android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Rajkot News: માંડા ડુંગર પાસેથી ચોરાયેલી રિક્ષા સાથે બે શખ્સ ઝડપાયા
calendar_today May 27, 2026

Rajkot News: માંડા ડુંગર પાસેથી ચોરાયેલી રિક્ષા સાથે બે શખ્સ ઝડપાયા

રાજકોટ શહેરમાં વાહન ચોરીના બનાવો વધી રહ્યા છે, ત્યારે આજી ડેમ પોલીસ મથકના સ્ટાફે ચોરાઉ રિક્ષા સાથે બે શખ્સોને ઝડપી પાડવામાં સફળતા મેળવી છે. માંડા ડુંગર વિસ્તારમાંથી ચોરાયેલી રિક્ષા સાથે બે શખ્સો કોઠારીયા રોડ પર આવેલા રણુજા મંદિર પાસેથી પોલીસના હાથે ઝડપાઈ ગયા હતા.રણુજા મંદિર પાસે પોલીસની વોચ ઘટનાની મળતી માહિતી અનુસાર, રાજકોટના માંડા ડુંગર વિસ્તારમાંથી થોડા સમય પૂર્વે એક ઓટો રિક્ષાની ચોરી થઈ હતી. આ બાબતે આજી ડેમ પોલીસ તપાસ ચલાવી રહી હતી. દરમિયાન પોલીસને બાતમી મળી હતી કે, ચોરાયેલી રિક્ષા સાથે બે શખ્સો કોઠારીયા રણુજા મંદિર પાસેથી પસાર થવાના છે. બાતમીના આધારે પોલીસે વોચ ગોઠવી હતી અને શંકાસ્પદ રિક્ષા નીકળતા તેને અટકાવી તપાસ હાથ ધરી હતી. બે શખ્સોની ધરપકડ પોલીસે રિક્ષામાં સવાર બે શખ્સોની પૂછપરછ કરતા અને રિક્ષાના કાગળો માંગતા તેઓ સંતોષકારક જવાબ આપી શક્યા નહોતા. આથી પોલીસે આગવી ઢબે પૂછપરછ કરતા રિક્ષા ચોરાઉ હોવાનું કબૂલ્યું હતું. પોલીસે આ મામલે અશોક ઉધરેજા અને વિજય સિંઘવની ધરપકડ કરી લેવામાં આવી છે. ચોરીના ઘણા ભેદ ઉકેલાશેઆજી ડેમ પોલીસે બંને આરોપીઓ વિરૂદ્ધ ગુનો નોંધી આ બે શખ્સોની વધુ પૂછપરછ હાથ ધરી છે. પોલીસને આશંકા છે કે, આ શખ્સોએ અન્ય વાહન ચોરીના ગુનાઓમાં પણ સંડોવાયેલા હોઈ શકે છે. આ મામલે વધુ તપાસ ચાલુ છે. આ બે આરોપીઓની ધરપકડ થતા ચોરીના ઘણા ભેદ ઉકેલાય તેવી શક્યતા છે. આ પણ વાંચો - Rajkot : બાબા બાગેશ્વરની કથા પહેલા જ વિવાદના મંડાણ, કથાના નામે પ્રપંચ ચાલતો હોવાનો આરોપ

Read Full Story arrow_forward
Gandhinagar : વન વિભાગમાં ભડકો, ગીરના સિંહોની સારવાર કરતા 12 વેટરનરી ડૉક્ટર્સના સામુહિક રાજીનામા, વાંચો કારણ
calendar_today May 27, 2026

Gandhinagar : વન વિભાગમાં ભડકો, ગીરના સિંહોની સારવાર કરતા 12 વેટરનરી ડૉક્ટર્સના સામુહિક રાજીનામા, વાંચો કારણ

ગુજરાતના વન વિભાગમાં એક મોટો ભડકો થયો છે, જેની સીધી અસર એશિયાટિક સિંહોના આરોગ્ય અને સંરક્ષણ પર પડી શકે છે. ગીર અને અન્ય વન્યજીવ વિસ્તારોમાં સિંહો સહિતના વન્યપ્રાણીઓની દિવસ-રાત સારવાર કરતા તમામ 12 કરાર આધારિત વેટરનરી ડૉક્ટર્સે એક મહિનાની નોટિસ સાથે સામુહિક રાજીનામા ધરી દેતાં વન વિભાગના ઉચ્ચ અધિકારીઓમાં દોડધામ મચી ગઈ છે. આ તમામ તબીબો ગુજરાત સ્ટેટ લાયન કન્ઝર્વેશન સોસાયટીના તાબા હેઠળ સક્કરબાગ ઝૂ સહિત રાજ્યના વિવિધ રેસ્ક્યૂ સેન્ટરોમાં ફરજ બજાવી રહ્યા હતા. કરાર આધારિત ડૉક્ટર્સને કોઈ પ્રાધાન્ય કે વેટેજ આપવામાં આવ્યું નથી મળતી વિગતો મુજબ, વન વિભાગ દ્વારા તાજેતરમાં વર્ગ-2 ની કાયમી ભરતી પ્રક્રિયા હાથ ધરવામાં આવી છે. આ ભરતીમાં વર્ષોથી ગીરમાં વન્યજીવોની સારવારનો બહોળો અનુભવ ધરાવતા આ કરાર આધારિત ડૉક્ટર્સને કોઈ પ્રાધાન્ય કે વેટેજ આપવામાં આવ્યું નથી. આ અન્યાયી વલણ સામે ઉગ્ર નારાજગી વ્યક્ત કરીને ડૉક્ટર્સે અગ્ર મુખ્ય વન સંરક્ષકને પત્ર લખીને પોતાના પદો પરથી રાજીનામા આપી દીધા છે. વન વિભાગનું કડક વલણ બીજી તરફ, વન વિભાગે આ મામલે કડક વલણ અપનાવતા જણાવ્યું છે કે ભરતી સમયે જ સરકારી નિયમોનો સ્પષ્ટ ઉલ્લેખ કરવામાં આવ્યો હતો અને વર્તમાન સરકારી નિયમોમાં કોઈ ફેરફાર કરવો શક્ય નથી. સિંહોના નિષ્ણાત ડૉક્ટર્સ એકસાથે હટી જવાથી આગામી દિવસોમાં ગીર વન્યપ્રાણી વ્યવસ્થાપનમાં મોટી કટોકટી સર્જાવાની ભીતિ છે. આ પણ વાંચો-----     Ahmedabad : ઇસ્કોન બ્રિજ અકસ્માત કેસમાં 9 લોકોનો જીવ લેનારો મુખ્ય આરોપી તથ્ય પટેલ જેલમુક્ત થશે

Read Full Story arrow_forward
Gandhinagar : એક્શન મોડમાં CM ભૂપેન્દ્ર પટેલ, વિકાસકાર્યોમાં વિલંબ ટાળવા નવી SOP બનાવવા આપ્યો આદેશ
calendar_today May 27, 2026

Gandhinagar : એક્શન મોડમાં CM ભૂપેન્દ્ર પટેલ, વિકાસકાર્યોમાં વિલંબ ટાળવા નવી SOP બનાવવા આપ્યો આદેશ

મુખ્યમંત્રી ભૂપેન્દ્રભાઈ પટેલના અધ્યક્ષસ્થાને આજે ગાંધીનગર ખાતે રાજ્ય મંત્રીમંડળની એક મહત્વપૂર્ણ બેઠક યોજાઈ હતી. આ બેઠકમાં લેવાયેલા પ્રજાલક્ષી નિર્ણયો અંગે માહિતી આપતા પ્રવક્તા મંત્રી જીતુભાઈ વાઘાણીએ જણાવ્યું હતું કે, મુખ્યમંત્રીએ વહીવટી પ્રક્રિયામાં પારદર્શિતા અને ઝડપ લાવવા માટે વહીવટી તંત્રને કેટલીક કડક અને મહત્વની સૂચનાઓ આપી છે.નવી એસઓપી તૈયાર કરવા આદેશ રાજ્યના વિવિધ પ્રોજેક્ટ્સ મંજૂર થયા બાદ જમીન સંપાદન કે વન વિભાગની NOC જેવી મંજૂરીઓમાં થતો વહીવટી વિલંબ ટાળવા માટે મુખ્યમંત્રીએ રાજ્યના મુખ્ય સચિવને એક નવી એસઓપી તૈયાર કરવા આદેશ આપ્યો છે. ગુણવત્તા સાથે કોઈ બાંધછોડ ન થાય તે જોવા તાકીદ આ સાથે જ ઇન્ફ્રાસ્ટ્રક્ચર અને સરકારી બાંધકામોમાં લાઇન-લેવલ તેમજ ફ્લોરિંગ જેવી નાની બાબતોમાં પણ એન્જિનિયરિંગ ક્ષતિ ન રહે અને ગુણવત્તા સાથે કોઈ બાંધછોડ ન થાય તે જોવા તાકીદ કરી છે. આગામી ચોમાસાને ધ્યાનમાં રાખીને પ્રી-મોન્સૂન કામગીરી વેગથી પૂર્ણ કરવા અને શહેરી વિસ્તારોના ખાલી તળાવોને તાત્કાલિક પાણીના સ્ત્રોત શોધીને ભરવા માટે પણ જણાવાયું છે.  સ્વચ્છતાને વેગ આપવા માટે પણ કેબિનેટમાં મોટા નિર્ણયો લેવાયા બીજી તરફ, પર્યાવરણ અને સ્વચ્છતાને વેગ આપવા માટે પણ કેબિનેટમાં મોટા નિર્ણયો લેવાયા છે. વડાપ્રધાન નરેન્દ્ર મોદીના 'સ્વચ્છતા હી સેવા' અભિયાનને પાયાના સ્તર સુધી લઈ જવા માટે હવે ગ્રામ, તાલુકા અને જિલ્લા પંચાયત સ્તરે સ્વચ્છતા માટે એક અલગ 'હેડ' (બજેટ ફાળવણી) ઊભું કરાશે. આ ઉપરાંત, શહેરી વિસ્તારોમાં ગ્રીન કવર વધારવા માટે નગરપાલિકાઓમાં વૃક્ષારોપણ હેતુ ખાસ ફંડ ફાળવવા શહેરી વિકાસ વિભાગને સૂચના આપવામાં આવી છે. મુખ્યમંત્રીના આ નિર્ણયોથી રાજ્યના વિકાસકાર્યોને નવી ગતિ મળશે.આ પણ વાંચો-----      Ahmedabad : ઇસ્કોન બ્રિજ અકસ્માત કેસમાં 9 લોકોનો જીવ લેનારો મુખ્ય આરોપી તથ્ય પટેલ જેલમુક્ત થશે

Read Full Story arrow_forward