android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
valsad: વાપીના કુંતા ગામેથી કરોડોનું MD ડ્રગ્સ ઝડપાયું, ATS એ બે આરોપીઓને દબોચ્યા
calendar_today May 26, 2026

valsad: વાપીના કુંતા ગામેથી કરોડોનું MD ડ્રગ્સ ઝડપાયું, ATS એ બે આરોપીઓને દબોચ્યા

ગુજરાતનો દરિયા કિનારો અને ઔદ્યોગિક વિસ્તારો ડ્રગ્સ માફિયાઓ માટે સોફ્ટ ટાર્ગેટ બની રહ્યા હોય તેમ લાગી રહ્યું છે, પરંતુ ગુજરાત પોલીસ પણ સજાગતાથી તેમના તમામ મનસૂબા નિષ્ફળ બનાવી રહી છે. વલસાડ જિલ્લાના વાપી નજીક આવેલા કુંતા ગામમાં એક ગોડાઉનની અંદર મોટા પાયે નશીલા પદાર્થોનું નેટવર્ક ચાલતું હોવાની ચોક્કસ અને ગુપ્ત બાતમી ગુજરાત એન્ટી ટેરરિસ્ટ સ્ક્વોડ (ATS) ને મળી હતી. જેને પગલે એટીએસની ઉચ્ચ ટીમ અને વલસાડ એસઓજીની ટીમે સંયુક્ત પ્લાનિંગ કરીને કુંતા ગામના શંકાસ્પદ ગોડાઉન પર મોડી રાત્રે દરોડો પાડ્યો હતો.ગોડાઉન ખોલતા જ અધિકારીઓ ચોંકી ઉઠ્યાપોલીસ ટીમે જ્યારે ગોડાઉનની તલાશી લીધી ત્યારે ત્યાંથી શંકાસ્પદ કેમિકલ પાવડર અને પ્રતિબંધિત મેફેડ્રોન ડ્રગ્સ (MD) નો મોટો જથ્થો મળી આવ્યો હતો. એફએસએલ (FSL) ના અધિકારીઓને સાથે રાખીને કરવામાં આવેલા પ્રાથમિક પરીક્ષણમાં આ જથ્થો મેફેડ્રોન ડ્રગ્સ હોવાનું કન્ફર્મ થયું હતું. પકડાયેલા ડ્રગ્સનું કુલ વજન આશરે દોઢ થી બે કિલો હોવાનું સામે આવ્યું છે, જેની આંતરરાષ્ટ્રીય બજારમાં કિંમત કરોડો રૂપિયા આંકવામાં આવી રહી છે. ફેક્ટરી કે ગોડાઉનમાં કયા કેમિકલનો ઉપયોગ કરીને આ ડ્રગ્સ તૈયાર કરાતું હતું તે અંગે પણ તપાસ ચાલી રહી છે.સ્થાનિક સ્તરે સપ્લાય અને માસ્ટરમાઇન્ડની શોધખોળઆ કાળા કારોબાર સ્થળ પરથી પોલીસે નશાના નેટવર્ક સાથે સીધી રીતે જોડાયેલા બે શખ્સોની ધરપકડ કરી લીધી છે. પ્રાથમિક તપાસમાં બહાર આવ્યું છે કે, વાપી ઔદ્યોગિક નગરી હોવાથી અહીં કેમિકલ સહેલાઈથી મળી રહે છે, જેનો દુરુપયોગ કરીને આ નશાનું રેકેટ ચલાવવામાં આવી રહ્યું હતું. આ ડ્રગ્સનો જથ્થો સુરત, મુંબઈ કે ગોવાના યુવાનો સુધી પહોંચાડવાનો હતો કે કેમ, તેમજ આ નેટવર્કનો અસલી માસ્ટરમાઇન્ડ કોણ છે, તે દિશામાં એટીએસ દ્વારા બંને આરોપીઓના રિમાન્ડ મેળવીને ઊંડાણપૂર્વકની પૂછપરછ હાથ ધરવામાં આવી રહી છે.આ પણ વાંચો: Delhi: CNGના ભાવમાં પ્રતિ કિલો રૂ. 2 નો વધારો, રાજધાનીમાં નવો ભાવ રૂ. 83.09 પર પહોંચ્યો

Read Full Story arrow_forward
Gujarat News: AI થકી ડ્રાઇવિંગ ટેસ્ટ લેવાનો નિર્ણય, ટેસ્ટ ડ્રાઈવ બાદ ઇન્સ્ટન્ટ પરિણામ મળશે
calendar_today May 26, 2026

Gujarat News: AI થકી ડ્રાઇવિંગ ટેસ્ટ લેવાનો નિર્ણય, ટેસ્ટ ડ્રાઈવ બાદ ઇન્સ્ટન્ટ પરિણામ મળશે

ગુજરાતમાં ડ્રાઇવિંગ લાયસન્સ મેળવવાની પ્રક્રિયાને વધુ પારદર્શક અને હાઇટેક બનાવવા માટે સરકારે મેન્યુઅલ પદ્ધતિ બંધ કરીને હવે સંપૂર્ણપણે AI થકી ડ્રાઇવિંગ ટેસ્ટ લેવાનો મોટો નિર્ણય કર્યો છે. વાહન વ્યવહાર રાજ્ય મંત્રી પ્રવીણ માળીએ સંદેશ ન્યૂઝ સાથેની ખાસ વાતચીતમાં RTOની આ ભાવિ કાર્ય પદ્ધતિ ઉજાગર કરતા જણાવ્યું કે, સમગ્ર રાજ્યમાં આ આધુનિક સિસ્ટમ લાગુ કરવામાં આવશે. ચહેરાની ડિજિટલ ઓળખનો ઉપયોગ કરાશે નવી વ્યવસ્થા હેઠળ, અરજદારો હવે ઘરે બેઠા જ ડ્રાઇવિંગ ટેસ્ટ માટેની એપોઇન્ટમેન્ટ લઈ શકશે. ટેસ્ટ દરમિયાન પારદર્શિતા જળવાઈ રહે અને કોઈ ગેરરીતિ ન થાય તે માટે ચહેરાની ડિજિટલ ઓળખ (ફેસ રેકગ્નિશન) ટેકનોલોજીનો ઉપયોગ કરવામાં આવશે. સમગ્ર ટેસ્ટ ડ્રાઇવ ટ્રેક સંપૂર્ણપણે માનવ હસ્તક્ષેપ મુક્ત (હ્યુમન ઇન્ટરફિયરન્સ વગરનો) રહેશે, જેથી વચેટીયાઓની પ્રથા નાબૂદ થશે. એટલું જ નહીં, ટેસ્ટ આપ્યા બાદ અરજદારને તેનું પરિણામ પણ ઇન્સ્ટન્ટ મળી જશે. RTOની કામગીરી વધુ ઝડપી અને પારદર્શક બનશે મંત્રીએ માહિતી આપતા જણાવ્યું હતું કે, હાલની સ્થિતિએ રાજ્યના 15 જિલ્લાઓમાં આ AI ટેસ્ટ ટ્રેક કાર્યરત કરી દેવામાં આવ્યા છે. આગામી 2 મહિનામાં વધુ 20 નવા આધુનિક ટ્રેક તૈયાર કરવામાં આવશે, જ્યારે આગામી 6 મહિનામાં આ હાઈટેક સિસ્ટમ સમગ્ર રાજ્યમાં વ્યાપકપણે અમલી બનાવી દેવામાં આવશે. આ નિર્ણયથી RTOની કામગીરી વધુ ઝડપી, પારદર્શક અને કાગળમુક્ત બનશે. આ પણ વાંચોઃ Surat News: ઉદયપુર બાંદ્રા ટ્રેનના AC કોચમાં વંદા અને ઉંદરોનો ત્રાસ, 3 વખત ચેઈન પુલિંગ

Read Full Story arrow_forward
Surat: પાલ પોલીસે 27.75 લાખના કિંમતી મેફેડ્રોન ડ્રગ્સ સાથે એક આરોપીને ઝડપી પાડ્યો
calendar_today May 26, 2026

Surat: પાલ પોલીસે 27.75 લાખના કિંમતી મેફેડ્રોન ડ્રગ્સ સાથે એક આરોપીને ઝડપી પાડ્યો

સુરત શહેર પોલીસ કમિશનર દ્વારા શહેરમાંથી નશાના કારોબારને જડમૂળથી ઉખાડી ફેંકવા માટે આપવામાં આવેલી કડક સૂચનાઓ રંગ લાવી રહી છે. સુરતના અડાજણ-પાલ વિસ્તારમાં નશાના પેડલરો સક્રિય હોવાની આશંકા વચ્ચે પાલ પોલીસની ટીમે એક મોટી રેડ કરીને રૂ. ૨૭.૭૫ લાખની બજાર કિંમત ધરાવતા મેફેડ્રોન ડ્રગ્સ (એમડી) ના જથ્થા સાથે એક ઈસમને રંગેહાથ ઝડપી પાડવામાં સફળતા મેળવી છે.ચોક્કસ બાતમીના આધારે ગોઠવી ટ્રેપસૂત્રો પાસેથી મળતી માહિતી મુજબ, પાલ પોલીસ સ્ટેશનના સર્વેલન્સ સ્ટાફને ખાનગી રાહે ચોક્કસ બાતમી મળી હતી કે એક શખ્સ પાલ વિસ્તારમાં લાખોની કિંમતનું કેમિકલયુક્ત ડ્રગ્સ લઈને ગ્રાહકોની શોધમાં આવી રહ્યો છે. આ બાતમીના આધારે પાલ પોલીસે વોચ ગોઠવી હતી અને શંકાસ્પદ શખ્સ ત્યાં આવતા જ તેને કોર્ડન કરીને ઝડપી લીધો હતો. પોલીસ દ્વારા તેની અંગઝડતી લેવામાં આવતા તેની પાસેથી ૯.૨૫૦ ગ્રામ શુદ્ધ મેફેડ્રોન ડ્રગ્સનો જથ્થો મળી આવ્યો હતો, જેની આંતરરાષ્ટ્રીય બજાર કિંમત અંદાજે રૂ. ૨૭.૭૫ લાખ થાય છે.NDPS એક્ટ હેઠળ કડક ગુનો દાખલપાલ પોલીસે ડ્રગ્સનો જથ્થો અને અન્ય સામગ્રી કબજે કરીને આરોપી સામે નાર્કોટિક્સ ડ્રગ્સ એન્ડ સાયકોટ્રોપિક સબસ્ટન્સ (NDPS) એક્ટની વિવિધ કડક કલમો હેઠળ ગુનો નોંધી તેની સત્તાવાર ધરપકડ કરી લીધી છે. પ્રાથમિક પૂછપરછમાં પોલીસને આશંકા છે કે આ ડ્રગ્સ સુરતના હાઈપ્રોફાઈલ યુવાનો અથવા શૈક્ષણિક સંસ્થાઓની આસપાસ સપ્લાય કરવાનું હોઈ શકે છે. આ ડ્રગ્સનો જથ્થો મુંબઈથી લાવવામાં આવ્યો હતો કે કેમ અને તેની પાછળ કઈ મોટી આંતરરાજ્ય ગેંગ સક્રિય છે, તે દિશામાં પોલીસે આરોપીના રિમાન્ડ મેળવવાની તજવીજ હાથ ધરી છે.આ પણ વાંચો:  valsad: વાપીના કુંતા ગામેથી કરોડોનું MD ડ્રગ્સ ઝડપાયું, ATS એ બે આરોપીઓને દબોચ્યા

Read Full Story arrow_forward