android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabad: સંગઠનથી સત્તા સુધી જાણો કોણ છે, જેમને સોંપાઈ શહેરની કમાન
calendar_today May 26, 2026

Ahmedabad: સંગઠનથી સત્તા સુધી જાણો કોણ છે, જેમને સોંપાઈ શહેરની કમાન

અમદાવાદ મહાનગરપાલિકામાં મેયર સહિતના પાંચ મુખ્ય હોદ્દેદારોની અઢી વર્ષની મુદત પૂર્ણ થતાં આજે નવા નામોની સત્તાવાર જાહેરાત કરવામાં આવી છે. પ્રદેશ ભાજપના મોવડી મંડળ દ્વારા સેન્સ પ્રક્રિયા પૂર્ણ કર્યા બાદ આજે મળેલી સામાન્ય સભામાં નવા હોદ્દેદારોના નામોની જાહેરાત કરાઈ હતી. અપેક્ષા મુજબ જ, થલતેજ વોર્ડના કોર્પોરેટર અને મનપાના પૂર્વ સ્ટેન્ડિંગ કમિટી ચેરમેન હિતેશ બારોટની અમદાવાદના નવા મેયર તરીકે વરણી કરવામાં આવી છે. હિતેશ બારોટ કેન્દ્રીય ગૃહમંત્રી અમિત શાહના ખૂબ જ નજીકના અને રાજકીય રીતે સક્રિય નેતા માનવામાં આવે છે.બીજી ટર્મમાં સીધી મેયર પદની લોટરીનવા મેયર હિતેશ બારોટ થલતેજ વિસ્તારમાંથી સતત બીજી વખત કાઉન્સિલર તરીકે ચૂંટાયા છે. સામાન્ય બેઠક પરથી મનપાની ચૂંટણી લડનારા હિતેશ બારોટ તેમની પ્રથમ ટર્મમાં જ સ્ટેન્ડિંગ કમિટીના ચેરમેન જેવા પાવરફુલ પદ પર રહી ચૂક્યા છે અને વહીવટી કામગીરીનો બહોળો અનુભવ ધરાવે છે. મેયર તરીકે નિયુક્ત થયા બાદ તેમણે મીડિયા સમક્ષ જણાવ્યું હતું કે, "હું પક્ષના શીર્ષ નેતૃત્વનો આભાર માનું છું. અમારી ટીમ દેશના વડાપ્રધાન નરેન્દ્ર મોદીના વિઝન મુજબ અમદાવાદ શહેરને આંતરરાષ્ટ્રીય સ્તરે સર્વશ્રેષ્ઠ અને સુવિધાસભર મેટ્રો સિટી બનાવવા માટે દિવસ-રાત કામ કરશે."જ્ઞાતિગત સમીકરણો પર વિશેષ ભારઆ વખતના નવા માળખામાં ભાજપે પાટીદાર, ઓબીસી, જૈન અને હિન્દી ભાષી મતોને સાચવવાનો પૂરો પ્રયાસ કર્યો છે. ખોખરાથી બીજી વાર ચૂંટાયેલા અને કડવા પાટીદાર ચહેરો ધરાવતા કમલેશ પટેલને સ્ટેન્ડિંગ કમિટીના નવા ચેરમેન બનાવવામાં આવ્યા છે. અગાઉ સંગઠનમાં મહામંત્રી રહી ચૂકેલા કમલેશ પટેલને પહેલી ટર્મમાં માત્ર એસ્ટેટ કમિટીના સભ્યપદથી સંતોષ માનવો પડ્યો હતો, પરંતુ આ વખતે તેમને મોટો પ્રમોશન મળ્યો છે. જ્યારે સાબરમતીના જૈન કાઉન્સિલર અંજુ શાહને ડેપ્યુટી મેયર અને હેલ્થ કમિટીના પૂર્વ ચેરમેન જશુ ઠાકોરને પક્ષના નેતા બનાવવામાં આવ્યા છે. દંડક તરીકે અતુલ મિશ્રાની પસંદગી કરીને ઉત્તર ભારતીય મતોને પણ સાધવામાં આવ્યા છે.આ પણ વાંચો: Morbi: માળિયા હાઈવે પર 4 ના મોત નિપજાવનાર ઇકો કાર ચાલક સામે પોલીસમાં ફરિયાદ નોંધાઈ

Read Full Story arrow_forward
ભારત, ઓસ્ટ્રેલિયા, જાપાન અને અમેરિકા વચ્ચે ક્વાડ વિદેશ મંત્રીઓની બેઠક
calendar_today May 26, 2026

ભારત, ઓસ્ટ્રેલિયા, જાપાન અને અમેરિકા વચ્ચે ક્વાડ વિદેશ મંત્રીઓની બેઠક

ભારત તરફથી વિદેશ મંત્રી એસ. જયશંકરે બેઠકનું નેતૃત્વ કર્યું હતું.

