android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Banaskantha: કાંકરેજ વિસ્તારમાં સવારે વરસાદી વાદળો ઘેરાયા, ચોમાસું ઢુંકડું
calendar_today May 28, 2026

Banaskantha: કાંકરેજ વિસ્તારમાં સવારે વરસાદી વાદળો ઘેરાયા, ચોમાસું ઢુંકડું

શિહોરી : ઉત્તર ગુજરાત સહિત બનાસકાંઠા જિલ્લામાં છેલ્લા કેટલાક દિવસોથી પડી રહેલી આકરા ગરમી વચ્ચે અચાનક હવામાનમાં પલટો જોવા મળતા કાંકરેજ પંથકના ખેડૂતોમાં ચિંતાનો માહોલ સર્જાયો છે. હવામાન વિભાગ દ્વારા આગામી દિવસોમાં ગાજવીજ સાથે વરસાદ અને ભારે પવનની આગાહી કરવામાં આવી હોવાના પગલે આજે વહેલી સવારથી જ કાંકરેજ તાલુકાના ગ્રામ્ય વિસ્તારોમાં આકાશમાં કાળાડિબાંગ વાદળો છવાઈ જતા ચોમાસા જેવો માહોલ સર્જાયો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Dahod: વર્ષો જૂનું રેનબસેરાનું મકાન જર્જરિત, મોટી હોનારતનો ડર
calendar_today May 28, 2026

Dahod: વર્ષો જૂનું રેનબસેરાનું મકાન જર્જરિત, મોટી હોનારતનો ડર

દેવગઢબારીઆ તાલુકા પંચાયત કચેરીમાં તાલુકાની જનતા સરકારી કામ માટે આવતી હોય છે. અહીં શિક્ષણ શાખા તેમજ આઇસીડીએસ શાખા પણ આવેલી છે. આ તાલુકા પંચાયતનો સભા ખંડ જર્જરીત હોઈ હાલમાં કામચલાઉ સભા ખંડ બનાવાયો છે. જ્યારે નજીકમાં આવેલું રેનબસેરાનું મકાન વર્ષોથી પડું પડું થઈ રહ્યું છે.વર્ષ 1980માં બનાવાયેલું રેનબસેરાનું મકાન હાલમાં જર્જરિત બન્યું છે. સ્લેબના પોપડા ઉખડી ગયા છે, તેમાંથી ડોકાતા સળિયાને પણ કાટ ચઢી ગયો છે. તાલુકા પંચાયતનો સભા ખંડ પણ જર્જરિત છે, જે નવો બનાવવા માટે મંજૂરી પણ લગભગ મળી ગઈ છે. ત્યારે આ જર્જરિત રેનબસેરા પણ નવું બનાવવા માગ થઈ છે, જ્યાં બહારગામથી આવનાર લોકોને બેસવા માટે યોગ્ય જગ્યા મળી શકે. હાલ મકાનની છતના પોપડા ખરી રહ્યા છે,ત્યારે આ જગ્યાએ બેસવું પણ જોખમી છે, તેમજ તંત્ર દ્વારા આ જગ્યાએ લોકોની અવરજવર બંધ કરાવવા રજૂઆત કરાઈ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Tharad: ચૂંટણી અધિકારીની તબિયત ખરાબ છે હવે પછી આવજો
calendar_today May 28, 2026

Tharad: ચૂંટણી અધિકારીની તબિયત ખરાબ છે હવે પછી આવજો

વાવ થરાદ જિલ્લાના ભાજપ સદસ્યોના અંદરો અંદર વિખવાદના કારણે વિવાદિત રહેલી દિયોદર તાલુકા પંચાયતની ચૂંટણી ફરી એક વખત વિવાદમાં આવી 27 મે ના રોજ યોજાનાર દિયોદર તા. પંચાયતમાં પ્રમુખ - ઉપપ્રમુખ પદ માટે ચૂંટણી દિવસભર હાઇવોલ્ટેજ ડ્રામા વચ્ચે મોફુક રખાઈ જ્યાં લોકશાહીના પર્વ માટે ચૂંટણી - ચૂંટણી અધિકારીની ગેરહાજરી વચ્ચે મોફુક રાખતા કોંગ્રેસે ભારે રોષ વ્યકત કર્યો અને ન્યાય માટે હાઇકોર્ટના દ્વાર ખખડાવાની ચીમકી આપી છે.દિયોદર તાલુકા પંચાયતની પ્રમુખ - ઉપપ્રમુખ પદ માટે તા. 25 મેના રોજ ચૂંટણી યોજાનાર હતી. જ્યાં તા.25 મેના રોજ જવાબદાર અધિકારી મોડે મોડે આવી ભાજપના સદસ્યોના વિખવાદનું કારણ વચ્ચે લાવી ચૂંટણી મોફુક કરી અને નવી તારીખ 27 મેના રોજ જાહેર કરવામાં આવતા તાલુકા પંચાયતમાં મામલો ઉર્ગ બન્યો હતો. કોંગ્રેસના કાર્યકરોએ રોષ વ્યકત કર્યો તો બીજી તરફ્ બુધવારના રોજ 27 મેના દિવસે ફરી સવારે ચૂંટણીની પ્રકિયા માટે તાલુકા પંચાયત ખાતે સભાનું આયોજન કરાયું હતું. ચૂંટણીના સમય દરમિયાન પોલીસના ચુસ્ત બંદોબસ્ત વચ્ચે કોંગ્રેસના 12 સદસ્યો અને ભાજપના 10 સદસ્યો સમયસર સભા ખંડમાં હાજર રહ્યા, પરંતુ જવાબદાર ચૂંટણી અધિકારી 11:30 કલાકે ના આવતા અને તબિયત ખરાબ હોવાનું જણાવી ચુંટણીની પ્રકિયા 3 વાગ્યા સુધી મોફુક રાખવાની જાહેરાત કરાઇ હતી. જેને લઈ ચૂંટણી પ્રકિયા દરમિયાન સદસ્યો અકળાયા હતા. બપોરે 3 કલાકે પણ ચૂંટણી અધિકારી સભા ખંડમાં ના આવતા અને ચૂંટણી અધિકારીની તબિયત ખરાબ હોવાનું રટણ કરી અધિકારીઓ છેલ્લી ઘડીએ ચૂંટણી મોફુક રાખવાની જાહેરાત કરતા મામલો વધુ ઘેરાયો અને મોડે મોડે તમામ સદસ્યોને પરત લઈ જવામાં આવ્યા હતા.દિવસભર હાઇવોલ્ટેજ ડ્રામા વચ્ચે કોંગ્રેસે સરકાર સામે ગંભીર આક્ષેપો કર્યા હતા. જ્યાં હવે નવી તારીખ જાહેર નહીં થાય ત્યાં સુધી ચૂંટણી મોફુક રાખવાની જાહેરાત કરાઇ હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward