android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gujarat Latest News Live : ગીર સોમનાથમાં સુત્રાપાડા રોડ પર ત્રિપલ અકસ્માત, 11 લોકો ઈજાગ્રસ્ત, એકનું ઘટના સ્થળે મોત
calendar_today May 26, 2026

Gujarat Latest News Live : ગીર સોમનાથમાં સુત્રાપાડા રોડ પર ત્રિપલ અકસ્માત, 11 લોકો ઈજાગ્રસ્ત, એકનું ઘટના સ્થળે મોત

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 26 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Vadodara: ગોત્રીમાં બન્યું શહેરનું પ્રથમ અત્યાધુનિક યોગ સેન્ટર, પાલિકા બીજા 19 સેન્ટરો બનાવશે
calendar_today May 26, 2026

Vadodara: ગોત્રીમાં બન્યું શહેરનું પ્રથમ અત્યાધુનિક યોગ સેન્ટર, પાલિકા બીજા 19 સેન્ટરો બનાવશે

ડોદરા શહેરમાં નાગરિકોની સુખાકારી અને પ્રકૃતિ સાથે જોડાણ વધારવા માટે વડોદરા મહાનગરપાલિકાએ એક મોટું કદમ ઉઠાવ્યું છે. પીએમ નરેન્દ્ર મોદીના ગ્લોબલ યોગ વિઝનને સ્થાનિક સ્તરે સાકાર કરવા માટે વડોદરાના પશ્ચિમ વિસ્તાર એવા ગોત્રીમાં આવેલા સંભાજી મહારાજ ગાર્ડન ખાતે શહેરનું સૌપ્રથમ સત્તાવાર યોગ સેન્ટર સજ્જ થઈ ગયું છે. આશરે 2 કરોડ રૂપિયાના ખર્ચે બનેલું આ સેન્ટર સામાન્ય હોલ જેવું નથી, પરંતુ તેને ખાસ આંતરરાષ્ટ્રીય ધોરણોને ધ્યાનમાં રાખીને ડિઝાઇન કરવામાં આવ્યું છે.ચારેય તરફથી કુદરતી પ્રકાશ અને ગ્રીન એનર્જીનો સમન્વયઆ યોગ સેન્ટરની સૌથી મોટી ખાસિયત તેની અદભુત 3D એલિવેશન ડિઝાઇન છે. આ સ્માર્ટ આર્કિટેક્ચરને કારણે બિલ્ડિંગમાં ચારેય તરફથી કુદરતી અને કૃત્રિમ પ્રકાશ એવી રીતે પ્રવેશશે કે દિવસ દરમિયાન લાઇટો ચાલુ કરવાની જરૂર નહિ પડે. આ ઇકો-ફ્રેન્ડલી મોડેલના કારણે સેન્ટરનો વીજ વપરાશ ખૂબ જ ઓછો થશે. આ વિશાળ હોલમાં એક સાથે 200 સાધકો ભેગા મળીને યોગાસન કરી શકે એટલી આલીશાન સ્પેસ ફાળવવામાં આવી છે. તદુપરાંત, યોગ અને આધ્યાત્મિકતા વિશે ઊંડું જ્ઞાન મેળવવા ઈચ્છતા લોકો માટે અહીં એક અદ્યતન લાયબ્રેરી (પુસ્તકાલય)ની પણ વિશેષ વ્યવસ્થા ઊભી કરાઈ છે.શહેરમાં યોગ સેન્ટરોનું આખું નેટવર્ક ઊભું કરાશેગોત્રી ખાતેનું આ સેન્ટર તો માત્ર એક શરૂઆત છે. વડોદરા મહાનગરપાલિકાના સત્તાધીશોના જણાવ્યા અનુસાર, વડોદરાના ચારેય ઝોનમાં નાગરિકોને ઘરની નજીક જ આવી વૈશ્વિક કક્ષાની સુવિધા મળી રહે તે માટે આગામી સમયમાં મનપા દ્વારા શહેરના જુદા જુદા વિસ્તારો અને બગીચાઓમાં આવા વધુ 19 અત્યાધુનિક યોગ સેન્ટરોનું નિર્માણ કરવામાં આવશે. આ પ્રોજેક્ટથી વડોદરા હેલ્થ અને ફિટનેસ ક્ષેત્રે ગુજરાતનું અગ્રેસર શહેર બનવા તરફ આગળ વધશે.આ પણ વાંચો: Ahmedabad: સંગઠનથી સત્તા સુધી જાણો કોણ છે, જેમને સોંપાઈ શહેરની કમાન

Read Full Story arrow_forward
Agriculture News : પિતાનું કેન્સરથી મૃત્યુ થતા કલ્પેશ પટેલે પ્રાકૃતિક ખેતી અપનાવી, કેળની ખેતીમાં કરે છે મોટી કમાણી
calendar_today May 26, 2026

Agriculture News : પિતાનું કેન્સરથી મૃત્યુ થતા કલ્પેશ પટેલે પ્રાકૃતિક ખેતી અપનાવી, કેળની ખેતીમાં કરે છે મોટી કમાણી

સંવેદનશીલ વ્યક્તિનાં જીવનમાં બનેલી કોઇ ઘટના તેના આખાય જીવનને બદલી નાંખે છે અને બીજાને માટે પથદર્શક બને છે. સુરત જિલ્લાનાં ઓલપાડ તાલુકાનાં સરસ ગામનાં ખેડૂત કલ્પેશ પટેલનાં જીવનમાં કંઇક આવુ જ બન્યું છે. કલ્પેશ પટેલ સુરત ખાતે આવેલી ફેક્ટરીમાં કેમિકલ ઓપરેટર તરીકે નોકરી કરે છે. તેમના પિતા રમણભાઇ પટેલનું કેન્સરમાં અવસાન થયા પછી કલ્પેશ પટેલનાં જીવનમાં એક વળાંક આવ્યો. પિતાનું કેન્સરમાં મૃત્યુ થતા તેમણે જીવનમાં ગાંઠ વાળી હતી કે, હવે પછી ક્યારેય ખેતરમાં કેમિકલ ફર્ટિલાઇઝરનો ઉપયોગ નહીં કરે. ઝેરી જંતુનાશકોને તિલાંજલિ આપી કલ્પેશ પટેલે પ્રાકૃતિક ખેતી અપનાવી. કેળની વિવિધ જાતોની ખેતી અને ઉત્પાદનમાં દેશમાં રોલ મોડેલ બન્યા સ્વભાવે પ્રકૃતિપ્રેમી એવા કલ્પેશ પટેલ વર્ષ 2019થી પ્રાકૃતિક ખેતી અપનાવી. ગુજરાત સરકારનાં ખેતીવાડી વિભાગ દ્વારા આપવામાં આવતી પ્રાકૃતિક ખેતીની તાલીમ લીધી. પ્રાકૃતિક ખેતી માટે જીવામૃત બનાવતા શીખ્યા અને તેમણે એક નવી શરૂઆત કરી. કલ્પેશ પટેલને વારસામાં આઠેક વીધા જમીન મળી છે. સાડા ત્રણ વીઘા જમીનમાં તેમણે કેળની 50થી વધુની જાતની કેળ વાવી છે. જેમાં પુવન, આધાપુરી, રસ થલી, લાલ કેળ, બ્લુ જાવા, બસરાઈ, મહાલક્ષ્મી અને એલચી કેળા વગેરેનો સમાવેશ થાય છે. કેળાની વિવિધ જાતોની સાથે સાથે તેમણે ઉત્પાદનમાં પણ રેકોર્ડ સર્જ્યો છે. વર્ષ-2025માં તેમના ખેતરમાં એક કેળની લૂમનું વજન 73 કિલો હતું. સામાન્ય રીતે કેળની એક લૂમનું વજન 20 થી 30 કિલો જેટલુ હોય છે. પણ કલ્પેશ પટેલની વાડીમાં કેળ પર સરેરાશ એક લૂમનું વજન 30 કિલોથી વધુ હોય છે. જીવનનો વળાંક અને નવા પ્રયોગો કલ્પેશ પટેલે પ્રાકૃતિક ખેતી તરફ વળવાનું કારણ આપતા કહે છે કે, મારા પિતાજીને જ્યારે કેન્સર થયું ત્યારથી જ મને હતું કે, હવે કેમિકલ ફર્ટિલાઇઝરનાં ઝેરમાંથી આપણે મુક્ત થવું પડશે અને ધરતી માતાને પણ આ ઝેરમાંથી મુક્ત કરવી પડશે. પ્રાકૃતિક ખેતી તરફ વળવું પડશે. પિતાજી ખેતી કરતા ત્યારે ખેતરમાં ખૂબ જંતુનાશક દવાઓ નાંખતા અને તેમના આખા શરીરમાંથી એ દવાની દુર્ગંધ આવતી. પણ હું ખેતી કરતો નહીં એટલે તેમને કશુ કહેતો નહીં પણ તેમને કેન્સર થયું અને. જીવનદીપ બુઝાયો અને મારા જીવનમાં એક નવો વળાંક આવ્યો હતો. છેલ્લા સાત વર્ષથી હું પ્રાકૃતિક ખેતી કરું છું છેલ્લા સાત વર્ષથી હું પ્રાકૃતિક ખેતી કરું છું. જંગલ મોડેલ પણ અપનાવ્યું છે. ખેત પેદાશમાં વેલ્યુ એડિશન કરું છું. અને ‘મારો માલ અને મારો ભાવ’ એ સિદ્ધાંતથી ખેતી કરુ છું અને વેચાણ કરું છું. પ્રાકૃતિક ખેતીને કારણે એક વીઘે 15 થી 20 હજાર રૂપિયાનો કેમિકલ ફર્ટિલાઇઝર અને જંતુનાશક દવાઓનો ખર્ચ બંધ થઇ ગયો. વળી, જમીન સુધરતા કેળાનું પુષ્કળ ઉત્પાદન વધવા લાગ્યું, દર વર્ષે સાડા ત્રણ વીઘાનાં ખેતરમાં કેળની ખેતીથી 10 થી 12 લાખ રૂપિયાની આવક થાય છે. કલ્પેશ પટેલે પ્રાકૃતિક ખેતીનાં ફાયદા ગણાવતા કહ્ય. કલ્પેશ પટેલે સુરતનાં વેસુમાં આવેલા કૃષિ બજારમાં કેળા અને અન્ય ખેત પેદાશો વેચે છે.એટલુ જ નહીં, જો કાચા કેળા ન વેચાય તો, કલ્પેશ પટેલ આ કેળામાંથી વેફર, પાવડર બનાવીને વેચે છે અને મુલ્ય વર્ધન કરી વધુ આવક મેળવે છે. આ પણ વાંચોઃ Dang News: સ્ટોબેરીની ખેતીથી ખેડૂતોની કમાણીમાં બમ્પર ઉછાળો, જાણો કેટલી થાય છે કમાણી?

Read Full Story arrow_forward