Read Full Story arrow_forward
JK Encounter: રાજૌરીમાં 4 દિવસથી સેના આતંકીઓ વચ્ચે અથડામણ, ઓપરેશન Sheruwali તેજ
calendar_today May 26, 2026

JK Encounter: રાજૌરીમાં 4 દિવસથી સેના આતંકીઓ વચ્ચે અથડામણ, ઓપરેશન Sheruwali તેજ

જમ્મુના રાજૌરી જિલ્લાના ગંભીર મુગલાન-ડોરીમલ વિસ્તારમાં સુરક્ષા દળો અને આતંકવાદીઓ વચ્ચે ચાલી રહેલી ભીષણ અથડામણ આજે ચોથા દિવસમાં પ્રવેશી છે. શનિવારે આ વિસ્તારમાં સુરક્ષા દળોનો પ્રતિબંધિત સંગઠન લશ્કર-એ-તૈયબાના 2 થી 3 આતંકવાદીઓ સાથે સામનો થયો હતો. ત્યારથી આ સમગ્ર ક્ષેત્રમાં સેના દ્વારા સઘન સર્ચ અને કોમ્બિંગ ઓપરેશન ચલાવવામાં આવી રહ્યું છે. સૂત્રોના જણાવ્યા મુજબ, સોમવારે બપોરે પણ બંને પક્ષો વચ્ચે સામસામે ભારે ગોળીબાર થયો હતો.જમ્મુ કાશ્મીરમાં ટીમ હાઇએલર્ટ પર ગોળીબાર બાદ આતંકવાદીઓ ગાઢ જંગલો અને પહાડોની આડમાં છુપાઈ ગયા છે. સુરક્ષા દળોએ હવે વ્યૂહાત્મક રીતે સમગ્ર ડોરીમલ સેક્ટરની નાકાબંધી કરી દીધી છે. જંગલોમાં છુપાયેલા આતંકીઓનો સફાયો કરવા માટે સેનાના જવાનો, જમ્મુ-કાશ્મીર પોલીસના સ્પેશિયલ ઓપરેશન ગ્રુપ (SOG) અને સીઆરપીએફ (CRPF) ની સંયુક્ત ટીમો હાઈ-એલર્ટ પર છે.હવામાંથી પેરા કમાન્ડો ઉતારાયાઆતંકવાદીઓ વિરુદ્ધ ચાલી રહેલા આ 'ઓપરેશન શેરુવાલી' ના ચોથા દિવસે સેનાએ પોતાની પકડ વધુ મજબૂત કરી દીધી છે. દુર્ગમ અને ડુંગરાળ ભૌગોલિક સ્થિતિને ધ્યાનમાં રાખીને હવે આ ઓપરેશનમાં અત્યાધુનિક હેલિકોપ્ટર અને સેનાના વિશેષ પેરા કમાન્ડોની મદદ લેવામાં આવી રહી છે. ગઈકાલે જે ચોક્કસ લોકેશન પર આતંકીઓ સાથે મુઠભેડ થઈ હતી, તે ગાઢ જંગલના વિસ્તારોમાં હેલિકોપ્ટર દ્વારા કમાન્ડો ટીમોને એરડ્રોપ કરવામાં આવી રહી છે. આ સિવાય આતંકીઓ ઘેરો તોડીને ભાગી ન જાય તે માટે હાઈ-ટેક ડ્રોન દ્વારા સમગ્ર વિસ્તાર પર ૨૪ કલાક હવાઈ દેખરેખ રાખવામાં આવી રહી છે.આતંકી ઘાયલ હોવાની આશંકાગઈકાલે જે સ્થળે એન્કાઉન્ટર થયું હતું ત્યાં સર્ચ ઓપરેશન દરમિયાન સુરક્ષા દળોને આતંકવાદીઓ દ્વારા છોડી દેવાયેલા શસ્ત્રો, વિસ્ફોટકો અને કેટલીક શંકાસ્પદ સામગ્રી મળી આવી છે. આ ઉપરાંત ઘટનાસ્થળેથી લોહીના નિશાન પણ મળી આવ્યા છે. આના પરથી એવી પ્રબળ આશંકા વ્યક્ત કરવામાં આવી રહી છે કે સેનાની જવાબી કાર્યવાહીમાં ઓછામાં ઓછો એક આતંકવાદી ગંભીર રીતે ઘાયલ થયો છે અને તે જંગલમાં જ ક્યાંક છુપાયેલો છે. જોકે, આ અંગે સેના તરફથી હજુ સુધી કોઈ સત્તાવાર નિવેદન બહાર પાડવામાં આવ્યું નથી.હાલમાં સુરક્ષા દળો ઓપરેશનને તેના અંતિમ તબક્કા સુધી પહોંચાડવા અને આતંકીઓનો ખાતમો કરવા માટે પૂરી તાકાતથી ઓપરેશન ચલાવી રહ્યા છે. 

Read Full Story arrow_forward