્તાવેજ મામલે બે પક્ષો વચ્ચે બોલાચાલી થઈ હતી.જ્યાં નિવૃત્ત ડીવાયએસપીએ ઉગ્ર થઈને પાંચ રાઉન્ડ ફાયરિંગ કર્યું હતું.આ સમગ્ર ઘટનાનો વીડિયો સોશિયલ મીડિયામાં ભારે વાયરલ થયો છે.બીજી તરફ, જાહેરમાં ફાયરિંગ થવાની આ ગંભીર મામલે સેટેલાઈટ પોલીસ અને ક્રાઈમ બ્રાન્ચની ટીમે નિવૃત્ત ડીવાયએસપીની અટકાયત કરી છે.તેમજ એક વૈભવી કાર કબ્જે કરવામાં આવી છે. આ ઘટનામાં હત્યાના પ્રયાસ સહિતની કલમો હેઠલ ગુનો નોંધવામાં આવ્યો છે. હરેશ અને હિતેશ બંનેએ પોતાના સ્ટોલ બનાવ્યા અમદાવાદના નહેરૂનગર બસ સ્ટેન્ડની પાછળ આવેલી જમીનનો કબ્જો નિવૃત્ત DySP અશોકસિંહ ચૌહાણ પાસે છે.તેઓએ હરેશ અને હિતેશ ભારભીડિયા નામના બે વ્યક્તિને આ જગ્યા ભાડાપટ્ટે આપી હતી.જ્યાં હરેશ અને હિતેશ બંનેએ પોતાના સ્ટોલ બનાવ્યા હતા. જોકે આ જમીનના કાયદેસરના દસ્તાવેજો પૂરા ન હોવાથી AMCને ત્યાં માર્કેટ શરૂ ન કરવા અને ગેરકાયદે બાંધકામ કરવા અંગે નોટિસ ફટકારતા સ્ટોલ બંધ રહેતા હરેશ અને હિતેશ બંનેએ ભાડું આપ્યું ન હતું.દરમિયાન, બુધવારે સાંજે ૫ વાગ્યાની આસપાસ હરેશ અને હિતેશ સ્ટોલ ખાતે પહોંચ્યા હતા. જમીન પર પાંચ રાઉન્ડ ફાયરિંગ કરી દીધું  ત્યારે ત્યાં નિવૃત્ત અધિકારી અશોકસિંહ, તેમનો પુત્ર સિદ્ધરાજસિંહ, તેમની પુત્રી અને અન્ય પુત્ર એમ ચારેય જણા હાજર હતા.આ દરમિયાન અશોકસિંહે બાકી ભાડું માંગતા બંને શખ્સોએ કહ્યું કે, તમે પહેલાં અમારી ડિપોઝીટ પરત કરો.કારણ કે સ્ટોલ હજુ ચાલુ થયા નથી.આ સાથે જ તેમણે જમીનના કાયદેસરના દસ્તાવેજો બતાવવાની માંગણી કરી હતી.જે બાદ બંને પક્ષે ઉગ બોલાચાલી અને તકરાર થતાં નિવૃત્ત ડીવાયએસપી અશોકસિંહે પોતાની પિસ્તોલ કાઢીને જમીન પર પાંચ રાઉન્ડ ફાયરિંગ કરી દીધું હતું. અશોકસિંહ જમીનનો માલિક નથી છતાં MOU કર્યો ભરચક વિસ્તારમાં ફાયરિંગને પગલે સેટેલાઈટ પોલીસ અને ક્રાઈમ બ્રાન્ચની ટીમ તાત્કાલિક ઘટનાસ્થળે દોડી આવી હતી અને અશોકસિંહની અટકાયત કરીને તેમને સેટેલાઈટ પોલીસ સ્ટેશન લઈ જવામાં આવ્યા હતા.જ્યારે સામા પક્ષના હરેશ અને હિતેશને પણ પોલીસે સઘન પૂછપરછ માટે બોલાવ્યા હતા. ફરિયાદીએ કહ્યું હતું કે, અમે 2025માં આ જગ્યા સમજૂતી કરારથી રાખી હતી. અશોકસિંહ સહિત ત્રણ વ્યક્તિ વચ્ચે સમજૂતિ કરાર થયા હતાં. મનપાની પરમીશન માટે જરૂરી કાગળો માંગતા વિવાદ થયો હતો. અશોકસિંહ જમીનનો માલિક નથી છતાં MOU કર્યો હતો. ફરિયાદી દર મહિને 15 લાખ રૂપિયા ભાડું ચૂકવતો હતો. આ પણ વાંચોઃ Gujarat Weather: સૌરાષ્ટ્રના 9 જિલ્લામાં વરસાદની શક્યતા નહિવત, બફારો યથાવત રહેવાની શક્યતા

Read Full Story arrow_forward
Anand: પદાધિકારીઓની સત્તાવાર જાહેરાત, દીપિકાબેન પટેલ આણંદના પ્રથમ નાગરિક
calendar_today May 28, 2026

Anand: પદાધિકારીઓની સત્તાવાર જાહેરાત, દીપિકાબેન પટેલ આણંદના પ્રથમ નાગરિક

આણંદ જિલ્લા ભાજપ પ્રમુખ સંજય પટેલે પ્રદેશ ભાજપ હાઈકમાન્ડ દ્વારા નક્કી કરાયેલા પદાધિકારીઓના નામ સંયુક્ત રીતે જાહેર કર્યા છે. પક્ષ દ્વારા આ વખતે અનુભવ અને વહીવટી ક્ષમતાને પ્રાધાન્ય આપીને સંતુલિત ટીમની પસંદગી કરવામાં આવી છે.પ્રથમ નાગરિક તરીકે દીપિકાબેન પટેલની વરણીનવીનતમ આણંદ મહાનગરપાલિકાના સર્વપ્રથમ મેયર તરીકે દીપિકાબેન પટેલના નામની જાહેરાત કરવામાં આવી છે. આ સાથે જ તેઓ આણંદ મનપાના ઇતિહાસમાં પ્રથમ નાગરિક બનવાનું ગૌરવ ધરાવતા મહિલા નેતા બની ગયા છે. તેમની સાથે ડેપ્યુટી મેયર તરીકે કમલેશ ડાભીની વરણી કરવામાં આવી છે. પક્ષના પાયાના કાર્યકર ગણાતા કમલેશ ડાભી આગામી સમયમાં મેયરની સાથે રહીને લોકપ્રશ્નોના ઉકેલ માટે મહત્વની ભૂમિકા ભજવશે.મયુર સુથાર સંભાળશે સ્ટેન્ડિંગ કમિટીની કમાનમહાનગરપાલિકાની સૌથી મહત્વની અને આર્થિક નિર્ણયો લેતી સ્ટેન્ડિંગ કમિટીના પ્રમુખ (ચેરમેન) તરીકે મયુર સુથારના નામની જાહેરાત કરવામાં આવી છે. આણંદ અને કરમસદ વિસ્તારના આધુનિકીકરણ અને કરોડો રૂપિયાના વિકાસ પ્રોજેક્ટ્સને મંજૂરી આપવામાં મયુર સુથારનું પદ અત્યંત મહત્વનું સાબિત થશે. આ ઉપરાંત મનપાના સદનમાં શાસક પક્ષ તરફથી તાર્કિક રજૂઆતો કરવા માટે 'પક્ષના નેતા' તરીકે અમિત પુરોહિત અને તમામ ચૂંટાયેલા કાઉન્સિલરોમાં શિસ્ત જાળવી રાખવા માટે 'દંડક' (વ્હીપ) તરીકે હીરલ શાહની નિયુક્તિ કરવામાં આવી છે.આ પણ વાંચો: Narmda: મુંબઈ પોલીસે સ્થાનિક પોલીસને સાથે રાખી વરખડ ગામમાં પાડી મોટી રેડ, કરોડોનું રેકેટ પકડાયું

Read Full Story arrow_forward