android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Junagadh News: PGVCLની સપાટાબંધ કામગીરી, વીજ ચોરીના 66 કેસ ઝડપી 48 લાખ ફટકાર્યા
calendar_today May 25, 2026

Junagadh News: PGVCLની સપાટાબંધ કામગીરી, વીજ ચોરીના 66 કેસ ઝડપી 48 લાખ ફટકાર્યા

જૂનાગઢ અને તેની આસપાસના વિસ્તારોમાં લાંબા સમયથી ચાલી આવતી ગેરકાયદેસર વીજ વપરાશ અને લાઇન લોસની સમસ્યાને ડામવા માટે પશ્ચિમ ગુજરાત વીજ કંપની લિમિટેડ (PGVCL) એક્શન મોડમાં આવી છે. જૂનાગઢ સર્કલના કાર્યપાલક ઈજનેરની સૂચનાથી આજે વહેલી સવારથી જ શહેરમાં સઘન અને વ્યાપક વીજ ચેકિંગ ડ્રાઇવ હાથ ધરવામાં આવી હતી. કોર્પોરેટ ડ્રાઇવ અંતર્ગત આચરેલી આ મોટી કાર્યવાહીને પગલે ગેરકાયદેસર રીતે લંગરિયા નાખીને કે મીટર સાથે ચેડાં કરી વીજચોરી કરતા તત્વોમાં ભારે ફફડાટ વ્યાપી ગયો છે.100 પોલીસ જવાનો અને 32 ટીમોનું મેગા ઓપરેશન કોઈપણ અનિચ્છનીય ઘટના ન ઘટે અને ચેકિંગ સ્ટાફ પર હુમલાની શક્યતાને નિવારવા માટે પીજીવીસીએલ દ્વારા આ વખતે કડક લોખંડી બંદોબસ્ત રાખવામાં આવ્યો હતો. સ્થાનિક પોલીસ સ્ટેશન અને એસઆરપી (SRP) ના મળીને અંદાજે 100 જેટલા હથિયારધારી અને મહિલા પોલીસ જવાનોને ચેકિંગ ડ્રાઇવમાં સાથે રાખવામાં આવ્યા હતા. PGVCL ના નાયબ ઈજનેરો, જુનિયર ઈજનેરો અને લાઇન સ્ટાફની બનેલી કુલ 32 જેટલી હાઇટેક ટીમો જુદા-જુદા સંવેદનશીલ વિસ્તારોમાં એકસાથે ત્રાટકી હતી. 400 વીજ જોડાણોની ચકાસણી, 66 કનેક્શનમાં ગેરરીતિ પકડાઈ દિવસભર ચાલેલા આ સઘન ચેકિંગ ઓપરેશન દરમિયાન અધિકારીઓ દ્વારા અંદાજે 400 જેટલા રહેણાંક, વાણિજ્યિક (કમર્શિયલ) અને અન્ય કેટેગરીના વીજ જોડાણોની ઝીણવટભરી તપાસ કરવામાં આવી હતી. આ તપાસ દરમિયાન મીટર બાયપાસ કરવા, ડાયરેક્ટ લાઈન લેવી અને મીટરમાં ગેરરીતિ આચરવાના કુલ 66 જેટલા કેસો રંગેહાથ ઝડપાયા હતા. લાઇનમેનો દ્વારા આ તમામ શંકાસ્પદ મીટરો કબજે કરી નવેસરથી કનેક્શન આપવાની પ્રક્રિયા કરાઈ હતી. 66 કેસમાં રૂ. 48 લાખનું પૂરક બિલ ફટકારાયું પીજીવીસીએલના સત્તાવાર સૂત્રો પાસેથી મળતી માહિતી મુજબ, પકડાયેલા આ 66 કેસોના આધારે ઇલેક્ટ્રિસિટી એક્ટ અંતર્ગત ત્વરિત કાર્યવાહી કરીને કુલ રૂપિયા 48 લાખનું પૂરક આકલન (બિલ અને દંડ) ફટકારવામાં આવ્યું છે. તંત્ર દ્વારા સ્પષ્ટ ચેતવણી આપવામાં આવી છે ,કે જો આગામી દિવસોમાં આ દંડની રકમ ભરપાઈ કરવામાં નહીં આવે, તો ગ્રાહકો સામે ફોજદારી ગુનો દાખલ કરી કાયદેસરની જેલભેગા કરવાની કાર્યવાહી કરવામાં આવશે. પીજીવીસીએલની આ કડક ઝુંબેશ આગામી દિવસોમાં પણ ચાલુ રહેશે તેમ જાણવા મળ્યું છે. આ પણ વાંચો - Junagadh News: 47 આગાહીકારોએ ચોમાસાનું સચોટ અનુમાન કર્યું, જાણો આ વર્ષે કેટલા ટકા વરસાદની સંભાવના છે?

Read Full Story arrow_forward
Gulmarg Ropeway Rescue: 65 કેબલ કાર, 300 પ્રવાસી અને હવામાં અટવાયેલા શ્વાસ, જાણો ગુલમર્ગ અકસ્માતની કહાની
calendar_today May 25, 2026

Gulmarg Ropeway Rescue: 65 કેબલ કાર, 300 પ્રવાસી અને હવામાં અટવાયેલા શ્વાસ, જાણો ગુલમર્ગ અકસ્માતની કહાની

65 કેબિનમાં 300 પ્રવાસી હવામાં ફસાયા હતા. સેના, ફાયર બ્રિગેડ અને પર્યટન વિભાગની ટીમે બચાવ કામગીરી શરૂ કરી હતી. રોપવે સિસ્ટમનો એક ભાગ તૂટ્યો જમ્મુ અને કાશ્મીરમાં ગુલમર્ગને "પૃથ્વી પરનું સ્વર્ગ" તરીકે ઓળખવામાં આવે છે, પરંતુ સોમવારે બપોરે 300 પ્રવાસીઓના શ્વાસ રૂંધાઈ ગયા હતા. આ પ્રવાસીઓ "ગુલમર્ગ ગોંડોલા"ના 65 કેબિનમાં સવાર હતા. કેબલ કાર અચાનક બંધ થતા તેઓ ગભરાયા હતા. રોપવે સિસ્ટમનો એક ભાગ તૂટી ગયો હતો. જેના કારણે બેઝ સ્ટેશન અને ફેઝ-1 વચ્ચેની કેબલ કાર સેવા અચાનક બંધ થઈ હતી. તમામ પ્રવાસીઓ સુરક્ષિત પ્રતિકૂળ હવામાન અને મુશ્કેલ પર્વતીય પ્રદેશ હોવા છતાં, બચાવ ટીમોએ ઝડપથી કાર્યવાહી કરી અને ફસાયેલા પ્રવાસીઓને બચાવવા માટે બચાવ કામગીરી શરૂ કરી. કુલ 65 કેબલ કારને અસર થઈ હતી. બચાવ ટીમોએ ફેઝ 1 બાજુ ફસાયેલા 14 કેબલ કારમાંથી 76 પ્રવાસીઓને બચાવ્યા હતા. જ્યારે બેઝ સ્ટેશન બાજુ પર 12 કેબલ કારમાંથી 72 પ્રવાસીઓને બહાર કાઢવામાં આવ્યા હતા. આનાથી બચાવાયેલા પ્રવાસીઓની કુલ સંખ્યા 148 થઈ ગઈ છે. અધિકારીઓએ જણાવ્યું હતું કે તમામ પ્રવાસીઓને સુરક્ષિત રીતે બહાર કાઢવાની કામગીરી ચાલુ છે. ગુલમર્ગ રોપવેની કુલ લંબાઈ આશરે 4.2 કિલોમીટર છે. તે બે તબક્કામાં બનાવવામાં આવ્યો છે. પહેલો તબક્કો 2.5 કિલોમીટર લાંબો છે અને બીજો તબક્કો 1.7 કિલોમીટર લાંબો છે. તબક્કો 1: તે ગુલમર્ગ રિસોર્ટથી કોંગડોરી ખીણ સુધી ચાલે છે. તે 2.5 કિલોમીટર લાંબો છે અને લગભગ 9 મિનિટ લે છે. તબક્કો 2: તે કોંગડોરીથી શરૂ થાય છે અને અફરવત શિખર સુધી પહોંચે છે. તે 1.7 કિલોમીટર લાંબો છે અને લગભગ 12 મિનિટ લે છે. તબક્કો 3: કોંગડોરીથી મેરીના શોલ્ડર સુધી એક અલગ ચેરલિફ્ટ સિસ્ટમ પણ છે, જેને ઘણીવાર ત્રીજા તબક્કા તરીકે ગણવામાં આવે છે. 'પરિસ્થિતિ સંપૂર્ણપણે નિયંત્રણમાં' જમ્મુ અને કાશ્મીરના મુખ્યમંત્રી કાર્યાલય ઘટના પર નજર રાખી રહ્યું છે. એક સરકારી નિવેદનમાં જણાવાયું છે કે પરિસ્થિતિ સંપૂર્ણપણે નિયંત્રણમાં છે અને ગભરાવાની જરૂર નથી. વહીવટીતંત્રે સ્પષ્ટતા કરી હતી કે બધા કેબિન સુરક્ષિત છે અને ટેકનિકલ ટીમો પરિસ્થિતિ પર સતત નજર રાખી રહી છે. સરકારે એમ પણ જણાવ્યું હતું કે તમામ પ્રવાસીઓને સુરક્ષિત રીતે બહાર કાઢવાની પ્રાથમિકતા છે. બચાવ કામગીરીમાં કોઈ બેદરકારી રાખવામાં આવી નથી, અને દરેક કેબિન સુધી પહોંચવાના પ્રયાસો કરવામાં આવી રહ્યા છે. ખામીના કારણની તપાસ શરૂ ઘટના બાદ, ગોંડોલા મેનેજમેન્ટની ટેકનિકલ ટીમોએ સિસ્ટમમાં ખામીની તપાસ શરૂ કરી છે. નિષ્ણાતો કેબલ કાર સેવામાં અચાનક વિક્ષેપનું કારણ શું છે તે નક્કી કરવા માટે કામ કરી રહ્યા છે. વહીવટીતંત્રે જણાવ્યું છે કે ભવિષ્યમાં બનતી ઘટનાઓને રોકવા માટે સલામતીના ધોરણો પૂરા થાય છે તેની ખાતરી કરવા માટે સમગ્ર સિસ્ટમનું નિરીક્ષણ કરવામાં આવશે. આ પણ વાંચોઃ ઓપરેશન સિંદૂર બાદ PoKમાં લશ્કર ફરી સક્રિય, તલ્હા સઈદનું નવુ ષડયંત્ર

Read Full Story arrow_forward
Gujarat Latest News Live :   ગુલમર્ગ ગોન્ડોલા રાઇડ્સ બંધ થતા રાજકોટ-અમદાવાદના  પર્યટકો ફસાયા
calendar_today May 25, 2026

Gujarat Latest News Live : ગુલમર્ગ ગોન્ડોલા રાઇડ્સ બંધ થતા રાજકોટ-અમદાવાદના પર્યટકો ફસાયા

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 25 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward