android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Karnataka Politics: સિદ્ધારમૈયા આપશે રાજીનામું, મંત્રીઓ સાથે બેઠકમાં કરી જાહેરાત
calendar_today May 28, 2026

Karnataka Politics: સિદ્ધારમૈયા આપશે રાજીનામું, મંત્રીઓ સાથે બેઠકમાં કરી જાહેરાત

કર્ણાટકમાં મુખ્યમંત્રી પદ અંગે ચાલી રહેલા સસ્પેન્સનો આખરે અંત આવ્યો છે. સૂત્રોના જણાવ્યા અનુસાર, સિદ્ધારમૈયા આજે - 28 મે - બપોરે 3:00 વાગ્યે - મુખ્યમંત્રી પદ પરથી રાજીનામું આપી શકે છે. તેઓ રાજીનામું આપવા માટે રાજ્યપાલ કાર્યાલય જશે. શિવકુમાર અને સિદ્ધારમૈયા ભેટી પડ્યા આજે સવારે, બેંગલુરુમાં મુખ્યમંત્રીના સત્તાવાર નિવાસસ્થાને નાસ્તાની બેઠક દરમિયાન, કર્ણાટકના મુખ્યમંત્રી સિદ્ધારમૈયા અને નાયબ મુખ્યમંત્રી ડી.કે. શિવકુમાર એકબીજાને ભેટી પડ્યા. નાયબ મુખ્યમંત્રી ડી.કે. શિવકુમારે પણ મુખ્યમંત્રી સિદ્ધારમૈયાના પગ સ્પર્શ્યા. બ્રેકફાસ્ટ મીટિંગ દરમિયાન રાજીનામાની જાહેરાત-સૂત્ર કર્ણાટકના મુખ્યમંત્રી સિદ્ધારમૈયાએ મુખ્યમંત્રી પદ પરથી રાજીનામું આપવાની જાહેરાત કરી છે. સિદ્ધારમૈયાએ તેમના મંત્રીઓ સાથે નાસ્તાની બેઠક દરમિયાન આ જાહેરાત કરી હતી. તેમણે ભાવનાત્મક વાતાવરણમાં આ જાહેરાત કરી હતી. આ પહેલા મુખ્યમંત્રી સિદ્ધારમૈયાએ તેમના કેબિનેટ મંત્રીઓને નાસ્તાની બેઠકમાં આમંત્રણ આપ્યું હતું. બેઠક સવારે 9:00 વાગ્યે શરૂ થવાની હતી, પરંતુ તે એક કલાક મોડી શરૂ થઈ. મુખ્યમંત્રી સિદ્ધારમૈયા પોતે તેમના નિવાસસ્થાને એક કલાક મોડા પહોંચ્યા, જ્યાં મંત્રીઓ માટે નાસ્તાનું ટેબલ ગોઠવવામાં આવ્યું હતું.  રાજ્યપાલ થાવરચંદ ગેહલોત છે બેંગ્લોરની બહાર દરમિયાન, કર્ણાટકના મુખ્યમંત્રી સિદ્ધારમૈયાના સંભવિત રાજીનામાને લગતા રાજકીય વિકાસ વચ્ચે, રાજ્યપાલ થાવરચંદ ગેહલોતના બેંગલુરુથી પ્રસ્થાનથી રાજ્યના રાજકારણમાં અટકળો તેજ થઈ ગઈ છે. જો કે, કોંગ્રેસના સૂત્રો જણાવે છે કે રાજ્યપાલની ગેરહાજરી રાજીનામાની પ્રક્રિયાને અસર કરશે નહીં, અને સિદ્ધારમૈયા નિર્ધારિત યોજના મુજબ ગુરુવારે બપોરે 3 વાગ્યે રાજીનામું આપી શકે છે.

Read Full Story arrow_forward
Gujarat Latest News Live : છોટા ઉદેપુરના નસવાડી પાસે રેશનિંગનુ મીઠું ફેંકી દેવાયું, રેશન વિતરણ અંગે ગંભીર સવાલો ઉભા થયા
calendar_today May 28, 2026

Gujarat Latest News Live : છોટા ઉદેપુરના નસવાડી પાસે રેશનિંગનુ મીઠું ફેંકી દેવાયું, રેશન વિતરણ અંગે ગંભીર સવાલો ઉભા થયા

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 28 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Sabarkantha: ડાકણના વહેમમાં આધેડ મહિલાને મોતને ઘાટ ઉતારાઈ, 12 લોકો સામે ગુનો દાખલ
calendar_today May 28, 2026

Sabarkantha: ડાકણના વહેમમાં આધેડ મહિલાને મોતને ઘાટ ઉતારાઈ, 12 લોકો સામે ગુનો દાખલ

આપણે ભલે ગમે તેટલા ડિજિટલ યુગ અને 21મી સદીના વૈજ્ઞાનિક વિકાસની વાતો કરીએ, પરંતુ ગ્રામીણ વિસ્તારોમાં આજે પણ અંધશ્રદ્ધાના મૂળ કેટલા ઊંડા અને ઘાતકી છે, તેનો જીવતો જાગતો પુરાવો સાબરકાંઠાના વિજયનગરમાં જોવા મળ્યો છે. વિજયનગર તાલુકાના ગાડી વાકડા ગામે ડાકણના વહેમમાં એક મહિલાની ઘાતકી હત્યા કરી નાખવામાં આવતા સમગ્ર પંથકમાં ભય અને અરેરાટીનો માહોલ વ્યાપી ગયો છે. સમાજની આ કૂપ્રથાએ ફરી એકવાર એક હસતા-ખેડતા પરિવારનો માળો વિંખી નાખ્યો છે.અંધશ્રદ્ધામાં અંધ બનેલા ટોળાએ ઘર પર કર્યો હુમલોપ્રાપ્ત વિગતો અનુસાર, ગાડી વાકડા ગામે રહેતા 50 વર્ષીય કમળાબેન નામના આધેડ મહિલાને ગામના જ કેટલાક તત્વો અંધશ્રદ્ધાના કારણે 'ડાકણ' માનતા હતા. આ વહેમ એટલો હિંસક બન્યો કે, એક ચોક્કસ આયોજન અંતર્ગત આખું ટોળું કમળાબેનના ઘર પર ધસી આવ્યું હતું. ટોળાએ ઘરમાં તોડફોડ કરવાના ઈરાદે અને દહેશત ફેલાવવા માટે ઘર પર જોરદાર પથ્થરમારો શરૂ કરી દીધો હતો. ત્યારબાદ ટોળામાં સામેલ કેટલાક શખ્સો તીક્ષ્ણ હથિયારો સાથે ઘરમાં ઘૂસી ગયા હતા અને કમળાબેન પર જીવલેણ હુમલો કરી દીધો હતો.બચાવવા ગયેલા સભ્યો પણ લોહીલુહાણજ્યારે હુમલાખોરો કમળાબેન પર તીક્ષ્ણ હથિયારોથી ઘા કરી રહ્યા હતા, ત્યારે તેમને બચાવવા માટે પરિવારના અન્ય બે સભ્યો વચ્ચે પડ્યા હતા. પરંતુ ક્રોધાવેશમાં આવેલા હુમલાખોરોએ આ બંને સભ્યો પર પણ હથિયારો વડે હુમલો કરી દીધો હતો, જેમાં તેઓ ગંભીર રીતે ઘાયલ થયા છે. હુમલામાં ગંભીર ઈજાઓ થવાના કારણે કમળાબેનનું ઘટનાસ્થળે જ કરુણ મોત નીપજ્યું હતું, જ્યારે બંને ઘાયલોને તાત્કાલિક હોસ્પિટલમાં સારવાર અર્થે ખસેડવામાં આવ્યા છે.ચિઠોડા પોલીસે શરૂ કરી કાનૂની કાર્યવાહીઆ લોહિયાળ ઘટનાની જાણ થતાં જ ચિઠોડા પોલીસનો કાફલો ઘટનાસ્થળે દોડી ગયો હતો અને પરિસ્થિતિ પર કાબૂ મેળવ્યો હતો. પોલીસે મૃતકના સ્વજનોની ફરિયાદના આધારે ૪ મહિલાઓ સહિત કુલ ૧૨ લોકો સામે નામજોગ હત્યા અને રાયોટિંગનો ગુનો દાખલ કર્યો છે. પોલીસે મૃતદેહને પોસ્ટમોર્ટમ માટે મોકલી આપીને ફરાર આરોપીઓને ઝડપી પાડવા માટે જુદી-જુદી ટીમો બનાવી તપાસ શરૂ કરી છે. આ ઘટનાએ ફરી એકવાર પ્રબુદ્ધ સમાજ સામે અનેક ગંભીર સવાલો ઊભા કર્યા છે કે આખરે ક્યાં સુધી અંધશ્રદ્ધાના નામે આવા નિર્દોષ લોકોના બલિ લેવાતા રહેશે?આ પણ વાંચો: Banaskantha: ગઢ વિસ્તારમાંથી શંકાસ્પદ ઘી ભરેલું પીકઅપ વાહન ઝડપાયું, બ્રાન્ડેડ કંપનીના નામે ચાલતું નેટવર્ક કબ્જે

Read Full Story arrow_forward