Himatnagar: વિજયનગરનું નોનયુઝ સરકારી વિશ્રામગૃહ તંત્રના વાંકે બન્યું દારૂડિયાઓનું બિયરબાર
વિજયનગર તાલુકા મથકનું સરકારી વિશ્રામ ગૃહ બિનઉપયોગી અને નોન યુઝ હોવા છતાં તેને દૂર કરવા તંત્રની બેદરકારી સ્પષ્ટ દેખાઈ રહી છે. આ મામલે સ્થાનિક સ્તરે મોટો ભ્રષ્ટ્રાચાર અને ઘોર બેદરકારી સામે આવી છે.તાલુકા મથકે ઘણા વર્ષોથી શોભાના ગાંઠિયા સમાન, જીલ્લા પંચાયત હસ્તકનું સરકારી વિશ્રામગૃહ નોન યુઝ જાહેર કરવામાં આવ્યું છે. છતા તંત્ર દ્વારા ખંડેર ઈમારતને જમીન દોસ્ત કેમ કરવામાં આવતું નથી તેવા સવાલો પણ સ્થાનિકોમાં ઊભા થયા છે. ખંડેર બની ગયેલી ઈમારતમાં સાંજ પડતા જ દારૂની મહેફ્લિ સાથે ગેરકાયદેસર પ્રવૃત્તિઓ ચાલતી હોવાનું સામે આવ્યું છે.ત્યારે આ વિશ્રામ ગૃહના દરવાજા કે બારીઓ ન હોવાના કારણે અંદરના રૂમ ખંડમાં દેશી અને વિદેશી દારૂ પીનારા દારૂડિયાઓ માટે બિયરબાર બન્યું હોય તે રીતે જોવા મળ્યું છે. રાત્રી દરમિયાન અંદર ગોરખ ધંધાઓ પણ ચાલતા હોવાનું કેટલાક જાગૃત્ત લોકો તરફ્થી જાણવા મળ્યું છે.આ વિસ્તારમાં નજીકમાં પોલીસ સ્ટેશન પણ આવ્યું હોવા છતાં પોલીસ આ બાબતથી અજાણ હોય તેમ કોઈ કાર્યવાહી કરી રહી નથી. વિહારના તમામ લોકો આ અડ્ડાથી જાણીતા છે ત્યારે તંત્રને આ વાતની જાણકારી જ નથી કે શું ? આ પ્રશ્ન લોકોના મનમાં સતાવી રહ્યો છે.ઈમારતની આજુ બાજુ દેશી દારૂને ફેંકી દીધેલી ખાલી પોટલીઓ અને રૂમના અંદર વિદેશી દારૂની ખાલી બોટલો ચાડી ખાઈ રહી છે. જે પોલીસની પેટ્રોલિંગ માટે ઘણું બધું કહી જાય છે અને સુરક્ષા માટે પણ જોખમરૂપ સાબિત થયુ છે. આ બાબતે તંત્ર દ્વારા તાત્કાલિક ઈમારતને દૂર કરી સરકારી જમીન ઉપયોગમાં લેવામાં આવે, માર્ગ અને મકાન વિભાગ તેમજ સ્થાનિક વહીવટી તંત્ર આ નોન યુઝ ઈમારતને તાત્કાલિક દૂર કરે તેવી માગણી કરવામાં આવી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward