android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Bhavnagar News: મહુવાની વડલી ચોકડી પાસે બે જૂથ વચ્ચે મારામારી, 7 ઈજાગ્રસ્ત
calendar_today May 27, 2026

Bhavnagar News: મહુવાની વડલી ચોકડી પાસે બે જૂથ વચ્ચે મારામારી, 7 ઈજાગ્રસ્ત

ભાવનગર જિલ્લાના મહુવા તાલુકાના વડલી ચોકડી નજીક આજે બપોરના સમયે કાયદો અને વ્યવસ્થાની સ્થિતિ વણસી હતી. ક્રિકેટ રમવા જેવી સામાન્ય બાબતની જૂની અદાવત રાખીને બે જૂથના લોકો સામસામે આવી ગયા હતા. બંને પક્ષે ધોકા, પાઇપ અને તીક્ષ્ણ હથિયારો ઉછળતા સશસ્ત્ર ધીંગાણું સર્જાયું હતું, જેમાં બંને જૂથના મળી કુલ 7 વ્યક્તિઓ ગંભીર રીતે ઈજાગ્રસ્ત થયા છે.ક્રિકેટ રમવાની બાબતનું મનદુઃખ લોહિયાળ બન્યું ઘટનાની મળતી માહિતી અનુસાર, મહુવાની વડલી ચોકડી નજીક ભરવાડ સમાજ અને કોળી સમાજના કેટલાક વ્યક્તિઓ વચ્ચે અગાઉ ક્રિકેટ રમવા બાબતે બોલાચાલી અને માથાકૂટ થઈ હતી. આ બાબતનું જૂનું મનદુઃખ રાખીને આજે બપોરે બંને પક્ષના લોકો હથિયારો સાથે સામસામે આવી ગયા હતા. જોતજોતામાં મામલો એટલો બિચક્યો હતો કે, બંને જૂથોએ એકબીજા પર લોખંડના પાઇપ, લાકડાના ધોકા અને તીક્ષ્ણ હથિયારો વડે હિચકારો હુમલો કરી દીધો હતો. સામસામે હુમલામાં 7 લોકો ઘાયલ, હોસ્પિટલ ખસેડાયા આ હિંસક અથડામણમાં બંને પક્ષના થઈને કુલ 7 લોકોને નાની-મોટી અને ગંભીર ઈજાઓ પહોંચી હતી. ઘટનાને પગલે આસપાસના વિસ્તારમાં ભારે અફરાતફરી મચી ગઈ હતી. તમામ ઈજાગ્રસ્તોને લોહીલુહાણ હાલતમાં તાત્કાલિક પ્રથમ સારવાર માટે મહુવાની જનરલ હોસ્પિટલ ખાતે ખસેડવામાં આવ્યા હતા. જ્યાંથી તેઓને વધુ અને સઘન સારવાર અર્થે મહુવાની હનુમાન હોસ્પિટલ ખાતે શિફ્ટ કરવામાં આવ્યા છે. પોલીસનો કાફલો ઘટના સ્થળે દોડી ગયો ભરબપોરે જાહેર ચોકડી નજીક થયેલી આ અશાંતિની જાણ થતાં જ મહુવા પોલીસનો મોટો કાફલો તાત્કાલિક ઘટના સ્થળે અને ત્યારબાદ હોસ્પિટલ ખાતે દોડી ગયો હતો. પોલીસે સ્થિતિને કાબૂમાં લઈને આસપાસના ચુસ્ત બંદોબસ્ત ગોઠવી દીધો છે. હાલ પોલીસે બંને પક્ષના નિવેદનો નોંધવાની અને ગુનો દાખલ કરીને હુમલાખોરોની અટકાયત કરવાની તજવીજ હાથ ધરી છે. આ ઘટનાને પગલે સ્થાનિક વિસ્તારમાં હજુ પણ તંગદિલીનો માહોલ જોવા મળી રહ્યો છે. આ પણ વાંચો - વાંચો 28 મેના રોજ બનનારી મહત્વની ઘટનાઓ વિશે

Read Full Story arrow_forward
Rajnath Singhએ પશ્ચિમ એશિયાની સ્થિતિ અંગે ચર્ચા કરવા બોલાવી બેઠક, શું થઈ ચર્ચા?
calendar_today May 27, 2026

Rajnath Singhએ પશ્ચિમ એશિયાની સ્થિતિ અંગે ચર્ચા કરવા બોલાવી બેઠક, શું થઈ ચર્ચા?

પશ્ચિમ એશિયામાં વધતા તણાવ વચ્ચે દેશની આવશ્યક ચીજવસ્તુઓ અને ઇંધણ પુરવઠાની સ્થિતિની સમીક્ષા કરવા માટે બુધવારે રક્ષા મંત્રી રાજનાથ સિંહની અધ્યક્ષતામાં અનૌપચારિક મંત્રી સમૂહ (IGoM)ની છઠ્ઠી બેઠક યોજાઈ. બેઠકમાં પશ્ચિમ એશિયાની પરિસ્થિતિના ભારત પર પડતા પ્રભાવ અને સપ્લાય ચેઈનની મજબૂતી અંગે ચર્ચા કરવામાં આવી. પેટ્રોલ, ડીઝલ અને LPGનો પૂરતો જથ્થો ઉપલબ્ધ બેઠક બાદ રાજનાથ સિંહે જણાવ્યું કે દેશમાં હાલમાં પેટ્રોલ, ડીઝલ અને LPGનો પૂરતો જથ્થો ઉપલબ્ધ છે અને લોકોને ગભરાટમાં આવી ખરીદી ન કરવાની અપીલ કરી. તેમણે કહ્યું કે સરકાર તમામ જરૂરી વસ્તુઓની ઉપલબ્ધતા જાળવવા માટે સતત પ્રયાસ કરી રહી છે. રક્ષા મંત્રીએ સોશિયલ મીડિયા પ્લેટફોર્મ X પર માહિતી આપતા જણાવ્યું કે દેશમાં પુરવઠાની સ્થિતિ સંપૂર્ણપણે સામાન્ય છે. સાથે જ તેમણે જણાવ્યું કે હાલમાં દેશમાં પહેલાની સરખામણીએ વધુ LPGનું ઉત્પાદન થઈ રહ્યું છે. બેઠકમાં એ પણ જણાવાયું કે ભારત અન્ય દેશો સાથે કાચા તેલની સપ્લાય અંગે સતત સંકલન કરી રહ્યું છે, જેથી કોઈ પ્રકારની અછત સર્જાય નહીં. લોકોમાં ચિંતા અને અસંતોષનો માહોલ પેટ્રોલ, ડીઝલ અને ગેસના વધતા ભાવોને કારણે લોકોમાં ચિંતા અને અસંતોષનો માહોલ જોવા મળી રહ્યો છે. આવી સ્થિતિમાં સરકાર દ્વારા યોજાયેલી આ બેઠકને મહત્વપૂર્ણ માનવામાં આવી રહી છે. રાજનાથ સિંહે વધુમાં જણાવ્યું કે પશ્ચિમ એશિયામાં સંઘર્ષ શરૂ થયા બાદથી વડાપ્રધાન નરેન્દ્ર મોદીના નેતૃત્વ હેઠળ સરકાર અસરકારક રીતે કામગીરી કરી રહી છે અને મુશ્કેલ સમયમાં દેશને સ્થિર રાખવા માટે જરૂરી પગલાં લેવામાં આવી રહ્યા છે. આ પણ વાંચો : IAFને મળશે 5મી પેઢીનું સ્ટેલ્થ ફાઈટર જેટ, 3 કંપનીઓને મોકલાયા પ્રપોઝલ

Read Full Story arrow_forward
વાંચો 28 મેના રોજ બનનારી મહત્વની ઘટનાઓ વિશે
calendar_today May 27, 2026

વાંચો 28 મેના રોજ બનનારી મહત્વની ઘટનાઓ વિશે

28 મેનો દિવસ દેશ અને રાજ્યના રાજકારણ તેમજ વિકાસની દ્રષ્ટિએ ખૂબ જ મહત્વનો સાબિત થવાનો છે. કેન્દ્રીય મંત્રીઓના પ્રવાસથી લઈને રાજ્યોમાં મોટી રાજકીય હલચલ જોવા મળશે. આવો વિગતવાર જાણીએ 28 મેની મોટી ઘટનાઓ વિશે...કેન્દ્રીય ગૃહમંત્રી અમિત શાહનો બે દિવસીય ગુજરાત પ્રવાસ કેન્દ્રીય ગૃહ અને સહકાર મંત્રી અમિત શાહ 28 મેથી ગુજરાતના બે દિવસીય પ્રવાસે આવી રહ્યા છે. આ પ્રવાસ દરમિયાન તેઓ અમદાવાદ અને ગાંધીનગર લોકસભા વિસ્તારમાં કરોડો રૂપિયાના વિકાસ પ્રકલ્પોની ભેટ આપશે. ગાંધીનગર અને અમદાવાદમાં લોકાર્પણ અને ખાતમુહૂર્તની યાદી વડસર: 'જેડવા તળાવ' અને નવનીત વાંચનાલયનું લોકાર્પણ. ખાત્રજ: તળાવ બ્યુટિફિકેશનનું ખાતમુહૂર્ત અને નવીન ગ્રામ પંચાયત કચેરીનું લોકાર્પણ. મોટી ભોયણ: પ્રાથમિક શાળાનું લોકાર્પણ. ગાંધીનગર ઉત્તર અને કલોલ: વિવિધ નવનિર્મિત વિકાસકાર્યો જનતાને સમર્પિત કરાશે. અમદાવાદ: સોલા ઉમિયાધામ કેમ્પસ ખાતે હોસ્ટેલ બિલ્ડિંગ અને નવા વાડજ ખાતે 'ભારત માતા નવનિર્મિત કલ્ચર'નું લોકાર્પણ. સંગઠનની બેઠક: પ્રદેશ ભાજપ કાર્યાલય 'કમલમ' ખાતે પદાધિકારીઓ સાથે મહત્વની બેઠક. કોમનવેલ્થ ગેમ્સ: અમદાવાદ સર્કિટ હાઉસ ખાતે રમતગમતની તૈયારીઓની સમીક્ષા બેઠક યોજશે. સાંજે કરશે કચ્છ-ભુજનો પ્રવાસ અમિત શાહ 28 મેની સાંજે જ સરહદી જિલ્લા કચ્છના ભુજ પહોંચશે. જ્યાં તેઓ ભારત-પાકિસ્તાન બોર્ડર પર આવેલી વ્યૂહાત્મક રીતે મહત્વની 'હરામી નાલા સીમા ચોકી' ની મુલાકાત લેશે અને ત્યાં સુરક્ષા વ્યવસ્થા તથા વહીવટી સજ્જતાની ઉચ્ચ સ્તરીય સમીક્ષા કરશે. કર્ણાટકના રાજકારણમાં મોટો ગરમાવો: મુખ્યમંત્રી સિદ્ધારમૈયાનું રાજીનામું શક્ય! 28 મેના રોજ સવારે 9 વાગ્યે બેંગલુરુમાં કર્ણાટકના મુખ્યમંત્રી સિદ્ધારમૈયાએ એક મહત્વની 'બ્રેકફાસ્ટ મીટિંગ' (બેઠક) બોલાવી છે. રાજકીય વર્તુળોમાં ચાલી રહેલી ચર્ચા મુજબ, આ બેઠક બાદ મુખ્યમંત્રી સિદ્ધારમૈયા પોતાના પદ પરથી રાજીનામું આપી શકે છે. આ ઘટનાક્રમ દક્ષિણ ભારતના રાજકારણમાં મોટો ઉલટફેર લાવી શકે છે. દિલ્હીમાં રાષ્ટ્રીય કૃષિ સંમેલન (ખરીફ અભિયાન 2026) કેન્દ્રીય કૃષિ અને કિસાન કલ્યાણ મંત્રી શિવરાજ સિંહ ચૌહાનની અધ્યક્ષતામાં નવી દિલ્હી સ્થિત NASC કોમ્પ્લેક્સ ખાતે રાષ્ટ્રીય કૃષિ સંમેલનનો પ્રારંભ થશે. 28 મેથી 29 મે સુધી ચાલનારા આ સંમેલનમાં દેશમાં આગામી ખરીફ પાકની સિઝન, ખેડૂતોની સુવિધા અને કૃષિ ક્ષેત્રના આધુનિકીકરણ અંગે રોડમેપ તૈયાર કરવામાં આવશે. સિક્કિમ પોલીસને મળશે 'રાષ્ટ્રપતિ પોલીસ ધ્વજ' દેશના રાષ્ટ્રપતિ 28 મેના રોજ સિક્કિમના પ્રવાસે રહેશે. ગંગટોક ખાતે આયોજિત એક વિશેષ અને ગૌરવપૂર્ણ સમારોહમાં રાષ્ટ્રપતિના હસ્તે સિક્કિમ પોલીસને પ્રતિષ્ઠિત 'રાષ્ટ્રપતિ પોલીસ ધ્વજ' એનાયત કરવામાં આવશે. તમિલનાડુના મુખ્યમંત્રી વિજય દિલ્હીમાં સોનિયા-રાહુલ ગાંધીને મળશે તમિલનાડુના મુખ્યમંત્રી વિજય નવી દિલ્હીની મુલાકાતે છે. 28 મેના રોજ તેઓ કોંગ્રેસ સંસદીય દળના અધ્યક્ષ સોનિયા ગાંધી અને લોકસભાના વિપક્ષી નેતા રાહુલ ગાંધી સાથે ઔપચારિક મુલાકાત કરશે, જેમાં આગામી રાજકીય વ્યુહરચના અંગે ચર્ચા થઈ શકે છે. ઉત્તરાખંડમાં ભાજપ અધ્યક્ષ નિતિન નવીનનો પ્રવાસ ભાજપના પ્રદેશ અધ્યક્ષ નિતિન નવીન 28 મેથી ઉત્તરાખંડના ત્રણ દિવસીય પ્રવાસે જશે. આ પ્રવાસ દરમિયાન તેઓ આગામી ચૂંટણીઓની તૈયારીઓ અને સંગઠનની મજબૂતી માટે પક્ષના હોદ્દેદારો સાથે શ્રેણીબદ્ધ બેઠકો કરીને મંથન કરશે. આ પણ વાંચો - 27 મેના દિવસભરના 10 મહત્વના સમાચાર વાંચો એક ક્લિક પર

Read Full Story arrow_forward