Kheda: રાસાયણિક ખાતરના ભાવમાં તોતિંગ વધારો ખેડૂતોની કમર તૂટી, ખેતી કરવી મુશ્કેલ બની
ચરોતરમાંઉનાળુ વાવેતર પૂર્ણ થતા રસાયણિક ખાતરોના ભાવમાં તોતિંગ વધારો કરવામાં આવ્યો છે. જેને લઇને ખેડૂતોનેવધુ આર્થિક ભાર સહન કરવો પડશે. દિન પ્રતિદિન ખેતી વ્યવસાય આકરી મોંઘવારીમાં ખર્ચાળ બનતો જાય છે. હરહંમેશા ખેડૂતોને અન્ય ઉપર નિર્ભર રહેવુ પડે છે. સિંચાઇના પાણી માટે સરકાર ઉપર આધાર રાખવો પડે છે. અથાગ મહેનત કરી ખેડૂતને પાકનું સારૂ ઉત્પાદન મળવાની આશા હોય ત્યારે પોષણક્ષમ ભાવો મળતા નથી. જે વર્ષે પાક સારો,પોષણક્ષમ ભાવો સારા તે વર્ષે કુદરતી આફતમાં પાકમાં વ્યાપક નુકશાન થતા ધરતીપુત્રોની કફોડી સ્થિતી સર્જાય છે. હાલમાં ઉનાળુ બાજરી કાપવાની સિઝન ચાલી રહી છે ત્યારે કાપણી માટે થ્રેસરના ડિઝલની રામાયણ સર્જાય છે. તેમજ ડિઝલ મળે તો ગતવર્ષ કરતા કાપણીના ભાવનો ખર્ચ વધુ મોંઘો થઇ રહ્યો છે.તેવી કપરી પરિસ્થિતી વચ્ચે ચોમાસુ વાવેતરની સિઝન શરૂ થાય તે પહેલા રસાયણિક ખાતરોના ભાવમાં અસહ્ય વધારો કરવામાં આવતા ખેતીકાર્ય કરવું ધરતી પુત્રો માટે વધુને વધુ કઠીન બનતુ જાય છે. ત્યારે 950 રૂપિયાના ભાવનું એમોનિયા સલ્ફેટનો ભાવ 1400 એ પહોચ્યો છે, એએસપીનો 1550થી વધીને 2250 થયો છે.તેમજ એસએસપીના ખાતરનો 550માં 40 રૂપિયાનો વધારો કરતા નવો ભાવ 590 રૂપિયે પહોંચ્યો છે. ભાવવધારા માટે વૈશ્વિક યુદ્ધના કારણે સલ્ફરનો પુરવઠો ખોરવાતા તેની સીધી અસર વિવિધ રસાયણિક ખાતરોના ઉત્પાદન ઉપર પડતા ભાવ વધ્યા હોવાનું જણાવાઇ રહ્યુ છે. એપીએસમાં 20 ટકા નાઇટ્રોઝન, 20 ટકા ફોસ્ફરસ અને 13 ટકા સલ્ફર હોય છે. જેમાં સલ્ફર બનાવવા માટે જરૂરી સલ્ફ્યુરીક એસિડ અન્ય દેશોમાંથી આયાત કરવામાં આવી રહ્યુ છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward