Ahmedabad: 1994ના ચકચારી અરવિંદ શાહ હત્યા કેસનો આરોપી ઝડપાયો,2013થી પેરોલ જમ્પ કરી નાસતો ફરતો
અમદાવાદ ક્રાઈમ બ્રાંચે કાયદાના લાંબા હાથનો પરચો આપતા એક એવા ગુનેગારને પકડવામાં મોટી સફળતા મેળવી છે, જેનું નામ સાંભળીને જ ૩ દાયકા પહેલા આખું ગુજરાત ધ્રુજી ઉઠ્યું હતું. 1994માં અમદાવાદની પ્રખ્યાત નીલમ હોટેલમાં બનેલા ચકચારી વેપારી અરવિંદ શાહ હત્યા અને લૂંટ કેસના મુખ્ય આરોપી સતીશ રેલિયા ઉર્ફે ભીખુ ઉર્ફે સંજય ઠક્કરને ક્રાઈમ બ્રાંચે દબોચી લીધો છે. આ આરોપી કોર્ટ દ્વારા ફાંસીની સજા મેળવ્યા બાદ જેલમાં હતો, પરંતુ ૨૦૧૩માં પેરોલ મેળવી બહાર આવ્યા બાદ તે ભૂગર્ભમાં ઉતરી ગયો હતો.શું હતો 1994નો એ ભયાનક નીલમ હોટેલ હત્યાકાંડ?વર્ષ 1994માં આરોપી સતીશ રેલિયા અને તેના સાગરીતોએ લૂંટના ઈરાદે વેપારી અરવિંદ શાહને નિશાન બનાવ્યા હતા. તેઓએ અમદાવાદની નીલમ હોટેલના રૂમમાં વેપારીની નિર્મમ હત્યા કરી નાખી હતી. ક્રૂરતાની હદ વટાવતા આરોપી સતીશ વેપારીનું માથું ધડથી અલગ કરી, તેને એક ટ્રાવેલ બેગમાં પેક કરીને અમદાવાદથી છેક અડાલજ સુધી લઈ ગયો હતો અને ત્યાં ફેંકી દીધું હતું. આ લોહિયાળ અને રૂંવાડા ઉભા કરી દેતા કેસમાં અદાલતે ગુનાની ક્રૂરતાને ધ્યાને રાખીને આરોપીને ફાંસીની (મૃત્યુદંડ) આકરી સજા સંભળાવી હતી.પેરોલ જમ્પ કરી 13 વર્ષ સુધી પોલીસને ચકમો આપ્યોઆરોપી સતીશ સાબરમતી જેલમાં ફાંસીની સજા કાપી રહ્યો હતો તે દરમિયાન વર્ષ 2013માં કાયદાકીય જોગવાઈ હેઠળ પેરોલ રજા પર બહાર આવ્યો હતો. રજા પૂરી થતાં તેને જેલમાં હાજર થવાનું હતું, પરંતુ તે હાજર થવાને બદલે ફરાર થઈ ગયો હતો. છેલ્લા 13 વર્ષથી તે પોતાની ઓળખ છુપાવીને અલગ-અલગ શહેરોમાં સંજય ઠક્કર સહિતના ખોટા નામો ધારણ કરીને રહેતો હતો. ક્રાઈમ બ્રાંચની એન્ટી રોબરી સ્ક્વોડ લાંબા સમયથી તેની પાછળ પડી હતી. આખરે અદ્યતન ટેક્નિકલ સર્વેલન્સ, કોલ ડિટેઈલ્સ અને હ્યુમન સોર્સિસની મદદથી તેનું ચોક્કસ લોકેશન મેળવીને ક્રાઈમ બ્રાંચે તેને કોર્ડન કરીને ઝડપી પાડ્યો છે અને આગળની જેલ ટ્રાન્સફરની પ્રક્રિયા હાથ ધરી છે.આ પણ વાંચો: Amreli: ગામની શેરીઓમાં સિંહે પશુઓ પાછળ દોડ લગાવી, આખા ગામને માથે લીધું
Read Full Story arrow_forward