android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Botad: સાળંગપુરધામમાં શ્રી કષ્ટભંજનદેવ દાદાને શેષનારાયણ જયંતિનો વિશેષ શણગાર તેમજ સુંદરકાંડના પાઠ યોજાયા
calendar_today May 27, 2026

Botad: સાળંગપુરધામમાં શ્રી કષ્ટભંજનદેવ દાદાને શેષનારાયણ જયંતિનો વિશેષ શણગાર તેમજ સુંદરકાંડના પાઠ યોજાયા

સાળંગપુર: બોટાદ જિલ્લાના સુપ્રસિધ્ધ યાત્રાધામ સાળંગપુર મુકામે શ્રી કષ્ટભંજનદેવ મંદિરમાં પુરુષોત્તમ માસ નિમિતે તા.26મીને મંગળવારે સુદ એકાદશીના પવિત્ર દિવસે મંદિરમાં શેષનારાયણ જયંતીની શ્રાધ્ધાભેર ઉજવણી કરવામાં આવી હતી. તેમજ શ્રીકષ્ટભંજનદેવ દાદાને દિવ્ય વાઘા સાથે સિંહાસને શેષનારાયણનો દિવ્ય શણગાર સાથે કેરીનો અન્નકૂટ ધરાવામાં આવ્યો હતો. હનુમાનજી દાદાને મંગળા આરતી સવારે 05:30 કલાકે અને શણગાર આરતી સવારે 7 કલાકે પૂજારી સ્વામી દ્વારા કરવામાં આવી હતી. શ્રીકષ્ટભંનજનદેવનુ દિવસમાં સવારે અને સાંજે એમ બે વખત રાજપચોપાર પૂજનનું આયોજન કરાયું હતું. એટલું જ નહીં મંદિર પરિસરમાં ભાવિકોના એક મંડળ દ્વારા સંગીતમય સુંદરકાંડના પાઠ યોજાયો હતો. મંગળવારે મોટીસંખ્યામાં દાદાના દર્શનનો લ્હાવો લઈને ધન્યતા અનુભવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Godhra: 12 વર્ષ વિકાસ,વિશ્વાસ અને જનકલ્યાણ અંતર્ગત કાર્યશાળા યોજાઈ
calendar_today May 27, 2026

Godhra: 12 વર્ષ વિકાસ,વિશ્વાસ અને જનકલ્યાણ અંતર્ગત કાર્યશાળા યોજાઈ

સમગ્ર ગુજરાત રાજ્યમાં પ્રદેશ ભાજપ સંગઠન દ્વારા આગામી તા.5 થી તા.21 જુન સુધી વિવિધ કાર્યક્રમોનું આયોજન કરાયું છે. જે અંતર્ગતકાર્યશાળાની વર્ચ્યુઅલ બેઠક ગોધરા સ્થિત જિલ્લા કાર્યાલય શ્રી કમલમ્ ખાતે યોજાઈ હતી. જેમાં જુદા જુદા પ્રજા લક્ષી કાર્યક્રમ બાબતે કેન્દ્રમાંથી ડૉ.સંજય જયસ્વાલની સાથે પ્રદેશ ભાજપ અધ્યક્ષ જગદીશ વિશ્વકર્મા, સંગઠન મહામંત્રી રત્નાકરજી, કાર્યક્રમ ઇન્ચાર્જ ભરત પંડયા,પ્રદેશ મહામંત્રીઓ અને હોદ્દેદારોએ માર્ગદર્શન આપ્યું હતું. ભાજપ સંગઠન દ્વારા પર્યાવરણ દિન નિમિતે વૃક્ષારોપણ, જન સંપર્ક અભિયાન, જિલ્લાના પ્રતિષ્ઠિત વ્યક્તિઓ સાથે સંપર્ક અભિયાન,કેન્દ્ર અને રાજ્યના વિકાસના પ્રગતિના આયામો પાસેના પ્રગતિ પથ યાત્રા અને વિકસિત ભારત સંમેલનમાં પ્રબુદ્ધ નાગરિક સંમેલન કરવાના છે. ઉપરાંત મોદી સરકારની સિદ્ધિઓ માટેનું પ્રદર્શન, જનકલ્યાણ શિબિર જ્યાં પ્રજાના જરૂરી કામો કરવા સંગઠનના કાર્યકર્તાઓ મદદરૂપ થશે. સાથે પ્રાકૃતિક ખેતી કાર્યશાળા યોજાશે. કાર્યક્રમોમાં ગુજરાત અને પંચમહાલ જિલ્લા ભાજપ સંગઠન અને ચૂંટાયેલા પ્રતિનિધિ સાંસદ, ધારાસભ્ય, જિલ્લા, તાલુકા અને પાલિકાના હોદ્દેદારો પણ જોડાશે. આ બેઠકમાં જિલ્લા ભાજપ પ્રમુખ મયંકભાઇ દેસાઈ, પ્રભારી હર્ષદ વસાવા, રાજ્ય સભાના સાંસદ ડૉ.જસવંતસિંહ પરમાર, પ્રદેશ ઉપાધ્યક્ષ જયદ્રથ સિંહ પરમાર,મોરવા (હ)ના ધારાસભ્ય નિમીષા બેન સુથાર, મહામંત્રી કુલદીપ સિંહ, નરેન્દ્રસિંહ, અને જિલ્લા સંગઠનના હોદ્દેદારો ઉપસ્થિત રહ્યા હતા. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Anand: આણંદ જિલ્લા પંચાયતની કરોડોની સરકારી પડતર મિલકતોના આંકડા જાહેર કરાતા નથી
calendar_today May 27, 2026

