android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Valsad News: ધરમપુરમાં ‘રાજ ઉપહાર ગૃહ’ વિવાદ વકર્યો, 100થી વધુ મહિલાઓનો પગાર મુદ્દે વિરોધ
calendar_today May 27, 2026

Valsad News: ધરમપુરમાં ‘રાજ ઉપહાર ગૃહ’ વિવાદ વકર્યો, 100થી વધુ મહિલાઓનો પગાર મુદ્દે વિરોધ

વલસાડ જિલ્લાના ધરમપુર તાલુકામાં આવેલ જાણીતા 'રાજ ઉપહાર ગૃહ'માં મોટો વિવાદ સામે આવ્યો છે. અહીં છેલ્લા 15 વર્ષ જેટલા લાંબા સમયથી રોજગારી મેળવતી આદિવાસી અને સ્થાનિક મહિલાઓએ આર્થિક અન્યાય અને શોષણ સામે આંદોલનનો બ્યુગલ ફૂંક્યો છે. યોગ્ય પગાર ન મળવાને કારણે મહિલાઓમાં ભારે રોષ જોવા મળી રહ્યો છે અને તેઓ ન્યાયની માગ સાથે રસ્તા પર ઉતરી આવી છે.15 વર્ષની સેવા છતાં યોગ્ય પગાર નહીં! મળતી વિગતો મુજબ, રાજ ઉપહાર ગૃહમાં કુલ 300 જેટલી મહિલાઓ રોજગારી મેળવે છે. જોકે, છેલ્લા 15 વર્ષથી પ્રામાણિકતાથી કામ કરવા છતાં તેમને પૂરતો અને યોગ્ય પગાર આપવામાં આવતો ન હોવાનો આક્ષેપ ઉઠ્યો છે. આ અન્યાય સામે અવાજ ઉઠાવીને 300માંથી 100થી વધુ મહિલાઓ એકજૂથ થઈને વિરોધ પ્રદર્શનમાં જોડાઈ છે. બે દિવસથી ધરણા પર બેઠી મહિલાઓ પોતાના હક અને અધિકાર માટે આ મહિલાઓ છેલ્લા બે દિવસથી સતત ધરણા પર બેસીને શાંતિપૂર્ણ રીતે વિરોધ નોંધાવી રહી છે. મહિલાઓનું કહેવું છે કે, મોંઘવારીના આ સમયમાં તેમને આપવામાં આવતું મહેનતાણું ખૂબ જ ઓછું છે, જેનાથી ઘર ચલાવવું મુશ્કેલ બન્યું છે. ધારાસભ્ય અનંત પટેલ અને કલ્પેશ પટેલ વહારે આવ્યા મહિલાઓના આ આંદોલનની ગૂંજ ગાંધીનગર સુધી પહોંચે તેવા એંધાણ છે, કારણ કે વાંસદાના લોકપ્રિય ધારાસભ્ય અનંત પટેલ અને અપક્ષ તાલુકા પંચાયત સદસ્ય કલ્પેશ પટેલ પીડિત મહિલાઓની વહારે આવ્યા છે. તેમણે રૂબરૂ મુલાકાત લઈને મહિલાઓની રજૂઆતો સાંભળી હતી અને આ લડતમાં તેમની સાથે હોવાની ખાતરી આપી હતી. ઉગ્ર આંદોલનની ચીમકી ધરણા પર બેઠેલી મહિલાઓ અને આગેવાનોએ વહીવટી તંત્ર તેમજ સંચાલકોને સ્પષ્ટ ચેતવણી આપી છે કે, જો આગામી દિવસોમાં મહિલાઓની વાજબી માંગણીઓ સંતોષવામાં નહીં આવે, તો આ વિરોધ વધુ ઉગ્ર બનશે અને આગામી સમયમાં ગાંધી ચિંધ્યા માર્ગે મોટું આંદોલન છેડવામાં આવશે. આ પણ વાંચો - Valsadમાં કાળજું કંપાવતી ઘટના, કળિયુગી માતાએ પોતાના 3 માસૂમ બાળકોને મોતને ઘાટ ઉતારી આપઘાતનો પ્રયાસ કર્યો

Read Full Story arrow_forward
Surat News: હજીરાની AMNS કંપનીમાં ડમ્પર ચેકિંગ દરમિયાન અકસ્માત, એક કર્મચારીનું મોત
calendar_today May 27, 2026

Surat News: હજીરાની AMNS કંપનીમાં ડમ્પર ચેકિંગ દરમિયાન અકસ્માત, એક કર્મચારીનું મોત

સુરત શહેરના હજીરા ઔદ્યોગિક વિસ્તારમાં આવેલી જાણીતી આર્સેલર મિત્તલ નિપ્પોન સ્ટીલ (AMNS) કંપનીમાંથી એક અત્યંત દુઃખદ અને કમકમાટીભરી ઘટના સામે આવી છે. કંપની પરિસરમાં કામ દરમિયાન સર્જાયેલા એક ગમખ્વાર અકસ્માતમાં 38 વર્ષીય શ્રમિક કર્મચારીનું કરૂણ મોત નીપજ્યું છે. આ ઘટનાને પગલે કંપનીના અન્ય કર્મચારીઓ સહિત મૃતકના પરિવારમાં ભારે શોકનું મોજું ફરી વળ્યું છે.ડમ્પર ચેકિંગ દરમિયાન કાળ આંબી ગયો ઘટનાની મળતી વિગતો અનુસાર, હજીરા AMNS કંપનીમાં ફરજ બજાવતા 38 વર્ષીય કર્મચારી ધ્રુવકુમાર બહાદુર રાય કંપની પરિસરમાં ડમ્પર ચેકિંગની કામગીરી કરી રહ્યા હતા. આ નિયમિત ચેકિંગ દરમિયાન અચાનક સર્જાયેલા અકસ્માતમાં ધ્રુવકુમારનું ઘટના સ્થળે જ કમકમાટીભર્યું મોત નીપજ્યું હતું. અકસ્માત એટલો ભયાનક હતો કે, આસપાસના કર્મચારીઓ પણ દોડી આવ્યા હતા, પરંતુ ધ્રુવકુમારને બચાવી શકાયા ન હતા. પરિવારનો એકમાત્ર સહારો છીનવાયો આ અકસ્માતે એક હસતા-રમતા પરિવારને પાયમાલ કરી દીધો છે. મૃતક ધ્રુવકુમાર રાય તેમના માતા-પિતાના એકના એક પુત્ર હતા અને આખા પરિવારનો એકમાત્ર આર્થિક સહારો હતા. તેમના અકાળે અવસાનથી ઘરના મોભી છીનવાઈ જતા વૃદ્ધ માતા-પિતા અને પત્ની-બાળકો પર આભ તૂટી પડ્યું છે. પરિવારે આર્થિક વળતર અને મદદની અપીલ કરી ઘટનાને પગલે શોકાતુર પરિવારે AMNS કંપની પ્રશાસન પાસે નૈતિક જવાબદારી નિભાવવાની ઉગ્ર માગ કરી છે. પરિવારે અપીલ કરી છે કે, ધ્રુવકુમારના માસૂમ બાળકોના ભવિષ્ય, તેમના ઉચ્ચ શિક્ષણ અને પરિવારના આર્થિક ભરણપોષણ માટે કંપની વહેલી તકે યોગ્ય અને મોટું આર્થિક વળતર ચૂકવે. ઔદ્યોગિક વિસ્તારમાં બનેલી આ ઘટનાને કારણે કંપનીના સુરક્ષા માપદંડો સામે પણ કર્મચારીઓમાં ગણગણાટ શરૂ થયો છે અને સમગ્ર પ્લાન્ટમાં શોકનો માહોલ છે. પોલીસ દ્વારા આ મામલે અકસ્માતનો ગુનો નોંધી આગળની કાયદેસરની તપાસ હાથ ધરવામાં આવી છે. આ પણ વાંચો - Surat News: મહિધરપુરામાં નશાનો કારોબાર, MD ડ્રગ્સ બે પેડલર ઝડપાયા

Read Full Story arrow_forward
Gandhinagar : ઘરફોડ ચોરી કરતી ચીખલીકર ગેંગના 5 આરોપી ઝડપાયા
calendar_today May 27, 2026

Gandhinagar : ઘરફોડ ચોરી કરતી ચીખલીકર ગેંગના 5 આરોપી ઝડપાયા

ગાંધીનગરમાં લાંબા સમયથી ઘરફોડ ચોરીની ઘટનાઓને અંજામ આપતી ચીખલીકર ગેંગને પોલીસે ઝડપી પાડીને મોટી સફળતા મેળવી છે. ગાંધીનગર લોકલ ક્રાઈમ બ્રાન્ચ (LCB) દ્વારા હાથ ધરાયેલી આ કાર્યવાહીમાં ગેંગના કુલ 5 આરોપીઓને ધરપકડ કરવામાં આવી છે. આ ગેંગ છેલ્લા દોઢ વર્ષથી સક્રિય હતી અને શહેર તેમજ આસપાસના વિસ્તારોમાં સતત ચોરીની ઘટનાઓને અંજામ આપતી હતી.બંધ ઘરોને નિશાન બનાવતા આરોપીઓ પોલીસ તપાસમાં ખુલાસો થયો છે કે આ ગેંગે અત્યાર સુધીમાં કુલ 23 ઘરફોડ ચોરીના ગુનાઓને અંજામ આપ્યો હતો, જેમાં દહેગામ, ચિલોડા અને ડભોડા જેવા વિસ્તારોના કેસોનો સમાવેશ થાય છે. આરોપીઓએ ખાસ કરીને બંધ ઘરોને નિશાન બનાવી ચોરીની ઘટનાઓને અંજામ આપ્યો હતો. LCBએ ટેક્નિકલ સર્વેલન્સ અને ગુપ્ત માહિતીના આધારે આ ગેંગ સુધી પહોંચી સફળ ઓપરેશન હાથ ધર્યું હતું. આરોપીઓ પાસેથી ચોરી કરાયેલા કેટલાક કિંમતી સામાન અને સાધનો પણ જપ્ત કરવામાં આવ્યા છે. આરોપીઓની કરાઈ રહી છે પૂછપરછ પોલીસના જણાવ્યા મુજબ, ચીખલીકર ગેંગ અત્યંત આયોજનબદ્ધ રીતે કામ કરતી હતી અને વારંવાર સ્થાન બદલતી હતી જેથી પોલીસની નજરથી બચી શકે. પરંતુ સતત તપાસ અને પુરાવા એકત્રિત કર્યા બાદ આખરે ગેંગનો પર્દાફાશ થયો છે. અધિકારીઓએ જણાવ્યું છે કે આરોપીઓની પૂછપરછ ચાલુ છે અને અન્ય ચોરીના કેસોમાં પણ તેમની સંડોવણીની શક્યતા તપાસવામાં આવી રહી છે. આ સફળ કાર્યવાહીથી જિલ્લામાં ઘરફોડ ચોરીના કેસોમાં ઘટાડો થવાની આશા વ્યક્ત કરવામાં આવી છે. આ પણ વાંચો : Ahmedabad : નહેરુનગરમાં નિવૃત્ત DySP અશ્વિન ચૌહાણે જમીન વિવાદમાં 5 રાઉન્ડ ફાયરિંગ કર્યું

Read Full Story arrow_forward