Surendranagar News: ચુડા પોલીસે ખેતરના કૂવામાંથી ઝડપ્યો વિદેશી દારૂનો જથ્થો
ઝાલાવાડ પંથકમાં નશાબંધીના કાયદાની કડક અમલવારી કરાવવા માટે સુરેન્દ્રનગર જિલ્લા પોલીસ વડાની સૂચનાથી ગ્રામ્ય વિસ્તારોમાં પેટ્રોલિંગ અને રેડની કામગીરી તેજ કરવામાં આવી છે. આ અંતર્ગત ચુડા પોલીસ સ્ટેશનની ટીમે બાતમીના આધારે ચુડા તાલુકાના કોરડા ગામની સીમમાં પ્રોહિબિશન એક્ટ હેઠળ એક મોટી અને સફળ કાર્યવાહી હાથ ધરી છે. બુટલેગરે દારૂ છુપાવવા માટે અજમાવેલી અનોખી કીમિયો પોલીસે નિષ્ફળ બનાવી દીધો છે.ખેતરના કૂવામાંથી મળી આવી 180 મિલીની 78 બોટલો ચુડા પોલીસને ચોક્કસ બાતમી મળી હતી કે, કોરડા ગામની સીમ વિસ્તારમાં આવેલા એક ખેતરમાં ગેરકાયદેસર રીતે વિદેશી દારૂનો જથ્થો છુપાવવામાં આવ્યો છે. આ બાતમીના આધારે પોલીસે સ્ટાફ સાથે સીમમાં રેડ કરવામાં આવી હતી. તલાશી દરમિયાન પોલીસને ખેતરમાં આવેલા કૂવામાં શંકાસ્પદ સામાન હોવાનું માલૂમ પડ્યું હતું. કૂવામાં તપાસ કરતા તેમાંથી અલગ-અલગ બ્રાન્ડની 180 મિલીની ક્ષમતા વાળી નાની ક્વાર્ટર બોટલો મળી આવી હતી. પોલીસે કૂવામાંથી વિદેશી દારૂની કુલ 78 બોટલો જપ્ત કરી છે, જેની બજાર કિંમત આશરે રૂપિયા 13,650 આંકવામાં આવી છે. કોરડા ગામના ઉદય ખાચર સામે ગુનો દાખલ, પોલીસ શોધખોળમાં પોલીસની પ્રાથમિક તપાસમાં આ દારૂનો જથ્થો જે ખેતરમાંથી મળ્યો તે કોરડા ગામના ઉદયભાઈ દેવાયતભાઈ ખાચરનો હોવાનું સામે આવ્યું છે. પોલીસ રેઇડ દરમિયાન આરોપી ઉદય ખાચર સ્થળ પર હાજર મળી આવ્યો ન હતો અને તે પોલીસને જોઈને નાસી છૂટવામાં સફળ રહ્યો હતો. ચુડા પોલીસે દારૂનો મુદ્દામાલ જપ્ત કરી ફરાર આરોપી ઉદય ખાચર વિરૂદ્ધ પ્રોહિબિશન એક્ટની વિવિધ કલમો હેઠળ ગુનો નોંધી તેની ધરપકડ કરવાના ચક્રો ગતિમાન કર્યા છે. આ હાઈપ્રોફાઈલ દારૂના જથ્થાના કેસમાં આંકડાઓ અને આરોપીના નેટવર્કની વધુ તપાસ ચુડા પોલીસ સ્ટેશનના એએસઆઈ (ASI) વી. વી. ગાબુ ચલાવી રહ્યા છે. પોલીસ એ તપાસ કરી રહી છે કે, આરોપી આ જથ્થો ક્યાંથી લાવ્યો હતો અને સ્થાનિક સ્તરે કોને સપ્લાય કરવાનો હતો. આ પણ વાંચો - Surendranagar : કોંઢ ગામે પાવર ગ્રીડ કંપની દ્વારા વીજ પોલ નાખવાની કામગિરીનો ઉગ્ર વિરોધ, ખેડૂતોનું પ્રદર્શન
Read Full Story arrow_forward