android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabad: અમદાવાદ જિલ્લા ગ્રામ્યમાં જનપ્રતિનિધિઓના પદગ્રહણમાં સમર્થકો કારોના કાફ્લા સાથે પહોંચ્યા
calendar_today May 27, 2026

Ahmedabad: અમદાવાદ જિલ્લા ગ્રામ્યમાં જનપ્રતિનિધિઓના પદગ્રહણમાં સમર્થકો કારોના કાફ્લા સાથે પહોંચ્યા

કેન્દ્ર સરકાર દ્વારા વારંવાર ઈંધણની બચત કરવા અને બિનજરૂરી મુસાફરી ટાળવા અપીલ કરવામાં આવે છે. જોકે, સોમવારે અમદાવાદ જિલ્લા ગ્રામ્યની વિવિધ તાલુકા પંચાયતોમાં આ અપીલના જાણે લીરેલીરા ઉડતા જોવા મળ્યા હતા. પેટ્રોલ-ડિઝલ બચતની અપીલ માત્ર કાગળ રહી ગઇ હતી. પંચાયતી હોદ્દેદારોના અભિનંદન સમારોહમાં સમર્થકો કારોના કાફ્લા સાથે આવી પહોંચ્યા હતાં. પ્રમુખોની ના છતાં પણ સમર્થકોની ભીડ જોવા મળી હતી. જિલ્લામાં જનપ્રતિનિધિઓના પદગ્રહણ ટાણે નિયમોના લીરેલીરા ઉડયા હતાં. નવનિયુક્ત પ્રમુખો અને ચેરમેનોને અભિનંદન પાઠવવા માટે સમર્થકો અને સગા-સંબંધીઓનો ભારેઉત્સાહ જોવા મળ્યો હતો. પદગ્રહણના આ અવસરે હજારોની સંખ્યામાં સમર્થકો કારના કાફ્લા સાથે ઉમટી પડયા હતા. નોંધપાત્ર બાબત એ છે કે, કેટલાક જાગૃત પ્રમુખો અને ચેરમેનોએ અગાઉથી જ સોશિયલ મીડિયા કે અન્ય માધ્યમો દ્વારા આવી ભીડ અને ગાડીઓનો કાફ્લો ન લાવવા અપીલ કરી હતી. તેમ છતાં, સમર્થકોના આ જુવાળ સામે તેમની અપીલ બેઅસર સાબિત થઈ હતી. સંખ્યાબંધ ગાડીઓના કાફ્લાના કારણે હજારો લીટર ઈંધણનો બિનજરૂરી વ્યય થયો હતો. સરકારી તંત્રની અપીલ અને જનપ્રતિનિધિઓની નમ્ર વિનંતી છતાં, આ પ્રકારનો દેખાવ રાજકીય સંસ્કૃતિ પર સવાલો ઉભા કરે છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Ahmedabad: દેત્રોજ તાલુકાના ગુંજાલામાં ભરઉનાળે પીવાના પાણીના કકળાટથી ગ્રામજનોમાં ભારે રોષ
calendar_today May 27, 2026

Ahmedabad: દેત્રોજ તાલુકાના ગુંજાલામાં ભરઉનાળે પીવાના પાણીના કકળાટથી ગ્રામજનોમાં ભારે રોષ

દેત્રોજ તાલુકાના ગુંજાલા ગામમાં ઘણાં સમયથી પીવાના પાણીની ગંભીર સમસ્યા સર્જાતા ગ્રામજનોમાં ભારે રોષ ફેલાયો છે. અંદાજિત 5 હજારની વસ્તી ધરાવતાં આ ગામમાં લોકો ખેતી અને પશુપાલન ઉભર નિર્ભર છે, પરંતુ પીવાના શુદ્ધ પાણી જેવી પાયાની સુવિધાના અભાવે લોકોને હાલાકીનો સામનો કરવો પડી રહ્યો છે. ગ્રામ પંચાયત દ્વારા પુરું પાડવામાં આવતાં બોરના પાણીમાં ખારાશ અને પીવાલાયક ના હોવાનું ગ્રામજનો જણાવી રહ્યાં છે. ગામમાં હાલ પીવાના પાણીનો મુખ્ય સ્ત્રોત પંચાયતનો બોર છે, પરંતુ તેમાંથી આવતું પાણી એટલું ખારૂં છે કે તેનાથી લોકોમાં બિમારી ફેલાવવાનો પણ ભય સતાવી રહ્યો છે. ગામની મહિલાઓની વેદના એવી છે કે, તેમને સીમ વિસ્તારમાં આવેલ પાણીના બોર સુધી પાણી ભરવા માથે બેડાં લઈને જવું પડે છે. આ આકરી ગરમીમાં માથે બેડા લઈને જતી મહિલાઓને ભારે હાલાકીનો સામનો કરવો પડી રહ્યો છે. પાણી ભરવા જવું પડતું હોવાથી મોટાભાગનો સમય વેડફાઈ જાય જેથી મજુરી કરતાં પરિવાર માટે આ સ્થિતી વધુ મુશ્કેલજનક બની છે. ગુંજાલા ગામમાં ડાભસર જુથ યોજના અંતર્ગત વર્ષો પહેલાં નર્મદાના પાણીની લાઈનો નાખવામાં આવી હોવા છતાં આજદીન સુધી નર્મદાના પાણીનું ટીપુંય લોકોના ઘેર સુધી નથી પહોંચ્યુ, સરકારની યોજનાઓ છતાં લોકો અશુદ્ધ પાણી પીવા મજબૂર બન્યાં છે. ગ્રામજનોએ નર્મદાની ડાભસર જુથની લાઈનોમાં પાણી આપવાની માંગ કરી છે,બોરના પાણીની ગુણવત્તા તપાસીને યોગ્ય વૈકલ્પિક વ્યવસ્થા ઉભી કરવાની પણ માંગ કરી છે. જો ગ્રામજનોને પીવાનું શુદ્ધ પાણી નહીં મળે તો તાલુકા કક્ષાએ રજુઆત અને વિરોધ પ્રદર્શન કરવાની પણ ચીમકી ઉચ્ચારાઈ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Narmada: દેડિયાપાડા તાલુકામાં ધામણ ખાડી ઉપરના ચેકડેમની જર્જરિત હાલત
calendar_today May 27, 2026

Narmada: દેડિયાપાડા તાલુકામાં ધામણ ખાડી ઉપરના ચેકડેમની જર્જરિત હાલત

દેડિયાપાડા તાલુકામાં ધામણી ખાડી ઉપરના ચેકડેમની હાલત 25 વર્ષથી ખંડેર જેવી છે તેને રિપેર કરવામાં આવતો નથી કે નથી નવો બનાવવામાં આવતો જેના કારણે આ વિસ્તારમાં ઉનાળુ પાકમાં સિંચાઇની સમસ્યા ઉભી થઇ છે.દેડિયાપાડા - ચિકદા અને સાગબારા તાલુકામાં સિંચાઇની સુવિધા માટે સરકાર દ્વારા અસંખ્ય ચેકડેમો બનાવ્યા છે. ચેકડેમોનું સંગ્રહ થયેલું પાણી શિયાળામાં, ઉનાળામાં ખેડૂતોને વિવિધ પાકો માટે સિંચાઈના પાણી મળી રહે અને સિંચાઈના પાણીથી સારી રીતે ખેતી કરીને ખેડૂતો આર્થિક ઉપાર્જન મેળવી શકે આ ઉદ્દેશ્યથી સરકાર દ્વારા અને પાણી પુરવઠા દ્વારા અને સરકારની પાણીલક્ષી યોજનાઓ દ્વારા ચેકડેમો બનાવ્યા છે. જો કે અનેક ચેકડેમ એવા છે જે ખંડેર થઇ ગયા છે અને હાલમાં ઉનાળાની સિઝનમાં જ્યારે પાણીની જરૂર છે ત્યારે જ ડેમમાં પાણીનું ટીપુ પણ મળતુ નથી. એવો જ એક મોટો ચેકડેમ દેડિયાપાડામાં આવેલી ધામણ ખાડી ઉપર આજથી અંદાજીત પચીસેક વર્ષ અગાઉ બનાવવામાં આવ્યો હતો. ગુણવત્તા વગરના બનાવેલા આ ચેકડેમમાં પથ્થરો પુરીને બનાવ્યો હતો. ચેકડેમમાં આરસીસીનું કામ પથ્થરો પુરીને બનાવ્યો છે. લોખંડના સળિયાનો બીલકુલ ઉપયોગ કરવામાં આવ્યો નથી. આ ચેકડેમ ખંડેર હાલતમાં જર્જરિત હાલતમાં પાણી વિના શોભાના ગાંઠિયા સમાન છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward