Godhra: ગોધરામાં કાયદો અને વ્યવસ્થા જાળવવા પોલીસનું ફૂટ પેટ્રોલિંગ
પંચમહાલ જિલ્લામાં બકરી ઈદના તહેવારને અનુલક્ષીને ગોધરા શહેરના માર્ગો પર પોલીસ વિભાગ દ્વારા ફુટ પેટ્રોલિંગ કરાયું હતું. સાથે જિલ્લા મેજિસ્ટ્રેટ દ્વારા તહેવારને લઈને જાહેરનામું પ્રસિદ્ધ કરાયું છે.આગામી દિવસોમાં મુસ્લિમ બિરાદરો દ્વારા બકરી ઈદ (ઈદ-ઉલ-જુહા) ની ઉજવણી થનાર છે.જે નિમિત્તે પંચમહાલ જિલ્લામાં શાંતિ, સલામતી અને કાયદો-વ્યવસ્થાની પરિસ્થિતિ જળવાઈ રહે તેમજ કોઈની ધાર્મિક લાગણી ના દુભાય તે હેતુથી અધિક જિલ્લા મેજિસ્ટ્રેટ દ્વારા પ્રતિબંધાત્મક જાહેરનામું બહાર પાડી કોઈપણ પશુની જાહેર કે ખાનગી જગ્યામાં કતલ નહીં કરવા, તેમજ કોઈપણ પ્રાણીને શણગારીને સરઘસાકારે નહીં ફેરવવા તાકીદ કરાઈ છે. દરમિયાન પંચમહાલ પોલીસ દ્વારા ગોધરામાં શાંતિ,સલામતી અને કોમી એકતાનું વાતાવરણ જળવાઈ રહે તે માટે ફુટ પેટ્રોલિંગ કરાયું હતું. જેમાં જિલ્લા પોલીસ અધિક્ષક, નાયબ પોલીસ અધિક્ષક, LCB, SOG, પેરોલ ર્ફ્લો સ્ક્વોર્ડ, એ,બી, અને તાલુકા પોલીસના જવાનો જોડાયા હતાં. સાથે ડ્રોન કેમેરાથી ધાર્મિક અને જાહેર સ્થળો ઉપર કડક નજર રાખવામાં આવશે. સોશિયલ મીડિયા પ્લેટફોર્મ ઉપર કોઈપણ પ્રકારની અફવા, ઉશ્કેરણીજનક પોસ્ટ કે ધાર્મિક લાગણી દુભાય તેવું લખાણ ફેલાવનાર સામે સાયબર ક્રાઇમ ટીમ કડક નજર રાખવામાં આવી રહી છે.સાથે લોકોને શાંતિ જાળવવા જિલ્લા પોલીસ વડાએ અપીલ કરી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward