Vadodara: પોલીસની હાજરીમાં જ યુવતીએ યુવકને ઝીંકી દીધી થપ્પડ, ઈલોરાપાર્ક ચોકીમાં ભારે હોબાળો
વડોદરાના ગોરવા પોલીસ સ્ટેશન હેઠળ આવતી ઈલોરાપાર્ક પોલીસ ચોકીમાં કાયદો અને વ્યવસ્થાને ખુલ્લો પડકાર ફેંકતો એક સળગતો કિસ્સો સામે આવ્યો છે. પોલીસ ચોકીની અંદર જ એક અરજીના સંદર્ભમાં નિવેદન આપવા આવેલા યુવક પર એક યુવતીએ પોલીસની હાજરીમાં જ હુમલો કરી દીધો હોવાનો ગંભીર આક્ષેપ થયો છે. આ ઘટનાને પગલે પોલીસ સ્ટેશન પરિસરમાં થોડીવાર માટે ભારે અફરાતફરી અને તંગદિલીનો માહોલ સર્જાયો હતો.યુવતીએ ઉશ્કેરાઈને પાર્થ પર હુમલો કરી દીધો મળતી વિગતો અનુસાર, યુવક પાર્થ નામનો શખ્સ પોલીસ ચોકીમાં પોતાનું નિવેદન નોંધાવવા આવ્યો હતો. આ દરમિયાન ત્યાં હાજર ઉર્વશી નામની યુવતીએ ઉશ્કેરાઈને પાર્થ પર હુમલો કરી દીધો હતો અને તેને થપ્પડ મારી દીધી હોવાની ચર્ચાએ જોર પકડ્યું છે. એટલું જ નહીં, આક્ષેપ છે કે યુવતીએ બહારથી તેના સાગરીતોને બોલાવીને યુવકને ચોકીની અંદર જ ધમકીઓ પણ આપી હતી. પોલીસે તેની કોઈ ફરિયાદ નોંધી નહોતી બીજી તરફ, હુમલો કરનાર યુવતી ઉર્વશીએ ગોરવા પોલીસ અને પાર્થ સામે ગંભીર આક્ષેપો કરતા જણાવ્યું હતું કે, તેણે અગાઉ ગોરવા પોલીસ મથકે 7 જેટલી અરજીઓ કરી હોવા છતાં પોલીસે તેની કોઈ ફરિયાદ નોંધી નહોતી. હુમલો કરનાર યુવતી સહિતના શખ્સોની અટકાયત જોકે, ખાખી વર્દીની હાજરીમાં કાયદો હાથમાં લેવાની આ ઘટનાને ગોરવા પોલીસે અત્યંત ગંભીરતાથી લીધી છે. પોલીસે કડક વલણ અપનાવીને હુમલો કરનાર યુવતી ઉર્વશી નાઈ, મનીષ રાઠોડ, આશિફ ઉર્ફે યુસુફ શેખ અને સબ્બીર ઉર્ફે સબો સિકંદર વાઘેલા સામે કાયદેસરનો ગુનો નોંધી તમામની અટકાયત કરી લીધી છે. ભેદભાવના આરોપો પોલીસે ફગાવ્યા આ સમગ્ર હાઈવોલ્ટેજ ડ્રામા અંગે વડોદરા એસીપી આર.ડી. કાવાએ જણાવ્યું હતું કે, પોલીસ પર લાગેલા ભેદભાવના તમામ આક્ષેપો તદ્દન પાયા વિહોણા છે. પોલીસને જે પણ અરજીઓ મળી હતી, તેને ધ્યાનમાં રાખીને નિયમ મુજબ કાયદેસરની યોગ્ય કાર્યવાહી પહેલેથી જ હાથ ધરવામાં આવી છે. પોલીસ સ્ટેશનની અંદર ગેરવર્તણૂક કરનારા તત્વો સામે કડક કાયદાકીય પગલાં લેવાશે.આ પણ વાંચો------ Supreme Courtએ કહ્યું, બહુ ભાવુક થવાની જરુર નથી...કોકરોચ જનતા પાર્ટી વિરુદ્ધની અરજી પર સુનાવણી કરીશું
Read Full Story arrow_forward