Anand: આણંદ જિલ્લા પંચાયતની કરોડોની સરકારી પડતર મિલકતોના આંકડા જાહેર કરાતા નથી

આણંદ જીલ્લા પંચાયતના નવા પ્રમુખ અને ઉપ પ્રમુખની તાજેતરમાં જ વરણી કરવામાં આવી છે, અને તેઓ હજુ વિધિવત રીતે પોતાનો હોદ્દો સંભાળીને બેઠા છે, બરાબર એ જ સમયે વહીવટી તંત્રની ગંભીર બેદરકારીનો મોટો ઘટનાક્રમ સામે આવી રહ્યો છે. જેમાં ગુજરાત સરકારના ગ્રામ વિકાસ અને પંચાયત વિભાગ દ્વારા સમગ્ર રાજ્યની પંચાયતો હસ્તકની પડતર તેમજ વણ વપરાયેલી અસ્કયામતોના સર્વેક્ષણ અને ડીજીટલાઈઝેશન માટે અત્યત કડક આદેશો જારી કરાયા હોવા છતાં, આણંદ જીલ્લા પંચાયતના વહીવટી તંત્ર દ્વારા આ આંકડાઓ સત્તાવાર રીતે જાહેર ન કરીને સમગ્ર મામલા પર પડદો પાડવાનો હીન પ્રયાસ થઈ રહ્યો હોવાની સ્ફોટક વિગતો સામે આવી છે. નવા વહીવટકર્તાઓ પોતાની સત્તાનો દોર હાથમાં લે છે ત્યાં જ આ કરોડો રૂપિયાની કિંમતી સરકારી જમીનો,ક્વાટર્સ, ઓફિસ તથા ગોડાઉનના બિલ્ડિંગોની વિગતો દબાવી રાખવા પાછળ જીલ્લા વિકાસ અધિકારી સીધા શંકાના દાયરામાં આવ્યા છે. જાગૃતજનોમાં ઉઠેલા આક્ષેપો મુજબ આવા વહીવટથી સરકારી માર્ગદર્શિકાઓનું સરેખામ ઉલ્લંઘન થવા સાથે મનસ્વી રીતે અને મોટા રાજકીય આકાઓના ઈશારે શંકાસ્પદ કામગીરી થતી હોવાની છાપ ઉપસી છે. હવે આના કારણે નવા શાસકોના વહીવટને શરૂઆતથી જ નીચા જોવાનો વારો આવે તો નવાઈ નહીં. આ સમગ્ર વિવાદમાં સૌથી ગંભીર અને તપાસનો વિષાય એ પણ છે કે જીલ્લા પંચાયત દ્વારા આ પડતર મિલ્કતો અંગેનો આખરી રિપોર્ટ ખરેખર નિયત સમયમર્યાદામાં ગાંધીનગર સરકારમાં મોકલવામાં આવ્યો છે કે કેમ? અને જો રિપોર્ટ મોકલ્યો હોય તો તેમાં જીલ્લાની વાસ્તવિક સ્થિતિ દર્શાવી છે કે પછી આંકડાઓની માયાજાળ રચીને કોઈ મોટું કૌભાંડ છુપાવવાનો પ્રયાસ થયો છે? તે પણ હવે એક ઉચ્ચ સ્તરીય તપાસ માંગી લે તેવો વિષય બન્યો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward