android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Nitesh Rane on Bakrid: 'કમ્પ્યુટર પર બકરાનો ફોટો લગાવી કુર્બાની આપો', નીતેશ રાણેના નિવેદન પર ભડકી RJD અને કોંગ્રેસ
calendar_today May 26, 2026

Nitesh Rane on Bakrid: 'કમ્પ્યુટર પર બકરાનો ફોટો લગાવી કુર્બાની આપો', નીતેશ રાણેના નિવેદન પર ભડકી RJD અને કોંગ્રેસ

આરજેડી અને બિહાર કોંગ્રેસના નેતાઓએ નિતેશ રાણેના નિવેદન પર રોષ પ્રગટ કર્યો છે. જેના કારણે રાજનીતિ ગરમાઇ છે. પક્ષ-વિપક્ષ આમને સામને આરજેડી પ્રવક્તા એજાઝ અહેમદે કહ્યું કે, બકરી ઇદ પર નિતેશ રાણે દ્વારા આપવામાં આવેલા નિવેદન અને તેમણે જે રીતે બકરી વિશે વાત કરી તે ભારતના બંધારણ અને બંધારણીય વ્યવસ્થાની વિરુદ્ધ છે. નિતેશ રાણેએ, એક રીતે, ભાજપના એજન્ડા-સંચાલિત રાજકારણને આગળ ધપાવ્યું છે. જે નફરતની રાજનીતિમાં તેઓ રોકાયે છે. તે સમાજમાં વાતાવરણ ખરાબ કરી રહ્યું છે. 'આ પ્રકારની ભાષા યોગ્ય નથી' ઐજાઝ અહેમદે વધુમાં કહ્યું કે, ભારતના બંધારણમાં સ્પષ્ટપણે જણાવાયું છે કે, બધા ધર્મના લોકો પરંપરા અને રિવાજો અનુસાર તહેવારો ઉજવી શકે છે. તેના પર કોઈ પ્રતિબંધ નથી. જોકે, જ્યારે પણ બકરી ઈદ આવે છે, ત્યારે ભાજપના સભ્યો ઉપદેશ આપવાનું શરૂ કરે છે. આ પ્રકારની ભાષા બિલકુલ અયોગ્ય છે. બિહાર કોંગ્રેસના પ્રવક્તા ડૉ. સ્નેહાશિષ વર્ધનએ કહ્યું કે, દેશની આર્થિક સ્થિતિ હાલમાં બગડી રહી છે અને આવી સ્થિતિમાં, જવાબદાર હોદ્દા ધરાવતા નેતાઓ દ્વારા સાંપ્રદાયિક રાજકારણમાં જોડાવું વધુ ખતરનાક સાબિત થશે. નીતેશ રાણેએ શું કહ્યું ? મહારાષ્ટ્રના મંત્રી નિતેશ રાણેએ બલિદાન પર કહ્યું કે, જ્યારે હોળી કે દિવાળી આવે છે. ત્યારે કેટલાક લોકો સલાહ આપવા માટે આગળ આવે છે. તેઓ કહે છે કે પર્યાવરણને અનુકૂળ રીતે હોળી ઉજવો, સૂકી હોળી ઉજવો અને ફટાકડા ફોડવાનું ટાળો. હવે જ્યારે બકરી ઈદ આવી છે. તો તેમને વર્ચ્યુઅલ બકરી ઈદ ઉજવવાનું કહો. આ AIનો યુગ છે. કમ્પ્યુટર પર બકરીનો ફોટો મૂકો અને તેને કતલ કરતા બતાવો. રાણેના આ નિવેદનને કારણે ભારે વિવાદ સર્જાયો છે. આ પણ વાંચોઃ Donald Trump સરકારમાં હવે JD Vance ધકેલાયા હાંસિયામાં, જાણો શું છે મામલો?

Read Full Story arrow_forward
Delhi જિમખાના ખાલી કરાવવાના આદેશ પર HCની લાલઆંખ, કેન્દ્ર સરકારને ફટકારી નોટિસ
calendar_today May 26, 2026

Delhi જિમખાના ખાલી કરાવવાના આદેશ પર HCની લાલઆંખ, કેન્દ્ર સરકારને ફટકારી નોટિસ

દિલ્હી જીમખાના ક્લબ ખાલી કરવાના સરકારના આદેશ સામે દાખલ કરાયેલી અરજી પર દિલ્હી હાઈકોર્ટે કેન્દ્ર સરકારને નોટિસ ફટકારી છે. દિલ્હી જીમખાના ક્લબ વિવાદ પર સુનાવણી દિલ્હી હાઈકોર્ટે લુટિયન્સના દિલ્હીના હૃદયમાં સ્થિત જીમખાના ક્લબ દ્વારા દાખલ કરાયેલી અરજી પર સુનાવણી કરી હતી. સુનાવણી દરમિયાન, કેન્દ્રએ જણાવ્યું હતું કે, સરકાર બદલામાં જમીનનો બીજો ટુકડો ઓફર કરી શકે છે. સરકારે 22 મેના રોજ ક્લબને નોટિસ મોકલી હતી. જેમાં 5 જૂન સુધીમાં જમીન ખાલી કરવાનો આદેશ આપવામાં આવ્યો હતો. જેને ક્લબે હાઇકોર્ટમાં પડકાર્યો છે. હાઇકોર્ટનું સખ્ત વલણ સુનાવણી દરમિયાન, ક્લબ વતી દલીલ કરતા વરિષ્ઠ વકીલ અભિષેક મનુ સિંઘવીએ જણાવ્યું હતું કે, આ કેસમાં પાંચથી છ મુખ્ય મુદ્દાઓ છે. કોર્ટે જવાબ આપ્યો કે તે પહેલા પડકારવામાં આવેલા સરકારી આદેશની સમીક્ષા કરશે. કેન્દ્ર સરકારનું પ્રતિનિધિત્વ કરતા સોલિસિટર જનરલ તુષાર મહેતાએ જણાવ્યું હતું કે, જો ક્લબ 5 તારીખે સ્વેચ્છાએ ખાલી ન કરે તો પણ, ખાલી કરાવવા માટેની કાનૂની પ્રક્રિયાનું પાલન ન થાય ત્યાં સુધી કબજો લેવામાં આવશે નહીં. દલીલોમાં શુ કહેવાયુ ? એસજી તુષાર મહેતાએ જણાવ્યું હતું કે સંપાદન હેઠળની જોગવાઈઓ આ નિયમમાં સમાયેલી છે. વળતર પૈસાના રૂપમાં હોઈ શકે છે અથવા સરકાર જમીનનો બીજો ટુકડો આપી શકે છે. તેમણે કહ્યું કે અમે કાયદા હેઠળ નિર્ધારિત પ્રક્રિયા અનુસાર કામ કરીશું. અમે ફક્ત જઈને તેને ખાલી કરાવીશું નહીં. કોર્ટે એસજી તુષાર મહેતાને પૂછ્યું કે શું તેમનું નિવેદન નોંધી શકાય છે. ક્લબનું પ્રતિનિધિત્વ કરતા અભિષેક મનુ સિંઘવીએ દલીલ કરી હતી કે તે એક બિન-લાભકારી કંપની છે. કોર્ટે તેમને પૂછ્યું કે ક્લબની ફરિયાદ શું છે? શું તમારા સભ્યને કોઈ વિવાદ નથી? એડવોકેટ સિંઘવીએ કહ્યું કે સરકારે આદેશ આપ્યો છે કે જીમખાના 5 જૂને પોતાની મરજીથી ક્લબને સોંપવામાં આવે, જ્યારે આ મામલો પહેલાથી જ NCLT સમક્ષ છે. આ પણ વાંચોઃ 'કમ્પ્યુટર પર બકરાનો ફોટો લગાવી કુર્બાની આપો', નીતેશ રાણેના નિવેદન પર ભડકી RJD અને કોંગ્રેસ 

Read Full Story arrow_forward
Surat : કામરેજમાં લાયકાત વગર ક્લિનિક ખોલી બેઠેલા 5 'મુન્નાભાઈ' ઝડપાયા, દર્દીઓને એડમિટ પણ કરતા હતા
calendar_today May 26, 2026

Surat : કામરેજમાં લાયકાત વગર ક્લિનિક ખોલી બેઠેલા 5 'મુન્નાભાઈ' ઝડપાયા, દર્દીઓને એડમિટ પણ કરતા હતા

લોકોના આરોગ્ય સાથે ચેડાં કરતા નકલી ડૉક્ટરો વિરુદ્ધ સુરત ગ્રામ્ય પોલીસ અને આરોગ્ય વિભાગે લાલ આંખ કરી છે. સુરતના કામરેજ વિસ્તારમાં ડિગ્રી વગર જ દવાખાના ખોલીને બેઠેલા બોગસ તબીબો પર તંત્રએ ત્રાટકીને એક મોટી કાર્યવાહીને અંજામ આપ્યો છે. કામરેજ પોલીસે આરોગ્ય વિભાગની ટીમને સાથે રાખીને સંયુક્ત રીતે જુદા જુદા વિસ્તારોમાં સપાટો બોલાવ્યો હતો, જેમાં 5 જેટલા નકલી ડૉક્ટરો રંગેહાથ ઝડપાઈ ગયા છે.15 જેટલા નાના-મોટા ક્લિનિકમાં કડક ચેકિંગ મળતી વિગતો અનુસાર, કામરેજ પોલીસ અને આરોગ્ય વિભાગની ટીમે બાતમીના આધારે ઉંભેળ તેમજ હળદરું GIDC વિસ્તારમાં આવેલા ક્લિનિક્સ પર ઓચિંતા દરોડા પાડ્યા હતા. આ સંયુક્ત મેગા ઓપરેશન દરમિયાન ટીમો દ્વારા આશરે 15 જેટલા નાના-મોટા ક્લિનિકમાં કડક ચેકિંગ હાથ ધરવામાં આવ્યું હતું.  5 જેટલા બોગસ તબીબો ઝડપાયા આ ચેકિંગ દરમિયાન ચોંકાવનારો ખુલાસો થયો હતો કે, કોઈ પણ માન્ય મેડિકલ ડિગ્રી કે લાયકાત વગર જ 5 જેટલા બોગસ તબીબો ક્લિનિક ચલાવી રહ્યા હતા અને લોકોની જિંદગી જોખમમાં મૂકી રહ્યા હતા. ક્લિનિકમાં એડમિટ પણ કરતા હતા આ નકલી ડૉક્ટરોની હિંમત એટલી હદે વધેલી હતી કે, તેઓ માત્ર ઓપીડી (OPD) ચલાવીને દવાઓ જ નહોતા આપતા, પરંતુ ગંભીર દર્દીઓને પોતાના ક્લિનિકમાં એડમિટ દાખલ કરીને સારવાર આપવાની પણ સુવિધા ધરાવતા હતા! દરોડા દરમિયાન પોલીસે ક્લિનિકમાંથી એલોપેથિક દવાઓ, ઈન્જેક્શનો અને મેડિકલના સાધનો સહિત કુલ રૂ. 14 હજાર થી વધુનો મુદ્દામાલ કબજે કર્યો છે.  કડક કાર્યવાહી શરૂ હાલમાં કામરેજ પોલીસે આ તમામ 5 ડિગ્રી વગરના બોગસ તબીબો વિરુદ્ધ મેડિકલ પ્રેક્ટિશનર એક્ટ અને કાયદાની સંબંધિત કલમો હેઠળ ગુનો નોંધીને કાયદેસરની કડક કાર્યવાહી શરૂ કરી છે. આ દરોડા બાદ સુરત ગ્રામ્ય વિસ્તારમાં ગેરકાયદેસર પ્રવૃત્તિ કરતા નકલી તબીબોમાં ભારે ફફડાટ વ્યાપી ગયો છે.આ પણ વાંચો----     Mehsana: ‘હું કોંગ્રેસમાંથી આવ્યો એટલે 2 કરોડ આપ્યા, બાકી...’ વિજાપુરના MLA સી.જે.ચાવડાની કથિત ઓડિયો ક્લિપથી ખળભળાટ

Read Full Story arrow_forward