android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gandhinagar News: સાંતેજમાં વેક્સની ફેક્ટરીમાં ફરી લાગી આગ, 3 જિલ્લાની ફાયર ટીમો દોડી
calendar_today May 24, 2026

Gandhinagar News: સાંતેજમાં વેક્સની ફેક્ટરીમાં ફરી લાગી આગ, 3 જિલ્લાની ફાયર ટીમો દોડી

ગાંધીનગરના ઔદ્યોગિક વિસ્તાર સાંતેજમાંથી એક મોટા સમાચાર સામે આવી રહ્યા છે. સાંતેજમાં આવેલી વેક્સ (મીણ) બનાવતી એક ફેક્ટરીમાં શનિવારે લાગેલી ભીષણ આગ બાદ આજે ફરીથી એ જ ફેક્ટરીમાં આગ ફાટી નીકળતા સમગ્ર વિસ્તારમાં ભારે દોડધામ અને અફરાતફરીનો માહોલ સર્જાયો છે.કુલિંગની કામગીરી દરમિયાન ફરી ભડકા થયા ઘટના મળતી માહિતી અનુસાર, શનિવારે લાગેલી આગ પર કાબૂ મેળવ્યા બાદ ફાયર વિભાગ દ્વારા આજે ફેક્ટરીની અંદર 'કુલિંગ' (આગ ઓલવ્યા પછી ઠંડી કરવાની પ્રક્રિયા) ની કામગીરી ચાલી રહી હતી. આ દરમિયાન કેમિકલ અને વેક્સના જથ્થાના કારણે અચાનક ફરીથી આગ ભભૂકી ઉઠી હતી અને જોતજોતામાં તેણે રૌદ્ર સ્વરૂપ ધારણ કરી લીધું હતું. ફેક્ટરીમાંથી ધુમાડાના કાળા ગોટેગોટા આકાશમાં ઉડતા દેખાતા જ આસપાસના કારખાનાના કર્મચારીઓ પણ ભયના માર્યા બહાર દોડી આવ્યા હતા. અગમચેતીના ભાગરૂપે 3 જિલ્લાના ફાયર સ્ટેશનની મદદ લેવાઈ વેક્સની આગ હોવાના કારણે તે ઝડપથી ફેલાઈ રહી હતી, જેથી સાંતેજ ફાયર બ્રિગેડે મામલાની ગંભીરતા જોઈને તાત્કાલિક અન્ય 3 સ્ટેશનોની મદદ માંગી હતી. અગમચેતીના ભાગરૂપે અમદાવાદ, કલોલ અને કડી ફાયર વિભાગને ઈમરજન્સી કોલ કરીને મદદ માટે બોલાવવામાં આવ્યા છે. મોટા પ્રમાણમાં નુકસાન થવાની ભીતિ ઘટનાની જાણ થતાં જ અમદાવાદ ફાયર બ્રિગેડના બે મોટા વાહનો (ફાયર ફાઇટરો) તાત્કાલિક ઘટના સ્થળે રવાના કરી દેવાયા છે. હાલ અલગ-અલગ જગ્યાએથી આવેલી ફાયર ફાઇટરોની ટીમો અને જવાનો જીવના જોખમે આગ પર કાબૂ મેળવવા માટે પાણી અને ફોમનો મારો ચલાવી રહ્યા છે. સદનસીબે હજુ સુધી કોઈ જાનહાનિના સમાચાર નથી, પરંતુ ફેક્ટરીમાં મોટા પ્રમાણમાં નુકસાન થવાની ભીતિ સેવાઈ રહી છે. આ પણ વાંચો - Gandhinagar : સાંતેજમાં કેમિકલ ફેક્ટરીમાં ભીષણ આગથી અફરાતફરી, 3 શહેરોના ફાયર ફાઇટરો મેદાને

Read Full Story arrow_forward
Ahmedabad News: ધંધુકામાં જીવના જોખમે 'મોતની સવારી'નો વીડિયો થયો વાયરલ
calendar_today May 24, 2026

