Gandhinagar News: ખેલાડીઓ સાથે કબડ્ડી રમતા જોવા મળ્યા કેન્દ્રીય રમતગમત મંત્રી મનસુખ માંડવિયા, જુઓ Video
ગુજરાતના પાટનગર ગાંધીનગર ખાતે આવેલા સ્પોર્ટ્સ ઓથોરિટી ઓફ ઇન્ડિયા (SAI) નેશનલ સેન્ટર ઓફ એક્સેલન્સ (NCoE) ખાતે એક અદભુત અને પ્રેરણાદાયી દ્રશ્યો જોવા મળ્યા હતા. આગામી એશિયન ગેમ્સની તૈયારીઓ માટે યોજાયેલા સિનિયર મહિલા રાષ્ટ્રીય કબડ્ડી કોચિંગ કેમ્પની મુલાકાત દરમિયાન કેન્દ્રીય રમતગમત મંત્રી ડૉ. મનસુખ માંડવિયાએ પોતે મેદાન પર ઉતરીને મહિલા ખેલાડીઓ સાથે કબડ્ડી રમી હતી. કેન્દ્રીય મંત્રીના આ જુસ્સાને જોઈને કેમ્પમાં હાજર ખેલાડીઓ અને કોચ ખૂબ જ ઉત્સાહિત થયા હતા.એશિયન ગેમ્સ માટે આ કેમ્પમાંથી પસંદ થશે અંતિમ ટીમ ગાંધીનગરના સાઈ (SAI) સેન્ટર ખાતે ચાલી રહેલો આ કોચિંગ કેમ્પ આગામી એશિયન ગેમ્સ માટે ભારતીય ટીમ તૈયાર કરવાના હેતુથી અત્યંત મહત્વનો છે. આ રાષ્ટ્રીય કેમ્પમાં દેશભરમાંથી આવેલી શ્રેષ્ઠ મહિલા ખેલાડીઓ સખત તાલીમ લઈ રહી છે, અને આ જ કેમ્પના પર્ફોર્મન્સના આધારે એશિયન ગેમ્સ માટેની ભારતની અંતિમ મહિલા કબડ્ડી ટીમની પસંદગી કરવામાં આવશે. ગોલ્ડ મેડલ જાળવી રાખવાનો છે લક્ષ્યાંક ભારતીય મહિલા કબડ્ડી ટીમનો ઈતિહાસ એશિયન ગેમ્સમાં અત્યંત શાનદાર રહ્યો છે. વર્ષ 2023માં યોજાયેલી છેલ્લી એશિયન ગેમ્સમાં ભારતીય મહિલા કબડ્ડી ટીમે શાનદાર પ્રદર્શન કરીને ગોલ્ડ મેડલ દેશના નામે કર્યો હતો. આ વખતે પણ ભારતીય ટીમ પોતાના ચેમ્પિયનના તાજને જાળવી રાખવા માટે ગાંધીનગરમાં પરસેવો પાડી રહી છે. કેન્દ્રીય રમતગમત મંત્રીએ ખેલાડીઓ સાથે સમય વિતાવીને તેમના ફિટનેસ લેવલ અને સુવિધાઓની સમીક્ષા કરી હતી તેમજ આગામી સ્પર્ધા માટે દેશ વતી શુભેચ્છાઓ પાઠવી હતી. આ પણ વાંચો - Gandhinagar News : બકરી ઈદની રજાને કારણે ઉચ્ચ મહેસૂલ લાયકાત પરીક્ષાના કાર્યક્રમમાં ફેરફાર, જાણો નવું સમયપત્રક
Read Full Story arrow_forward