android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabad News : 1 જૂનથી મોન્સૂન કંટ્રોલ રૂમ શરૂ થશે, પાણી ભરાવા કે ઝાડ પડવાની ફરિયાદો પર ધ્યાન રખાશે
calendar_today May 26, 2026

Ahmedabad News : 1 જૂનથી મોન્સૂન કંટ્રોલ રૂમ શરૂ થશે, પાણી ભરાવા કે ઝાડ પડવાની ફરિયાદો પર ધ્યાન રખાશે

ગુજરાતમાં ગરમીથી લોકો ત્રાહિમામ પોકારી ઉઠ્યા છે. ત્યારે આગામી સમયમાં ચોમાસાની સિઝન ચાલુ થશે. જેને લઈને અમદાવાદ કોર્પોરેશન દ્વારા આગોતરુ આયોજન કરવામાં આવ્યું છે. મ્યુનિસિપલ કોર્પોરેશન (AMC) દ્વારા પ્રી-મોન્સૂન કામગીરીને આખરી ઓપ આપી દેવામાં આવ્યો છે. ચોમાસા દરમિયાન શહેરીજનોને કોઈ મુશ્કેલી ન પડે અને કટોકટીની સ્થિતિને પહોંચી વળી શકાય તે માટે આગામી ૧ જૂનથી કોર્પોરેશનનો સ્પેશિયલ મોન્સૂન કંટ્રોલ રૂમ ધમધમતો થઈ જશે. કંટ્રોલ રૂમ દ્વારા ખાસ નજર રાખવામાં આવશે AMC દ્વારા આ કંટ્રોલ રૂમના સફળ સંચાલન માટે મ્યુનિસિપલ કર્મચારીઓને અલગ-અલગ શિફ્ટમાં ડ્યુટી સોંપી દેવામાં આવી છે. ચોમાસા દરમિયાન શહેરમાં ભારે વરસાદને કારણે નીચાણવાળા વિસ્તારોમાં પાણી ભરાવા, રસ્તાઓ પર ઝાડ પડી જવા કે ભયજનક મકાનો ધરાશાયી થવા જેવી સંભવિત આપત્તિઓ પર આ કંટ્રોલ રૂમ દ્વારા ખાસ નજર રાખવામાં આવશે. કોઈપણ સેન્ટ્રલ કંટ્રોલ રૂમમાં ફરિયાદ આવતાં જ સંબંધિત વિભાગને તુરંત જાણ કરી નિકાલ કરવાની સૂચના અપાઈ છે. વાસણા બેરેજ સહિતની બાબતો પર સંકલન રખાશે આ ઉપરાંત, ભારે વરસાદની સ્થિતિમાં સાબરમતી નદીના જળસ્તરને નિયંત્રિત કરવા માટે વાસણા બેરેજ સહિતની કટોકટીની બાબતો પર સતત સંકલન (Coordination) રાખવામાં આવશે. વાસણા બેરેજના દરવાજા ખોલવા કે નદીની આસપાસના વિસ્તારોને એલર્ટ કરવા માટે કંટ્રોલ રૂમ રાઉન્ડ ધ ક્લોક મોનિટરિંગ કરશે. AMCની આ આગોતરી તૈયારીઓનો મુખ્ય ઉદ્દેશ્ય ચોમાસામાં શહેરીજનોની સુરક્ષા સુનિશ્ચિત કરવાનો અને વહીવટી તંત્રને સતર્ક રાખવાનો છે. આ પણ વાંચોઃ Gujarat News: AI થકી ડ્રાઇવિંગ ટેસ્ટ લેવાનો નિર્ણય, ટેસ્ટ ડ્રાઈવ બાદ ઇન્સ્ટન્ટ પરિણામ મળશે

Read Full Story arrow_forward
Mehsana: અમેરિકામાં મહેસાણાની મહિલા મેઘના પટેલની ગોળી મારીને કરપીણ હત્યા
calendar_today May 26, 2026

Mehsana: અમેરિકામાં મહેસાણાની મહિલા મેઘના પટેલની ગોળી મારીને કરપીણ હત્યા

અમેરિકામાં ગુજરાતીઓ પર થતા જીવલેણ હુમલાઓનો સિલસિલો અટકવાનું નામ નથી લઈ રહ્યો. ડૉલર કમાવવાની આશા સાથે અમેરિકા ગયેલા વધુ એક ગુજરાતી પરિવારે પોતાની વ્હાલસોયી દીકરી ગુમાવવાનો વારો આવ્યો છે. મહેસાણા જિલ્લાના જંત્રાલ ગામની વતની અને હાલ પરિવાર સાથે અમેરિકામાં સ્થાયી થયેલી મહિલા મેઘના પટેલની ગોળી મારીને કરપીણ હત્યા કરી દેવામાં આવતા સસનાટી વ્યાપી ગઈ છે.પરિવાર સાથે રહેતી મહિલા નિશાન બનીમળતી પ્રાથમિક માહિતી અનુસાર, મેઘના પટેલ છેલ્લા ઘણા સમયથી પોતાના પરિવાર સાથે અમેરિકામાં સુખી જીવન વિતાવી રહ્યા હતા. જો કે, વિદેશની ધરતી પર અચાનક તેમની પર ગોળીબાર થતાં ગંભીર ઈજાઓના કારણે તેમનું કમકમાટીભર્યું મોત નીપજ્યું હતું. આ હુમલો ગન કલ્ચર (Gun Culture) નો ભાગ છે, લૂંટ ચલાવવાના ઈરાદે કરવામાં આવ્યો હતો કે પછી કોઈ અંગત અદાવતમાં, તે અંગે હજી સુધી સત્તાવાર રીતે વધુ વિગતો બહાર આવી નથી. ઘટનાની જાણ થતાં જ અમેરિકાની સ્થાનિક પોલીસ અને ઇન્વેસ્ટિગેશન એજન્સીઓ સ્થળ પર દોડી ગઈ હતી અને મૃતદેહને પોસ્ટમોર્ટમ માટે ખસેડી આગળની કાર્યવાહી હાથ ધરી છે.જંત્રાલ ગામમાં ઘેરા શોકની લાગણીબીજી તરફ, આ દુઃખદ ઘટનાની જાણ ઉત્તર ગુજરાતમાં આવેલા તેમના વતન જંત્રાલ ગામમાં થતાં જ સમગ્ર પંથકમાં અરેરાટી સાથે ભારે શોક વ્યાપી ગયો છે. પરિવારના સભ્યો અને સ્નેહીજનો ઘેરા આઘાતમાં સરી પડ્યા છે. મૃતક મહિલાના સંબંધીઓ દ્વારા ભારત સરકાર અને વિદેશ મંત્રાલયને પણ આ બાબતે યોગ્ય મદદ કરવા અને ન્યાય અપાવવા માટે અપીલ કરવામાં આવી રહી છે. અમેરિકામાં વસતા બિનનિવાસી ગુજરાતીઓ (NRGs) માં પણ આ ઘટનાને પગલે પોતાની સુરક્ષાને લઈને ભારે ચિંતા અને ફફડાટ જોવા મળી રહ્યો છે.આ પણ વાંચો:  Surat: પાલ પોલીસે 27.75 લાખના કિંમતી મેફેડ્રોન ડ્રગ્સ સાથે એક આરોપીને ઝડપી પાડ્યો

Read Full Story arrow_forward
Rajkot News : જન્મ મરણના દાખલા હવે મળશે વિનામૂલ્યે, મનપાના નવા પોર્ટલથી નાગરિકોને રાહત
calendar_today May 26, 2026

Rajkot News : જન્મ મરણના દાખલા હવે મળશે વિનામૂલ્યે, મનપાના નવા પોર્ટલથી નાગરિકોને રાહત

રાજકોટ મહાનગરપાલિકા (RMC) દ્વારા ડિજિટલ ઇન્ડિયા તરફ વધુ એક મહત્વપૂર્ણ કદમ ઉઠાવવામાં આવ્યું છે. મનપાના નવા ઓનલાઈન પોર્ટલની શરૂઆત થતાં જ હવે રાજકોટના નાગરિકોને વહીવટી પ્રક્રિયામાં મોટી રાહત મળશે. આ નવી વ્યવસ્થા હેઠળ હવે નાગરિકોને જન્મ અને મરણના દાખલા મેળવવા માટે મનપાની કચેરીએ જઈને લાંબી લાઈનોમાં ઊભા રહેવામાંથી કાયમી મુક્તિ મળશે. આ દાખલાઓ તદ્દન વિનામૂલ્યે મળશે આ નવી ડિજિટલ સેવાની સૌથી મોટી ખાસિયત એ છે કે હવે આ દાખલાઓ તદ્દન વિનામૂલ્યે એટલે કે ફ્રી ઓફ કોસ્ટ મળશે. અગાઉ નાગરિકોએ પ્રમાણપત્ર મેળવવા માટે 50 રૂપિયાની ફી ચૂકવવી પડતી હતી, જે હવે નહીં ચૂકવવી પડે. અરજી કર્યા બાદ જન્મનો દાખલો સીધો નાગરિકના રજિસ્ટર્ડ ઇ-મેઇલ આઇડી પર મોકલી દેવામાં આવશે. જનતાના સમય અને નાણાં બંનેની મોટી બચત માત્ર નવા જ નહીં, પરંતુ જૂના દાખલાઓમાં સુધારો કરવા માટે પણ હવે કચેરીના ધક્કા ખાવા નહીં પડે. નાગરિકો ઓનલાઈન પોર્ટલના માધ્યમથી જ જૂના પ્રમાણપત્રોમાં જરૂરી અપડેટ કે સુધારા-વધારા કરી શકશે. રાજકોટ મનપાના આ સરાહનીય નિર્ણયથી સમગ્ર પ્રક્રિયા વધુ પારદર્શક, ઝડપી અને ડિજિટલ બનશે, જેનાથી સામાન્ય જનતાના સમય અને નાણાં બંનેની મોટી બચત થશે. આ પણ વાંચોઃ Banaskantha News : દિયોદરમાં હાઈવોલ્ટેજ ડ્રામા બાદ આખરે ચુંટણી રદ, કોંગ્રેસના 10 કાર્યકરો સામે ફરિયાદ

Read Full Story arrow_forward