Ahmedabad News: ધંધુકામાં જીવના જોખમે 'મોતની સવારી'નો વીડિયો થયો વાયરલ

અમદાવાદ જિલ્લાના ધંધુકા હાઈવે પરથી ટ્રાફિક નિયમો અને માનવ જિંદગીની સુરક્ષાને નેવે મૂકતી એક ચોંકાવનારી ઘટના સામે આવી છે. ધંધુકા નજીક આવેલી જાણીતી રામદેવ હોટેલ પાસેથી પસાર થતી એક પેસેન્જર ગાડીમાં ક્ષમતા કરતાં વધુ મુસાફરો ભરીને જીવના જોખમે મુસાફરી કરાવતો વીડિયો સોશિયલ મીડિયા પર વાયરલ થયો છે. આ પ્રકારની જોખમી સવારીને કારણે હાઈવે પર ગમે ત્યારે મોટો અકસ્માત સર્જાઈ શકે તેમ હોવાથી સ્થાનિક વાહનચાલકોમાં ભારે રોષ જોવા મળી રહ્યો છે.ગાડીની અંદર પેસેન્જરો અને છત પર બાઈક વાયરલ થઈ રહેલા આ વીડિયોમાં સ્પષ્ટ જોઈ શકાય છે કે એક ખાનગી પેસેન્જર વાહન અંદરથી મુસાફરોથી ખચોખચ ભરેલું છે. આટલું ઓછું હોય તેમ, વાહનના ચાલકે કાયદા કાનૂનની પરવા કર્યા વગર ગાડીની છત (રૂફટોપ) પર આખેઆખું ટુ-વ્હીલર (મોટરસાઇકલ) દોરડા વડે બાંધી રાખ્યું છે. હાઈવે પર પૂરપાટ ઝડપે દોડતી આ ગાડી પરથી જો આ બાઈક સહેજ પણ સવરીને નીચે પડે, તો પાછળ આવતા અન્ય વાહનો કાળના મોખે ધકેલાઈ શકે છે. ટ્રાફિક નિયમોનું આવું ખુલ્લું ઉલ્લંઘન જોઈને લોકો આને 'મોતની સવારી' ગણાવી રહ્યા છે. અન્ય કાર ચાલકે ઉતાર્યો વીડિયો આ ખતરનાક દ્રશ્યો હાઈવે પરથી પસાર થઈ રહેલા અન્ય એક કાર ચાલકે પોતાના મોબાઈલ કેમેરામાં કેદ કરી લીધા હતા, જે વીડિયો હાલ ઇન્ટરનેટ પર જોરદાર વાયરલ થઈ રહ્યો છે. નેટીઝન્સ આક્ષેપ કરી રહ્યા છે કે આવા વાહનચાલકોને ખાખી વર્દી કે કાયદાનો કોઈ જ ડર રહ્યો નથી. હાઈવે પર વાહનોના ચેકિંગના મોટા-મોટા દાવા કરતી પોલીસ અને આરટીઓ (RTO) તંત્રની આંખ સામેથી આવા મોત ના સાધનો કેવી રીતે પસાર થઈ જાય છે, તેવા ગંભીર સવાલો ઉઠી રહ્યા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Amreli News: લાઠીમાં ગમખ્વાર અકસ્માત બાદ મૃતદેહોને ટ્રેક્ટરમાં લઈ જવાતા જનતામાં ઉગ્ર રોષ
calendar_today May 24, 2026

Amreli News: લાઠીમાં ગમખ્વાર અકસ્માત બાદ મૃતદેહોને ટ્રેક્ટરમાં લઈ જવાતા જનતામાં ઉગ્ર રોષ

અમરેલી જિલ્લાના લાઠી નજીક ગઈકાલે એક ખાનગી બસ અને અલ્ટો કાર વચ્ચે સર્જાયેલા ભયાનક માર્ગ અકસ્માત બાદ સ્થાનિક વહીવટી તંત્ર અને રાજકીય નેતાઓ સામે જનતાનો ભારે આક્રોશ ફાટી નીકળ્યો છે. આ ગમખ્વાર અકસ્માતમાં ભોગ બનેલા 3 કમનસીબ મૃતકોના શબને સન્માનપૂર્વક હોસ્પિટલ પહોંચાડવા માટે લાઠીમાં કોઈ સરકારી કે ખાનગી શબવાહિની ઉપલબ્ધ નહોતી. ત્રણેય મૃતદેહોને ટ્રેક્ટરમાં લાદીને પીએમ અર્થે લઈ જવાની ફરજ પડી હતી. આ સંવેદનહીન દ્રશ્યો સામે આવતા જ સમગ્ર પંથકના લોકોમાં વહીવટી તંત્ર સામે ભારે નારાજગી અને અરેરાટી વ્યાપી ગઈ છે.2-2 સાંસદો અને ધારાસભ્ય હોવા છતાં લાઠી સુવિધા વિહોણું સ્થાનિક રહીશોનો આક્ષેપ છે કે સરકાર દ્વારા ડિજિટલ અને સુપર ફાસ્ટ વિકાસની વાતો કરવામાં આવે છે, પરંતુ વાસ્તવિકતા અલગ છે. અમરેલીમાં રાજ્યસભાના સાંસદ મનજીભાઈ ધોળકિયા અને લોકસભાના સાંસદ ભરત સુતરીયા જેવા બે-બે પ્રભાવશાળી સાંસદો છે, તેમજ સ્થાનિક ધારાસભ્ય જનક તળાવીયા પણ પ્રતિનિધિત્વ કરે છે. આટલી મોટી રાજકીય ફોજ હોવા છતાં, તેઓ લાઠી જેવા મહત્વના કેન્દ્રને એક નાની શબવાહિની સુવિધા અપાવી શક્યા નથી. નેતાઓની આ કથિત નિષ્ક્રિયતાને કારણે આજે મૃતકોના પરિવારોને પડતા પર પાટુ જેવી સ્થિતિનો સામનો કરવો પડ્યો છે. સૌથી વધુ ઉદ્યોગપતિઓ ધરાવતા પંથકમાં જનતા લાચારઆ ઘટનાને પગલે સોશિયલ મીડિયાથી લઈને સ્થાનિક સ્તરે નેતાઓ અને તંત્રની આકરી ટીકા થઈ રહી છે. લોકો કહી રહ્યા છે કે લાઠી પંથક આખા ગુજરાતમાં સૌથી વધુ દાનવીર ઉદ્યોગપતિઓ અને હીરાના વેપારીઓ આપવા માટે જાણીતો છે, છતાં અહીં આવી પાયાની સગવડ ન હોવી તે અત્યંત આઘાતજનક બાબત છે. અકસ્માત જેવી કટોકટીની સ્થિતિમાં આવી અમાનવીય પરિસ્થિતિ ફરી ક્યારેય ઊભી ન થાય તે માટે લાઠીની જનતાએ એકસૂરે વહીવટી તંત્ર અને રાજનેતાઓ પાસે તાત્કાલિક ધોરણે આધુનિક શબવાહિની ફાળવવામાં આવે તેવી ઉગ્ર માંગ કરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward