android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Panchmahal: ગ્રામજનો દ્વારા રસ્તા, પાણી અને પ્રાથમિક સુવિધાના પ્રશ્ને રજૂઆતો
calendar_today May 28, 2026

Panchmahal: ગ્રામજનો દ્વારા રસ્તા, પાણી અને પ્રાથમિક સુવિધાના પ્રશ્ને રજૂઆતો

શહેરા નગર પાલિકાના વોર્ડ નંબર-5 માં સમાવિષ્ટ ગામોમાં સ્થાનિક રજૂઆતોના ઝડપી નિકાલ અને છેવાડાના નાગરિકો સુધી સુવિધાઓ પહોંચાડવાના આશય સાથે ગ્રામસભા યોજાઈ હતી. જેમાં ગ્રામજનોએ પાણી અને રસ્તા સહિતના પાયાના પ્રશ્નો અંગે રજૂઆતો કરી હતી. જેના પગલે અધ્યક્ષસ્થાનેથી તમામ પ્રશ્નોનો વહેલી તકે ઉકેલ લાવવાની મક્કમ ખાતરી અપાઈ હતી.શહેરા નગરપાલિકા વિસ્તારમાં આવતા વૉર્ડ નંબર-5 ના ખરેડીયા,મીઠાપુર અને આંકડિયા ગામ ખાતે વિકાસલક્ષી કાર્યોની સમીક્ષા અને લોકપ્રશ્નો સાંભળવા માટે ધારાસભ્ય જેઠાભાઈ આહીરના માર્ગદર્શન હેઠળ વિશેષ ગ્રામસભા યોજાઈ હતી.જેમાં હોદ્દેદારો ગ્રામજનોની વચ્ચે પહોંચ્યા હતા. જેમાં મોટી સંખ્યામાં સ્થાનિક રહીશો અને અગ્રણીઓ ઉપસ્થિત રહ્યા હતા.સભામાં સીધા લોકસંવાદમાં હાજર રહેલા વૉર્ડ નંબર-5 ના સભ્યો, શહેર ભાજપ પ્રમુખ તેજશ શાહ અને કારોબારી અધ્યક્ષ જેકી મુલચંદાણી સમક્ષ ઉપસ્થિત ગ્રામજનોએ પીવાના પાણી, રસ્તા અને પ્રાથમિક સુવિધાઓના અભાવ અંગે વિગતવાર ચર્ચા કરી હતી. જેને પદાધિકારીઓએ ગંભીરતાપૂર્વક સાંભળી, વિકાસ કાર્યોમાં કોઈ કચાસ રાખવામાં નહીં આવે. રજૂ થયેલા તમામ પ્રશ્નોને પ્રાથમિકતા આપીને સંબંધિત વિભાગો સાથે સંકલન સાધી વહેલી તકે તેનો કાયમી નિકાલ કરવાની ખાતરી આપી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Palanpur: પાલનપુરમાં પ્રથમ મહિલા જિલ્લા યુવા અધિકારી તરીકે કંચન રામરખ્યાની નિમણુંક
calendar_today May 28, 2026

Palanpur: પાલનપુરમાં પ્રથમ મહિલા જિલ્લા યુવા અધિકારી તરીકે કંચન રામરખ્યાની નિમણુંક

પાલનપુર : ભારત સરકારના યુવા બાબતો અને રમતગમત મંત્રાલય હેઠળ બનાસકાંઠાના પાલનપુરમાં પ્રથમ મહિલા જિલ્લા યુવા અધિકારી તરીકે કંચન રામરખ્યાની નિમણુંક કરવામાં આવી છ. યુપીએસસી 2023 પ્રતિભા સેતુ પરીક્ષા દ્વારા ગ્રુપ એ કેન્દ્ર સરકારના આ પદ પર તેઓ પસંદગી પામ્યા છે. ચાર્ટર્ડ એકાઉન્ટની શૈક્ષણિક લાયકાત અને કોર્પોરેટ ક્ષેત્રનો અનુભવ ધરાવતા કંચન રામરખ્યાએ સમાજ સેવા અને રાષ્ટ્ર નિર્માણના ઉદ્દેશ્ય સાથે આ વહીવટી ક્ષેત્ર પસંદ કર્યું છે. તેઓ બનાસકાંઠા જિલ્લાના યુવાનોને કૌશલ્ય વિકાસ, નેતૃત્વ અને સામાજિક જાગૃતિ સાથે જોડીને વિકસિત ભારતના નિર્માણમાં યોગદાન આપવા કટિબદ્ધ છે. પાલનપુરમાં આ પદ સંભાળનાર તેઓ પ્રથમ મહિલા અધિકારી હોવાથી તેમની આ નિમણુંકને જિલ્લા માટે ગર્વની બાબત ગણવામાં આવી રહી છે. સ્થાનિક યુવા અને સામાજિક સંગઠનોએ આ નિર્ણયને આવકારી ઉજ્જવળ ભવિષ્યની આશા વ્યક્ત કરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Panchmahal: નલ સે જલ યોજના શોભાના ગાંઠિયા સમાન : ગ્રામજનોમાં રોષ
calendar_today May 28, 2026

Panchmahal: નલ સે જલ યોજના શોભાના ગાંઠિયા સમાન : ગ્રામજનોમાં રોષ

શહેરા તાલુકામાં વિકાસના દાવાઓ વચ્ચે ધામણોદ ગામની વાસ્તવિકતા કંઈક અલગ જ ચિત્ર રજૂ કરી રહી છે. સરકાર દ્વારા ઘરે-ઘરે નળ વાટે પાણી પહોંચાડવાની નલ સે જલ યોજના ધામણોદ ગામના અનેક ફ્ળિયાઓ માટે માત્ર કાગળ પરની યોજના બનીને રહી ગઈ છે. ઉનાળાની શરૂઆતે જ જળસ્તર નીચા જતાં અને સરકારી યોજનાના નળ કોરાધાકોર રહેતા ગ્રામજનો ટીપે-ટીપે પાણી માટે રઝળપાટ કરી રહ્યા છે. ગામના મુખ્ય ફ્ળિયાઓમાં વહીવટી તંત્રની ઉદાસીનતા સામે સ્થાનિકોમાં ભારે રોષ જોવા મળી રહ્યો છે.શહેરા તાલુકામાં સોથી વધુ વસ્તી ધરાવતા ધામણોદ ગામમાં આવેલ સડક ફ્ળિયું, બારીયા ફ્ળિયું અને પોસરી ફ્ળિયું સહિત અનેક વિસ્તારોમાં પીવાના પાણીની સમસ્યાથી ગ્રામજનો હેરાન પરેશાન છે.રાજ્ય સરકાર દ્વારા આ ગામમાં નલ સે જલ યોજના અંતર્ગત પાઈપલાઈન અને નળના કનેક્શન આપવાની કામગીરી તો કરવામાં આવી છે,પરંતુ આજદિન સુધી નળમાં પાણી આવ્યું નથી. ગ્રામજનોના જણાવ્યા અનુસાર, લાખોના ખર્ચે ઉભી કરાયેલી આ માળખાગત સુવિધા હાલમાં માત્ર શોભાના ગાંઠિયા સમાન સાબિત થઈ રહી છે. નળ તો છે,પણ પાણીના દર્શન દુર્લભ બન્યા છે.જ્યારે નળમાં પાણી આવતું નથી, ત્યારે ગ્રામજનો માટે એકમાત્ર સહારો હેન્ડપંપ અને કૂવાઓ છે. પરંતુ ભીષણ ઉનાળાની ગરમીને કારણે ભૂગર્ભ જળના સ્તર અત્યંત નીચે જતા રહ્યા છે. ગામમાં આવેલા અમુક હેન્ડપંપો હાલ બંધ હાલતમાં છે. જે હેન્ડપંપો ચાલુ છે, તેમાં પણ થોડીવાર પાણી આવ્યા બાદ પાણી બંધ થઈ જતુ હોવાનું જાગૃત ગ્રામજન પાસેથી જાણવા મળ્યુ હતુ. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward