Tamilnaduના મુખ્યપ્રધાન બન્યા બાદ થલાપતિ વિજયે PM મોદી સાથે કરી પ્રથમ વખત મુલાકાત
તમિલનાડુના નવા મુખ્યમંત્રી વિજય પોતાનો પદભાર સંભાળ્યા બાદ પ્રથમ વખત દિલ્હી પહોંચ્યા છે, જ્યાં તેમણે વડાપ્રધાન નરેન્દ્ર મોદી સાથે મુલાકાત કરી છે. આ મુલાકાત દરમિયાન તેમણે રાજ્યના વિકાસ અને કેન્દ્ર સરકાર સમક્ષ લાંબા સમયથી પેન્ડિંગ રહેલી વિવિધ માગણીઓ અંગે ચર્ચા કરી. 25 મિનિટ સુધી બેઠક યોજાઈ વિજય દિલ્હી પહોંચ્યા બાદ સૌથી પહેલા સેન્ટ્રલ દિલ્હી સ્થિત તમિલનાડુ હાઉસ ગયા હતા. ત્યારબાદ તેઓ સાંજે નક્કી કરેલા સમયે PM મોદીને મળવા માટે ગયા હતા. બંને વચ્ચે આશરે 25 મિનિટ સુધી મહત્વપૂર્ણ બેઠક યોજાઈ હતી, જોકે આ ચર્ચાના સંપૂર્ણ વિગતો હજુ જાહેર કરવામાં આવી નથી. PM મોદીએ અગાઉ વિજયને મુખ્યમંત્રી બનવા બદલ અભિનંદન આપ્યા હતા અને કેન્દ્ર સરકાર તમિલનાડુના વિકાસ માટે સાથે મળીને કામ કરશે તેવી આશા વ્યક્ત કરી હતી. ફિલ્મ સ્ટારથી રાજકારણ સુધીની સફર જોશેફ વિજયે માત્ર બે વર્ષ પહેલા પોતાની રાજકીય પાર્ટી TVK સાથે રાજકારણમાં પ્રવેશ કર્યો હતો. તાજેતરના ચૂંટણી પરિણામોમાં તેમને સફળતા મળી હતી અને તેઓ રાજ્યના મુખ્યમંત્રી બન્યા. તેમના નિર્ણયોથી રાજ્યમાં સતત ચર્ચા ચાલી રહી છે. તાજેતરમાં તેમણે તમિલ ફિલ્મ ઉદ્યોગ માટે મહત્વપૂર્ણ નિર્ણય લીધો હતો, જેમાં 70 વર્ષ પછી થિયેટરોમાં દિવસે 5 શો ચલાવવાની મંજૂરી આપવામાં આવી છે. હવે તેમની દિલ્હી મુલાકાત પર સૌની નજર છે કે તેઓ કેન્દ્ર સરકાર પાસેથી તમિલનાડુ માટે શું મહત્વપૂર્ણ સહાય મેળવીને પાછા ફરે છે. આ પણ વાંચો : ATF Hike : 1 જૂનથી હવાઈ મુસાફરોને મોટો ઝટકો, એર ઈન્ડિયા 22 ટકા તો ઈન્ડિગો 5થી 7 ટકા ફ્લાઈટ ઘટાડશે
Read Full Story arrow_forward