Kheda: મહુધાના સણાલી વિસ્તારમાં MGVCLની ગંભીર બેદરકારી
મહુધા તાલુકાના સણાલી તાબે આવેલા બોરનગર વિસ્તારમાં એમ.જી.વી.સી.એલ.ની ગંભીર બેદરકારી સામે આવી છે. ગત વર્ષે બસના છાપરે વીજ વાયરો ભરાઈ જતા થાંભલો પડી ગયો હતો.તે સમયે તાત્કાલિક વ્યવસ્થા તરીકે વીજ કર્મચારીઓએ ઝાડ સાથે જીવંત વાયરો બાંધી વિસ્તારમાં લાઈટ અને પાણીની સુવિધા ચાલુ રાખી હતી. પરંતુ આશ્ચર્યની વાત એ છે કે છેલ્લા એક વર્ષથી આ જ વ્યવસ્થા યથાવત રાખવામાં આવી છે,જેના કારણે સ્થાનિકોમાં અકસ્માતનો ભય ફેલાયો છે. મહુધા તાલુકાના સણાલી તાબેના બોરનગર વિસ્તારમાં ગતવર્ષે ચોમાસા દરમિયાન વાવાજોડાને કારણે વીજપોલ તૂટી ગયો હતો. જેને કારણે લાઈટો બંધ થઇ ગઈ હતી.માટે વીજ કંપનીના કર્મચારીઓએ તાત્કાલિક લાઈટો ચાલુ કરવા જીવતા વાયરો ઝાડ સાથે બાંધી લાઈટો ચાલુ કરી દીધી હતી. પણ તે વાત ને એક વર્ષ જેટલો સમય થઇ ગયો હોવા છતાં હજી વીજ પોલ લગાવવામાં આવ્યો નથી. જેથી આ મામલે સ્થાનિક અરજદારે મહુધા સ્થિત વિજ કંપનીના જવાબદાર અધિકારીને લેખિત અરજી આપી હતી. પણ અધિકારીઓને કોઈ ફરક નહિ પડતા ત્યારબાદ ફરી રજૂઆત કરી હતી. તેમ છતાં આજદિન સુધી કોઈ નક્કર કાર્યવાહી હાથ ધરવામાં આવી નથી. હાલ જીવંત વિજ વાયરો ઝાડની ડાળીઓમાં ખૂંપી ગયા છે અને ચોમાસું નજીક આવતા વરસાદ દરમિયાન શોર્ટ સર્કિટ કે કરંટ લાગવાના ભયથી સ્થાનિકો ચિંતિત બન્યા છે. ગ્રામજનોમાં એ બાબતે પણ રોષ જોવા મળી રહ્યો છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward