android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gandhinagar News: CM ભૂપેન્દ્ર પટેલ બન્યા 'કોમનમેન', પરિવાર સાથે બરફના ગોળાની માણી લિજ્જત
calendar_today May 25, 2026

Gandhinagar News: CM ભૂપેન્દ્ર પટેલ બન્યા 'કોમનમેન', પરિવાર સાથે બરફના ગોળાની માણી લિજ્જત

પોતાની સાદગી અને મૃદુ સ્વભાવ માટે જાણીતા ગુજરાતના મુખ્યમંત્રી ભૂપેન્દ્ર પટેલનો વધુ એક વખત જનસામાન્યને સ્પર્શી જાય તેવો અંદાજ જોવા મળ્યો છે. ઉનાળાની કાળઝાળ ગરમી વચ્ચે મુખ્યમંત્રી ભૂપેન્દ્ર પટેલ કોઈ ખાસ પ્રોટોકોલ કે કોઈ મોટા ભપકા વગર એક સામાન્ય નાગરિકની જેમ ગાંધીનગરના માર્ગો પર નીકળ્યા હતા. તેઓ પોતાના પરિવારના સભ્યો સાથે પાટનગરની જાણીતી રિલાયન્સ ચોકડી પાસે આવેલા બરફના ગોળાની લારી પર પહોંચ્યા હતા અને મોડી રાત્રે ઠંડા-ઠંડા બરફના ગોળાની મોજ માણી હતી.પરિવાર સાથે માણી બરફના ગોળાની લિજ્જત સામાન્ય રીતે મુખ્યમંત્રીની મુવમેન્ટ હોય ત્યારે કડક પોલીસ બંદોબસ્ત અને કાફલો જોવા મળતો હોય છે, પરંતુ સોમવારની મોડી રાત્રે મુખ્યમંત્રી ભૂપેન્દ્ર પટેલ અત્યંત સહજ અંદાજમાં પરિવાર સાથે લારી પર ગોળો ખાવા ઉભા રહ્યા હતા. મુખ્યમંત્રીને પોતાની સામે જોઈને ત્યાં હાજર અન્ય ગ્રાહકો અને સ્થાનિક નાગરિકો ક્ષણભર માટે આશ્ચર્યચકિત થઈ ગયા હતા. મુખ્યમંત્રીએ પરિવાર સાથે ત્યાં અલગ-અલગ ફ્લેવરના દેશી બરફ ગોળાની મજા માણી હતી અને ઉનાળાની રાત્રિની ઠંડકનો આનંદ લીધો હતો. સ્થાનિકો અને લારીના વેપારી સાથે કર્યો હળવો સંવાદ ગોળો ખાવાની સાથે-સાથે મુખ્યમંત્રી ભૂપેન્દ્ર પટેલે ત્યાં હાજર સ્થાનિક નાગરિકો, યુવાનો અને બરફના ગોળાની લારી ચલાવતા વેપારી સાથે ખૂબ જ આત્મીયતાથી વાતચીત કરી હતી. તેમણે વેપારીના ધંધા-રોજગાર વિશે પૃચ્છા કરી હતી અને નાગરિકો સાથે પણ હળવી પળો માણી હતી. મુખ્યમંત્રીના આ જનતા કનેક્ટ અને સરળ સ્વભાવના કારણે લોકોમાં તેમના પ્રત્યે ભારે આદર જોવા મળ્યો હતો. કેટલાક ઉત્સાહી નાગરિકોએ મુખ્યમંત્રી સાથે સેલ્ફી પણ લીધી હતી. મુખ્યમંત્રી ભૂપેન્દ્ર પટેલનો આ 'કોમનમેન' અવતાર સોશિયલ મીડિયા પર પણ ભારે વાયરલ થઈ રહ્યો છે. લોકો CMની આ સાદગીની મુક્તકંઠે પ્રશંસા કરી રહ્યા છે, અને કહી રહ્યા છે કે, આ જ ગ્રાઉન્ડ કનેક્ટ તેમને અન્ય નેતાઓ કરતા અલગ પાડે છે. આ પણ વાંચો - વાંચો 26 મેના રોજ બનનારી મહત્વની ઘટનાઓ વિશે

Read Full Story arrow_forward
Rajkot News: વીંછીયાના સાછીયા ગામે જૂની અદાવતમાં યુવકની ઘાતકી હત્યા
calendar_today May 25, 2026

Rajkot News: વીંછીયાના સાછીયા ગામે જૂની અદાવતમાં યુવકની ઘાતકી હત્યા

રાજકોટના વીંછીયાના સાછીયા ગામેથી સરેઆમ હત્યાની એક સનસનાટીભરી અને લોહિયાળ ઘટના સામે આવી છે. અહીં લાંબા સમયથી ચાલી આવતી જૂની અદાવત અને મનદુઃખના કારણે એક 35 વર્ષીય યુવકની જાહેર રસ્તા પર લોખંડના પાઇપના ફટકા મારીને નિર્મમ હત્યા કરવામાં આવી છે. સાંજના આશરે 5 વાગ્યાની આસપાસ બનેલી આ સનસનાટીભરી ઘટનાને પગલે સમગ્ર પંથકમાં ભારે ચકચાર મચી ગઈ છે અને ગામમાં ચુસ્ત બંદોબસ્ત ગોઠવી દેવાયો છે.યુવકને માથાના ભાગે પાઇપના જીવલેણ ઘા ઝીંક્યા સાછીયા ગામે રહેતા જસમતભાઈ માવજીભાઈ મકવાણા (ઉંમર આશરે 35 વર્ષ) નામના યુવકને જૂની અદાવતનો ખાર રાખીને કેટલાક શખ્સોએ જાહેર રસ્તા પર આંતર્યો હતો. આરોપીઓએ ઉશ્કેરાઈને જસમતભાઈ પર લોખંડના પાઇપ વડે તૂટી પડી, માથાના ભાગે ગંભીર અને જીવલેણ ઘા ઝીંક્યા હતા. હુમલા બાદ લોહીલુહાણ હાલતમાં યુવકને તાત્કાલિક 108 (એમ્બ્યુલન્સ) ની મદદથી વીંછીયાની સરકારી હોસ્પિટલ ખાતે ખસેડવામાં આવી રહ્યો હતો, પરંતુ ગંભીર ઇજાઓના કારણે તેણે રસ્તામાં જ દમ તોડી દીધો હતો. હોસ્પિટલ પહોંચતા જ તબીબોએ તેને મૃત જાહેર કર્યો હતો.રાજકોટ ગ્રામ્ય એસ.પી. વીંછીયા પહોંચ્યા જાહેર રસ્તા પર થયેલી આ લોહિયાળ હત્યાની ઘટના વાયુવેગે પ્રસરતા જ ગામમાં તંગદિલીભર્યો માહોલ સર્જાયો હતો. ઘટનાની ગંભીરતાને ધ્યાને લઈને રાજકોટ ગ્રામ્ય પોલીસ અધિક્ષક (S.P.) તાત્કાલિક કાફલા સાથે વીંછીયા અને સાછીયા ગામ જવા રવાના થયા હતા. વીંછીયા પોલીસે આ મામલે હત્યાનો ગુનો નોંધીને ફરાર થઈ ગયેલા હુમલાખોરોને ઝડપી પાડવા માટે અલગ-અલગ ટીમો બનાવી ચક્રો ગતિમાન કર્યા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
વાંચો 26 મેના રોજ બનનારી મહત્વની ઘટનાઓ વિશે
calendar_today May 25, 2026

વાંચો 26 મેના રોજ બનનારી મહત્વની ઘટનાઓ વિશે

તારીખ 26 મે 2026 ના રોજ ગુજરાત સહિત દેશભરમાં રાજકીય, વહીવટી અને વ્યૂહાત્મક મોરચે અતિ મહત્વની ઘટનાઓ આકાર લેવા જઈ રહી છે. ગુજરાતમાં સ્થાનિક સ્વરાજ્યની સંસ્થાઓના નવા સુકાનીઓની વરણીથી લઈને આંતરરાષ્ટ્રીય સ્તરે ક્વાડ દેશોની હાઈપ્રોફાઈલ બેઠક સુધી, 26 મેના રોજ કઈ મહત્વની કડીઓ જોડાશે.ગુજરાત પંચાયત અને મહાનગરપાલિકા ઈલેક્શન અપડેટ્સ અમદાવાદ મહાનગરપાલિકા (AMC): 26 મેના રોજ અમદાવાદ મનપાની પહેલી સામાન્ય સભા યોજાશે. સવારે 9:00 વાગ્યે શાસક પક્ષ ભાજપના ચૂંટાયેલા કોર્પોરેટરોની એક આંતરિક બેઠક મળશે. ત્યારબાદ મેયર અને ડેપ્યુટી મેયરના ઉમેદવારી પત્ર ભરાશે અને સામાન્ય સભામાં સત્તાવાર રીતે નવા મેયર અને ડેપ્યુટી મેયરની ચૂંટણી પ્રક્રિયા પૂર્ણ કરી પદ સોંપાશે.નડિયાદ અને મોરબી મહાનગરપાલિકા: નડિયાદ અને મોરબી મહાનગરપાલિકાના નવા કિંગ (હોદ્દેદારો) નક્કી કરવા માટે પણ 26 મેના રોજ મતદાન અને વરણી થશે. નડિયાદમાં ભાજપની સ્પષ્ટ બહુમતી હોવાથી ભગવો લહેરાવો નિશ્ચિત છે. મોરબીમાં મેયર, ડેપ્યુટી મેયર અને સ્ટેન્ડિંગ કમિટીના ચેરમેન સહિતના પદો પર નવા ચહેરા જાહેર થશે. જામનગર કોર્પોરેશન: જામનગરમાં પણ 26 મેના રોજ નવા મેયર સહિતના પદાધિકારીઓની સત્તાવાર નિયુક્તિ કરી દેવામાં આવશે. ઉમરેઠના ધારાસભ્ય હર્ષદ પરમારના શપથ ગ્રહણ તાજેતરમાં પેટાચૂંટણીમાં વિજેતા બનેલા ઉમરેઠ વિધાનસભા બેઠકના નવનિર્વાચિત ધારાસભ્ય હર્ષદ પરમાર 26 મેના રોજ બપોરે 1:00 વાગ્યે ધારાસભ્ય તરીકેના સત્તાવાર શપથ લેશે. ગાંધીનગર ખાતે યોજાનારા આ શપથ ગ્રહણ સમારંભમાં મુખ્યમંત્રી અને નાયબ મુખ્યમંત્રી ખાસ હાજર રહી તેમને પ્રોત્સાહિત કરશે. PM નરેન્દ્ર મોદીના શપથગ્રહણને 12 વર્ષ પૂર્ણ 26 મે 2014ના રોજ નરેન્દ્ર મોદીએ દેશના વડાપ્રધાન તરીકે પ્રથમ વખત શપથ લીધા હતા. 26 મે 2026 ના રોજ PM મોદીના વડાપ્રધાન પદના સફળતાપૂર્વકના 12 વર્ષ પૂર્ણ થઈ રહ્યા છે, જેને લઈને ભાજપ છાવણીમાં ઉત્સાહ છે. આ નિમિત્તે દિલ્હીના પૂસા કૃષિ સંસ્થાન ખાતે સવારે 10:30 વાગ્યે કેન્દ્રીય કૃષિ મંત્રી શિવરાજ સિંહ ચૌહાણ દ્વારા લિખિત પુસ્તક 'અપનાપન' (જે PM મોદી પર આધારિત છે) નું વિમોચન કરવામાં આવશે. કેન્દ્રીય ગૃહમંત્રી અમિત શાહનો સરહદ પ્રવાસ કેન્દ્રીય ગૃહમંત્રી અમિત શાહના રાજસ્થાન પ્રવાસનો 26 મેના રોજ આખરી દિવસ છે. તેઓ બિકાનેરમાં સરહદ સુરક્ષાની સમીક્ષા માટે 5 જિલ્લાના કલેક્ટર (DM) અને એસપી (SP) સાથે મહત્વની બેઠક કરશે. આ પ્રવાસ બાદ શાહના બોર્ડર મેનેજમેન્ટના કાર્યક્રમો અંતર્ગત 29 મેના રોજ ભુજ (ગુજરાત), 5 જૂને ત્રિપુરા અને 15 જૂને પશ્ચિમ બંગાળ સરહદની મુલાકાત પણ શિડ્યુઅલ થયેલી છે. દિલ્હીમાં 'ક્વાડ' વિદેશમંત્રીઓની હાઈ-લેવલ બેઠક વ્યૂહાત્મક દૃષ્ટિએ 26 મેના રોજ નવી દિલ્હી ખાતે વૈશ્વિક સ્તરની 'ક્વાડ' (QUAD) દેશોના વિદેશમંત્રીઓની બેઠક યોજાશે. આ બેઠકમાં અમેરિકા, ભારત, જાપાન અને ઓસ્ટ્રેલિયાના વિદેશ મંત્રીઓ ચીનની વધતી દખલગીરી અને ઇન્ડો-પેસિફિક ક્ષેત્રની સુરક્ષા અંગે મહામંથન કરશે. ટેલિકોમ સેક્ટરમાં સર્વિસની ગુણવત્તા અને નેટ ન્યુટ્રાલિટી મુદ્દે સંસદીય સમિતિની મહત્વની બેઠક સંસદની કોમ્યુનિકેશન્સ અને ઇન્ફોર્મેશન ટેકનોલોજીની સ્થાયી સમિતિ દ્વારા 26 મે 2026ના રોજ સવારે 11:00 વાગ્યે પાર્લામેન્ટ હાઉસ એનેક્સ (PHA) ખાતે એક મહત્વપૂર્ણ બેઠકનું આયોજન કરવામાં આવ્યું છે. આ બેઠકમાં ટેલિકોમ વિભાગના પ્રતિનિધિઓ અને ટેલિકોમ રેગ્યુલેટરી ઓથોરિટી ઓફ ઇન્ડિયા (TRAI) ના અધિકારીઓ હાજર રહેશે, જેમાં મુખ્યત્વે 'ટેલિકોમ સેક્ટરમાં સેવાની ગુણવત્તાના ધોરણો અને ગ્રાહક સુરક્ષા' જેવા વિષયો પર ચર્ચા કરવામાં આવશે. ખાસ કરીને આ બેઠકમાં ડિપાર્ટમેન્ટ ઓફ ટેલિકોમ્યુનિકેશન્સના નેટ ન્યુટ્રાલિટી સંબંધિત મુદ્દાઓ પર ઊંડાણપૂર્વક બ્રીફિંગ અને સમીક્ષા કરવામાં આવશે. રાષ્ટ્રીય સ્તરની અન્ય મહત્વની હલચલ રાષ્ટ્રપતિનો સિક્કિમ પ્રવાસ: રાષ્ટ્રપતિ દ્રૌપદી મુર્મુ 26 મેથી 3 દિવસના સિક્કિમ પ્રવાસે જશે, જ્યાં તેઓ સિક્કિમ યુનિવર્સિટીના દીક્ષાંત સમારોહમાં અને ભારત-ચીન બોર્ડર પર આવેલા નાથુલા પાસની મુલાકાત લેશે. દિલ્હી જીમખાના ક્લબ કેસ: PM આવાસની બિલકુલ નજીક આવેલી 27 એકરની જીમખાના ક્લબને સુરક્ષાના કારણોસર ખાલી કરવાના આદેશ મામલે દિલ્હી હાઈકોર્ટમાં 26 મેના રોજ સુનાવણી હાથ ધરાશે. કર્ણાટક કોંગ્રેસ વિવાદ: કર્ણાટકના CM અને ડેપ્યુટી સીએમ વચ્ચે ચાલી રહેલા આંતરિક અસંતોષને ડામવા માટે મલ્લિકાર્જુન ખડગે અને રાહુલ ગાંધીએ બંને નેતાઓને દિલ્હી તેડાવ્યા છે, જ્યાં હાઈકમાન્ડ સાથે બેઠક થશે. ચોમાસાની અપડેટ: ભારતીય હવામાન વિભાગ (IMD) દ્વારા 26 મેના રોજ કેરળમાં ચોમાસાના સત્તાવાર આગમન (મોન્સૂન ઓનસેટ)ને લઈને મોટી અપડેટ જાહેર કરવામાં આવશે. આ પણ વાંચો - Ahmedabad News: કુખ્યાત ધમા બારડ પર ફાયરિંગ, ઝપાઝપી બાદ પોલીસે મારી ગોળી

Read Full Story arrow_forward